川粤時空時尚小廚

營業中

休息中

🥣🐟🌶️觀塘足料川菜▫️茶錢$8/位，可選香片/普洱▫️涼菜$10/碟 （是日係咸嘅芽菜）▫️openrice 訂座有9折 ☑️ 老壇酸菜魚（例牌）- $168例牌嘅份量都吾少，足夠2-3人食，魚片嘅數量十分多，鋪滿左整隻大碟，係食過甘多次酸菜魚最多魚嘅一間，魚片好滑冇骨。除左魚片，配料都有好多款，有2粒豆卜，少量寬粉及芫荽，及大量萵筍、芽菜、雲耳、蓮藕。至於個湯都吾錯，叫左少辣，吾會好辣但酸香惹味，吾係我食過最好味嘅一間，但性價比幾高。🆗黃金豆腐 -$68我好中意食椒鹽豆腐，但呢到嘅黃金豆腐就有少許令人失望。雖然有炸蒜，但佢嘅椒鹽一d味都冇，令到淨係得豆腐同喼汁味。但豆腐係合格嘅，細細粒，都做到外脆內滑，份量都足夠。☑️乾鍋花菜 - $88呢個有個火係下面熱住，令到椰菜花吾會變凍，同時有焦香感，成鍋都好香辣惹味，椰菜花份量足夠，唯比較油及肉較少。如果可以多d肉就prefect，但係所有配料都好索汁。

觀塘覓食,想搵間中菜又唔想去酒樓 ,搵到呢間個名咁特別叫 ”川粵時空”可惜,同行朋友仔有個唔太食得辣,所以叫晒BB辣,廚房真係做到,朋友仔都食到,大家開心！老壇酸菜魚 叫左大盤,魚嘅份量都算多,湯底好味,下面有蓮藕芽菜薯粉底 $298切到細細粒嘅涼拌魚皮,夠曬爽脆 $68 涼拌皮蛋 $68豉椒炒鵝腸 $128最後朋友都要選個完全唔辣嘅菜膽雞 $168甜品叫左半打鴛鴦饅頭有炸有蒸 $48 兩碟前菜 $20 大青島 $38/支 茶位 $8/位 有加一

❤️❤️❤️❤️❤️❤️❤️❤️❤️❤️❤️❤️❤️❤️❤️難得可以係一個咁舒適既環境食返一餐川粵菜，食物性價比又高，而且現場仲有音樂聽，夠哂chill~😎😎😎😎😎🥰麻辣口水雞$98麻辣口水雞一定係川菜店必叫嘅，超級大碟，雞肉都好滑，上面仲鋪咗一層厚厚嘅辣椒醬，見到已經流晒口水。我個人覺得好好食，但係朋友就食到流晒汗，佢話見到我面不改容咁樣食，先至知道佢唔算係食得辣嘅人，質感啱啱好，亦都好大碟。呢間嘢抵食，一定會再嚟！🥰干豆角炒臘肉 $118臘肉沒有想像的乾和鹹，同廣東臘肉不一樣，這款臘肉食落有汁，而且肉質鬆酥，鹹度剛剛好。干豆角乾身煙靭，把所有辣汁都吸收了👍🏻👍🏻😋豆漿豆味重，好濃郁，好飲！❤️❤️❤️❤️❤️❤️❤️❤️❤️❤️❤️❤️❤️❤️❤️

最近聽朋友講，佢話觀塘開咗一間四川菜，辣到好過癮，於是佢專登帶我過嚟一齊試菜。一入去到門口，見佢冇咩特色，本來平常心，但一坐低 食落先知道廚師功架！！！ 老壇酸菜魚 $168我吔一來就叫咗佢，非常之大盤， 我第一啖就飲佢啲湯底，酸酸辣辣，味道配搭得非常之好，我輕輕撈一把，裏面有好多魚肉，每塊都白雪雪，好厚肉。 酸菜嘅莖好脆口多汁，酸甜適中。湯底嘅花椒同胡椒粒多，好香又唔油膩。湯底入面仲有其他配菜，非常之豐富。 四川辣子雞$168， 主角嚟啦！呢個係我哋又唔係太食得辣，但又想試下呢一度嘅功夫，所以叫咗呢一個。哇-- 辣得好過癮！！！！ 乾鍋花菜$88， 最後一道菜係做呢一個，終於可以回歸平靜啦🤣🤣🤣

