巴巴串

營業中

休息中

估唔到第一次打食評就係打負評除非大家鍾意一場歡喜一場空如果唔係請大家去呢一間餐廳食嘢就算你喺OpenRice book咗你記得即刻打去呢間餐廳度確定記得打去確定記得打去確定記得打去確定如果唔係佢哋係會自己自動幫你取消唔會同你講任何一句說話！唔會同你講任何一句說話！諗住同屋企人開開心心慶祝我屋企人去到拎埋個預約證明佢竟然同我哋講佢哋自動幫我取消咗仲係冇任何訊息電話聯絡我我想問一間顧客都唔識尊重嘅餐廳除非大家鍾意貼錢買難受囉見佢網上面咁多好評一心諗住過嚟嘗試真係一個好差好差嘅經歷經營食肆我知道好辛苦但都冇理由顧客成功預約咗個位你連個電話都冇就自動幫我取消咗個預約！咁大個人責任心呢樣嘢係咪應該都要有呢你仲要係食肆！

整體都好好，食物乾淨，海鮮、肉類豐富，最有驚喜係有好多蔬菜、秋葵、粟米、厚冬菇等、啱晒鐘意又肉又菜，大把選擇，仲有貝殼類（蠔、扇貝、肥美大蜆、靑口）冇沙，冇沙、冇沙、正，最後要贊下D冷盤、麻辣雲耳、青瓜、又有凍豬手！每樣食少少都好滿足，師父好用心準備食材，好好味道，店入面所有都係卡座，店員好積極、好nice，唯一係抽風要改善，食完成日都係燒烤味附身，應該會再幫襯，可以介紹朋友！全部都係卡座！適合4人以下…人多兩小時放題會食得幾急！

平時傳統串燒就食得多 自助既串燒真係第一次食 完全啱哂我呢啲懶人🤣🤣🤣😋😋 餐廳既裝修幾有工業風既感覺 坐位都幾闊落 坐得舒服 適合約埋一班朋友黎開餐🤩 燒野之前攞咗啲前菜熱食黎食 種類都唔少既 有好幾款蔬菜～ 幾令人驚喜既係佢連海鮮都有好幾款 蠔呀 蜆都有 味道都幾唔錯👍🏻👍🏻👍🏻👍🏻 食完前菜就正式開始燒野食啦 肉類方面個人推介: 1) 燒雞翼 - 大大隻啖啖肉🤤🤤 好食到食咗幾輪😹😹😹2）牛柳粒 - 牛柳粒都好推介 因為佢燒完都仲係好嫩滑 唔鞋 肉味都幾濃～ ！！ 海鮮方面試咗扇貝 燒蠔 大蝦等等 同朋友一致覺得扇貝最高質 食得出扇貝幾新鮮 燒得啱啱好 又唔會鞋～ 食完串燒之後以甜品作結呢度既甜品都唔求其嫁 雪糕都有幾個選擇 仲有啲mousse puff 啫喱等等既選擇 甜品質素都令人滿意 淨係puff都食咗好幾舊🙈🙈🙈 感覺上呢到野食質素算唔錯，自助既串燒串好哂又好方便 佢自己係到轉轉轉唔係好洗點理，可以好專心周朋友吹水🤣🤣 一班朋友聚會會再黎的😁😁

#throwback #BirthdayNight.一到12月節目真係多鑼鑼今年生日無咩特別慶祝呀老公話去食放題好啦～我哋今次去食咗特式嘅放題.巴巴串📌 觀塘開源道62號駱駝漆大廈1座5樓C號舖.入到餐廳地方好寬敞呀！一入去無幾遠就見到甜品(雪糕🍦雪條櫃啦)唔單止呀，生食同熟食嘅食材品種都好多架有一個大L型嘅地方都係取食品架！.除咗肉類都有唔少海鮮選擇架！有鮑魚，扇貝，蝦🦐，蠔🦪，鱔等等佢哋好細心架，有個網比我哋放海鮮上去燒其他肉類就放另一邊燒佢哋支簽係配合個爐架一放上就會自動轉動慢慢燒但係火力十足，好快就有得食架啦！！仲有海鮮🦞都非常新鮮架！攸桐爸一路食一路讚呀 👍🏻.我同攸桐爸都食到捧住個肚走～😂😂😂😂.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣🟣環境：🟣🟣🟣🟣🟣地點：🟣🟣🟣🟣.總括嚟講，巴巴串地點都算幾容易搵食材同服務都非常好！坐位寬敞又舒服！一定會再去食呀！！.@HappyBaBaCue@ba_ba_cue••••••••••••••••••••••••••••••#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production

