巴巴串

營業中

休息中

平時都一樣咁鐘意燒嘢食嘅朋友，一定要留意一下呢間串燒放題啦！呢間放題食物同飲品種類好豐富！豬、牛、雞、魚、蝦、扇貝、蠔鮑魚、魷魚、青口、芝士丸、腸仔、菇、翠肉瓜、菠蘿等等。最後食物味道平均都有質素，食完一次會再嚟食！

不嬲都知觀塘嘅駱駝漆入面有好多唔同好食嘅餐廳 ，今日就同個friend去試咗間新自助串燒餐廳，一入到去就見到有好多選擇，有我最愛嘅秋葵。佢最特別嘅地方係佢會畀一個串燒嘅爐你，係會自己識轉嘅，你只要放啲串燒上去個爐上面，佢就會自己轉，唔使自己好似去燒烤嘅時候 時刻留意住佢同埋花氣力自己hold住，啲肉會醃埋畀你，唔使自己調味，好啱好似我咁懶嘅人去食🤣 唯一要做嘅嘢就係要自己搽蜜糖🤣🤣除咗有串燒之外仲有一啲自助餐會見到嘅嘢食，例如有溏心蛋同埋甜品，擺盤好靚，分好晒分量畀你，仲有懷舊款式嘅雪糕。但因為今晚主攻食串燒，所以就等下次再嚟試下佢嘅其他熟食。舖頭入面嘅職員都好nice，雖然有限時但係佢哋都唔會喺時限一到就即刻叫人走，加上價錢唔係太貴，位置又方便，下次嚟觀塘會再嚟幫襯👍👍👍

觀塘實在太多嘢食，諗咗好耐食咩好，記得之前朋友食過一間懶人燒烤串串，所以今次就試試，我哋好早去到，所以都唔使點等位。懶人串燒燒烤我就試過啦，朋友介紹話呢一間有好多海鮮食，又有生蠔，大蝦，扇貝，鮑魚，青口…我覺得最好係可以有個燒烤網，啲海鮮可以喺上邊燒，可以嚟炒餸都得😂😂又唔怕跌咗落去，仲可以喺上面加好多醬汁，呢度不得不提就係啲醬汁有好多選擇，連蜜糖都有兩款，我覺得最好食係個沙嗲，所以我所有肉類都會加沙嗲汁，再加埋孜然粉，非常好味。肉類方邊，我會推薦牛肋肉，呢個真係好好食，燒到非常外脆裏面但係好多肉汁，好淋，好有牛肉味。加埋蜜糖出邊直程係脆卜卜。仲有熟食，豉椒炒蜆，呢個正炒得非常入味，仲要冇沙嫁！飲品方面都好多選擇。

依家天氣凍左，成日都想暴飲暴食，儲肥自己黎禦寒😂今日試下呢間巴巴串任食串燒🥰入到黎餐廳，感覺幾闊落，完全唔會一入到黎就超大浸味。食完都冇成身臭晒。食物方面，一坐低就可以自己出去揀野食架啦😍完全唔需要點餐，唔洗等，非常好。食物分左幾個區域，有熟食，有生嘅食物，同埋甜品。非常多選擇。我最中意就係甜品，竟然有一大個櫃擺左好多甜品。另外仲有雪條雪糕個D我最中意就係扇貝，隻隻都大大粒，而且有一大舊燈色嘅膏！燒完好鮮甜！平時去食日本野，叫一隻燒扇貝呢D都要百幾蚊隻架！仲要冇咁大粒，食幾隻都抵番晒🤤拎食物個陣，見到d蜆竟然係識郁架！咁新鮮，就緊係要燒黎食下！粒粒都好大粒架！熟食方面，我就最中意椰子雞湯，非常清甜，而且入面好多一條條嘅椰子肉，好足料呀🥰甜品有好多好靚靚嘅馬卡龍，細細粒，可以食多幾粒試下唔同味。啱晒我呢D中意食甜品嘅人呀🤤

