川粤時空時尚小廚

營業中

休息中

💯招牌菜💯老壇酸菜魚/麻辣水煮魚/水煮牛雜/香辣小龍蝦/椒鹽鮮魷/黃金蝦/辣子雞/重慶烤魚/奇味雞煲/小炒皇👅👅👅👅👅^_^招牌水煮魚$168生魚片份量都幾多，食落好滑完全冇刺，配料有豆卜、萵筍片、芽菜、蓮藕片及寛粉，例牌份量都好足！啲配料吸曬啲汁，相當惹味，小辣食落好夠味😋如果唔係好食得辣，叫小辣就剛剛好，呢個好抵食呀！^_^泡椒炒牛肉 $128牛肉炒得啱啱好，粉嫩色嘅牛肉一食就知好滑好嫩，唔會過熟，唔會好鞋，而且泡椒令到啲牛肉好香，係有一種麻痹嘅感覺，但係好過癮，加埋香蔥塊爆炒，更加香口，好食！^_^四川辣子雞$168辣子雞係四川川菜嘅一個好出名嘅菜式，依度整得好正宗，每一個雞粒都係一口size，雞肉唔會太鞋，炒得啱啱熟，仲有啲嫩滑，而爆香左嘅辣椒炒落啲雞肉度辣味好重，好香，越食越辣，但係好惹味，食唔停口！配Asahi啤酒🍻❤️‍🔥❤️‍🔥爽！其實香港嘅川菜，真係越嚟越出色！ 🤩 簡直越嚟越享受🥹今次去到觀塘地鐵站附近食，地點好方便，喺巧明街燈位樓上。遠遠就看見樓上的燈籠🏮 好有氣氛啊 🥰

早排係網上識咗個女仔👱🏻‍♀️大家傾計傾咗好耐，第一次約出黎見面👥傾傾吓大家都好鍾意食辣野，咁岩搵到一間係觀塘有一間專門食四川菜，見咁近大家又手住附近，成功約咗佢出來見到環境乾淨都企理，有少少似cafe感覺，舒舒服服，望到好多野擇👀心諗都岩口味，咁我發板叫少少試下，另外每人都叫了一罐汽水「👌四川辣子雞$168」估唔到又真係幾好食，煙韌容易食「👌招牌水煮魚$168」呢個水煮魚夠晒大碟，水煮魚係好入味，麻辣感係融入左啲魚度，有水準好正宗 「👌時尚麻辣鍋$198」幾款夾雜一齊，唔會食到咁悶，絕對可以味覺滿足，辣既口味真係岩晒我地二個人因為太好食既關係🫠我地完全無悶場又無尷尬，氣氛好好，成間舖都好有特式，完全都係用心製作，用新鮮食材🫢好味評分👌👌👌👌👌地點評分👌👌👌👌👌格調評分👌👌👌👌👌

今日老闆話要帶我去見識一下，跟住我問佢食乜，佢懶神秘唔同我講，去到先知道，原來係一間四川菜 ，上咗一層樓梯之後，原來入面嘅裝修 好有古典氣派，粵曲色彩，充滿著四川特色。一坐低佢仲話畀我知，呢一度以前有live band， 如果想聽，就睇下次再有冇緣分啦！因為今日呢度冇🤣 老壇酸菜魚 $168 一上菜，我即刻哇咗～一聲， 兩個人點食得曬呀，嗰碗仲大個過面盤，我搵個湯羹一樓，入面有好多配菜，有豆芽，豆腐卜， 水晶面，黑木耳，花椒，有蓮藕…… 仲有其他好多配菜。 湯底嘅酸辣度搞得啱啱好，好味到我不停不自覺一匙一匙飲起來。 至於 乾鍋麻辣蝦 $148 新鮮彈牙 最後干豆角炒臘肉 $118冬天食個一流，因為有臘腸🤣🤣🤣干豆角索哂臘腸嘅精華，全碟菜簡直絕配。

