川婆婆 (利園山道) (已結業)

川婆婆開到泥銅鑼灣喇，天氣轉涼梗喺要食返啲辣嘢暖身啦👍🏽 之前食開旺中嘅川婆婆，唔好嘅係冇位坐，企位亦都唔多。今次係銅鑼灣分店就有大把坐位，食嘅嘢都差唔多，價錢仲非常貼近🤩 係銅鑼灣依個地段可以話性價比十足！-麻辣鴨血($32) 鴨血入口香滑，但唔夠熱辣辣😢 叫左小辣，辣度顯然比旺角低，個湯都冇咁濃，下次叫就可以叫辣啲~*麻辣海帶絲($26) 份量多，味道夠酸，但都係唔夠旺角咁重口味🤣 *麻辣皮蛋($28)黃金皮蛋夠q彈，仲有好鐘意佢哋一開二，食落更有口感！*主菜嘅水煮肥牛配白飯($68) 水煮通常都辣過酸菜系列，食材都會比較入味，建議叫小辣已經夠🌶️ 可惜牛肉有啲老😢不過勝在夠足料，湯入面有勁多海帶絲，蓮藕，娃娃菜等，食配菜都夠飽😂*酸菜魚配白飯 ($68) 酸菜同魚肉都大大塊，魚有少少骨碎但唔會影響口感👍🏽 配菜份量同樣夠哂多*飲品方面叫左荔枝伯爵茶(+$15）金鳳烏龍茶(+$15）樽裝設計好有心思，飲落清淡得嚟帶果香😍而且跟餐價錢都唔貴，解辣一流啊！

經過FC之後 風雲色變 作為川菜迷嘅我終於試左呢間麻辣燙～呢間係佢地位於銅鑼灣嘅新分店🥳·𝐹𝑜𝑙𝑙𝑜𝑤 @ℎ𝑘.𝑓𝑜𝑜𝑑𝑚𝑎𝑝 𝑓𝑜𝑟 𝑚𝑜𝑟𝑒 𝑓𝑜𝑜𝑑 🍽.喺Openrice叫定外賣自取一去到就有得拎 都好方便～😇😇叫左佢地嘅3餸加粉 叫左紅薯寬粉🥰份量正常菜類窩筍娃娃菜都好新鮮🍃鴨血都入味彈牙的不過個湯底就好普通食落去麻味完全唔夠 下次再去應該要加麻🥺

如果有食過川婆婆，就會發現佢越黎越新潮，銅鑼灣呢間新分店，仲掛滿川婆婆嘅漫畫，一睇就知咩料。-🌶飄香水煮魚 ($68)1️⃣份量相當多嘅魚片，無骨厚實啖啖肉，配料亦都唔少，有海帶等菜類墊底，夠足料。2️⃣正宗四川水煮湯底，上面鋪滿花椒辣椒，夠麻夠辣夠哂過癮。👍🏻7.5/10🍜麻辣粉麵餐 配3餸($42)類似車仔麵嘅麻辣燙，有得揀唔同餸，其中雞柳、秀珍菇、玉子豆腐等等都唔錯，銅鑼灣黎講都相當抵食。👍🏻7/10🍲上湯娃娃菜($22)上湯配上少量蒜粒，清甜而不膩，中和返水煮魚嘅重口味，必叫。👍🏻8/10-🍵呢到嘅茶飲選擇非常多，而且都幾特別，田中叫左桂花綠茶，冰涼無冰，夠哂解膩。

仰慕川婆婆大名，銅鑼灣新開了川婆婆的麻辣燙，特登去品嘗。使用QR code掃描落order，很方便。店員服務十分熱情，有些東西QR code無，（就是加底）。詢問店員後，他會主動跟進。加分！我自己叫了酸菜魚，（無圖）朋友叫了麻辣燙。酸菜魚不過不失，魚是有骨的，而且每塊魚肉不是只有一兩根細骨，所以吃起來要小心。麻辣燙我也品嘗了一點，湯底的味道令我感覺很「熟悉」，就是有一次我買了令我後悔的「水煮魚」材料包，這個「水煮魚」材料包的湯底很難吃，是一種工業的辣味，與我吃過其他美味川味館的麻辣或者香辣湯底都截然不同。而這碗麻辣燙的湯底，應該和那個工業味「水煮魚」材料包的湯底是同款。總結：我自己本人是不會再來，因為我寧願吃譚x。不過，如果不是適合吃譚x、港式車仔麵、雲南xx米線、xx酸辣粉這類人士，又想吃粉麵類，不妨試一試川婆婆，應該有很大的收穫，可能你終於找到適合自己口味的了。

