巴巴串

營業中

休息中

估唔到呢間餐廳嘅串串竟然咁多款選擇！一間餐廳係我朋友介紹我嘅💖真係好多謝佢啊，我諗我真係識咗超過30款唔同類型嘅串燒食物🤪我同我男朋友成日都好鍾意喺屋企樓下食串燒！但係覺得價錢勁貴，仲要食唔飽😮‍💨呢度就好啦，可以自己選擇想食啲咩一個價錢可以無限任食😏我最鍾意就係佢哋嘅腸仔，同埋燒賣，估唔到拎去燒嘅時候係會咁好食！可以自行選擇加入調味料😚佢哋嘅燒烤爐都係特製嘅，每一條都有一個凹位可以放入去Siu，如果想反轉嘅時候直接轉就可以㗎喇！唔怕會焫親隻手！🫶🏻非常貼心。

肉類有豬、牛、雞、羊、鴨、魚，另有丸類、蔬菜等。大致上一般燒肉會食既都有，但無海鮮。食物種類夠多、夠新鮮，飲品都齊。食物質素唔錯，本身已經有調味，自己亦都可以搽燒汁或者落調味粉，會再香啲。牛丸多肉多汁，爽口彈牙，包你食過返尋味。燒棉花糖，棉花糖燒到半溶狀態，仲有拉絲效果添～多春魚燒完後帶焦香，好食！雞翼皮脆肉嫩，肉汁滿滿，逼出血水加留住肉汁。茄子🍆條條燒得質素穩定，唔會太生或者太熟，又入味又腍身。蠔同扇貝吐沙乾淨，食落完全唔會食到沙，可以放心享用。燒完之後流埋汁更加刺激，配埋辣醬、燒烤粉etc. 簡直係perfect match！店入面所有都係卡座，店員好積極、好nice。整體體驗滿意度都唔錯，下次帶埋朋友來一齊聚會先～

晚市無限是任食，都只係$268‼️勁抵！我最驚訝嘅係諗住呢度除咗有串燒就冇其他嘢食，點不知原來仲有好多好多！例如有炸物、小食等等最令我意外嘅係竟然有生蠔😚🟡✨🌿✨🟡✨🌿✨🟡✨🌿✨🟡✨🌿✨🟡✨🌿多春魚同埋牛肉串係我哋refill得最多嘅食物🤭因為我同老公都好鍾意食！我老公仲好似大廚上身，咁樣職場幫我調味。只要加入少少鹽就已經夠晒正✅另外我都好想推介，大家食佢嘅午餐肉！因為切成一𥖁𥖁，感覺邪惡得多真係厚切❤️上次之外，仲有大量肉類可以俾大家選擇，我最鍾意嘅芝士腸都可以無限攞🙌🏻🟡✨🌿✨🟡✨🌿✨🟡✨🌿✨🟡✨🌿✨🟡✨🌿整體嚟講，我覺得真係好唔錯😏超級推介大家嚟呢間餐廳。

環境：🌟🌟🌟🌟🌟賣相：💯💯💯💯💯味道：❤️‍🔥❤️‍🔥❤️‍🔥❤️‍🔥❤️‍🔥服務：👍🏻👍🏻👍🏻👍🏻👍🏻無限時套餐送的海鮮拼盤，such as，扇貝，鮑魚，鰻魚。鮑魚新鮮爽口，扇貝肥美鮮甜，鰻魚又大份，口感又爽滑，而且無咩魚骨。翠玉瓜燒完都既爽脆，瓜味十足。多春魚含豐富蛋白質和 omega-3，可以連皮整條食用，並且非常適合煎炸。貢丸同紅腸都好彈牙，勁有汁廚師腸燒到外皮脆脆底更加好食👍🏻😋蠔燒完都可以keep住個新鮮度，其實真係好厲害，我諗真係直送過來先有咁新鮮既食材。叉燒，燒到微焦，油光&肉汁纏繞，搞到我流曬口水😂😂😂食入口帶甜，多汁，脆，肉瘦得來又好嫩。

朋友話觀塘有間好正嘅巴巴串，見今日去搵佢食飯就同佢去食下串燒😻🫶🏻酥皮卷、脆蝦片❤️食串燒前，我哋就拎咗啲小食填下肚先。呢個酥皮卷幾好味，牛油味好香，酥皮仲有好多層。香口小食梗係要拎呢個脆蝦片，大大塊又脆卜卜可以過吓口癮。🫶🏻海鮮❤️海鮮方面有好幾種，但我最鍾意嘅就係扇貝！因為佢哋嘅扇貝都係好大隻，仲要係幾厚肉嘅，最重要係食落去好鮮甜。🫶🏻串燒❤️串燒我已經唔係好記得自己食咗乜嘢，因為佢實在太多！但覺得佢哋嘅煙鴨胸都幾好食，秋刀魚魚油味香，雞肉嫩而滑，紅腸燒完外脆内軟。午市兩小時任食，星期六日都只係$168🫶🏻

