嵐山日本料理

營業中

休息中

和味。停不了朋友識食，放工後就帶我去尖沙咀呢間日式料理店享受精美一餐。晚上差不多7時半左右，店來已經接近滿座，可見棒場客都不少。因為一向都喜歡欣賞師傅手工，所以向店員要求到Bar 枱就座。而日式餐廳都會將推介/特選菜式寫在黑板上，方便食客下單。基本上師傅都忙個不停，不斷密密做，而最先送上係呢幾款刺身。沙甸魚 – 用上柚子等醬汁調配而成，味道會比其餘2款較濃，所以放在最後食。因為方便調，所以沙甸魚會切得較幼，但師傅亦貼心地提供紫菜，包起沙甸魚一同入口，可以大口大口進食。赤小鯛 – 上面放了少量明太子，蔥花再提升魚肉味，所以肉身質入口除爽下都會有濃濃肉味!赤鯥 – 除常被點既熱門魚類外，赤鯥係我非常喜歡既魚之一。作為高檔次魚類一種，入口時有清爽感覺，肉質細膩又容易入口，正!!!金目鯛壽司，魚身厚切，肉質夠肥美之餘又帶淡淡甜味，用作壽司食不失為一個好選擇!串燒拼盤 – 點了3款串燒，分別係: 燒雞腎、 燒鮑魚、 燒鰻魚。鮑魚通常都好易燒得乾身或太韌口，但呢度火喉就控制得相當好，口感夠爽之餘，帶上不少肉汁，出色!!!另外燒活鰻亦同樣，表面看似乾身，但入口竟然完全不同，juicy!豚肉生薑燒所指

今天又在充滿美食的棉登徑覓食，是次選擇的是一間日式料理。電子餐牌，種類繁多，壽司、刺身、卷物、爐端燒及一品料理等，應有盡有。一開始就提供了前菜和熱茶。先要了靖魚和帶子刺身，平時燒靖魚食得多，靖魚刺身還是第一次食，很新鮮。金目鯛和梳子魚用的是炙燒，魚油十足，比較喜歡食金目鯛。蒜片安格斯薄燒不論賣相及口味，都很適合我的心意，香口而不油膩，蘸醬料食更惹味。泡菜黑豚肉石頭鍋烏冬熱辣辣，滑溜溜，泡菜不會很辣，又夠飽肚，是不錯的選擇。

朋友推薦的一間🎌日式料理餐廳，看到有咁多好評相信應該有咁上下水準🤔。係尖沙咀呢條街全部都係食肆，有咁多年嘅顧客鼎力支持一定係有原因🤡.🥢壽司拼盤🍣。有12件唔同嘅壽司，望落新鮮精美，食落鮮味而且飯呈啡色應該經過調味，豉油都可以慳返，質素真係幾高🤤.🥢土佐豆腐。豆腐嫩滑，炸漿薄而脆，配上紫菜、木魚絲同辣蘿蔔蓉，無得輸啦😋.🥢炸吉列蠔。一入口無腥味已經係滿意，唔算大件但起碼炸得夠透徹🤡.🥢炸軟殻蟹🦀。看來炸物控制得在水準之上，唔油亦好夠脆口，一份仲有兩隻大大件，佐酒一流🍶.🥢薄燒安格斯牛肉🐮。牛肉夠薄身包裹住蔥同炸蒜片，真係有高質鐵板燒嘅效果，一個人都可以啪哂一碟🤣

棉登徑一向多高質餐廳，每次行過都留意到呢間居酒屋，朋友介紹都話過唔錯！店員安排左吧枱位，可以欣賞到師傳為我地準備食材，剩係吧枱都有4位師傅忙到停唔到手，餐廳認真受歡迎。先叫左刺身試下，白肉既有赤小鯛，配合香蔥同明太子，幾新鮮同口感軟軟得。火炙赤鯥，呢款魚係出名既夢幻之魚，係北陸既特產，去過金澤就一定會試過，又名喉黑魚，味道相對濃同肥美，細緻的油脂完全不會讓人感覺油膩。沙甸魚，用蔥、柚子汁同芝麻作調味，幾清新開胃。金目鯛火炙壽司，好肥美。另一款火炙壽司配明太子香蔥，口感彈性。燒鮑魚，用鹽作小小調味，剛好帶出鮮味 口感爽口彈牙。燒活鰻，口感比想象彈牙厚實！燒雞腎，少量胡椒調味，惹味，送酒一流！鰻魚炒飯，連油香味都好濃郁，而且每啖都有鰻魚汁味，欣賞色澤金黃外貌都討好👍🏻生薑豚肉煮，醬汁酸味開胃，豚肉肥瘦平均，配合的洋蔥都香甜，旁邊還有沙律🥗減膩，不錯！總結：食物質素果然不錯，各種烹調的食物都掌握得不錯，而且地方方便，岩哂放工後同朋友聚會的好地方。

