川婆婆 (利園山道) (已結業)

來到銅鑼灣行完time Square，難得知道銅鑼灣有川婆婆食,當然要試啦。想食辣野朋友推薦就來到這間川婆婆餐廳。這間餐廳裝修很明亮，應該是開了不久。我們分別點了麻辣腩肉豬耳魷魚鬚紅薯粉，中辣的飄香水煮魚飯。和一支桂花綠茶。紅薯粉煮得幾好，煙煙韌韌，個湯底都唔錯，麻辣味都好夠，只係腩肉太碎，有些只有肥膏，有些只有肉，得一塊正常，其他豬耳同魷魚鬚係ok。水煮魚飯配料好豐富，大豆芽同海帶係好多，只係魚片量偏少而且都多細骨，食時要注意，味道係唔錯既，但中辣都唔算太辣。桂花綠茶好大支，桂花味重，茶味濃郁非常消滯，只是偏澀身，喜歡清茶的人要注意。

黑洞雖然唔太食到辣🌶但其實少少地又幾鍾意😂琴日去食呢間正宗川菜款式選擇多⭕️價錢唔貴 -🔸酸菜魚（$73）平時酸菜魚都係一大碟要一班人分呢到一人份就可以隨時食到😎用嘅係新鮮無骨生魚🐟啱晒懶人黑洞😬酸菜 蓮藕 豆芽配料份量好多白飯飯量仲可以自由揀🤘🏻-🔸粉麵套餐（ $48）跟餐自選三個餸👉🏻腩肉 甜不辣 墨魚丸 腩肉堅大嚿肥肉🐽甜不辣同台式食法唔同🤔就咁烚似魚蛋🙈墨魚丸中間真係有墨魚絲🤭Btw怕食唔黎嘅朋友仔可以跟黑洞揀👇🏻麻辣湯底BB辣🤏🏻少紅油 -🔸反斗蝦膠豆卜（$48）呢碟有驚喜😯冇諗過咁好食💕外層豆卜超脆 包住大大嚿蝦膠🤤口感爽彈 一份仲有8粒👏🏻-🔸麻辣鴨血（ $32 ）鴨血唔算太吸汁🤨黑洞揀咗小辣都可接受✅-🔸上湯皇帝菜（ $22 ）食咁多肉推介大家食番個烚菜🥬唔落辣 清清地balance吓😗-🔸荔枝伯爵紅茶/玫瑰紅茶（跟餐+$15 ）黑洞私心推介‼️食辣野飲冷泡茶perfect池前者伯爵茶味較出 唔太飲到荔枝味反而玫瑰好清香🌹啱女仔口味-P.s 溫馨提示⚠️食辣野真係唔好揀熱茶☕️到時真係會食到噴火🔥

粉麵套餐 ($𝟺𝟾) 套餐可以揀𝟹個餸，湯底，粉麵 今次揀左麻辣湯底(中辣), 特色火鍋粉，午餐肉、肥牛、豆卜 湯底偏向香辣多過麻辣 中辣岩岩好 唔會辣到係咁飲水 個特色火鍋粉好好食 好煙韌 啲麵好吸湯 好正 食得好過癮 餸菜都好多 如果午餐肉前香啲更好

🌶酸菜魚配白飯 $68🍚平價版酸菜魚🌶勁大碗🍲好足料！雖然只係$68，但份量好似$168咁🤣除咗🐟仲有娃娃菜、芽菜、蓮藕、海帶絲🤩啲魚好似食極唔完，每舊都多肉少骨😍好食嘅程度係可以令你食哂成碗白飯🍚🍜自選粉麵3餸 $42🥣湯底：麻辣湯底少辣。🥩餸：肥牛、午餐肉、鴨血粉：紅薯寬粉🍜個人認為酸菜魚較好食😅佢嘅鴨血冇乜味 牛唔夠嫩 不過紅薯寬粉就好彈牙 麻辣味未夠出 少咗一陣花椒味 但係呢一個價錢可以接受😌不過不失啦🥢涼拌萵筍 $28好爽口 麻辣味幾香 但係唔夠辣🌶下次應該嗌中辣先啱🤣🥟紅油抄手 $38呢個好失望 完全做唔到紅油抄手嘅感覺 根本就係雲吞黎😑🥤金鳳烏龍茶 $15係佢嘅自家樽裝茶 但係實在太貴 用茶包都要$15😑😑會否有點hea...

