峰壽司 (已結業)

昨天同大B去銅鑼灣峰壽司(白沙道那間),六點多去,等左好耐都依然係32號,都等左45分鐘才有得食～不過,等,都值得架~因為實在好好味!超級推介呢~十個讚!足足食左15碟!食得好像多過去元氣食~價格都同元氣差不多。蟹柳壽司係非一般的蟹柳,好蟹味,加埋個沙拉醬,好惹味!帶子壽司好鮮味,正!酢青魚壽司就好魚味,感覺好特別!三文魚子軍艦(即是壽司有紫菜包住o個隻),嘩~個汁簡直就係「必」晒出黎o個隻,好有口感,讚!火炙鰻魚壽司、三文魚壽司都好食~但左口魚壽司、魚背壽司就令我有點失望啦....不好吃的!而個吞拿魚腩同三文魚腩就較多根,反而普通平凡的,不是腩就好食d!另外,鹽海螺壽司就好清新,好檸檬汁加鹹味,都ok架!花x旗x卷(忘記名稱),外面的彩色粒粒好像魚糧,但卻是卜卜脆的,中間卷炸蝦的,味道ok啦~xx軟殼蟹卷,外面是黑色魚子,中間是軟殼蟹,味道挺好啊!而蔥粒吞拿魚軍艦看上去就好像碎肉一樣,很惹笑!最後的海膽軍艦,我之前都食過,諗住食o下呢度d鮮味,但證實我實在不喜歡食的,因為我不好蟹膏的關係,而兩者味道兼口感相同,所以不設評價。最讚的就是材料夠鮮味,好正呢!而軍艦的紫菜又夠脆口,飯亦與一

上星期日同朋友去行街,一早約定食峰壽司,預咗要排長龍,所以5時許行定過去攞飛。點知去到唔洗等,有點意外,不知是否開了分店的關係呢?幸好我們有點肚餓,亦不理會時間提早開餐。點了約12碟壽司,有三文魚,蟹柳,帶子,海膽,魷魚,燒元貝,腐皮等。大致上用料很新鮮,最欣賞帶子的鮮甜,但海鰻則不如食評說般好吃,海膽亦是一般貨色。眼見師傅們製作認真,值得一讚,亦不奇怪食客那麽願意等。以迴轉壽司來講,水準確是不錯。埋單$220,很合理,不貴。值得一試。

其實已經係好耐之前食架啦! 之前等過兩次都等唔到, 終於等到啦! 不過我覺得好咸,不過因為等左咁耐, 所以要食多d, 但係之後要不停飲水囉

我都食o左好多次啦...由2 月到依家...不過我又覺得排隊係好值得因為佢d壽司真係好好食...我最鐘意佢既蟹柳壽司我次次同男朋友都一定食成7、8碟既...又唔係細件...個人認為好過和花亨同板前2個人食200蚊左右..睇你有冇食好多貴個d姐

食過佢好幾次，無次都無退步，Ｄ野仲比初初黎食既時候大件左，而家開多左間分店，仲唔洗等咁耐位添，唯一有Ｄ美中不足就係兩間都係銅鑼灣......去得峰，第一樣要試既就係佢既帶子寿司，真係好正～超甜超新鮮，又大隻，我第一次可以俾一件寿司塞爆我個口（＝口＝），有咁多優點都只係廿蚊一碟～抵到爛，次次去到都要整兩碟～其次就要試下佢個特大海鰻啦～又大又嫩～正～仲有佢個海膽都唔錯～雖然唔係好頂級既貨色，但係廿五蚊算有個交代，比起出面元綠元氣果Ｄ抵得多啦～我個人就好鍾意食佢個油甘魚腩啦～好鮮又夠魚油～正！！呢排有ｓｅｔ海膽軍艦，有三件，包括淨海膽，另外兩個唔記得係乜＝　＝”不過我上次去佢話未有囉......本來好想試下佢個峰蝦～超大隻～不過我就覺得貴左少少囉....好似成35一件！仲要俾我見次有隻係迴轉度好似乾屍咁。。。。怕怕＝　＝”總括黎講呢～係唔試唔得既！必食！

每次經過峰壽司，都一定好多人等位，所以一直都好想試。今日出開銅鑼灣，所以就專登六點鐘去拎定飛，終於差不多7點鐘有位。首先講下未食之前的感覺。我地係坐迴轉位，先係見到盛壽司的碟，好賤，褪曬色，賣相已經打左折扣，同埋唔知係咪佢地唔夠透明蓋，唔係每一碟壽司都被蓋住。講到味道，講真，真係好一般，係個甜蛋好味少少。果度除左壽司，仲有小食，從迴轉中拎左碟芝士波，唔係好得，好似放左好耐，又唔熱又"林"曬，所以如果食小食，都係直接向佢地order會好d。兩個人埋單over百五蚊，論質素，真係覺得唔係好抵。總括黎講，呢度各方面都俾我想像中差，真係唔明點解會咁多人等位。

15/6 四兜友去食，12:40 等1 pm 入得，當然Hyper 十足la！同Jackie celebrate her B day and it has been the 1 st time l came there.成日見門口咁多人，原來...帶子sushi好吃，炸蠔sushi ok，特長鰻魚我無食，Jackie話好味n really 長，鹽八爪魚sushi 不是太好吃，蝦天婦羅ok ，我想飲個蟹湯a but l couldn't find it in the Menu ar... 都食得幾開心，service ok ga！

thank you very much for your come!雖然唔知小姐你係咩時間黎食野,但係都好多謝你黎我地公司食野~(我就係個日企係門口,嗌得好大聲個wiatress呀^__^)

星期日去好多人,六時取票,八時才有位,好在中間去了shopping! D 魚生都幾新鮮,唔係好差,但是如果講要有特色,就會欠奉囉!我覺得板前好味D,峰壽司d食物同豉油好鹹,要成日飲水!不過要等兩小時,唔係好值囉!

