川婆婆 (利園山道) (已結業)

川婆婆本身就係一間好出名食辣嘢嘅地方 之前成日都會喺尖沙咀食飯 今次就過咗嚟銅鑼灣呢一間分店 食下睇下有啲乜嘢分別手撕雞 $48首先就講下呢一個手撕雞 手撕雞嘅質素非常之好食 可能係因為佢哋用咗佢哋自己醬汁去烹調 同埋手撕雞嘅份量都幾多 呢個價錢我覺得好抵食反斗墨魚膠豆卜 $48呢個係好得意嘅反斗墨魚膠豆卜 佢係炸物嚟嘅 炸到非常之脆卜卜 然之後 咬到入去嘅時候入面嘅墨魚膠就會食得到墨魚嘅味道酸菜魚配白飯 $76然之後再食埋呢個熱辣辣嘅酸菜魚 呢個酸菜魚嘅酸菜味道非常之正 我見佢用咗好多酸菜 所以令到個湯出咗好大浸嘅酸菜味道 令到啲魚都入到嗰陣酸菜嘅味道 呢個湯撈埋個飯食就真係超正。

今日特登嚟到銅鑼灣呢一間川婆婆食嘢 因為我係社交平台見到有人出食評 介紹話呢度好食得嚟又抵食 所以就過咗嚟中午時間過嚟所以幾多人 呢度應該做午市生意好好 等咗一陣位就可以入座 唔算係太耐 呢個時間非常合理水煮羊肉配白飯$86頭先我自己就點咗呢個水煮羊肉 羊肉嘅騷味剛剛好 配合埋水煮嘅辣味就可以更加帶得出羊肉嘅味道手撕雞 $48手撕雞絲得件件都好適中 唔會有啲好大有啲好細 我諗應該係有個標準 所以每件入口嘅調味都係剛剛好同埋一樣反斗墨魚膠豆卜 $48呢個比較特別嘅反斗墨魚膠豆卜 作為一個炸物炸到咁脆口已經係好值得嘗試 當然入面嘅墨魚膠都好香濃麻辣鴨血 $38麻辣鴨血係有質素嘅 鴨血係入咗麻辣嘅味道 呢個價錢超級抵食

今日嚟到呢間喺銅鑼灣嘅川婆婆 呢間豬婆婆主要係食一啲小食 又係即係粉麵 同時間亦都有酸菜魚水煮魚等等 呢度嘅選擇都幾多 可以滿足唔同口味嘅人 環境嚟講坐得好舒服 地方雖然唔算好大不過啲位置好靚 同埋因為長條形嘅關係 員工係可以睇到曬我哋 叫員工嘅時候相當之方便 今次過到嚟我自己就食咗手撕雞拌麵 $58呢一個手撕雞拌麵 手撕雞用咗好靚嘅雞 所以食落去嘅時候係好濃烈嘅雞味 當然在加埋佢哋自己嘅調味就令到呢嚿雞 更加加分 拌麵嘅 麵質亦都好好食香辣台灣香腸 $38呢個係有少少辣味嘅台灣香腸 正宗就係台灣嘅地道小食 喺呢度亦都做得到一種台灣嘅味道 同埋呢個價錢相當之抵食 只覺得作為一個小食 同埋呢個手撕雞拌麵嘅配合 兩件事配合埋一齊亦都非常之 舒服

平時喺銅鑼灣做嘢成日食銅鑼灣周圍餐廳嘅午餐 今日行遠少少發現有呢間川婆婆 川婆婆係一間非常之出名食川菜嘅地方 之前都見過有好多分店 所以對佢哋嘅品質亦都好有信心 今次過到嚟呢度見到佢哋係做自由配搭嘅粉麵套餐 啱曬我呢啲要食晏晝又唔想食飯嘅人今次首先我自己就叫咗紅薯粉 但係幼身 所以感覺除咗本身佢嘅彈牙之外 亦都增添咗掛湯嘅能力 同埋今日清清地叫咗清湯小食入面我叫咗酥炸雞球 呢個雞球係新鮮炸出嚟 好熱 好好食 然之後仲有一個反斗墨魚膠豆卜 呢一個係炸到脆口嘅一個豆卜 食落去嘅時候 係有聲嘅 然之後佢呢度嘅蘿蔔亦都係冇渣好食 好入味

今日同朋友喺銅鑼灣行完街 行完成個sogo所以好攰 喺sogo附近睇下有啲乜嘢可以盡快可以坐低食嘢 就發現有呢一間餐廳 發現嘅原因係因為見到佢個名同尖沙咀食開嗰間川婆婆一樣嘢 連個icon都一樣 先至知道原來呢度有間分店水煮羊肉配白飯$86呢一個水煮羊肉好好食 水煮嘅味道啱啱 我係可以直接飲嘅 再加上羊肉嘅騷味啱啱好 最怕非常之 重 身嘅羊肉 呢個就完全冇呢個問題 食落去亦都有爽嘅感覺蕃茄雞柳 $76呢個蕃茄雞柳非常之多嘅雞柳 多到真係食唔曬 佢啲雞柳真係好好味道 可能因為嗰啲蕃茄汁已經入咗落去雞柳反斗墨魚膠豆卜 $48呢個係一個非常之脆嘅反斗墨魚膠豆卜 咬落去嘅時候真係有聲 所以食嘅時候記得小心啲 哈哈涼拌萵筍 $32萵筍係涼拌嚟嘅 所以作為小食我覺得係一個開胃嘅小食麻辣皮旦 $28皮蛋一定要食下 佢既麻辣味恰到好處 十分開胃