早幾日，老婆book左呢間餐廳同我慶祝生日。一去到見到佢門面幾有格調，心諗應該唔會令我失望掛。入到去，我地坐吧枱位，跟住就叫野食。老實講，而家諗翻我地叫左既野食，都有啲驚，因為實在叫左太多🤣我地叫左既食物如下：1. 刺身：金目鯛、赤鯥、左口魚2. 帆立貝壽司3. 加州卷4. 燒物：雞軟骨、免治雞肉棒、燒鮑魚芝士年糕5. 網燒安格斯牛扒6. 什錦天婦羅烏冬係，我知我地係叫得有啲誇張。但老婆話：生日嘛，豪一次啦！講翻啲野食先！首先講啲刺身，新鮮！一食落口，係好滿足既感覺！壽司同加州卷，唔錯，係好味既！燒物，小食泥講，係相當唔錯！塊安格斯就不得了喇，又大塊，燒得又唔會太熟或太生，真係好味！食到天婦羅烏冬，已經係好飽，但味道都係唔錯既！

好朋友快要出嫁，特地相約了這一晚好好聚一聚！很隨意的不同種類的食物都點了幾款；首先吃了一份白飯魚乾蕃茄豆腐沙拉開開胃口。這晚我們坐吧枱很貼師傅，便着他們為我們選了二、三款刺身和壽司。上碟時師傅有介紹，這晚做了油甘魚、池魚、鯛魚和金目鯛的刺身和壽司給我們。每款壽司都配了不同的蔥粒或魚子給我們吃；雖然我們懂的魚類不多，但每款配搭入口時都覺得很新鮮和好吃！煎沖繩餃子煎至金黃色的餃子入面肉汁火超濃郁！芝麻雞奕土佐豆腐好特別的炸物！炸豆腐和薄薄的一層面士醬一起吃味道就不會太淡；豆腐也炸得很香脆。手打安格斯牛肉石鍋烏冬

到佐食晏時間，又咁岩落雨。無意中見到哩間日本料理，決定入去試試。三個人點佐三個定食都好滿意，特別係魚生，新鮮，入口暖暖地，軟軟的，加上d🍣飯處理過，配搭埋一齊口感好。

棉登徑一向多美食，與朋友都愛吃日本菜，於是相約到嵐山日本料理一試。我們坐在吧枱，可以看到師傅準備食物，平時覺得坐吧枱會不太舒適，但這𥚃的座位和高度又不會有這種感覺。先來一個豆腐沙律，配上芝麻醬，超配！豆腐夠凍，與外面熱熱的天氣配合更是絕配！池魚皇刺身、赤鯥刺身和金目鯛刺身，全部都是平常較少吃的刺身，但卻意想不到的好吃。刺身厚切，非常新鮮，魚香齒頰留香！還點了幾件壽司，平常比較常吃燒鯖魚，但鯖魚壽司卻是第一次吃，好吃！看來平日應該多試其他款式的壽司😝還點了幾款小食，個人最愛煎沖繩餃子和紫芋甘栗薯餅。餃子皮薄肉香，外表煎得香脆，内裡放滿餡料。紫芋甘栗餅非常香口，甜甜的帶點甘栗粒，非常好吃！燒芝麻雞翼串燒豆腐日本南瓜手打安格斯牛肉石鍋烏冬，烏冬非常彈牙，而且用石鍋盛著，能較長時間保持温度，以熱烏冬作結實在完美👍🏻