點解d野咁差仲有咁多人排隊ka ??我之前o係佢開業時去食,o個時排得好耐都值得呀.因為d壽司直係好大件好好食, 好衛生... 所以我難得去銅鑼灣梗係再去la, 但今次真係令我好失望呀!! *壽司縮水, 比之前好細件.*d師傅都唔係做野o既,成日o係度玩,好唔正宗.*整完d壽司之後,見到迴轉帶無空位放,都要(格梗)放上去,搞到一碟碟壽司逼住晒,仲有佢o地放完上去之後就唔理,連蓋都唔蓋上d壽司度. 好唔衛生呀!!*落單又落錯por,不過值得一讚係門口個waitress, 佢都幾好禮貌,仲好大聲.**總之我下次唔會去ka la, 又要等咁耐....

當然要花時間在舖前排隊就真係唔好預我。星期六去捧人地場，早了去到銅鑼灣，約了接送的車子又要遲些來，肚子空空的，找處地方快快手吃多少野。行過這裡，已經三點鐘，但都有大約三十人在等。我一個人，吃迥轉正好合適，就來碰下運氣看有沒有位。領位的妹妹立即說有，所以我就在眾目睽睽的情況下，坐了在壽司履帶前，前後也不用十五秒。侍應添了茶，拿了點芥末及醬油，就睇下有咩好食。呢度壽司由九蚊至三十五蚊，價錢比和花亭平一點，同板前就好似差不多。因為剛好坐在其中一個師傅前，所以基本上佢有咩拿出來我就食咩，見佢整壽司都算熟手及一絲不苟，加蛋了信心。埋單計數，頭尾食左六碟，分別是蛋、魷魚鬚、左口魚邊、帶子、水松貝及甜蝦。基本止這裡的壽司是不差，飯不算軟熟亦偏乾，但至少也是手握壽司，算係咁。比較好吃的有帶子，甜味一般，勝在夠大塊不欺場；最貴的是甜蝦，味道反而一般，始終在這些迥轉壽司店，吃平的比吃貴的胯算較高。魷魚鬚及水松貝都幾新鮮又爽脆，都食得過。食到飽一飽，侍應服務都幾好，而看幾個師傅在默默的整壽司，幾認真，不錯。埋單一百廿幾，唔算好平，但都算物有所值。離開時見出面都係幾十人在等緊，當然如果計埋等候時間，就物非所值

琴日再同女朋友去食, 七點幾鐘都唔使點等, 一坐底見到Bar 枱中間有幾個水池, 原來係挪黎解涷三文魚, d水混混濁濁咁,雖然d三文魚有野包住, 但都令人食慾大減, 原來"針"板上既污糟野都會掃落去個水池到....只係落左兩碟海膽(一般,同好少海膽), 兩碟帶子(好梅,又唔爽, 無乜味, 好似食面粉團), 再食三文魚(唔想提, 完全唔好味), 仲有D其他野, all below average...唔好味都算, D人一邊切魚生, 一邊好大聲狂講野, 真係睇住D口水噴出黎...佢d料好似全部好下欄咁, 我見到d鰻魚,原來一舊舊係白色雪涷晒, 求其加d色就賣俾人...仲有好多唔想提...佢d野唔算好平, 但質素只可以講係一間日式麥記..仲要係一間唔干淨既麥記, 食完果晚同女朋友一人肚瀉左三次, 真係貼錢買難受, 以後都係去番元氣好過, 起碼食咁耐都無事...

上星期同朋友到峰壽司食晏, 可能星期二關係(因後面街蒲公英逢星期二lunch有平) 所以唔使等位就直入! 我地兩個人同三個唔識o既女仔share 一個卡位, 每次有嘢食送上嚟, 個侍應拋下碟嘢就算, 又唔講係乜嘢, 我o地兩堆人次次要估大家叫過, 最離譜係十次有八次俾錯嘢我o地仲死話我o地有叫, 下下要對單-好無癮囉!

試海膽壽司，確實唔錯(以呢個價錢，算是超價)。但其他壽司就一般，唔見得特別好食。好似帶子壽司，就有D失望，同和花亭帶子壽司仲有一大段距離。朋友推介蟹柳壽司，係好食過一般蟹柳，但可能希望太大，冇想象中咁好食，但論價錢，都食得過！可能峰壽司比人吹捧得太厲害喇(加上門口等人群非常壯觀)，結果，慕名而我就覺得冇想象中咁好食…唔知係咪希望越大，失望越大呢？

我試過幾次，都唔多滿意。1.成日都要排隊。2.價錢唔平。3.食物普通(有時唔新鮮)。4.服務員太忙。