峰壽司 (已結業)

昨天星期日十二點幾係銅鑼灣食峰壽司，等左不太耐約十分鐘坐car位。沒有什麼食物特別，見別人order 左燒帶子，看來很大又美味，但點知..............口感不太好食。如果要試，大家可以試下帶子刺生。最可惜黎間峰壽司竟然無軟蟹手卷。阿拉斯加卷都好有特色一定要試。不過峰壽司服務好差常常攪差order。其實奧海城有間叫"目黑壽司"係對面比起峰壽司好吃十倍又多款食價錢又不貴。最特別係燒鰻魚。

如果唔駛等... 呢道的確係幾好! 魚生夠生鮮, 價錢又唔貴......<br />不過, 等o左成個鐘... 食呢d 咁普通o既壽司... 真係有d 失望~~~ <br />除非唔駛等啦... 唔係唔會再去下次先!!

期待o左好耐~等o左半個鐘~值得等!!!個menu好靚~D壽司都幾大件~同埋一D都唔貴!!!

之前同朋友0係度食,3個人食,食了270蚊到,唔算好貴的壽司餐呢~我係第一次黎食,5點几到已經要等...3個人想等4人枱,等到差不多7點都冇...因為4人枱佢地得2張...就係門口2張,結果我地等0左差不多一粒鐘...終於有迴轉枱...几誇張...坐底食0既時候,大家都好支力...唔知為乜等成個鐘先有得食.我地食0左蔥粒三文魚腩壽司,費城卷,阿拉斯加卷,炸蠔,海鮮沙律,蛤仔湯,塩蝦天婦羅,帶子壽司,飛魚子壽司等等.蔥粒三文魚几好食,d三文魚好大件同鮮甜,費城卷同阿拉斯加卷都好有特色,唔錯呢~炸蠔就麻麻地,轉到凍哂唔好食...海鮮沙律都ok,上面d刺身都好新鮮,不過個底就全部都係水,感覺好似唔太衛生.蛤仔湯一般,蛤仔得好少,而且冇味,只係有麵豉味.蝦天婦羅ok,隻蝦好新鮮大隻,整天婦羅都好好食~飛魚子d色好紅,好似好假咁.帶子壽司就最有驚喜!隻帶子超大隻,仲極之鮮美!好值得推介呢~佢呢間壽司舖0既壽司款式都几多,比起元氣元綠0個d的確有優膀之處.但佢等位0個度真的好麻煩,個叫位小姐又成日都九唔搭八,問非所答,態度都麻麻地.再係咁,我諗只會試一兩次就夠,因為等0既時間比食0既仲耐...

終於同朋友仔去一試呢間好評如潮既壽司店...禮拜四晚上七點幾...籌號267, 叫到220...所以兜左個圈..大概半個小時就有位...先食$9既三文魚壽司...上面加洋蔥實在唔錯...三文魚片都好大塊...好新鮮..但係D~飯~散~既~, 蟹柳的確好好食, 口感好好, 但係D~飯~散~既~, 火燒幔魚好香, 好大塊, 但係D~飯~散~既~!!!試左個蟹羔壽司...可能我唔多食蟹, 所以覺得味道好怪..推介帶子壽司, 好大塊, d 帶子好多肉, 但係D~飯~散~既~!! 真係, 我當日食十牒壽司有七碟D飯係散既...唔掂喎~~總結, 唔係真係好好好好食囉...我只可以話係高元氣元祿個半到兩個level 囉...

為了一個準備在外地開壽司店的朋友了解多一點, 所以帶佢去峰壽司一趟。幸好拿了籌後去了逛, 所以不用等那麼久, 到逛完回去睇見個籌號只差十多個, 稔住唔會等好耐, 但係就企了大半小時都唔郁, 原來佢一早就跳到好後, 但係就有幾堆人交了籌等入場, 所以先會引到咁多人幫佢企門口做勢。到叫到籌, 一時又話無bar檯, 一時又話俾bar檯我, 但最後都係要坐四人檯。第一個order叫了十碟壽司同一個手卷, 但係就只得七碟上檯, 又唔知係無還是未到, 等了很久都唔見, 就落第二次order, 結果亦係一樣, 要的東西都無到齊, 但係第一次order無到的卻又會有。說回食物, 壽司上的魚生夠新鮮, 但係魚生下的飯就離譜, 未夾就已見鬆散, 做得咁隨便真係過份。那些wasabi亦有點問題, 唔覺有攻鼻的感覺, 反而有些"哪"喉的感覺。三個人吃了25碟, 埋單一共$540, 咁既價錢, 真係唔駛去呢處等咁耐食咁既質素既野。

十點幾都未食飯, 好肚餓. 即使見到峰門口堆滿人, 我都要以吞拿魚腩慰勞自己呢個禮拜的努力!拎了220票, 叫到212, 侍應講明好快輪到我, 叫我唔好走開. 果然下一個已經係我, 鬼叫我一個人咩.一坐低就剔左幾碟限定供應的魚腩壽司. 一碟鰹魚腩, 一碟目安吞拿魚腩, 一碟沙律, 一碟鹽帶子, 一碟三文魚子軍艦.三文魚子軍艦一咬落去時, 紫菜依然係脆! 夾埋三文魚子的豐腴感...人間享受!鰹魚腩連皮, 上檯時好靚仔, 似煙薰過的做法. 被隔離檯的男士好奇, 同侍應講: 我要一碟果d.目安吞拿魚腩好唔得, 十分, 係頭頭尾尾位, 所以至收$15/碟.鹽帶子失手, 完全冇鹽, 檸檬又乾左, 要點返豉油食就唔使點佢喇...埋單$100, 食左15分鐘, 我走時有d人重o係外面等緊...

