巴巴串

營業中

休息中

今天是小編嘅慶生🎂🎉🎊🍾🥂 囡囡已經係一週前已經訂咗枱食慶生飯.不過我都唔知佢訂咗食嘜！囡囡約咗我今日下午五點十五分係官塘APM等.我哋準時已經係五點鐘到達.見到佢出現已經五點十五分.跟住佢話今晚慶生飯係我哋之前母親節去過嗰間巴巴串自轉燒BBQ.已經訂咗枱.我哋依家行過去.唔使十分鐘！（🚶🏻‍♂️👉📌巴巴串 (觀塘)觀塘開源道62號駱駝漆大廈1座5樓C號舖） 嗰間係自助串串燒及自轉燒放題.食材款式多.汽水/雪糕/甜品任飲任食.晚飯時段有任食120分鐘及無限時段兩種選擇.還有個兩優惠時段.晚上七點半前離座及晚上八點四十五分鐘入座成人計係收＄218元咋低食之選！

第一次去呢種串燒店，體驗新鮮，不過食落就唔太過癮。單以食物而言都算種類豐富，有魚有肉有瓜菜，其他熟食飲品甜品都唔少。部分食物都唔錯，例如有一款牛肉幾有肉味，所有嘢都新鮮冇雪味，大大件啖啖肉唔孤寒，食物質素算唔錯。但睇相有蝦，是晚就唔覺有，有點失望。但係食呢啲原來要有策略先得。佢個爐嘅設計都幾失敗，可能計錯數，啲一串串嘢成日 kick 埋一齊，本應自動轉就變咗唔識轉。玩咗一大輪之後，無奈試吓隔行放，產能減半都算，原來下面個網都係 kick 住，隔唔隔行都係唔識轉，結果都係要靠手動去燒。燒烤需時，時間已經過咗近半，每人都只係幾串落肚，咁唔係辦法，於是拆晒啲肉落個網度燒，當堂成個賣點冇晒，串燒變咗網燒。如果唔介意呢一點，冇得玩轉轉串燒，都可以一試嘅。

任食呢個飲食文化，我本人真係覺得唔多掂。（純粹因為本人食力有限，宜貴精不貴多）偶爾一班人就冇可避免要遷就一下。我係prefer 食串燒既人 大家傾下計 chill 住食啲多樣化既野，樣樣小小 今次懶人串燒真係第一次，睇住佢自己轉轉下 可以－試既！食物種類都多嘅，其實係BBQ。最吸引係有海鮮 （主力係食扇貝任叫，不過要like 左fb先）其他就好似自助餐咁，出去攞到就有囉！拎既野都係bbq會燒果啲-雞翼、粟米、棉花糖、午餐肉、腸仔、义燒、秋刀魚、紅腸、燒賣等等）以上全部都正正常常合格有餘。我認為只要燒得夠燶夠香脆已經ok ! 海鮮方面就有上面講過嘅扇貝、鮑魚、蜆同青口。熟食同甜品就唔多講啦，通常都好－般 ，特別要提下個酥皮盒🙅🏾🙅🏾可以唔使嘥左個位 雪糕又唔吸引，雖然我都試左佢杯寫左係玄米茶既雪糕（其實係綠茶）佢既packing ⋯唸起都有啲驚😵個蓋好鬆，一打開已經冇其他cover , 放響雪櫃隨意俾人任攞⋯🥴飲品都係⋯普通野啦大概$320 連加－ 自己衡量下啦

串燒種類好多，尤其係肉串勁入味，好正！仲有好多熟食、飲品提供，生日仲有香檳、海鮮免費送無限時放題可以慢慢燒，唔駛急環境乾淨企理侍應服務態度好好，尤其係老闆，wow!