💝今日過到嚟呢間銅鑼灣嘅川婆婆 呢度主要係食一啲粉麵 所以今次就過嚟呢度食嘢 因為今日比較想食粉麵 過到嚟發現仲係有好多嘢呀 真係睇到眼花繚亂 門口都好多人一齊睇緊嘢呀 睇嚟大家對呢間嘢都好有興趣 哈哈 拿拿林搵個位坐低食嘢喇 然後睇下個餐牌叫嘢食啦💓💓首先叫咗一個非常之有特色嘅乾撈蒜香火鍋粉 呢一個火鍋粉真係好特別 同平時 出面食到嘅完全唔同 佢係更加 彈牙同埋入味 💗💗反斗墨魚膠豆卜 炸得非常之脆口 而且入面 墨魚膠 墨魚味好香濃💕💕香辣魚皮餃都好好食 因為配合埋佢自己嘅香辣醬 好鍾意呢個香辣醬嘅味💘💝蕃茄雞柳都好好食 喺呢個蕃茄嘅湯係好好飲嘅 飲完唔會好口渴 係一種好舒服嘅感覺

我自己本身好鍾意食蕃茄 但係我覺得出面整嘅蕃茄湯 有好多真係落咗好多番茄醬整出 感覺好化學 所以喺出面其實我自己唔係好敢叫番茄湯 今日就決定要喺呢度試下一個蕃茄雞柳 今次敢係因為朋友介紹話呢度嘅番茄湯應該係好好食蕃茄雞柳 $76上到嚟嘅時候果然見到個色澤就知道係我鍾意嗰種 因為佢唔係用蕃茄汁調假 而係真正用番茄炮製出嚟嘅 咁落去個湯係好舒服嗰種感覺 個蕃茄嘅味道亦都係好開胃 然後去嘅雞柳亦都係好大件 同埋每一件都係好嫩滑嘅水煮羊肉配白飯$86至於呢個水煮羊肉 平時出面食水煮牛肉比較多 今次食到羊肉 我覺得羊肉好似好食啲 因為佢呢個羊肉嘅騷味真係啱啱好 小小嘅羊肉騷味 配合埋佢個水煮湯底 真係完全相輔相成 最後我自己配埋飯 為咗好好利用埋個湯

今日真係食咗一個超級抵食嘅粉麵 仲要個地點喺銅鑼灣 呢個真係完全估唔到 平時大家覺得去銅鑼灣食嘢都係比較貴 我自己本身都係咁樣覺得 大今日畀我搵到一間超級抵食嘅 仲要係超級有名嘅川婆婆呢間應該係開咗冇耐嘅分店 呢度主要都係食一啲午餐或者係小食 不過同樣都係超級好食 坐低之後就可以填自己想食啲乜嘢我今日就決定食呢一個組合 首先一定要講下佢呢個特色火鍋粉 喺呢個特色火鍋粉真係好彈牙好好食 同時間亦都係好入味嘅 然後仲有佢嘅豬大腸同埋 豬耳都係入曬味 最後仲有一個反斗墨魚膠豆卜 係炸出嚟嘅 放入口嘅時候索索聲 證明真係好脆口所以呢間嘢真係超級抵 50蚊可以食到咁多樣嘢仲要係高質素 喺銅鑼灣真係絕對少有 值得一試

我自己係好鍾意食雞 好鍾意食雞入面個浸味道 隨自己都會食唔同類別嘅雞 手撕雞都係我其中一樣好鍾意食嘅嘢 自己嘗試過整手撕雞好多次 手撕嘅過程我自己覺得唔算好難 問題係醬料嘅配搭 真係要配得啱啱好 今日你到銅鑼灣嘅川婆婆 見到佢有賣手撕雞 所以就過嚟食😁😁😁手撕雞 $48呢個手撕雞我自己認為係高質素嘅 首先講下佢手撕雞嘅程度 手撕得啱啱好 每一件嘅大細都差不多 同埋唔會太大亦都唔會太細 再加上佢呢個醬汁唔出呢個口味真係好鍾意 非常之好食 有想追住食嘅感覺🥰🥰🥰🥰總括嚟講喺呢度食到一個咁高質素嘅手撕雞 真係出乎意料之外 下次一定會介紹更加多朋友或者自己多啲過嚟呢度食😋😋😋🥳🥳🥳