見到呢個名好有趣，終於搵日去再試下，當天星期日下午差不多兩點，一行6人，一人一個餐我自己叫咗酸菜魚套餐$88紙包熱奶茶或者熱檸檬茶，有朋友叫咗熱咖啡，加咗$4，熱奶茶-茶味比較重個人唔太喜歡等咗一段時間, 酸菜魚終於到，叫咗BB辣，辣到對我來講啱啱好, 亦都唔會太酸，魚無骨，亦都有好多配菜，包括蓮藕、豆卜、雲耳、大豆芽、鹹酸菜，碗飯個人嚟講覺得有啲細😅 如果叫米線嘅話係更加少，食到咁上下問店員係咪有甜品（因為餐牌上面有寫會送），店員就話只係平日供應，依家為咗我哋就整檸檬梳打水俾我哋，但後來又改口整冰粉俾我哋，改做冰粉會開心啲，但係冰粉同樣係好細碗，而且可能即刻整嘅關係，入面有冰塊，但以上種種都可以接受嘅最令我失望嘅係佢原來會收我哋茶錢，同埋一嚟到上ge兩碟細細涼菜竟然要$10一碟，兼收+1服務費，一個lunch set食咗成$100，但呢個價錢一定有更好嘅質素，大家自己衡量🙈

今次帶老公食川粵菜！啱曬麻甩味既我！難得放低屋企人，來到今日可以二人世界，睇完套戲餓餓地，最終係度坐低食！落左單唔洗等咁耐就到啦，坐部賣相都好掂，睇得又食得，係有質素！店員全部都好有經驗，眼明手快做野好熟手，仲有問我地夠唔夠食，估唔到可以咁親民，印象加分 ！我老公都係咁讚話呢間好食唔錯！其實呢度地段都好方便，好近我地搭巴士走！簡單評價一下食物先：柚子骨$108    ———- 特別好食阿，酸酸甜甜柚子骨，讚阿毛血旺$168  ————— 份量足料，d料好入味，難以抗拒既口感 重慶雞煲$168  ————- 最正係雞煲，好正宗之餘又好入味，辣味好過穩，好多雞肉好新鮮，好用心做一道菜 睇得出小店落足料又有心機，最好係真係好好食，又多野擇，味道一定啱每一個！食得辣又啱，食唔到太辣又可以同師父講！我地本身鍾意食辣，加多少少辣真係配合到我地既口味，好細心，一定會再食！

天氣咁凍，當然要食d熱辣辣既野啦，今次壽星女提議去觀塘食川粵時空時尚小廚，識左咁多年既好友，當然話點就點，佢話呢間係朋友介紹，話係好高水準又好好食，見佢信心十足，我地都係等佢推介下好野，其中真係比較出眾既菜式👌🍵四川辣子雞$168好香好辣容易入口💦味道適中，粒粒都好彈牙爽口，呢道小菜超好食🍵招牌水煮魚$168好多魚肉份量大💦麻香好吸引，啲水煮汁非常豐富，好惹味，食過返尋味 🍵乾鍋麻辣蝦 $148呢個小菜好特別💦比較少有既菜色，蝦🦐夠鮮味，辣度剛好呢度裝修有格調💫比起其他四川小店好唔一樣💫坐位同餐具都好乾淨💫我哋都不忘係度狂打卡💫最後我地都話壽星女無介紹錯啦💫一向鍾意周圍食既佢💫個口又咁有要求💫呢間例為好食可再返吃💫難忘既好味💫被我地深深記在腦中

今日奶奶生日，今日一家大細，去咗觀塘海濱花園玩完之後，我就book咗呢間四川菜，貪佢地方闊落，又有家鄉味，姑奶又好鍾意食四川菜。 {{{{柚子骨$108}}}}呢個專登點俾奶奶食嘅 估唔到佢上枱嘅時候，竟然有菊花伴碟，啲肉幾多吓，肉多骨少啱曬佢老人家口味。佢第一道菜就先呢一個，清清地， 啲汁掛喺啲肉 到剛剛好，汁炒得很乾身，又不失肉汁嘅juicy，食完碟底一滴汁都沒有，好食。 {{{{水煮安格斯牛肉$298 }}}}姑奶食到唔停得口，確實又真係幾好味，牛肉味又重，個湯底嘅辣又食得好過癮。 配菜又多， 分量又大，性價比非常高。 {{{乾鍋花菜$88 }}}呢一個呢雖然好普通一道菜，但係佢都炒得好好味。唔錯。 總括嚟講，呢間嘅體驗都唔錯👍

