川味王

營業中

休息中

此次用餐总结：上菜时间长（半个小时），烧烤没什么味道，付款大家一定小心看下帐单，有可能多收没上的菜，最後付款老板娘还让我快点给钱别浪费她时间，提醒你客户也要为店家着想。从来不发食记的人都忍不住过来告诉大家，千万别吃这家

十點幾都未食dinner，冇咩餐廳可以簡，諗住串燒店會開到好夜，於是就去咗附近嘅呢間串燒店。未入到去都已經見到好大油煙，但附近冇其他選擇，所以照食。入到去tick好哂要d咩就嗱嗱林比個侍應。點餐紙有個位比你簡大中小唔辣，唔食得辣嘅我就圈咗唔辣。交完張單咁就一路等啦，一路見到餐廳好多food panda deliveroo嘅單，然後侍應又係咁pack外賣單，堂食嗰d呢？？連一串都冇後食。如是者我等咗半個鐘忍唔住出聲，有冇d燒好嘅拎住出嚟食住先呢？佢又話燒緊燒緊，燒緊外賣嗰d？隔多陣佢拎咗幾串出嚟，一望，一堆辣粉喺面…咬一淡，辣到食唔到。同個侍應講，我哋係圈咗唔辣，點解上到嚟辣到飛起？侍應話蔬菜類可以換比我，但肉類就唔可以換了…只能說串燒係一般水準，冷氣大，抽風系統差，令到嘢食凍哂之餘，衣服頭髮好大陣油益味，十分差的體驗。溫馨提示，想快啲食到一定要催個侍應，煮好幾多上幾多俾你。

👎🏻👎🏻👎🏻唔好嗌呢間店嘅外賣！極品垃圾！樣樣嘢都漏單，仲要好難食，電話打極都冇人聽！是咁的，嗰日凌晨肚餓就係foodpanda嗌咗個麻辣燙食，外賣未到嗰陣我frd上嚟屋企搵我，問我食唔食宵夜，跟住我話嗌咗foodpanda，佢就問我食咩，我就推介咗呢間垃圾畀佢，我到而家都好後悔，我已經係一個為人處事好寬容嘅人，飯變意粉我都可以就咁食，費事為難啲侍應，但呢間我真係要詳細形容係如何極品法。重點：我個外賣先到，打開個麻辣燙，冇湯冇調味淨係有白淨嘅薯粉加幾個餸，唔洗食都知個麻辣燙已經中伏，跟住我數下啲餸，五餸得四餸，仲要錯嘢，台灣腸變金針菇，個麻辣燙完全冇味，齋乾撈，自己調咗個醬料撈勉強食到🤮....食到一半我frd個外賣到，佢啲麻辣燙打開都係咁，薯粉嗰份同我一樣情況，難食到....不如叫齋撈薯粉好過....啲餸一數又係漏嘢，另外一個麻辣燙加飯，結果連飯都冇，嗰下我真係嬲到爆，可能係因為我介紹咗呢間垃圾店畀我啲frd，亦都可能係佢樣樣嘢都中伏出錯，於是我決定打電話過去質問佢哋，結果就係打極都冇人聽....後尾搵foodpanda客服賠翻兩張優惠券。最後再次強調，呢間嘢真係垃圾嚟，我自問係一個

一開始坐低見到Follow OpenRice 有得88折之後打開評價見到都幾驚仲心諗點解呢間野咁既評價都叫人睇OpenRice 之後落order都因為咁有卻步叫少咗好多野食野食嚟到全部放埋一齊有啲驚訝 點解唔燒好咩上咩 可以即食又比較熱但係食落又有驚喜串燒肉汁都夠調味都唔錯 上面俾餐評班人 你地叫外賣平台等咁耐先食乜都乾啦 堂食食落 真係唔錯尤其茄子幾香 食得出係靚茄子凌晨時間宵夜絕對係一個唔錯選擇串燒真係唔建議叫外賣 串燒你叫得外賣唔係即食就預咗唔好食

半夜肚餓，係網上外賣平台見45折燒烤店，一於試下落完單要等30分中先拎得去到店問店員，叫我自己睇拎到返去發現漏單嚴重叫15樣野，可以漏左3樣即刻上開飯搵電話打過去，無人聽好彩係用網上外賣平台訂，可以搵客服跟進，補償返現金卷試完仲要唔好食仲要咁貴，真係伏到爆比如原價$100，折完$45所謂燒蒜蓉特級蟶子2隻，以為係蟶子皇，打開發現就超細2隻，應該叫蒜蓉粉絲金菇，基本搵唔到蟶子肉，就有兩個蟶子仔殼夠膽死收呢個價真係超級搵笨咁既價錢，咁既質素，以後都唔會再幫襯！

忍唔住要寫老婆大肚，叫左外賣全部注明唔辣黎到全部辣。想食之前諗清楚唔好貪方便連個牛肉烏冬都係辣的先唔計較係噹噹烏冬求其到一個點燒牛舌係烚的只有一面有大量調味燒出顏色唔信可以試試最後只有唔食得辣既我自己食可惜真係難食到食唔哂

第一次係OpenRice寫評語估唔到第一次就奉獻左比佢夜晚諗住食個宵夜 打開個Apps就見到佢諗住嗌幾樣試下 一黎到就漏單三樣仲有一樣又比錯我 之後打電話 連續打咗10幾個電話都係冇人聽 真係冇辦法之下係apps搵客服幫手 好彩最後都有得cash back首先講返味道先 其實真係好一般得d辣粉味道 價錢偏貴 性格比超低！食過一次真係唔會反轉頭 喺香港第一間食串燒食到咁不滿意真心希望佢可以改善食物質素同埋外賣質素另外 希望佢舖頭可以增設多一個電話