🥰川菜新店🥰水煮、酸菜、蕃茄系列任你配搭唔同食材，非常少見，而且選擇更多，可以選唔辣、Bb辣到大辣，辣度都適合唔太食到辣嘅小編。🥩水煮安格斯牛配白飯$128 (小辣）小辣剛剛好，非常高質，亦可以選擇平民價嘅肥牛$68，配菜甚多，有海帶絲、芽菜、蓮藕等等。 🐟酸菜魚配白飯 $68 （Bb辣）酸味適中，大部份魚都唔多骨，配菜同樣多。🥓蒜泥鹿兒島五花肉$48 小編覺得最吸引，啖啖肉，鮮嫩肥美，蒜泥味重。🌶麻辣盪 $42（小辣）（自選三餸：魷魚、蓮藕、豆卜）紅薯粉蓮藕、豆卜容易吸收湯底精華，魷魚有一大舊，多啲會更好。🤪🥃桂花綠茶/玫瑰紅茶（原：$25，跟餐加$18）非常清新，最緊要係止辣。川婆婆銅鑼灣利園山道5號地舖

今日同朋友去了行山,行完山經過銅鑼灣發現銅鑼灣終於開咗川婆婆分店，叫咗個酸菜魚及水煮魚加手撕雞，三樣嘢都好好味值得推介，店務員都非常有禮貌服務質素非常好，值得推介

尖沙咀嘅川婆婆火鍋就食過，依家銅鑼灣都開咗間分店，就專食川菜同麻辣燙。當日2:00嚟到，排咗大概三四個字入去，期間見到好多人拎外賣，所以如果喺附近返工嘅你就手機落單方便好多。其實本身想嗌其他川菜不過都係等下次多啲人嚟食先嗌，今次就試吓佢嘅麻辣燙。三餸加一粉就$42，加配菜加$6，我總共嗌左四個餸加一粉$48。 餸方面我揀咗牛骨髓，醬爆豬肉丸，肥牛，生根，粉就揀咗火鍋粉。湯底揀咗麻辣湯， BB辣，所以碗粉望落去嘅色水都比較差，但食落係有辣味嘅，但就係完全冇負擔，汗都唔會流一滴既辣度，但係唔知點解我覺得個湯底有少少騷味🤔火鍋粉就煮得偏耐咗少，因為用筷子一夾起就會斷，不過呢個粉配麻辣味係幾好食。我覺得我揀嘅呢四款餸都冇話好出色，中規中矩，似係普通車仔麵檔嘅質素，但係佢選擇都算多嘅，所以嗌返自己鍾意嘅配料就得啦。呢間小店坐得都幾舒服，人流比較多嘅關係，佢用手機落單都幾方便。比起麻辣燙我下次會想試佢嘅酸菜魚或者水煮牛肉多啲。

見係銅鑼灣新開，而我又超鍾意食麻辣燙，就順便黎試下，鋪頭唔算大，所以位置唔多，去到要等位就等左15分鐘左右，係門口等位既時候聞到好香好香既麻辣燙味，滿心歡喜好期待，點知中伏🤮一坐低店員叫我地手機落單，落完單好快就有野食我叫左3餸既麻辣湯底小辣粉絲再加多個餸$6揀左（肥牛，黃喉，萵筍，鴨血）一黎到梗係試左佢個湯底先啦，一試根本唔係麻辣湯既味，唔夠麻又唔會辣😅完全係第二隻味😒肥牛偏老，黃喉萵筍正常，而鴨血好硬😅正常鴨血都係偏滑，粉絲偏小，一路食就係到諗自己有無揀錯湯底，係咁重複去睇落單位會唔會有其他辣，佢得酸辣麻辣揀，我應該無揀錯掛😅酸菜魚配飯-反而呢個好好食👏🏻👏🏻佢個酸菜魚比較正宗，魚唔算滑比較有咬口，仲會有少少魚骨，但味道係好食👏🏻玫瑰花紅茶-好重玫瑰花味，茶少少苦，都唔錯

新開鋪有人派傳單 甘就試下 買咗兩個小食 menu上 兩個加埋應該係$40 但比錢果時要$44 睇返張單原來係外賣盒每個收$2 而且餐牌上無寫明😅 建議返係menu上加返外賣餐盒每個$2 會令人覺得舒服啲 同埋外賣盒$2 都太貴啦！