性價比高的燒烤，又唔需要自己轉，值得再去！肉質素唔錯，而且都有好多熟食同飲品選擇！燒菠蘿超級甜，仲可以燒棉花糖，咩年紀人士食都可以！慶祝生日都可以考慮這間燒烤店！

My husband and I decided to go to all-you-can-eat skewers BBQ place, Ba Ba Cue, for valentine's dinner. The restaurant is located very near to Kwun Tong MTR station (5 mins walk from Exit B). You are able to easily locate the restaurant. Its set up is very clean and neat. It took us only few minutes to get seated. We were amazing by this restaurant offering an automatic skewers cooker which is a great invention which we can just sit and enjoy the food while putting all the food and skewers we li

我已出席，當到達時餐廳已有我的電話記錄及安排入座。用餐完畢後，我竟收到email，餐廳取消我的訂座。餐廳在沒有任何通知下卻取消我的訂座令我賺不到Openrice的分數。更令我摸不着頭腦。環境衛生一般，座位間距離很窄，相當擠逼。工作人員不足，很久才行過來執拾。食物一般，沒有介紹「打卡」可免費獲贈焗蠔及扇貝。只是我們看到別人有，詢問店員才知悉。（雖然店內有poster顯示，但被遮擋，看不清。）扇貝和蠔亦要分開打卡才獲贈。整體而言，服務環境食物都有待改善。

之前一直同朋友食開嘅自助串燒轉咗手，咁就諗住一班人約去食下，睇下會唔會保持到上一手嘅水準，食物上冇太大嘅變化，但增加咗一啲唔同嘅海鮮，而且可以落網燒，器具方面嘅調整係有所提高，味道方面就冇太大嘅變化，個人比較鍾意雞肉，鴨胸同叉燒，但食物質素同味道上冇乜特別驚喜，簡簡單單一餐串燒聚會🤓

第 一次去係下午三點，任飲任食兩小時。158＋1＝173.8全場得3枱，又鬆動又夠涼。今次就食午餐，都係兩小時173.8.  但就全場爆滿，變得好大煙好焗同熱。好彩係冬天，夏天真係不敢想像。第一次因為五熟流程，兩小時好快到都未飽，因為燒只雞翼都要去10分鐘多。爐細，燒又需時。好彩仲有D小食，冷盤同甜品頂下肚。第二次去已經飽好多，因為手快左同技巧高左呢度有幾種肉有醃過，但雞翼唔多似有醃，只見到有小小蒜頭碎。新放出黎既更加雪都未溶。第一次有冰鮮蝦同凍蝦。冰鮮蝦燒完好食。第二次無左冰鮮蝦，只有凍蝦。呢度最驚喜係有傑撻撻嘅蜜糖任用，唔似戶外場既溝水稀稀的。同埋有自轉既爐，雞翼，多春魚同蔬果都唔會燒濃。一個隨時又唔駛自己拎飲品野食去郊外霸燒烤爐 又或者 去燒烤場 自己串野食同限一支任品既 好好多。**最近仲新出左二百幾加一 12:00-17:00PM無限時。不錯

這是第二次到巴巴串食晚餐，兩人坐一張枱，枱面寬闊，可以擺放很多食物，食物質素和種類都差不多，今次都是送了2隻鮑魚和扇貝，而今次到最後食了多款朱古力，味道唔錯，不會太甜。侍應生服務好。

最近發現 #觀塘 有間食串燒正野，就係喺 #駱駝漆 呢間 #巴巴串，係一間 #串燒 #自助餐 ，入到黎，坐位好寬敞，最正係兩邊都有得出，可以隨時出去拎野食又唔怕阻住人，正之後食品款式有好多，除左正常既丸類，蔬菜，肉類，仲有係海鮮呀，全部都好新鮮，鍾意邊樣就拎邊樣，返去就直接放上放係機上面等佢慢慢燒，仲有好多醬料可以揀，最正係可以無限量落孜然粉，真係食上癮，勁正當然唔少得仲有熟食，甜品同無限量飲品，真係幾抵食，推介———巴巴串 (觀塘)觀塘開源道62號駱駝漆大廈1座5樓C號舖

懶人自助串燒😂😂觀塘工廈出名多嘢食！想同朋友吹下水食下嘢，巴巴串絕對係好選擇！🤩🤩一入座，每人送一隻扇貝一隻鮑魚！鮑魚新鮮爽口👍🏻👍🏻扇貝肥美鮮甜😋😋like 社交平台 可無限追加扇貝🤩🤩超抵呀！我哋encore 咗好多轉😂😂有好多串燒可以選擇，個人推介係牛肋肉同大蜆👍🏻👍🏻牛肋肉好juicy，好食！😋😋大蜆鮮甜大大隻，好正😋😋等緊串燒個時，可以出去拎熟食同甜品！熟食都好高質呀，有蒜蓉生蠔🤤🤤仲有凍蝦、藍青口、泰式鳳爪、雪糕等！坐位都非常闊落，雖然今日係平日，但都好多人食，所以記得一定要訂枱呀！2小時有啲趕，有得揀無限時放題，星期一至四每位都係$268，同朋友吹水無限時係一定要啦😂😂