由當初開店D人排到人山人海, 到而家開埋分店, 兩間我都成日去, 店鋪裡面D人好NICE. 覺得呢間比起元氣, 元綠個D 好好多, 第一次食魚背SUSHI, 有魚既肥味, 大家可以TRY下, 的確唔錯. 但比起初開既時候係, 而家確實好似差左少少, 尋日先又食完, 已經食到唔知食乜好, 因為好似樣樣野都無當初咁好食, 但整體上未食過可以去試下, 點都好過元氣, 元綠

見咁多食評大讚, 噚日咪同朋友興高采烈去試吓囉. 帶子壽司嘅帶子真係好大隻, 但係略嫌欠缺咗鮮味. 其他款式嘅壽司就有少少令人失望, 鹽壽司太鹹, 三文魚壽司上嘅三文魚則太薄, 缺了口感. 整體嚟講, 普普通通...

我地10.30去到都仲要等三張枱,不過見大家都講到咁好,幾張枱就等下啦.普通果d就普普通通,咁就好過元氣果d既.個海膽壽司有陣怪味,一食就知唔新鮮.個吞拿魚腩都有陣怪味, 35蚊得一件.不過個帶子真係幾大隻.

佢d壽司真係幾好.平均質素都好過元氣添. 以下係我覺得最好味gae.蟹柳壽司-真係甜美多汁. 我一向唔鍾情蟹柳都覺得好味.蟹羔壽司-勁重蟹味,唔會好杰!火勺海鰻壽司-燶燶地有bbq味,海鰻唔會淨係俾d汁浸到淋晒.海胆壽司-海胆好鮮味,紫菜鬆化.油甘魚壽司-油甘魚有咬口.芥辣八爪魚壽司

上癮喇... Although I said this restaurant is good, I won't spend two hours to wait for this.Every time, I just take the ticket and walk around.I like some of the food here.燒海鰻軍艦壽司

期待已久,終於趁空堂過海去食喇~由於趕時間,坐order抬算,但係其實轉轉抬都唔係等好耐就有~我破晒紀錄,食左9碟...1.蟹柳x2-就其他人所講,呢度既蟹柳真係好食d甜d唔同d,有沙拉醬係上面,帶起左d甜味,不過我唔太相信呢d係真蟹肉...但係好好食,追加左一碟2.帶子x2-唔知係咪因為d飯少,覺得帶子超厚,仲好鮮,好好食,又係追加左3.三文魚-好明顯係日本黎既三文魚,因為冇挪威既咁肥美,佢地明知日本既三文魚唔靚,就用洋蔥同蔥帶下d味,不過我就唔鍾意咁食...係日本基本上冇乜人會食三文魚4.魚背-我初時諗住魚背會係d好黏既sashimi,唔知唔係,好爽,我好鍾意食~5.左口魚-呢個就真係好黏喇~幾鮮甜,不過有dd筋,扣左分6.甜蝦-冇左牡丹蝦,咁要甜蝦(食飽睇menu先見到有峰蝦>"<),呢個麻麻,唔太鮮甜...7.蟹糕醬-軍艦壽司之一,係加太賀食過,呢度冇加太賀果d咁鮮甜,不過都好好食,有好多蟹糕醬,一d都唔孤寒呢度d飯比較細,我覺得都唔算係變相加價丫~反而係好事,我可以試多d款...食得好飽好飽...晚餐都食唔落...我諗鹽味壽司同峰蝦係我下次幫襯既原因~

This place is pretty bad. I went at a time where there was no queue (3pm), and was VERY disappointed. Everything tasted bad and not fresh. Price was cheap though, i guess that's why so many people like it. Toro is cheap, very cheap, but it does not in any way means it's good.

之前未去過, 見呢度咁多人話好食特登去試下!等左over兩個鐘終於到我喇, 試下基本o既三文魚啦,有蔥o個隻, OH~ 點知無魚味o既?!! 仲乾爭爭無光澤添, 用筷子夾都夾唔開塊三文魚呀! o的蔥就唔錯呀!再來試海膽壽司, 居然用好似手指尾指甲咁大o既海膽仔鋪滿舊飯就算, 一件壽司數埋都有七八塊超微形海膽,第一次見識到... 好彩有劍魚腩, ok有魚味but有筋,仲食左帶子之類o既大路貨, 不過不失. Service OK,但係等咁耐食咁o既質素就唔會去下次囉!