自從無係尖沙咀返工 好耐都冇食過川婆婆因為尖沙咀得外賣 無堂食㗎所以見到銅鑼灣開咗分店 仲可以堂食 超開心😍一入到舖頭就聞到好香嘅辣味 食辣既朋友 一定要加$2 加辣粉🌶🌶🌶同埋叫左少紅油（不過少咗都仲係好油）1）醬爆豬肉丸 雞柳 魚皮餃 2）鴨血 豬腸 花枝丸 萵筍揀左大辣 夠辣 而唔會辣到無晒原本食物嘅味道👍🏻 我最鍾意就係食佢嘅豬肉丸 好juicy 🤣🤣之前經過尖沙咀冇得堂食都會專登外買麻辣豬肉丸黎食🤩食既時候要小心辣到嘴 因為入面d汁好熱今日仲試咗新嘅小食炸蝦春卷係用腐皮包住蝦膠黎炸外面炸得好脆 唔太油 又夠熱

川婆婆都係銅鑼灣開左一段時間 終於有機會去試下🔆酸菜魚午餐都有平平地既酸菜魚食的確好開心我自己又鐘意去試唔同舖頭既酸菜魚黎到既時候佢係跟一碗白飯酸菜魚除左有爆多酸菜之外 仲有芽菜同海帶絲佢用既魚肉都係鯇魚片👍🏻 份量都幾多可惜佢個味道就有啲失色了 佢既酸感覺就係落左好多白醋既酸咁而且食食下會有酸中帶苦既感覺🙈我自己就唔太鐘意啦雖然啲魚同配菜都幾好食但酸菜魚黎講 個湯都好重要所以就覺得麻麻地了都係食翻佢既麻辣燙，米線比較穩陣😂味道:2.5/5賣相: 3/5

性價比較低但可一試食完碗米線一啲都唔夠喉， 經過見到「川婆婆」 又係麻辣嘢， 又有位，所以就入來一試光線充足， 位置夠闊落， 但枱面都係細。可能新開，店舖都保持幾整潔，店員態度良好。 我叫左淨餸雞柳，花椰菜，魷魚，牛黃喉（酸辣，菊花辣）雖然碗嘢夠曬紅， 但其實唔係好辣，最後都要問店員加辣。雞柳切得勁細粒， 仲要得3 粒， 佢唔應該叫雞柳，應該叫雞粒， 仲要大半係雞皮， 所以評論唔到係咩味，但至少唔咁嚡魷魚反而無碎上比我， 仲有兩束， 咁大方😂😂黃牛喉第一次食，口感幾得意，淋淋地又綿綿地，有少少彈牙，有啲似係棉花雞入面嘅花膠？ 雖然無咩味，但幾特別的體驗。整體而言， 性價比不高， 好細碗只兩啖食晒友人， 3餸麵（魷魚，鮮牛丸，鴨血+粉絲）另加2 餸（皇帝菜&雞脾菇）（藥膳湯）湯底藥膳味重，少少甜，ok 粉絲都ok, 偏硬

近年四川菜喺香港越嚟越受歡迎🎉川婆婆終於喺銅鑼灣新開左分店👵🏻身為麻辣控既我地當然要試試啦😍《麻辣特色火鍋粉》🌶🍜 $42一個字「麻」！一食落口除左辣，就係覺得好「麻」，每次食川婆婆我都會叫多麻多蒜，辣得黎又夠過癮🤤，麵底叫左好滑好煙un既火鍋粉，加埋真係非常之夾，又辣又爽！😇而配料方面我地就叫左鴨血🦆、牛骨髓🐂 同埋羊肉🐑，可惜鴨血、牛骨髓唔夠入味、而羊肉就唔錯👍🏻《一人酸菜魚 配 白飯》🐟 $68通常食酸菜魚都起碼要兩個人或以上👯‍♂️，今次有一人份緊係要試吓啦！魚、酸菜、大量配菜喺底（蓮藕、芽菜、娃娃菜、海帶絲 )份量充足🤰🏻，魚啖啖肉唔會多骨，無魚腥味，唔太食魚既我都覺得好正，湯夠酸帶微辣（叫左BB辣），絕對可以令你過足酸菜魚既癮🙆🏻‍♂️Overall喺銅鑼灣鬧市，幾十蚊可以一過麻辣、酸辣癮，性價比高💵。而店鋪用左電子落單，除左落單，走蔥走芫茜都可以俾你慢慢揀，都確係方便抵讚！👏🏻👏🏻