以前食過呢間野2次，都係中規中矩，外賣app自取平所以都會幫襯下，唔知係咪過左半年冇黎轉左手，今日一叫哇我真係恭喜你個士多啤梨橙，佢打開左我對串燒認知既新世界之門。叫左已經唔算多野 五花肉，雞肉，原條鮮魷，金針菇，雞中翼，多春魚，鴨胸，饅頭，大雞脾。結果呢拎完盒外賣返到屋企打開，真係笑左出黎，鴨胸同隻雞脾影都冇。 d肉燒到乾哂水，個金針菇變埋黑炭，我唔知係個師傅唔識燒定係佢地依家餐廳既食物標準係咁。本身呢間野已經等得耐，仲要比d咁既野人，仲有冇良知？上黎見到千篇一律都係負評既食評都諗住懶廢事打，但你地既質素迫人為你無限加油，祝你快d執！

呢間鋪頭，出名除左等得耐之外，仲有既就係佢地經常漏單，而且如果發現漏單或錯單，你想打去投訴，佢地個電話一定實無人接聽，所以你根本無辦法連絡到呢間餐廳，並開始懷疑人生，點解咁大間餐廳無人聽電話，唔通無得打去叫外賣，唔通呢間野淨係靠app 做生意？如果用app 叫既話，真係至少喺指定時間後面要另加30分鐘，其實上年食過一次唔係咁架，今次我漏左半張單，又係打唔到去揾人聽，所以只好同app 職員投訴，退返漏比嗰幾樣野既錢。

話說delivery app叫左個外賣 畀錯食物我算 漏單係咩問題 漏單打極電話都冇聽 其實你地餐廳真係好有問題 我叫左個炒花甲 你就咁拎幾隻花甲同花甲殼 然後起個底度加啲好似冰鮮蜆咁個物體 啲殼好似人地食完拎返落去炒咁🥲🥲🥲其實咁樣做生意好咩？其實你地係咪諗緊外賣所以hea做。。。

諗住一間做川菜嘅餐廳做錫紙花甲粉唔會衰得去邊啦點知成碗野咩味都冇完全冇花甲嘅鮮味 而且啲花甲冇殼 好有可能係買超級市場個啲急凍蜆肉放落去就算真係好差 呢碗野唔好話係賣出去 根本就唔係比人食 淡到我以為自己感冒食野冇味覺應該都幾肯定佢係粉絲有粉絲煮 花甲有花甲煮然後放埋一齊就了事仲嗌左個牛肉干鍋 呢個都冇失望嘅都幾多牛肉同埋陣味都唔錯 不過呢間野應該唔會再有下次了呢個價錢呢個質素 我寧願比多少少食啲真係好食嘅川菜好過

用外賣app叫外賣 足足等了2小時 而打去餐廳電話 個阿姐竟然話唔係餐廳電話 要再幫我打去樓面跟進 而app一早已顯示出司機已在店等送餐 電話阿姐卻說遲送餐原因是一直沒外賣員到店攞餐 哈！心想玩什麼！咁單純叫個外賣 都咁困難？？叫12樣黎10樣 追都費事激氣！連叫左可樂都無送黎 真係一肚氣

話說收工行過見到佢有酸辣粉諗住試下啦45蚊 心諗應該唔太伏見到佢有秋葵 即刻試下仲要多個麻辣海蜇 夏天清涼下啦咁好正常去落單 叫左配菜要秋葵同腩肉特登叫左佢分湯 （要收2蚊）等左十零分鐘 都唔算耐嘅（不過同場都有3、4個deliver guys 係度等有幾次d外賣員入去問自己個number ok未但個staff完全冇理到佢🥶🥶佢d預備好嘅嘢食係會擺係同一張檯度咁搞法d外賣員拎左第二d嘢都冇人知😓）之後拎到返屋企食（大概40分鐘後）一打開就中第一個伏：冇分到湯😶然後係第二個伏：冇重慶酸辣湯嘅味平時嗌是但一間酸辣粉一打開成間房都係個陣味呢碗係完全冇🥶🥶🥶食落第一啖係勁粉 個質地好糊仔 之後撈多幾下 等佢均勻d先冇咁糊☹️然後佢menu上係話會有花生同芫荽但係食到落底個湯都係得幾舊仔辣椒（除左d餸）個湯食落係有dd牛油個種麻辣 真係dd咁多同埋冇咩香味😢另外個麻辣海蜇以為會好少少啦 涼拌嘅嘢應該都好難出錯食第一兩啖都OK幾好食 都有幾大浸麻辣嘅味道但食多幾啖個口就開始痹晒同埋食到陣明顯嘅苦味 應該係花椒嘅苦味係好奇怪嘅痺 可能因為佢又唔係好辣如果佢辣啲嘅話應該會平衡返😢😢😢結論 最好食係個秋葵

一係鹹不得了，一係無味，難食到極致。兩百幾的外賣竟然沒一樣能入口，超級劣評，我從來沒留過評論都忍唔住要寫番一個評論。除非餓死，如果不是這家完全沒再試的機會，劣評！！！

首先，食物味道好難食，調味不平均，得個咸字，冇其他味，啲食材被整到好老，浪費食材。其次，外賣不齊食物，叫左1蚊雞係冇比到，有啲叫左兩串但得1串，打電話去又冇人聽。所以，嚴重呼籲大家不要嘗試，非常不值得！