今年生日 朋友約我嚟到食串燒入到去 就見到有好多唔同種類嘅食物除咗有串燒之外仲有唔同嘅小食 甜品 同水果👍🏻👍🏻自己燒串燒，唔需要睇火之餘仲可以食小食 同朋友傾偈見到咁上下 就可以食串燒真係開心，又方便而且價錢相宜 生日仲有無限添！呢度嘅服務態度都好好有咩要求 待應都會盡量滿足你refill食物嘅速度 都好快基本上冇空盤嘅情況出現👍🏻👍🏻另外啲小食 亦都會有保溫咁就唔驚啲小食會凍哂同埋 仲有唔同嘅醬汁俾你點串燒添！相信我好快就會再encore😜😜

日式放題就食得多,💰 2小時任飲任食 無火串燒放題真係算新興地方寬躺舒適,大多數都係梳化卡位,每個卡位相隔都有一段距離，唔似其他放題咁逼，完全無油煙味，火力夠大，唔會怕燒極都唔熟串燒種類都算多👍🏼👍🏼，肉類有牛柳粒，雞翼，腩肉，腸仔，燒賣仲有啲蔬菜菠蘿，棉花糖，多士海鮮都有幾款eg 海蝦、青口、扇貝、蜆、多春魚...每位送鮮鮑魚＋白鱔串坐低無耐，店員就送咗3隻鮑魚黎!!可以放係網上燒扇貝串燒自帶旋轉設計真係好方便，火力均勻，唔使成日check住熟唔熟燒菠蘿🍍多汁 勁juicy白鱔好厚肉，燒到外層脆卜卜，入口外脆內軟亦充滿魚油香推薦皇牌叉燒，燒到微焦，油光和肉汁纏繞，看得人垂涎欲滴入口帶甜，多汁味美。牛柳粒幾好食，肉質軟，多汁熟食區仲有芝士焗蠔,正呀~沙律區食太多肉覺得很罪惡,可以食D沙律仲有甜品、冷盤、飲品、雪糕，應有盡有❤️

一個月有幾日，我都鍾意同啲朋友出去食一兩餐大餐聚吓，可以一齊傾偈，又可以一個價錢任食😗其實都幾抵食咖😍生日慶祝更加唔使講🥰當然要食好啲啦😌平時韓燒、日式放題、打邊爐食就得多😏上星期Yuki去咗觀塘新開既韓式無火串燒放題🥓仲要係兩小時任食😍😍😍 @ba_ba_cue 入到去環境，其實好好，每一張枱都好大，亦都會有兩個筒俾我哋裝垃圾同埋籤，所有道具都非常齊全👍🏽仲有燒烤網去俾我哋燒扒類同時令海鮮類🤤巴巴串既自助區都好多嘢食選擇😳有多國熱葷、涼菜、甜品、串燒達30款以上😍😍😍例如蒜蓉蠔、西炒飯、蝦片、泰式鳳爪、涼菜青瓜、炸雞、其他炸物、溫泉蛋等等，真係好豐富😳係啲串燒未熟之前，可以去自助區拎熟食😛唔怕餓親啦😘我覺得最特別嘅係巴巴串用咗秘製醬汁去醃製既豬、牛、雞等肉類🥩神奇嘅係，啲肉都好軟淋淋‼️咬落去又多汁🍖真係幾juicy😳仲有各式丸類、蔬菜🥬等可以喺自助區拎💜當然唔少得海鮮🦞啦，有扇貝、鮮蝦、青口等等🥰而家仲舉行緊特別優惠😏➡️生日月份全單9折💜！價錢亦都相當實惠😍呢個價錢可以食兩個鐘真係好抵😗仲設有15-18人VIP房，獨立空間私隱度高😗價格💰六、日及公眾假期➡️午市放題 成人低至$168星