銅鑼灣分店提供粉麵餐，可以自選配料、麵底及湯底，有紅薯粉同粉絲揀😍另外亦有🌶水煮系列同酸菜系列，唔食得辣都有🍅蕃茄系列，三種系列可以配嘅餸係一樣，全部都跟白飯🍚-自選粉麵餐3餸$42鴨血無咩味，肥牛好韌😣蓮藕就幾爽口。麵底揀左紅薯細粉，都好食，但好難夾😂湯底揀左酸辣bb辣，聞落同食起來都好大陣醋味-酸菜魚配白飯$68(外賣+$2)呢個我係叫左外賣番去食嘅😆配料有大量蓮藕、海帶、芽菜、酸菜同娃娃菜😳非常豐富。魚片大舊份量多，但質感係我食過嘅酸菜魚入面最嚡😟仲有少少骨。如果再食，我會選擇其他餸，例如肥牛/雞柳。至於辣度方面，我本身唔食得好辣，食左幾啖我已經噴火🥵下次試下叫小辣得唔得-麻辣海帶$26 無諗過份量有咁多，成碗麵咁🤣辣度有得選擇👍🏼同浸落湯食味道好大分別，咁樣食爽好多，海帶味亦較突出🙌🏼-荔枝伯爵紅茶$25玫瑰紅茶$15 (堂食加配)冷泡茶實在係我嘅救星❣️於水深火熱中拯救左我🔥堂食加配好抵飲，大大樽，仲可以拎走翻沖🥰-整體黎講係幾抵食，雖然食物水準參差，但無損我繼續食佢其他食物😌

食過一次外賣同一次堂食，感覺係cp值極高既餐廳💛酸菜魚。 8/10必食！雖然話係一人份量，但相信兩個女仔食都飽😬我一個人空肚去食都食唔晒🙃魚肉同各樣配料份量都極多（海帶、蓮藕、芽菜），白飯都大大碗😝夠酸夠辣（bb辣似小辣）魚肉雖然夠嫩滑冇雪味，但部分魚塊有骨刺，對於我尼個極怕梗骨既人黎講係扣分位！配料既海帶份量多，但我唔鍾意食啊～因為覺得海帶總係有種腥味玫瑰紅茶： 7/10跟餐加$15， 開頭見到係茶包有啲失望，但發覺佢可以重複加水都仲有味就gur晒～～下次想試埋火鍋粉😍同蕃茄湯系列～

知道銅鑼灣都開左川婆婆，咁岩收工有野做黎開銅鑼灣，就專程試下。間鋪喺希愼隔離，好易搵到，我之前都唔知原來開喺依個位置，隔離仲有好多間手搖店，可以食完買返杯野飲。晚飯時間黎到，唔洗等位已經有得入。不過間鋪裡面格局其實都頗細，地方所限檯同檯之間都會有啲近。餐廳採用QR code點餐，依度嘅麻辣燙幾出名，再唔係都可以揀客飯，有水煮/酸菜/番茄系列。我就叫左個粉麵餐，3款餸加粉麵一共$42。配料有好多款式可以揀，今次叫左台灣香腸、醬爆豬肉丸、娃娃菜，粉麵試左紅薯寬粉。湯底方面因為唔食得辣，所以就叫左藥膳雞湯。另外仲可以填備註，都幾貼心。點完餐5分鐘左右已經即刻送到有得食，超快手。本身諗住如果叫清湯嘅話可能會有啲淡，所以先試下藥膳雞湯，不過原來佢嘅湯底真係幾濃郁，藥膳味道超出，個人覺得有少少重口味(可能係我食唔慣)。餸嘅分量普通正常，其實就係平時普通嗰啲火鍋料。不過麵嘅分量都算多。超中意食紅薯寬粉，索哂啲汁，口感一流。食完都夠飽，而且銅鑼灣$42可以食到一餐晚飯都幾抵食，下次會再黎幫襯。

我以為只有尖沙咀先有川婆婆， 以前喺尖沙咀做嘢成日都食， 靜靜地開咗好多分店， 原來銅鑼灣都有分店 好近好方便 yeah 先量體溫後，一入舖面企理乾淨，今天 得我一個人食反，我又費事買返去食又要洗又要執，就堂食呢個水煮魚真係無敵，配埋白飯都係六十八蚊，有 海帶， 芽菜，旺菜 。。。料又多， 酸同辣嘅味道都好啱我 ，可惜魚切得太厚( 有啲 鞋)，魚有骨美中不足好少舖頭有酸辣海帶小菜食， 個汁好好味，海帶好爽食曬成碟 下次再嚟識其他嘢