疫情咁耐，已經好耐冇見啲朋友啦！今日專登約埋曬啲朋友，同埋佢嘅屋企人，一齊出嚟聚一聚 ，大家都想搵個坐得舒服啲嘅餐廳，easy啦！我就揀咗呢一間呀。😛 • 泡椒炒牛肉 $128和水煮安格斯牛肉$298， 呢兩個唔錯，辣度中等℃或以上， 但又唔會cover 牛肉味，因為佢都好重牛肉味。 味道調配到出色。 • 柚子骨$108專登呀返一樣唔辣嘅燉返勻，呢個甜酸排骨真係好好食，肉質鮮嫩，又厚肉，一口切，方便入口。😛 • 時尚麻辣鍋$198  呢一個係侍應推介，可以讓我哋每樣都試啲，又有鮮蝦，又有蔬菜，食落真係唔錯。• 四川辣子雞$168，個個都話唔食得辣，但個個都食唔停口， 無他！因為佢真係辣得好過癮，同埋佢切到啲雞丁一口一啖，真係不知不覺食曬。

ʕ•̀⤙•́ ʔ實不相瞞，其實我從來都冇食過川菜。不過我好鍾意食辣嘢😳我成日都俾啲同事笑我竟然冇食過四川嘢就話自己鍾意食辣😅⋆⸜♡⸝‍⋆今日真係好多謝同事帶我嚟食一餐咁正嘅四川菜🙊我哋五個人叫咗四川辣子雞、招牌水煮魚、乾鍋麻辣蝦，幾碗白飯同埋可樂🙊👉🏻四川辣子雞:我啲同事話原來辣子雞係去食四川菜必點嘅菜式🙌🏻 炸過嘅雞肉丁焦香四溢，啖啖肉，唔厚粉。👉🏻招牌水煮魚: 辣而不燥，麻而不苦，魚的質感細緻嫩滑。原來一份水煮魚會落咁多花椒，而且都幾香口。👉🏻乾鍋麻辣蝦:份量都幾多，而且好入味🥰，夠麻夠辣，越食越上癮！我哋直程打包左一份返公司下午茶。

⚪️上完畫班，同幾個學生一齊搵野食，上網睇到一間食川菜，就咁睇好似好得，行上去睇有咩食先再算，呢度都近地鐵，位置方便，環境優美，一致同意食呢間，呢度靜靜地幾舒服，枱面好乾淨，價錢方面都好便宜合理⚪️分別食咗⚪️麻辣夫妻肺片$98⚪️麻辣口味好正宗，味道質素都唔差，師父好有料，好快就清曬一碟，好搶手，之後再試吓⚪️毛血旺$168⚪️辣度剛剛好，啱曬鍾意食辣既我地，辣得來又入到口，食得夠飽肚又滿足，⚪️重慶雞煲$168⚪️呢個真係值得介紹，真係非常好食，我平時都煮唔到佢呢種，真係要係度先食到，最重要每一道菜既擺設都好精心，賣相有心機，每一道菜都係手機食先，人人食到肚腩滿滿😋食川式野唔少得一定要配上啤酒先更入味，食完之後仲要傾多陣計先埋單 呢間環境裝修都好新淨👍🏽偷聽到原來廚房師父係呢行做咗十年有多，唔怪得咁好食啦🤫平時我好少係度寫評語，呢度真係成功吸引到我比食評☺️推薦 😊😊😊😊😊品質 😊😊😊😊😊環境😊😊😊😊😊衛生 😊😊😊😊😊禮貌 😊😊😊😊😊