老公話最近喺網上面見到有一間四川菜，個名叫做穿越時空，個名咁得意，咁於是我哋同仔女今日專登嚟到觀塘嘅商廈試下！！食四川菜，老公一向好食得辣，而我食得中挺啦。 好彩呢度選擇多，有辣，有唔辣，又有素，適合唔同人口味。 🍲水煮安格斯牛肉$298🍲四川辣子雞$168🍲乾鍋花菜$88 🐮嗰個水煮安格斯牛肉係我哋非常之推介， 好食到不得了， 牛肉有嫩滑， 片數又多 ，水煮湯底又辣得好過癮， 食到我哋唔停得口🐤 至於嗰個辣子雞呢 ，一上菜我已經知道唔惹少，因為佢啲辣椒 ，足足有半碟， 雞肉好嫩滑， 送啤酒一流🌻 椰菜花係專登 叫畀啲小朋友食，中和一下。

同好姐妹約好左上星期一齊去食酸菜魚，佢話觀塘有間新開嘅酸菜魚，見地點都幾近，食完又可以行下街，就約好食呢間❤️‍🔥🦐乾鍋麻辣蝦 💲1️⃣4️⃣8️⃣乾鍋麻辣蝦都好香麻辣味❤️仲加上粒粒芝麻令到香味更加突出添！蝦嘅顏色色澤均勻，蝦肉鮮甜又彈牙，好正🥰🐟招牌水煮魚💲1️⃣6️⃣8️⃣水煮魚辣油見到都知夠哂辣！不過辣得嚟唔難受，反而係覺得爽呀😍魚肉仲超滑又嫩😆唔會一夾就散，掂呀😉估唔到新開嘅小店都咁好食🤭觀塘又多一個食酸菜魚嘅好選擇啦😆唔洗去到咁遠❤️

成晚好姊妹都係食辣愛好者🥰，啱啱喺觀塘整完指甲就去咗駿業街呢間嘅川菜餐廳度食飯😆估唔到又幾容易搵，餐廳仲要啱啱開張環境好乾淨企理🤩🐮水煮安格斯牛肉💕平時唔係太鍾意魚嘅我見到佢哋竟然會有呢個水煮安格斯牛肉！係我最鍾意食嘅牛肉😍即刻諗都唔諗就叫咗呢個❤️牛肉份量勁多，啖啖肉嘅口感真係好滿足，再加上啲牛肉嘅口感都係好軟腍，一咬啲肉汁同辣汁必晒出嚟，正😚🍊柚子骨💕呢個酸酸甜甜嘅柚子骨都好好食，勁開胃😋🦐乾鍋麻辣蝦💕仲有乾鍋麻辣蝦，每隻都新鮮又彈牙，真係食到我笑哈哈

🤞泡椒炒牛肉 $128🌶 牛肉，非常之有牛肉香味，而且又有四川嘅辣味，所以每一啖，每一片都食得好過癮。坦白講我最鍾意呢一個！！！ 📝辣味中等 🤞柚子骨$108  🌶呢個賣相非常之精緻，雖然係肉食，但係佢面頭揼咗菊花瓣，有另外一番雅緻 。食落去甜酸適中，非常之入味。 啲甜酸汁 怪啲肉 啱啱好 一滴都冇留喺碟度。📝 小朋友最愛 🤞時尚麻辣鍋$198 🌶呢一個呢就可以滿足我哋唔同嘅願望，咩配菜都有。📝樣樣都可以試啲，好味🤞🤞水煮安格斯牛肉$298🌶 我簡直係牛肉迷，去到邊都想食牛肉。呢一度就滿足曬我，有唔同菜色嘅牛肉，我都係第一次食水煮安格斯，估唔到 好食到令我流連忘返，下次我都一定要嗌呢一個。📝 牛肉味豐富 香辣過癮

