川味王

營業中

休息中

一向都冇係OpenRice 撰文既習慣，不過遇到全港漏單至強的串燒店，不得不提醒大家佢真係實至名歸，今次紀錄係漏左半張單我地係叫delivery who送來的，等候時間需要一個鐘我地都相當理解因為即叫即燒；野食到的時候發現食物只係微暖雖然咁都體諒啦因為串燒分先後好難一齊燒起其中我地叫左雙重芝士撈一丁 一打開脹到變左意粉（要係度講返小小歷史公仔麵係由意粉啟發的，當時日本人食完意粉之後想將意粉存更耐而加入防腐劑慢慢變成今日大家常吃的方便麵），公仔麵變成意粉亦都不是壞事，因為超時等了一個半鐘都很餓了，發漲的麵可以更飽肚所以沒有太介意。不過再望真啲我地叫了十樣餸變左得返六樣餸，之後想打電話叫佢地補送返結果只係長響而無人接聽，因為我地其實住附近所以就拎返落去比佢叫佢補返啦。落到去已經見到好多deliver guy係門口等，入到店內都仲有人等緊啦，好有人氣的一間串燒店；同女店員陳述返事件時，發現女店員覺得漏單事件是很平常，是川味王串燒店一貫的特色，客人毋須暴燥，遺漏的食物會安排燒返，六分鐘可以補回，客人再慢慢等過。我地提女店員本身燒好的野食已經凍哂了，佢就話可以翻熱一下，服務感貼心。 10分鐘過去

叫過外賣一兩次 次次都少咁啲嘢五花腩寫3串就俾得2串之前都算啦 冇追究今次仲離譜 幾乎啲嘢係俾錯哂我打極個電話冇人聽 打得通就叫我whatsapp番話會送番俾我 whatsapp完又唔覆機 覆你又短 好似唔想覆咁食餐飯食成咁 又唔係平我真係唔敢再食下一次喇

之前叫就覺得味道嘛嘛地，就勉強將就食，叫左幾次都冇咩問題，今晚再叫就少呢樣少果樣，打電話又拒接 ，算咩意思？拒接客戶意見？畀錢食嘢畀D乜嘢畀人食？？仲有咁樣嘅服務態度，下次唔會再叫呢間。

平安夜夜收工，無野食就諗住試下啦嗌左food panda, 等左成粒半鐘，啲野食終於送到，十一點幾未食野係堅肚餓，食之前發覺野食唔啱，牛小排變左牛肋骨，無左魚腐，都算啦，人總有錯。結果捱住肚餓都係乜都未食就攞落街換落到去，成盒牛小排俾佢睇，同佢講錯左啲乜，佢竟然一句彈埋黎‘盒野你地無食過架！？番左十幾個鐘頭工，十二點都未食晚餐仲要咁俾人屈真係火到黎，即係話我成盒野拎番黎，你咪自己睇囉。自己送錯單，第一句唔係唔好意思而係驚死你呃佢塊牛小排，無A眼B眼都唔該用下個C眼睇下啦

本來昨晚打電話去黃埔川味香問問有沒有位？但她說等候需時，叫我轉去柯士甸路川味王，我滿心歡喜前住，去到門外，已經有一名男顧客(他是來取外賣的)說自動門鎖壞咗，開唔到門，我們便從左邊的玻璃窗，提示店員開門，幾經辛苦開了門後，我們便坐下開始點餐，誰不知他的抽風系統幾乎完全壞了，店內白濛濛一片，煙霧離漫，每個人的眼睛都被澀到水汪汪的，剛巧⋯攞外賣的男子打算離開店舖，點知道自動門鎖還是壞了，不能開門，當時情況的確幾恐怖，我們打算拉開道門，那女店員終於肯講嘢啦！女店員說：唔好拉爛道門呀！但那時情況⋯我們真的害怕生命受到威脅，況且⋯真係唔會拉爛，因為根本就拉極都拉唔郁，其後，屎忽撞棍咁樣，真係開到門啦！我話不如長開道門啦！情況非常之危險！但女店員無理我，繼續關門，睬都唔睬人，當時嗰一刻，我真係以為自己透明㗎！後期真係太大煙，連廚房嗰位男店員都要出嚟，佢眼睛俾澀到更水汪汪，但一樣係唔睬人走咗去，當時我已經起身問佢，妳究竟開唔開門，女店員都係唔睬我，跟住我再同佢講，妳知唔知道而家好危險，我要開門走，佢先肯答我：等等先啦！我心諗⋯等攞我條命呀？當時我等咗一等，等道門可以一開返嘅時候，就立即離開，呢啲咁嘅舖

經過見到間川味小食/串燒，好似幾吸引，所以入左去試下。等入座前，已經聽到入面啲客有啲火藥味咁催埋單，催野食未到。首先，餐廳既抽煙系統都幾差下。長時間都煙霧瀰漫，食左個幾鐘對眼都有啲澀。等左陣，估唔到芝士茄子最先上枱。超多芝士鋪係茄子上面，食完好有罪惡感。串燒親嗌左（雞軟串、雞皮、羊肉、五花腩、娃娃茶、蘆荀、翠玉瓜、雞脾菇）同好多串燒店一樣正正常常，不過雞脾菇係凍既，唔知係未燒好定放左好耐先出等左成個鐘，花甲粉終於上枱。好失望佢竟然用急凍蜆肉，食咁多次花甲粉真係未試過用急凍蜆肉啲粉絲好乾，唔好食正所謂「低處不算低」，估唔到肥腸干鍋先係劣食。濕炒大腸雜菜，完全顛倒左干鍋既定義再上埋個白飯仲要係生米，食左半啖都要吐出黎如果要食串燒，香港大把地方有得食，唔需要特登去試呢間。反正佢只會集中做外賣，堂食你就慢慢等啦，冇人會理你埋單$3xx 係尖沙咀都食到其他美食