👩🏻:肥佬，今晚食咩？👨🏻:落樓下食囉！初頭聽到我老公話落樓下食已經冇咩mood🙂估唔到行耐少少去到駿業街竟然有一間川菜小館，門口都幾多人買外賣。我哋就抱住試伏心態行咗入去，結果讚不絕口咁出返嚟😅四川辣子雞👍🏻👍🏻👍🏻👍🏻👍🏻，真係好好食嘅辣子雞！睇到佢勁多辣椒就好開心🥰我老公以前唔係好食得辣㗎，但係而家成日陪我食，所以越食越辣🤭佢都話個辣子雞肉多，夠麻。老壇酸菜魚👍🏻👍🏻👍🏻👍🏻👍🏻，好好笑！其實我老公以前都係唔食魚🤣 記得生大仔入產房之前就係食咗酸菜魚做最後的晚餐🤣從此以後酸菜魚對於我哋嚟講就有份情意結😳仲記得當時我老公話原來酸菜魚咁好食！呢度嘅酸菜魚魚肉鮮嫩，厚薄均一，入味有多配料。一定要飲啤酒🍻，咁先夠gur🤣同埋冇帶屋企嗰兩隻小魔怪就可以飲多少少👍🏻

朋友知道我中意食川菜，係觀塘番工既佢今日就帶我黎呢間川菜館食飯，超正既介紹！我地叫佐麻辣口水雞($98)🐣估唔到呢度嘅口水雞係咁大碟，有成半隻雞咁多，超級抵食🤩麻辣口水雞好香，麻辣咪好囉，有好多芝麻好香，辣椒同埋辣油令到啲雞肉好入味，雞肉全部都煮得啱啱熟，皮嫩肉滑，超香超好食。另外我地叫佐時尚麻辣鍋($198)🍲呢個麻辣鍋係一個干鍋，每一樣材料都爆炒到好香，係加埋辣椒一齊落去爆炒，所以啲辣味入晒落啲食材度🌶️啲蝦就好新鮮好彈牙，午餐肉都好好味，另外蓮藕毛肚椰菜花嗰啲都好香，成個都係香口惹味之作！

今日叫乜食❓ 🤭今日食川菜🤭呢間川菜餐廳係朋友介紹我嘅，之前同朋友已經食過一次，今日帶埋老公同叔仔嚟已經係二訪😳始終叫兩個男人嚟食得多嘢啲呀嘛😆.･ﾟ🌙✨.･ﾟ🌙✨.･ﾟ🌙✨.･ﾟ🌙✨.*･ﾟ1️⃣毛血旺$1682️⃣泡椒炒牛肉 $1283️⃣乾鍋麻辣蝦 $148.･ﾟ🌙✨.･ﾟ🌙✨.･ﾟ🌙✨.･ﾟ🌙✨.*･ﾟ我哋一人叫咗一樣，自己最鍾意食嘅嘢share 😌我自己最鍾意就係食毛血旺！呢度嘅毛血旺分量十足，一張枱就已經望到有有勁多入味嘅鴨血🫶🏻等我放入口😆麻麻辣辣，係我喜愛嘅口味。老公就鍾意食泡椒牛肉🥳我成日其實都會喺屋企整俾佢㗎，不過佢話呢度整得好味過我整🤣我心諗梗係啦人哋係大廚🤨 牛肉重牛味又多泡椒😍叔仔話新一年嘅第一餐就一定要食麻辣蝦，寓意我哋今年一齊笑哈哈🤪我喺呢度都祝大家每一日都笑得開開心心😚蝦肉彈牙又夠辣，份量都幾多👍🏻

上星期日同屋企人去咗《川粤時空時尚小廚》，雖然係新開張食物味道同食材質素都好好👍🏻好耐冇食過咁好味嘅辣嘢啦❤️‍🔥❤️‍🔥❤️‍🔥今日唔想食酸菜魚，所以叫咗個毛血旺，太耐冇食鴨血！今次要大食特食，食返夠本😍估唔到佢哋嘅鴨血質素好高，口感滑之餘仲吸收晒麻辣嘅精華，好正！呢個麻辣夫妻肺片係我最鍾意食小菜，因為佢麻同埋辣香味，超級濃郁，真係會令人一試難忘😆仲有泡椒炒牛肉都同樣出色，雖然佢食落冇咁麻，但係嗰種辣味都係令人難以忘記嘅香味🥹，仲要啲牛肉份量好多，每一啖牛肉都係好嫩的🐮