訂咗12月27號晚上7點，提早咗半個鐘去到，6點半入座，理論上食到8點半.我見張單佢寫5點半入座(7點半要離開)我出去問佢都搞唔清楚……後尾證實係侍應搞錯第二枱張單。最後都係食到8點半。我早幾日生日，但係佢話因節日，又冇咗生日九折優惠，仲要每人加多20蚊節日費。連埋加一每人306蚊，有點兒貴。講番食物，不過不失。最驚喜係蒜蓉生蠔同埋蜆，蝦，青口係任食！但之前話有鮑魚送嘅，都冇畀我哋，可能依家冇咗。抽獎抽唔到七折埋單，不過抽到條大魷魚，都幾好味。串燒樣樣食小小，都好飽了，因為食咗好多海鮮。串燒味道係ok嘅，叉燒好林，有少少肥肉，正！不過個爐設計有啲差，凹位之間擺得太密，轉動時會同隔離支串燒卡住，所以會轉唔到。甜品有2-3款類似布甸嘅嘢，仲有生果雪糕雪條(港產貨)，因為太飽只食咗雪糕，其他冇食過，頭盤同其他3幾款熱盤都冇食過，又係飽得滯。侍應態度良好有禮，收碟都好快，見你裝滿垃圾，就好快換碟。 到最後埋單問收銀侍應openrice嗰度點樣用優惠，(我知道係要用恆生信用卡)但佢話佢同openrice冇關係，所以唔知呢樣野,我就用咗google pay恆生信用卡畀錢。(番到屋企再睇下原來要用o

自從熹媽佗住二寶就一直戒口，直到依家終於解禁，第一時間梗係要拆返餐勁👍🏻食熹媽最鐘意ge 放題，今日一放學就帶埋熹寶殺出觀塘黎到-巴巴串食返個串燒放題🍡🍢30+多款ge 串燒等緊你😋牛肉，腩肉，丸類，雞肉，海鮮，蔬菜🥬菠蘿通通都有，作為海鮮控ge 熹媽😍見到都心心眼❤️🧡💛💚蠔🦪，青口，蝦🦐，蜆肉源源不絕送上😋除左串燒之外，餐前小食，冷盤，甜點🍮飲品款式都多樣化，你地睇下熹寶，吃一口就停不了😋揀放題除左食物質素，款式多樣化之外，速度，熱度都好緊要，熹媽講緊上菜速度fill 得好快，熱度-食物ge 溫度,巴巴串放題就做得到

燒烤怕食肉多，但哩間算多海鮮，又有蒜蓉焗蠔又有灼蝦，訂位仲有白鱔食😋員工都有禮貌對客幾好，哩度無酒牌，但可以係樓下ok買上去，自己買啤酒仲抵！但今次掛住食唔記得影食物相🙈

呢排凍凍地，同friend gathering就想食啲暖野。食完好想推介一下❤️👉🏻懶人最啱，個爐自動轉，唔使自己燒，火候啱啱好，好快就有得食。👉🏻一坐低就送鮑魚👉🏻有超過30款嘅種類，包括海鮮同埋肉類。啲肉高質，醃得幾好食個人推介叉燒，台灣腸，帶子，海蝦，牛肋肉，棉花糖👉🏻超多醬料俾你揀又有蜜糖俾你一路燒一路搽，孜然粉都有幾款，最啱我呢啲重口味嘅人。👉🏻熟食都有好多款俾你揀，例如蒜蓉燒蠔，手撕雞，泰式鳳爪👉🏻甜品都好多款，有啫喱糖，雪糕👉🏻 CP值高，我夜晚去任食120分鐘都係$238