呢排成日都好想食日本野，早排去嵐橋食完野見到附近有昌嵐山日本餐廳都好想試，所以今日就黎左食dinner🥰🥰🥰一開頭我地食左d刺生，其中金目鯛刺生係最吸引我😍平時好少食魚既刺生，呢個金目鯛令我改變左睇法😂😂😂 另外，我地叫左d壽司，加州卷有埋牛油果係入面好鬼正呀😍😍😍驚太飽所以唔敢再叫住！今晚既重點，必定係網燒安格斯牛扒😍😍😍口感勁好，而且佢個汁甜甜地好好味！本身想加碗白飯碗牛扒食！但其實我地仲有個天婦羅烏冬！所以都係放棄左叫飯既念頭！但係個牛真係好juicy😍😍😍一試難忘！最後，串燒同烏冬都黎埋，我地真係食到飽！飽到肚漲漲！個天婦羅最正係南瓜🤣🤣🤣超甜美呀！今晚overall黎講，係超水準！加上我地坐吧枱，d師傅有時一齊傾下計，好nice好親切！一定會再返黎食呀☺️☺️☺️

和家人晚飯，大家都喜歡吃日本菜，我們選了這家居酒屋，位置方便，環境昏暗而裝修有點日式風味。食物選擇多元化，有剌身、燒物和飯麵等，大家點了以下食物:先來了一系列的串燒，並排放在一起，令我們垂涎三尺 (由左至右) :煙肉廣島蠔紅紅的煙肉，厚厚的亦很有鹹香，包著濕潤的、煙韌的廣島蠔。煙肉珍寶帆立貝煙肉和帆立貝cross over，原來味道出奇地夾，不愧為珍寶帆立貝，體積巨大，像一粒墨魚丸一樣，肉質軟腍而一梳梳，亦有鮮甜味。牛柳粒燒得剛剛熟透，充滿肉汁，鮮甜而腍身。特大虎蝦比手掌還要大，搣開了外殼，蒸汽徐徐上升，令我們十分期待。蝦肉口感一流，感覺肉質紮實，同時亦彈牙。豆腐金黃色、厚厚的外皮，單看外表其實難以想像它是豆腐。咬開一口後，原來內裡溫度極高，豆腐滑溜而豆味濃郁。海膽炒飯份量很大，米粒炒得乾身分明，海膽清甜。炒飯加入了粟米粒和蔥花，令顏色更豐富。這裡的串燒很出色，有機會必會重臨。

棉登徑雲集各方美食，要屹立在這個地方必須要有一定質素。先點三色刺身，深海池魚厚切 魚身軟熟油分充足，金目鯛薄切爽口點一點微酸的醬汁更帶出鮮味，油甘魚滑嫩油花均勻。 帆立貝吞拿魚碎壽司，帆立貝輕輕用火灼過 味道更為出色，另外飯有醬油撈過幾特別。 甜蝦海膽壽司，這個不得了甜蝦非常新鮮，另外海膽加上甜蝦是可以這樣甜美的。蒜片安格斯薄燒，廚師非常有心思在牛肉裏包了沖䓤， 蔥的香味更突顯了牛肉嘅鮮味。味道: 無得輸環境: 企理衛生: 乾淨服務: 殷勤抵食: 食物質素跟價錢成正比

去日本都冇食咁多日本美食，返到嚟就狂食日本菜。今晚食得好盡慶，有串燒、鍋飯、刺身、壽司。魷魚軟骨串好爽脆燒鮑魚有陣炭香味道，而且已經起咗肉，食用時唔會覺得麻煩。蒜片安格斯薄燒，裏面包咗葱和炸蒜，安格斯唔鞋。牛肉石頭鍋飯夠熱， 要吹一口，才敢放入口， 唔使撈任何醬汁個飯都好有味道。吉列廣島蠔，吉列冇炸得好燶，裏面仲包住滿滿的蠔。油甘魚腩刺身、池魚皇刺身、金目鯛刺身，三款刺身油份充足，新鮮。帆立貝壽司、甘蝦壽司，唔係咁簡單，帆立貝上面有啲吞拿魚蓉，甘蝦就有海膽，兩款壽司都鮮甜美味。職員會不停加熱茶，温度剛好。 枱同枱之間都幾貼，係非繁忙的時候，如果得兩人，餐廳職員會盡量安排兩個人坐，而隔離枱係冇人，這點有照顧到客人需要。