🔅毛血旺🔅具有麻、辣、燙、鮮、香於一身！鴨血份量好多而且仲要幾足料，當中才料有大腸、牛栢葉、芽菜、鴨血、木耳等。價錢為$168🔅麻辣夫妻肺片🔅依家市面上嘅肺片實為牛頭皮、牛心、牛舌、牛肚、牛肉，而唔係真係用牛肺、豬肺🤣夫妻肺片片大而薄，粑糯入味，麻辣鮮香。最緊要唔腥😌價錢為$98💬我同男朋友食左一餐好滿足嘅晚餐🤭我哋成日都好想食一啲川菜，但係奈何我哋兩個都唔係好食得辣。呢間餐廳為咗配合香港人嘅口味，特登將味道調製成麻比辣多。💖餐廳職員亦都非常貼身，為我哋介紹餐牌。入咗一坐低就已經安排好熱茶。值得再來。

@老壇酸菜魚 $168 第一個重頭戲，梗係嗌返個 酸菜魚啦，因為佢勝在夠大碗，夠睇頭，一邊有魚肉，又有配菜，大家一齊撈下！撈下！ 好多回憶都就返曬出嚟！！！ 配菜方面 佢又我要鍾意食嘅蓮藕，豆卜，豆芽，全部索曬啲酸辣汁，好。。好。。味。。 @重慶雞煲$168 一個辣字，我哋食到標曬汗，好過癮， 雞肉好嫩滑，分量又多。 @麻辣口水雞$98 呢個專登叫嚟助興，因為麻辣 超滿曬喺雞皮度，每次一“倫”啲雞皮，麻麻痺痺 就最過癮啦！ @王老吉，我哋嗌咗一打，下吓火嘛！古老涼茶～～～ 今日有個👫👫老朋友喺加拿大返嚟香港，專登探我哋，我哋就揀咗呢一間同佢食，果然無令佢失望 ，佢好開心可以食返香港嘅味道。。。 餐廳評分：🍎🍎🍎🍎🍎

返工真係好辛苦，我要食下辣野減壓加發洩🥹，有得食辣我就好開心！觀塘呢一間新餐廳環境好好，食物質素仲好高🥰🐮🐮泡椒炒牛肉🐮🐮 價錢:$128💰泡椒炒牛肉食落肉質軟腍超級入味！我同朋友越食越上癮，食到停唔到口，不過佢啲泡椒真係好辣，但我又好鍾意食！❤️❤️毛血旺❤️❤️價錢:$168💰毛血旺都好推介大家嘅一試，呢個價錢咁平，仲要大大份真係唔知邊到食到，加上佢嘅鴨血都係好多，而且仲有大量嘅配料做配菜，夠晒豐富又好味。🐔🐔重慶雞煲🐔🐔價錢:$168💰就連雞煲呢到都好出色，件件雞件都係啖啖肉，同埋佢哋好有重慶風味，夠晒麻同辣！食到我大汗滴細汗，但估唔到可以咁惹味，正呀😍

黎得食川菜有啲菜式係一定要試既，試完就知呢間川菜館正唔正宗，呢度就絕對無令人失望啦！乾鍋花菜$88既一個鍋，成個鍋以花菜為主，花菜好新鮮好爽口，啱啱熟，另外仲有啲豬肉片配埋一齊炒，加埋辣椒好香好入味，成個乾鍋唔會太辣，辣味係啱啱好，越食越想食😍老壇酸菜魚$168一盆，呢個價錢非常之抵，因為真係超大盤，上枱淨係會見到全部都係魚片，啲魚片係魚肉好實，唔會一夾就散，但係都仲保持到好嫩滑，成個湯酸味辣味同埋麻度都啱啱好，我一路都好想繼續飲個湯，仲有啲菊花碎喺面，感覺更加清新，加埋其他薯粉依啲配料，好正好好味😘泡椒炒牛肉$128一碟，牛肉嘅份量好多，而且係粉紅色嘅牛肉，一睇就知係啱啱炒熟，好嫩口好好味，泡椒都好多，所以麻度啱啱好，再加埋香蔥薑片呢啲香料去炒，超級香，惹味到爆🥰