每個星期嘅星期一都係最難捱，不過今日有好西食好開心！今日黎依間係幫襯過幾次位於觀塘嘅巴巴串。餐廳地方大，食物種類都好多，大概分為熟食區、炸物區、串燒區、冷盤區、甜品區、飲品區。熟食—龍蝦沙律酥皮撻—我覺得係餐廳特色小食！外皮酥脆，配搭龍蝦沙律非常滋味。蒜蓉焗蠔—食完會Refill唔洗驚冇得食！串燒—個人最中意嘅幾款串燒係豬腩肉、牛脷、午餐肉、雞翼。其中豬腩肉係無限encore。因為係自助串燒機嘅關係，串燒受熱好均勻。枱上面有三款孜然粉，亦都有超多款醬料可以攞，咖喱、泰式辣醬都有！抹上蜜糖灑上孜然粉，同街上面10-40一串禁美味。海鮮—蜆、多春魚、蝦、扇貝，味道非常鮮甜，啱晒鍾意食海鮮嘅我。冷盤—推薦凍蝦同埋泰式雞腳，必食！

終於都可以等到小朋友學校放假（平日）可以黎食午餐！平日中午時段唔使同人迫，舒舒服服咁食，小朋友又可以安心去拎食物👍🏻食物一般，唔係難食🤭如果可以多啲for 小朋友食既野更好！最重要係員工姐姐好好禮貌👍🏻👍🏻👍🏻

好耐都冇食過串燒啦，其實平時都好少食串燒，串燒放題更係寥寥可數，印象中都淨係食過一兩次，今次難得地專登去試吓串燒放題，嚟到觀塘呢間巴巴串，感覺都唔錯。呢度都唔少嘢食，有唔少肉，同埋有海鮮，每人仲送一隻鮑魚，牛肉粒雞肉都好好食，肉都幾新鮮，係自助串燒，而且個盤會自己轉唔洗手動燒烤，比較方便，不過個盤有小小細，所以可能一次過冇辦法燒太多串，建議燒完海鮮之後拎起個盤，咁樣就可以燒多d。整體而言都唔錯，可以再嚟

今日去了官塘巴巴串食晚餐(用Openrice訂位，送2串鱔魚和2隻鮑魚)，小食種類多，串燒肉類充足，不停補充，還有多款甜點，雪條，雪糕和涼拌小食，煙三文魚沙律等，烤爐熱力夠，食物好快就熟。2小時間充夠，侍應服務好。

政府開放户外燒烤場，假日很難找到不曬🌞又要凉🌬地方，真是一位難求，觀塘(巴巴串)滿足自己要求😆放題式燒烤店舖食物種類多不勝數，’生’燒烤類、熟食、泰式美食、甜品和飲品區。嘩……懶人恩物，將燒烤一串串放上爐火上全自動轉呀轉，和朋友吹吹水，轉瞬間就有得食啦 !泰式前菜~青瓜、青荳、煙燻流心蛋、蝦片、炸蘑菇、八爪魚仔、螺肉、白灼蝦……等，更精是軟殼蟹漢堡飽仔，軟綿綿咬落香脆軟殼蟹少許juicy拌入沙律醬美味😋😋‘生’肉類串燒~先來每人一個新鮮鮑魚，然後自取牛肉粒串、牛肋條、雞柳、豬串燒、雞翼、多春魚....等。丸類串燒，還新鮮帆立貝，鮮甜蝦……食物源源不絕推出，所以淡淡定，必定有得食🤣🤣好大鄉里第一次串燒油炸鬼，出其意外地脆卜卜好好食🥰串燒鮮菠蘿多汁清甜蜜味。熟食~蒜蓉焗蠔濃香味，炒大蜆惹味，鮮甜蔬菜。甜品~種類有很多選擇非常精緻，而且不會太甜，更好是一口一啖😆😆食物各有其美味和特色，能夠吃一round 已經飽到上心口👍👍

