川味王

營業中

休息中

十點幾都未食dinner，冇咩餐廳可以簡，諗住串燒店會開到好夜，於是就去咗附近嘅呢間串燒店。未入到去都已經見到好大油煙，但附近冇其他選擇，所以照食。入到去tick好哂要d咩就嗱嗱林比個侍應。點餐紙有個位比你簡大中小唔辣，唔食得辣嘅我就圈咗唔辣。交完張單咁就一路等啦，一路見到餐廳好多food panda deliveroo嘅單，然後侍應又係咁pack外賣單，堂食嗰d呢？？連一串都冇後食。如是者我等咗半個鐘忍唔住出聲，有冇d燒好嘅拎住出嚟食住先呢？佢又話燒緊燒緊，燒緊外賣嗰d？隔多陣佢拎咗幾串出嚟，一望，一堆辣粉喺面…咬一淡，辣到食唔到。同個侍應講，我哋係圈咗唔辣，點解上到嚟辣到飛起？侍應話蔬菜類可以換比我，但肉類就唔可以換了…只能說串燒係一般水準，冷氣大，抽風系統差，令到嘢食凍哂之餘，衣服頭髮好大陣油益味，十分差的體驗。溫馨提示，想快啲食到一定要催個侍應，煮好幾多上幾多俾你。