整體串燒好惹味，佢有幾個辣度可以簡單，（唔辣，小辣、中辣，大辣）而我簡左係小辣，我覺得辣到岩岩好，辣得黎唔會太鹹，川味大足，譚仔食小辣個啲朋友，應該可以試下中辣同埋大辣。呢度好多特別既串燒都會有。串燒雞中翼（4隻）$32/2串燒韭菜$12/串沙嗲雞肉串$20/3串燒肥牛金菇卷$20/串雞肉食落爽口彈牙，唔會落去好似雞胸咁煙銀，牛肉食落都唔會太乾太鞋，而韭菜食落濕濕地，唔會過份燒乾，以往食好多都燒完會好乾身。秘製燒原條蒜蓉黃立倉魚$108/1條本人好中意食魚，但最怕一條魚有腥味，但呢個秘製方法幾特別，蒜蓉嘅方法去燒魚，魚皮脆卜卜，魚肉連蒜蓉一齊食，估唔到個配搭一絕，中意有小小酸既味道，仲有檸檬可以俾你加，味道酸酸地會更加開胃。雙重芝士撈一丁$40/1份最中意既芝士，佢用左呢隻甜甜地既芝士🧀食落去個撈麵，唔會太鹹，食落去個感覺當然特別，中意食芝士既你，要快啲黎試試佢

好味麻香辣 孜然味翠玉瓜 肥牛 蓮藕 娃娃菜 好多野配飯配可樂超讚.川味炒飯好似幾特別 下次試下超多人APP訂購買燒烤 見到20串20串咁買有時夜半好多人外送可惜11月起冇優惠了

佐敦串燒嗰日去開佐敦唔知食乜好，見到好多人係呢間小店出面等外賣🤣🤣！（羊群心理地覺得應該好好味😗，所以就入咗去試下啦🤣款式超多！特別少少嘅串燒呢度都有🙋‍♀️，例如燒雞皮、燒焦糖香蕉等等😍，而我最後揀咗呢幾款嘅😍惹味燒蒜蓉扇貝帶子$65 錫紙燒蒜蓉金針菇 $36 雞軟骨 $58/6串燒肥牛金菇卷 $20/串惹味蒜蓉燒原條茄子 $35燒脆香雞皮 $18/2串整體串燒好惹味！叫咗小辣，鐘意佢口味辣得來唔會太鹹👍，覺得蒜蓉茄子超入味😍！係必食之選，燒雞皮燒到脆卜卜，表面收曬乾曬唔會油😍😍😍，好出色！呢度嘅雞軟骨大大粒，好好咬😋！🙋‍♀️：係宵夜之選啊😚📍 川味王尖沙咀柯士甸路17號豐樂大廈地下2號舖港鐵佐敦站 D 出口, 步行約7分鐘

最近天氣涼涼地，所以好想食串燒，特別係麻辣串燒。男朋友搵咗依間新既麻辣串燒諗住去試下，不過佢個位置就有少少遠，係尖沙咀同佐敦中間。睇完點餐紙都發現有好多選擇，除咗麻辣之外，仲有海鮮、炒麵等。我地叫咗個串燒必食既蒜蓉茄子，條茄子都直係好大條，而且啲蒜蓉仲好多，夠晒味。餐廳燒得岩岩好，吾會太乾，調味都做得吾錯。原條魷魚🦑雖然原條魷魚係比我想像中有啲吾同，依個係兩隻細既魷魚，但魷魚都燒得好淋，吾會好難咬開咁。而且，餐廳都有放咗啲蒜蓉上去，所以都好香。豬頸肉 一口豚肉🐖豬頸肉既調味做得吾錯。一口豚肉本身個肉質幾好，真好嫩，但係因為一口肉係相對比較厚身，所以如果本身無調味就會吾夠味，只係得外面既調味。鰻魚炒烏東🐟雖然個烏東有啲油，但個火喉真係吾錯，同埋都有好多鰻魚，好足料。雞軟骨京蔥雞肉錫紙燒娃娃菜

🔸燒京蔥 $12/串🔸鹽燒鯖花魚 $35/條🔸錫紙燒娃娃菜 $35/份🔸燒雞軟骨、雞腎 $58/6串🔸惹味蒜蓉燒原條茄子 $35/條🔸惹味燒蒜蓉扇貝帶子 $58/2隻-放假最開心就係約朋友出嚟，一邊食串燒，一邊吹水傾謁，hea住過週末。今次嚟到呢間尖沙咀新開嘅串燒店，地方裝修得幾骨緻，放鬆心情一流～串燒食物都幾高質，價錢亦唔算太貴。食串燒最鍾意食嘅原條茄子，爆晒蒜超惹味！鯖魚都幾大條，冇腥味幾新鮮。雞腎、雞軟骨呢啲都係必食，我同朋友們都食得好開心。食串燒又唔係淨個食肉食海鮮嘅，食吓燒娃娃菜亦都好鮮甜喎！