今日聽朋友講話原來川婆婆喺銅鑼灣又開多間 佢同我講嘅原因係因為佢知道我好鍾意去川婆婆度食飯 因為嗰度嘅嘢食真係好香同埋好有風味 再加上個辣度亦都好適合我 所以今次知道佢喺銅鑼灣就開多間 一定要嚟食 過到嚟嘅時候見到呢度好似主要係做車仔麵 所以亦都有其他唔同嘅嘢食 我當然食咗個自己最鍾意食嘅酸菜魚酸菜魚配白飯 $76呢一個酸菜魚 我自己認為真係非常好食 無論係個湯底定係啲魚我自己都覺得佢做得好好 所以多數我食呢個我係飲曬啲湯 今次因為係午飯時間過嚟 自己係配多個白飯 最後攞咗湯底嚟做湯飯香辣台灣香腸 $38原來呢度有得叫台灣嘅香腸 呢個亦都係我去台灣最鍾意食嘅嘢 所以當然唔放過 呢個台灣香腸都係 啲皮係好脆 入面亦都好香可以有咬口。

自己基本上係無飯宅女👧🏻平時好少食飯 所以就變咗好鍾意食麵🍜食咗咁多年麵 對於麵都好有要求 同埋都好識得捐窿捐罅搵啲好食嘅粉麵 今日就畀我搵到一間值得再嚟食嘅 就係銅鑼灣嘅川婆婆 上openrice度睇見到去銅鑼灣尖沙咀旺角 都有分店 都幾有規模 嗰度呢好快就選擇咗要食啲乜嘢😻😻😻😻粉麵套餐三餸一麵🍜 $50呢個價錢對於三個餸嚟講係好平 好抵食😻 然後我想特別推介嘅就係呢一個特色火鍋粉 呢個真係出面從來都冇食過 但係又超級好食 配合豬大腸同埋豬耳 令到個湯底就更加香口 最後都有個小食 就係台灣香腸 台灣香腸都係熱辣辣 好味道。😻😻

今日因為喺銅鑼灣見完客 見仲有時間先至要返公司 所以就睇下邊度可以hea下食下嘢 然後就搵到一間川婆婆 係sogo行過嚟都唔使幾分鐘 所以其實都幾方便 我三點左右過嚟下午茶 呢個時間都有幾多食客 不過啱啱好就唔使等位 都係一件好事喺呢度裝修光猛 所以坐得都幾舒服 廚房係屬於開放式 所以其實都可以睇到佢哋入面有啲乜嘢食 相對開放一啲蕃茄雞柳 $76最後我自己叫咗個蕃茄雞柳 估唔到呢個蕃茄雞柳咁好食 湯底係有好重嘅蕃茄味 但係又有少少好似辣辣地嘅感覺 所以食落去相當之開胃 配合埋佢嗰啲好嫩滑嘅雞柳 同埋雞柳嘅份量都幾多 最後我成個湯飲曬 因為真係好好飲

今日想同大家介紹一間好抵食嘅三送麵 呢間位於銅鑼灣嘅川婆婆 我睇過裝修應該係開咗冇幾耐 不過已經有好多人知道 所以我中午時間過嚟嘅時候基本上都差唔多要排隊 不過好彩等咗一陣就可以入去坐低 如果唔係驚趕唔切返公司 好彩好彩三餸粉絲 $50豬柳漢堡扒 醬爆豬肉丸 響鈴卷坐低然之後就見到佢呢個好抵食嘅 三餸麵套餐 你可以畀我哋選擇三款唔同嘅餸菜 然之後亦都有唔同嘅 麵粉 我自己就揀咗粉絲因為減緊肥 然之後就揀 漢堡扒豬肉丸同埋響鈴 我自己都覺得呢三個餸都好好食 漢堡扒固之然開胃 同埋佢嘅豬肉丸真係醬爆 最後配埋個響鈴我自己好滿足 食完之後我覺得份量真係啱啱好 未到嚟講我覺得都好好食 尤其係呢個湯底出面都好少食得到 最後講下價錢先50蚊 其實已經好平

我自己好鍾意食口水雞 因為口水雞嘅味道有少少食完之後好似中過啲口水分泌好勁咁 嗰種刺激嘅感覺真係好正 所以今日就過到嚟呢度食口水雞 呢間川婆婆喺尖沙咀都有分店 不過我今次就嚟咗銅鑼灣度食口水雞 $48 可加$12配白飯呢個口水雞可以選擇淨係食口水雞或者加12蚊可以配多個白飯 我自己就鍾意配埋白飯 咁就唔會浪費埋口水雞入面嘅汁 所以其實如果一個 中午飯 咁樣食其實已經好足夠酸菜魚配白飯 $76另外我仲叫咗一個酸菜魚 都係可以配埋白飯 酸菜魚亦都好開胃 我見佢都落咗好多酸菜 所以令到個湯底都好大陣酸菜嘅味道 飲一啖湯之後先再食白飯 做咩食就更加開胃總括嚟講我覺得呢度嘅嘢食都相當之高質素 同埋選擇性都幾多樣化 有時唔係好肚餓可以淨係小食 想飽啲就可以配埋白飯

3餸+1麵鴨血（冇味的）、炸雞球（細粒到冇朋友，凍冰冰得兩三粒，只可以叫雞粒，唔可以叫雞球，搵笨）、炸墨魚（又係凍冰冰，食到成口油），幼薯粉，講真衰過食車仔麵，總之冇下次