同事介紹呢一間串燒肉！估唔到試過之後,  同行朋友和家人都讚不絕口。🈴️香港小朋友啊！～最鐘意呢度嘅炸蝦片，大大塊，又香又脆，味道淡淡蝦香。佢吔食個不停。其次是燒燒賣，唔知點解佢吔只食呢個魚肉燒賣，食到 Lam lam脷。🈴️我同老公緊係想食海鮮多啦～平時懶得買回家處理。這裏有青口，大蜆，大隻扇貝，鮑魚。所有貝殼類，都非常新鮮，燒一陣晚，都巳經大開哂口，吐沙吐得很乾淨。鮑魚起殼又容易，鮮甜彈牙，又洗得乾淨。其實佢啲肉串，都好好食！因為帶有少少肥肉，燒起來有少少焦香，味道非常唔錯🈵️。

🔸️呢度有好多腸類和丸類選擇，大紅腸，爆汁芝士腸，經典廚師腸，芝味魚餅。。。肉類串燒，帶有少少皮，燒起來很香，少少脆皮。食肉獸們就啱哂！全部一粒粒，方便同朋友分享進食🔶️！🔶️也很多香菇選擇，有日本香菇，大啡菇和金菇，等等！個個都好食，只要一燒，就香菇撲鼻！！！～ 而且呢度有非常多選擇嘅醬汁，有芝麻醬、茄汁醬、咖哩，日式甜鼓油汁。。。大大扇貝配蒜蓉泥，好味到無得頂！仲有蜆，鮑魚。。太多款式～海鮮全部都好新鮮🔸️！

呢間巴巴串係觀塘工業大廈入面，我同老公今日趁住禮拜六還完婚紗順路就過佐黎試下，午市兩個鐘先$168，好抵呀！佢地既肉醃得好好，全部都已經好夠味，燒完就咁食就得，好似豬柳果啲都有叉燒醬去醃，燒到好香好脆，雞柳又有啲沙嗲醬去醃，都好香呀！另外冬春魚都好新鮮好肥，真係好多膏，有幾次燒到爆晒膏添呀😜仲有蜆都係任燒，真係會無沙又夠大隻！呢度既腸仔都係蕭時食果啲添，特別好食🙂呢度既蔬菜都好新鮮架，啲冬菇勁大隻，燒完好爽甜呀，啲太都有幾多款，連麻糬丸都有，爆餡好爽呀！另外仲有呢度係有啲炸好既小食添，佢地既炸麥樂雞同埋炸雞粒都好好食😙好脆又唔會凍晒，亦都唔油膩，串燒未熟果陣食就岩晒啦😁

🔸同班同事傾開計，咁啱講起任食，忽然又講海鮮，串燒，期後講到觀塘有間好好食，佢地講到勁好食囉，咁我就帶埋成家人一齊黎試下有幾正啦🔸無限時套餐送的海鮮拼盤呢度好抵食喎，呢個拼盤係另外送架，裡面有幾隻鮑魚同大片扇貝，拼盤款式唔算多，但都夠我地食，因為出面仲有超多既選擇🔸多春魚之前見放題串燒，除左日本野之外，多春魚都少見，真係鐘意食多春魚既我，又點可以錯過 🔸午餐肉 午餐肉既外皮燒到好香，午餐肉本身味道濃郁，所以唔洗加調味都可以 🔸雞雞肉值得一讚，好嫩好鮮，見雞肉好搶手，每枱都有 🔸雞翼燒雞翼又點會唔好食呢，加蜜糖係最好食 🔸蝦蝦味十足，蝦好大隻🔸調味料出面調味料任取，詳細唔多講，總知係足夠所有人既口味

🏅平時住係觀塘，四圍既餐廳大部份都食過，不過平時好似無留意，原來📍開源道62號駱駝漆大廈1座5樓C號舖，有一間名叫巴巴串既任食餐廳，因為我地平時好怕多人，又討厭等位，想食得舒服啲，一定會簡星期一至四，晚市時間，比較無咁迫🪄呢度其實都好闊落，坐位之間唔會過迫，坐得好舒服既，呢度啲食物都幾多選擇，另外既調味配料都相當豐富 🎈多春魚-多春魚燒得勁香，我地燒到外皮脆脆，估唔到裡面仲有咁多魚春，都幾好食喎 🎈牛肉-加埋醬油醬汁一齊調味，令到牛肉更好味🎈雞肉-雞肉唔差，本身已有醃料，我覺得燒好之後就食得，可以唔需要額外加調味🎈鮮蝦-蝦肉好鮮嫩，燒完外殼香脆，最好添加額外調味會更好食🎈細青口-比較新鮮無腥味，裡面既肉質好有口感🎈酥皮卷-試下呢個酥皮卷，鬆鬆脆脆咁又幾過隱🎈脆炸蝦片-平時係出面買好貴，食太多又會熱氣，係度食岩晒啦🎈茄子-好香好香，好惹味🎈熟食-仲有好多熟食，其實本身都熟咗，如果想再好食啲，加熱食又一樣得