朋友今晚帶我食好野，話係好正中的日本料理。嵐山日本料理位於尖沙咀棉登徑內，係K11附近，所以並不難找。店內有吧枱及長枱，我們7點到，差不多已經滿座，所以好建議訂位。首先，我們叫左刺身三文魚刺身$38/2件、油甘魚刺身$68/2件、甘蝦刺身$78/4隻刺身鮮甜新鮮，三文魚好厚身，不用沾任何醬汁也有自身甜味。池魚皇$48/件、鯛魚$20/件、金目鯛$58/件池魚魚肉較爽口，加上少許薑，令鮮味更出；肉質厚實，本身魚油不多，加了蟹籽及蔥令魚味更出；細膩肥美的金目鯛，普通加上醬油已經足夠。蒜片安格斯薄燒$148店員推介是招牌菜，安格斯牛味濃郁，包著大量蒜片香蔥，點少少醬汁，食到舔舔脷。肉片下面的芽葉吸了牛肉汁的精華，牛肉肥瘦適中，加上醬汁一吃更美味。串燒日本黑豚肉$38、免治雞肉棒$28、蘆筍$28。燒物火喉控制得好，豚肉及雞肉棒燒得夠嫩，再配上生雞蛋黃鼓油，令肉質更滑。煎沖繩餃子$58餃子外皮煎得脆卜卜，內裡肉汁很多，很juicy!手打泡菜黑豚肉石頭鍋烏冬$118一點點辣的湯帶有一點甜味，可以當湯入一大碗。加入打半熟蛋拌混連手打烏冬吃更爽口彈牙。總括黎講，雖然有小小貴，但是物有所值，食物夠新鮮

尖沙咀日本料理、串燒、居酒屋。店內有吧枱及長枱，平日晚上滿座，建議訂位。左至右池魚皇$48/件、鯛魚$20/件、金目鯛$58/件池魚魚肉較爽口，加上少許薑，令鮮味更出；鯛魚肉質厚實，本身魚油不多，加了蟹籽及蔥令魚味更出；細膩肥美的金目鯛，普通加上醬油已經足夠。三文魚刺身$38/2件、油甘魚刺身$68/2件、甘蝦刺身$78/4隻。刺身鮮甜新鮮，甜蝦不用沾任何醬汁也有自身甜味。蒜片安格斯薄燒$148肉片下面的芽葉吸了牛肉汁的精華，牛肉肥瘦適中，加上醬汁一吃更美味。串燒日本黑豚肉$38、免治雞肉棒$28、蘆筍$28。燒物火喉控制得好，豚肉及雞肉棒燒得夠嫩，再配上生雞蛋黃鼓油，令肉質更滑。煎沖繩餃子$58正常煎餃。手打泡菜黑豚肉石頭鍋烏冬$118，一點點辣的湯帶有一點甜味，打半熟蛋拌混連手打烏冬吃更爽口彈牙。

朋友剛剛去完日本回到香港,佢話好掛住日本野,見到K11附近依間日本餐廳就入去一試。8點幾黎到,入而都好多食客,我地坐吧枱,因為想睇師傅整壽司切刺身。我地點左幾款推介的時日壽司, 野食都好快到。最先黎到既當然係刺身,魴鮄魚,池魚,梭子魚刺身超新鮮,第一次食魴鮄魚,有少少爽口既感覺。梭子魚師資有燒過,食落帶有香口既感覺,而且帶有油分。再黎就有壽司組合，有兩種唔同嘅魚分別係左 赤鯥、右 金目鯛。佢上面加咗有啲似柚子嘅嘢，即刻感覺超級清新。雜錦天婦羅， 炸到個外皮好薄好脆，擺盤又靚。燒羊架燒到啱啱好唔會好乾。燒鮑魚唔會話燒到過數太硬。沖繩餃子，初初以為餃子好普通點知一食佢原來入邊仲有超多汁煎到啱啱好。食埋個石頭鍋飯就超級圓滿啦。