觀塘工廈超抵任飲任食懶人串燒 呢間重點係夠平 午市$158 晚市$198 食物種類算多 最最最重要係 唔洗自己燒 每台都有自動串燒轉轉爐 可以坐定定等食（價錢餐牌睇圖）.先講野食 店舖出面有一個幾多野食嘅自助區主要有串燒 海鮮 甜品 炸物 沙律 熱盤 前菜簡單影左一影 自助區⭐️串燒有 雞 牛 豬 蔬菜 丸類 菠蘿 棉花糖等等😋串燒我最鍾意佢哋嘅叉燒 加埋蜜糖燒好正.⭐️海鮮有 帆立貝 海蝦 沙白 青口👍🏻帆立貝 平時買一包急凍少少都百幾 都幾肥美👍🏻沙白蜆 都好大粒 幾鮮甜 唔多沙👎🏻但海蝦肉質有啲霉除此之外 兩位送左 兩隻鮑魚同兩條白鱔👌🏻鮑魚用燒汁煮佢唔錯👍🏻白鱔 個人鐘意用鹽燒或燒汁 可以輕易燒到小脆皮如果想超脆皮 可以加強燒佢塊皮 熟咗之後先塗上燒汁 輕輕烤佢收汁 好好食.⭐️熱盤區有 炒蜆 炒飯 炒菜 蒜蓉蠔.‼️雖然會自動幫你燒 但時間嘅控制 同醬料嘅配搭都好重要個人鍾意⭐️蜜糖加叉燒 ⭐️蜜糖加菠蘿 ⭐️燒汁加帆立貝其實佢地醬料 調味粉 都有10幾款 可以按個人喜好 自行配搭.👍🏻整體價錢好平 食物種類都算多 👌🏻望落店舖空間同台都幾大 但枱同枱之間比較近 🤔出去拎餐時會覺得小迫 同

12/2 本身訂咗呢間餐廳同家人一齊試食，但家人因事遲了趕不上，我早大約10分鐘前打去餐廳取消，有工作人員回覆會幫我取消。但…我今天 12/21 再開 Open rice 發現我是被評為缺席，缺席三次有罰則。通知中寫要48小時內提出反對。因為我明確地通知餐廳，亦收到會取消的答案，我真的不知道要48小時內翻查。很無語。我有諗寫不寫在食評，但最終都決定要寫，希望餐廳員工要重視每個來電，亦希望其他有需要取消的客人或者要注意翻查資料。

🌈串燒種類繁多，仲有我最鍾意❤️既燒賣同棉花糖🤭別外海鮮仲多既，有蜆，蝦，元貝等等～每人仲會有一隻鮑魚送🌈熟食：溏心蛋，麻辣木耳、胡麻醬茄子、炒飯，炒蜆、湯等等…🌈甜品🍮：啫喱，芒果布甸、馬卡龍、朱古力、cake等等….朱古力我覺得好驚喜本身以為係就咁一舊原朱力，但原來入面係有唔同味既果醬❤️另外叉燒我覺得好正，秘製叉燒 總廚自家製醬汁醃製而成所以咁好食😋最緊要係唔使自己動力去燒咁就有得食🤭餐廳空間感大，好舒服😌岩晒一班人黎聚餐慢慢燒仲有啤酒🍻飲返杯先

屋企人建議去試自動串餐廳，就搵左呢間位於觀塘既試一試。剛步入餐廳…..地下痴笠笠都唔緊要見d坐位好似好闊落咁，以為都幾好….點知我哋一行五人去食都係坐4人卡位一個爐頭….眼見其他人兩人坐都係坐同樣size既坐位…一個爐頭唔緊要但細到左邊放完鐵網右邊只能放4串串燒轉，唔好話要食得飽，連每人食到10串都有困難。嘗試問服務員能否俾多個爐，當然係冇。成餐飯都食唔到乜野落肚，仲話放題？唯一可以接受就係飲品多選擇。食物物質真係凍肉舖調哂味……D墨丸、炸物、熱食都好難食，真係唔好相信d好評…去食前真係考慮清楚！