巴巴串放題係一間以串燒為主打嘅日式餐廳，提供無限量嘅串燒、甜品同小食，讓客人可以盡情品嚐各款美食🫶🏻。佢哋嘅店喺市中心繁華嘅商業區，裝潢簡潔舒適，氣氛輕鬆愉悅🥳。佢哋嘅放題選擇非常豐富，包括各款口味嘅串燒、小食、沙律、甜品、炸物等等。🤪其中最受歡迎嘅當屬炭烤牛肉串同照燒雞肉串🙌🏻，肉質鮮嫩多汁，配上獨特嘅調味料，口感豐富而唔失清爽🥰。除此之外，佢哋嘅炸物都係好好味㗎😏一啲都唔會太厚粉。我自己好鍾意食呢一間放題店，燒嘅時候又容易燒，食物嘅款式種類有超級多❤️我媽咪同埋爸爸今次食完都話好滿足呀😚

呢間既串燒放題有無限時，我地就簡佐，串有海鮮拼盤送添！海鮮拼盤😽呢個送既拼盤認真豐富，有大扇貝、鮑魚、魚乾、鰻魚呢啲，我好中意佢地既扇貝，好甜好鮮味，仲要有膏添，好嫩好正！其他拼盤既海鮮都好新鮮，全部都好大隻。仲有啲本身任食既蜆都鮮甜無沙，超正！小食炸物😸呢度另外有啲已經整好既小食，炸春卷呀，洋蔥圈呀，餃子呀，全部都係新鮮炸起無耐，仲會有熱盤熱住，仲好脆好香口，超正！串燒😻呢度任食既串燒都真係好多款，我好中意佢地既腸仔係正宗芝士腸同蜜糖腸，好有細個食既味道呀！另外燒百肉果啲都好正，全部啲肉都肉質好好，勁好食呀！

今日返工OT好晏先收工，同同事就去咗食觀塘呢間任食串燒！我哋8:45之後入座，平日只係$198，價錢相當之抵食。👍🏻串燒方面有勁多選擇！牛丸、雞肉、紅腸、午餐肉乜都有🥰自己好鍾意食佢哋啲牛丸，因為超級Juicy，入面仲有肉汁爆出黎！雞肉其實都唔錯，燒到微微燶，肉質仲keep住嫩。👍🏻熟食都有得食！熟食都有好多唔同選擇，如果唔想燒咁耐又未夠飽都可以拎啲熟食食下，味道都唔錯。👍🏻小食類都幾好食！好鍾意食啲香脆嘅嘢，私心推介酥皮卷！好有層次！又夠酥脆！脆蝦片都幾好食，脆卜卜好似食緊厚切薯片咁。

有好多串燒款式可以選擇，飲品都係自助形式佢會自己轉轉轉 好快就食得😚有泰式雞肉，牛肋條，腩肉，串燒腸仔，連叉燒都有😆串燒菇類，菠蘿🍍蔬菜類，連串燒棉花糖都有🥰🥰仲有海鮮可以揀，有焗蠔，青口，蜆，帆立貝等等，款式都算幾多。仲有甜品櫃，有好多唔同款式嘅蛋糕，仲有雪糕同雪條任你揀。甜品細細粒 可以試多幾款 正😋生日仲有海鮮拼盤送，有鰻魚，鮑魚，雞泡魚乾，扇貝。最後仲送埋一枝香檳🍾️蒲燒鰻魚大大條，鮑魚有四隻又新鮮，雞泡魚乾好適合伴酒，扇貝配埋蒜蓉好惹味。💖💖最抵玩係12-5pm 中午放題仲要無限時食唔洗chur住食🫣好正😝

我，細佬二人中午去食呢個串燒放題。串燒放題，未試過，就去試一試，諗住會有好嘢食。點知？先去拎d炸物，洋蔥圈，食咗幾條，微暖，不太熱，又淋。唔好食。又少選擇，得果幾款，側邊仲有蝦片，都冇興趣再試。主角串燒，都唔多選擇。牛，豬，雞串得一種味，所以只拎咗幾串試食。仲有d紅腸，蜜糖腸，餐肉。放上d串燒在個爐上，一串一串自動轉，自動燒，幾得意。但有d比較大件eg栗米，菠蘿，放上去，佢唔識得轉？太重，所以轉唔到？只燒死一邊。燒到一邊生，一邊孰，所以我只食孰果邊。栗米，蜜糖腸，餐肉味道正常味道，入得口。但牛，豬，雞肉串真係唔掂，好“鞋”。冇咩調味，淡，難食。所以之後冇再拎。雪糕，雪條都只得幾款，幾隻味。冇計，唯有食幾杯雪糕，飲幾包紙包飲品填肚。之後出去再出去買其他嘢食好過。細佬都係食咗好少嘢，因為實在超難食。真係冇下次。$158再加一，兩少時任食。真係唔值呢個價。用呢個價錢加多少少，同區已好多高質素放題任食。什至其他同區的串燒放題，人哋d串燒，炸物款式都多過佢。😣👎