懶到飛起嘅我終於搵到唔使自己燒，但係又有得食串燒嘅心情啦🤣😚yeah!!位置好方便！喺駱駝漆工業大廈一期，好易去👍🏼亦都好近地鐵站!!上到去6點左右已經有幾枱坐咗，估唔到上咗年紀嘅人都鐘意🤣下次可以考慮同呀爸呀媽黎！食嘢方面，我哋坐低無耐，店員就送咗2隻鮑魚黎!!可以放係網上燒，好特別!!再出去行咗個圈，即刻攞咗啲串燒返黎🤣佢好多種類，有牛肉，雞肉，腩肉，腸仔，燒賣，仲有啲蔬菜菠蘿，最愛嘅棉花糖，多士都有，連海鮮都有幾款eg 青口，帆立貝!!種類都算多👍🏼👍🏼仲有甜品櫃❤️我基本上都試過哂一次🙈有幾樣係我最鍾意:牛肋條，泰式雞肉，腩肉👍🏼👍🏼特別係牛肋條我encore咗幾次！佢有啲肥，好juicy!!咬落去唔會好硬，有咬口!最緊要快熟🤭泰式雞肉相對健康啲嘅肉類，調味醬辣辣地，好食！！係空檔時間，仲有啲熟食俾你E住肚🤣最愛嘅溏心蛋😍😍係流心㗎!!!!!!!已經好貼心幫你cut咗一半，可以一啖一口!!🙈仲有，勁多蒜嘅燒生蠔，好香口新鮮，唔會腥👍🏼👍🏼高質!!必食🫡另外仲有啲炸物，例如雞軟骨，炸蝦，炸芝士豆腐！熟食黎講，都夠頂住檔🤣最值得讚係，佢地一啲都唔會趕人，我哋掛住食甜品無睇時間，坐超咗

近年除咗海鮮放題/日本放題，近年仲多咗串燒自助放題，唔使一大班人去開爐炭火BBQ先食到燒烤串燒，兩個人都可以喺餐廳度食到！駱駝漆大廈出名多好嘢食，今次就同一個朋友食早場。入到去已經有幾台人食緊，餐廳都幾大，全部都係卡位，坐得幾舒服又闊落，而且啲食物都好豐富！好齊全！一開始首先送咗人頭鮑魚同埋白鱔串我去凍櫃度望一望，已經擺咗滿滿嘅串燒種類：海鮮方面，有蝦有蜆、青口、多春魚牛肉方面：有牛柳串、牛肋條豬/雞：豬腩肉、泰式雞肉、雞翼、台灣腸蒜蓉腸包、油炸鬼、芝心丸醬料超多選擇：有三種唔同味道嘅孜然粉、有泰式醬、蜜糖、蒜蓉、辣椒都有！非常之齊全牛肋條：超有牛味，用黑椒醬醃過，好入味，而且唔會太靭！車厘茄、燒菠蘿好甜！ 食太多肉，一定要食啲蔬菜中和一下白鱔串：好滑，可以燒到表皮焦香金黃，入邊仲係好嫩滑多春魚：香口牛柳：正！肉質幾好! 自己加左d蒜蓉去燒，好正好香海鮮方面，超新鮮扇貝好大隻，而且蜆都好鮮甜！燒完嘅蝦好香！不斷encore 佢地仲有已經熟嘅蝦同埋青口可以食熟食方面都有好多種類，有豉椒炒蜆、芝士焗蠔：都好好食！好鮮甜好精緻嘅蟹子沙律酥⋯好多選擇！最後仲有好多小甜品同雪糕真係好豐富！我覺得

同朋友都未試過自助串燒~ 就決定食下呢間!將串燒放係個爐到佢就識自己轉~唔洗自己燒~張台都好夠大 ~可以擺到好多野食串燒種類都算多,仲有D熟食任君選擇. 但我燒完一轉覺得D串燒普普通通 我朋友話秋刀魚最好食 燒到脆卜卜 我自己就唔太中意食秋刀魚所以無試啦同埋有時串燒位置太窄會逼埋轉唔到 2個人一個爐咁樣燒差唔多 如果人多真係唔推薦仲有帶子同蝦燒 一般般都OK試食左D甜品 PUFFS好食有款有個撻皮係底既好難食 死甜味個馬卡龍都唔好食🫢總捨黎講好普通 試過一次就夠