觀塘原來開咗一間新嘅酸菜魚餐廳叫川粤時空時尚小廚，好耐冇食過川菜啦🌶️，成家人都好鐘意食辣🤭，所以就同埋屋企人一齊嚟食。❤️❤️老壇酸菜魚❤️❤️酸菜超多！好鐘意食酸菜😍但又唔會太酸，酸辣味調得岩岩好，魚肉嫩滑而且又大大塊，一啲腥味都無，仲好開胃🤩❤️❤️重慶雞煲❤️❤️啲雞件份量好多，仲要啖啖肉，加上重慶風味十足，又香又麻又辣，越食越惹味呀😚😚❤️❤️麻辣口水雞❤️❤️見啲雞咁正，唔夠食，唯有叫多一個麻辣口水雞，口水雞啲雞肉都唔會鞋！一流！加上麻辣油十足，食得好滿足😋

食物評分:.ᐟ‪‪‪.ᐟ‪‪‪招牌水煮魚: 🌕🌕🌕🌕🌕.ᐟ‪‪‪.ᐟ‪‪‪干豆角炒臘肉:🌕🌕🌕🌖.ᐟ‪‪‪.ᐟ‪‪‪麻辣口水雞:🌕🌕🌕🌕🌕食物評價:三樣嘢裏面，我自己就覺得水煮魚同埋口水雞係最好味！如果真係要我揀一樣嘅話，肯定係水煮魚🤭因為我本身自己都好鍾意食魚💖而且呢度嘅魚肉鮮嫩分量多。水煮汁夠麻又夠辣👍🏻相對上口水雞就失色左少少。可能因為我食咗水煮魚先，所以就覺得口水雞個味道冇咁辣！不過同樣要讚嘅係一樣都係好嫩口。雞肉嘅份量都好多！最後就要點評捚個臘肉啦！臘肉其實都好好食㗎！只不過係其他嗰兩樣嘢更加出色😂。炒出嚟嘅豆角同埋臘肉唔會話好油膩👍🏻

👍🏻食物有水準，價格合適，份量足夠。👍🏻職員有禮，地方整潔。水煮安格斯牛肉$298😋我同我家姐都好鍾意食水煮牛！不過我哋成日去出邊食飯，都會淨係食到肥牛嘅質素🙂今日呢一間餐廳好有誠意用咗安格斯牛肉片，食落口真係零舍唔同蔥牛肉味勁多。干豆角炒臘肉 $118豆角炒得好香，整體來講調味剛好。唔會太鹹拎嚟送飯一流。一啖臘肉片一啖豆角一啖飯🤭麻辣口水雞$98口水雞集合👉🏻麻、辣、鮮、香、嫩、爽於一身，確實係令我哋讚不絕口。第一次食到咁滑嘅口水雞。而且味道好濃。🐇🪄💗•¨•.¸¸🐇🪄💗•¨•.¸¸🐇🪄💗整體評分：⭐️⭐️⭐️⭐️⭐️下次都會再嚟！餐牌上面有好多唔同款式嘅食物，如果有機會每一款都想試吓。

觀塘呢間川菜館真係食川菜既新蒲點呀！勁多款式既菜式，仲要每樣都好食，超高質！我地先試$98既麻辣口水雞，絕對無呃錢呀！口水雞未去到好辣，但係又麻麻地，雞肉好嫩，啲皮好滑，仲要好入味，每一啖都有麻辣味，仲有啲芝麻，好香濃好好味(≧▽≦)中意食蝦既我地再試埋$148既乾鍋麻辣蝦，成盆都係蝦，好正呀！啲蝦仲要唔細隻，用辣椒爆香，充滿濃濃既辣味，加埋芝麻既香，爆惹味，仲有蓮藕依啲配料，好豐富好好味(^o^)食得川菜緊係要試埋$168既老壇酸菜魚，酸菜魚真係好大盆，魚片係激多，好好好抵食！魚片仲要每一塊都又厚又嫩，魚味又濃，好新鮮，湯底唔會過酸過辣，花椒帶出既麻度仲好適中添，真係好出色，成班朋友一齊食會好開心(^з^)我地另外試埋$118既干豆角炒臘肉，呢個係一個好充滿鹹香嘅菜式，干豆角鹹鹹哋，臘肉都係，咁但係豆角會有啲少少酸，再加埋辣椒去炒，真係好惹味好濃味超好食(¯︶¯)