今日半假日，同家姐行街街，原來觀塘的工廈都有好多野買，行完街梗係要食飯啦去到駱駝漆大廈，樓下有好多姐姐派傳單，行到去一座時，見到 巴巴串呢張傳單好吸引，又有串燒，又有海鮮同甜品食，就上左5樓，試下呢間 巴巴串啦坐低之後，職員介紹返枱面有2個桶，一個裝骨和垃圾，一個裝串燒叉，分開放好。另外海鮮放在網上燒，肉就放係架上燒，枱上仲有不同口味的孜然粉可以用之後，就急不及待去拎食物了，凍櫃種類好多，有牛柳條，牛肋肉，叉燒串，雞肉串，雞翼，多春魚不同的丸類，墨魚丸，芝士丸,午餐肉，燒賣等還有蔬菜，粟米，冬菇，多到數唔晒至特別的係有棉花糖燒，真係重拾中學回憶講到回本之選，當然要食海鮮啦，種類不少而且會不停refill，有扇貝，蝦，青口同埋大蜆，每位仲有一隻鮑魚送我就至種意食扇貝，好大隻新鮮，醬料吧有蒜蓉，牛油等不同醬料，可以自己加入去燒熟食方面，雖然款式比凍櫃少，但也絕對有試意，有蒸生蠔，連平時唔食生蠔的我，亦覺得好好食，食左幾隻仲有一啲前菜，小食，沙律等以為淨係近門口有雪糕，雪條作甜品，差啲留左轉去後面，仲有好多甜品同埋冷盤，冷盤有芝麻八爪魚，味付螺肉，中華沙律，泰式鳳爪甜品亦都有好多款，至抵食係

不愛燒烤的我都一定會重訪的店觀塘駱駝漆大廈隱世唔會燒烤小館。環境超chill 座位唔擁擠 而且有精心佈置的vip room。有超有feel 嘅吊燈圓桌位。仲有許多復古美國車牌。餐廳inte 由老闆親自佈置。好有聖誕氣氛而for barbecue嘅過百種食物 海鮮都唔佔少數。蝦 貝 魚類都超新鮮。我這種超級敏感腸胃食都唔會唔舒服。仲有心年糕 菠蘿 棉花糖等誠意之選。餐前喝到慢煮椰子湯 潤一潤 燒肉店超罕有至於甜品櫃應該是女生天堂。水果有鮮甜鳳梨 西瓜 蜜瓜 係冬天食到真的超驚喜呢。甜品並非普通朱古力心太軟等等。而係有handmage 迷你奶油鮮花撻。看到就會心情很好雪糕的部分泰國進口雪糕 好似瞬間移動到曼谷市中心711 最後雖然是限時 buffet 但過左少少時間 員工都唔會惡聲惡氣趕顧客走好舒服嘅用餐體驗。超滿足的一餐呢

🍖 觀塘自助轉轉串燒放題想吃熱辣辣的放題除了火鍋或日韓燒肉外，這次選擇了一間近年新興的自助BBQ式放題，新穎又有創意。💰 2小時任飲任食 無火串燒放題參考價格午市放題 $168/位🍖 客人可在自助串串凍肉燒烤區揀選一串串的串燒，豬、牛、雞、丸類、腸類、菇類及蔬菜及海鮮。蜆、青口、海蝦等海鮮可加上鐵網燒烤。首推店中皇牌叉燒，燒至微焦，入口帶甜，多汁味美。牛柳粒和雞翼串加上孜然粉增添大漠風味都是個人心水之選。🍖 客人亦可按個人喜好，配上幾款秘製醬汁燒烤肉類。個人比較喜歡傳統蜜糖風味，而咖哩醬及泰國酸辣醬更可提升肉類風味。✨ 客人限時內可任選各式串燒，然後放入特製自轉烤爐，無火自轉的烤爐熱力均勻，客人不需要擔心火候問題。在等待串燒燒烤的同時，不妨試試店中的熟食。店內有不少特色小食，蝦片、小酥盒、沙律、燻蹄、炸雞和炒飯等，必定讓大家捧腹離開。🥤🍉 飲品、甜品和水果類店內自助飲品區有汽水，茶類及各式紙包飲品；亦有水果供應，甜品方面則有杯裝雪糕、小凍餅和啫哩。🔸小總結：店內串燒及熟食種類豐富，而且店員親切友善，更設獨房。自助轉轉燒烤頗富特色，性價比高，值得一試。店內串燒及熟食種類豐富，而且店員親切