秋風起 又係想燒嘢食嘅時候啦唔想去郊外既地方燒嘢食搵到呢間係觀塘駱駝漆大廈可以任食串燒兩小時 一於試下 原來呢度唔止串燒任食仲有好多其他小食 有冷盤前菜、凍蝦、青口、炸物 、熱食 、飲品、甜品朋友好鐘意食佢既茄子同四季豆咖喱角同炸雞軟骨都味我就鐘意佢熱食都有焗蠔同豉椒炒蜆當然串燒先係主角 已經串好係雪櫃 想食邊串就拎邊串肉 （豬牛雞） 、蔬菜、丸、連海鮮都有 出面既bbq 都搵唔到添呀 拎左番位就可以自己燒啦可以揀係網上面燒 （海鮮類）或者放係爐邊等佢自己轉轉轉咁燒咁樣燒會燒得均勻d 冇咁容易燶串燒黎講 全部都幾好味 佢有醃製過 特別推薦 义燒肉 豬腩肉 同 雞肉串轉轉轉咁燒 吾會燶 蔬菜類都好好味 最後當然係要食烤棉花糖收尾啦 另外 出面仲有好多調味料枱上仲有幾樽孜然粉 方便一路燒一路調味

在駱駝漆工業大廈，原來有間叫巴巴串的串燒自助放題今晚約咗朋友去呢度食萬聖節餐，我們食得早，餐廳一早準備好哂食物，食頭輪有著數，見到咁多食物都好開胃。😚餐廳以各個自助區形式比大家去拎食物、自己出去揀食物，有串燒串好自己拎，有熟食、飲品種類好多、仲有冷盤、甜品。餐廳中場都有轉食物熟食既焗蠔好搶手、天婦羅、炸蠔都好受歡迎。😉燒肉燒海鮮都好好食，個爐大d就更好，本人都是有點貪心🙈🙈飲品櫃都有成三個，紙包飲品、罐裝汽水、啤酒 都非常之多：另外凍櫃仲放咗好多生果、蛋糕、甜品。最後我仲食左呢個咁得意的雪糕今晚見到咁到食物真係好開心，食得又好豐富，今晚適逢萬聖節🎃，餐廳有用心佈置，有萬聖節的氣氛，總體餐廳食物選擇好多，而且人氣都好旺盛。👍🏻

預祝朋友生日，今次黎到觀塘工廈試下無火自轉串燒放題舖面都幾大，座位非常寬敞😉星期一至五只做晚市，星期六日就做埋午市限時2小時，午市收費$158, 當月有生日之星的話全單有九折，另收加一服務費除左串燒，其實仲有好多野食架，頭盤，熱盤，炸物，水果，甜品，雪糕，仲有飲品任飲（冇酒😌）==========食物種類真係好多，就算大胃王應該都試唔哂😂生果有三款，菠蘿好甜，食完想出去拎已經冇再補充😅飲品有多款紙包同罐裝既，不過冇無糖可樂🙁炸物我自己唔好，所以冇食😅朋友話蝦片好食😙==========前菜有多款細細杯既沙律，中華沙律，酸辣鳳爪，螺肉，八爪魚酸辣鳳爪好好味，鳳爪去左骨，煮既時間剛剛好，質感彈牙😋😋==========凍海鮮有蝦同青口，蝦肉仲係有質感唔會霉，青口就一般==========冷盤有麻醬青瓜雞絲，麻醬茄子，手拍青瓜，蒜蓉豆角，溏心蛋，雲耳，碎蛋酥皮杯，蟹柳酥皮杯，燻蹄，中華冷麵，芝士火腿牛角包，迷你海南雞飯推介有麻醬青瓜雞絲，茄子，青瓜，溏心蛋，燻蹄，非常高質，味道好🤤海南雞飯一定要食，雞好滑，黃薑飯好香😍😍其他唔推介就正常水平或者係我冇食🤣==========熱盤四款有西蘭花炒