上網睇到cwb開左分店，所以經過就特登去試下雖然下午兩點幾，都幾爆，幸好不用等位我們兩個人點了一份蕃茄魚，跟飯，加15蚊加了一杯桂花綠茶另一個就選了一個粉麵套餐，（牛骨髓，黃喉，🐽皮，牛柏葉）細薯粉，麻辣湯底bb辣因為第一次食，所以唔夠膽點太辣😂還有點了兩個小食，麻辣鴨血和紅油炒手，可樂蕃茄魚個湯底都ok, 魚片都唔腥，而且都很多配菜（蓮藕片，海帶絲，芽菜等。。。）粉麵套餐，細薯粉都qq彈，湯底都ok, 不過啲牛柏葉和🐽皮就比較硬，反而黃喉和牛骨髓👍👍👍麻辣鴨血和紅油炒手就一般整體黎講，平，味道就一般般，幾十蚊貨仔，算可以接受ps: 記住手機掃QRcode落單

疫情咁耐，出去食個晚餐真係諗下好啦。掛住以前成日想食咩放工約朋友就可以既時光同自由，曾經以為既理所當然，現在得來不易。將近一年戴口罩的日子，見個面變得好難，分享食物變得有心理壓力。話雖如此，但係身為人類，每一日都係要食野，咁食好啲安慰下自己都係一種選擇。今日俾我發現到原來川婆婆係港島開左分店！之前一直都知川婆婆係尖沙咀都幾出名架。食麻辣燙麻辣火鍋，一直想搵機會試下，點知今日俾我係銅鑼灣遇上佢：）原來川婆婆唔只麻辣野，仲有一人份既酸菜系列水煮系列套餐！😍😍以前以為一定要嗌一大鍋同朋友分享既酸菜魚水煮牛，而家只要外賣都可以返屋企獨樂樂🤩急不及待叫返個酸菜魚套餐解解辣癮！：）酸菜魚白飯套餐 $68 外賣+$2一打開外賣，好驚喜，有陣酸菜味撲鼻而來！係熟悉既味道❤️❤️仲要勁足料，魚有好多件，仲有一大碗配料包括海帶、蓮藕、芽菜等等，成碗幾乎全滿。唔知係咪外賣關係，長時間浸住先再食，比平時堂食仲入味左！酸菜魚既香，入口帶酸辣，配料長時間浸湯但依然爽口，咬開索索聲勁好口感。魚吸左酸菜香，冇土味。碗湯愈食愈辣咁😂因為一直浸住啲辣椒🌶️，食食下忍唔住挑開佢地😹川婆婆個logo仲好有型😂一人版酸菜魚，係開心既

一日一黃店-銅鑼灣良心川菜新店 見到試業緊 去左試試 主打川菜酸菜魚水煮牛麻辣燙 見到份量都偏大份多料 飽飽.⭐️酸菜魚$68跟飯（小辣）👍🏻抵食大碗 酸菜魚肉量多👍🏻底下仲有海帶蓮藕等蔬菜 點一碗就滿足👌🏻酸辣味都平均 調味唔算爆重口味（🤔魚鱗 同魚骨都有小小可改善）同其他同區酸菜魚店比較呢間比較平 比較大份 比較多料 cp值相對高.⭐️水煮牛$68跟飯（小辣）👍🏻同樣cp值高 大份多料👍🏻牛肉蔬菜食極都好似仲有👍🏻調味重口味 唔會過辣 好評.粉麵餐 叫左麻辣湯🤔望湯色水都偏淡口 可能比錯清湯我 唔多講.小食⭐️麻辣皮蛋$28😋皮蛋小小糖心 皮蛋外層QQ有雪花（可睇圖）😋醬汁 野味呢個高質 絕對好食過譚仔 🔥5分必點🔥.⭐️麻辣豬皮$28⭐️辣汁牛柏葉$28呢2個只係上面加左d辣粉清湯底 好淡 只得辣粉味如果比番皮蛋嗰個麻辣汁 咁就正啦.#川婆婆 (利園山道) (銅鑼灣)地址：銅鑼灣利園山道5號地舖.⭐️評分：味道：3.5/5環境：4.5/5 新店 乾淨光猛服務：3.5/5抵食：4/5 cp值高