峰壽司 (已結業)

中午響銅鑼灣睇完戲，朋友A突然話想去銅鑼灣出名的壽司店食下，我知道他講既係峰壽司/ 板前壽司，因為之前我去過尖咀既板前食，所以二話不說就話要去峰壽司試下。哈哈迷路左一段時間，好辛苦(?)咁搵到間店。3點鐘，超多位﹗入去到好開心因為唔使等位^_^因為睇戲既時侯食左個麵飽，仲未肚餓，anyway，我以小試牛刀的方式都要食一點點。本身唔食生野，所以食左炸蝦手卷(正﹗超大條蝦)，另外玉子壽司(普通)，朋友B推介既蟹捧壽司(唔好食wor，凍既…比較之下唔夠板前好食)，另外食個左唔記得咩卷(有好多彩色粒粒響飯面，好可愛架，呢個卷好好食﹗)朋友食左三文魚腩手卷(佢話好食)，另外個由魚so壽司(唔得)，仲有吞拿魚壽司(都唔得)其實如果我未去過板前，都會一樣覺得峰壽司唔好食。何況依家我去過板前，就覺得峰壽司整的飯底已經唔得，普普通通一舊飯(朋友B說跟本冇飯味)，2間既壽司飯一樣咁細舊不過板前又燒過又有木魚響面，呢度已經同外面食開既唔同；加上峰壽司本身材料既味道唔係話特別，所以，今次之後我都唔會再去食lu。雖然朋友B都想去一次板前，不過，我認為，我愛的，是(屯門店的)元氣壽司啊///////

試過等夜晚﹐等左兩個鐘﹐行開去個廁所﹐點知過龍﹐仲要過6個號碼(5個內有得後補)﹐算啦, 無緣早幾日下晝4點幾行過﹐嘩﹐唔洗排﹐有位﹐咪入去試下係咪0甘名不虛傳。蟹柳﹐帶子﹐蝦, 樣樣叫D﹐兩個人食左好似8碟味道好好, 同平價壽司係兩回事﹐新鮮埋單$180幾﹐唔係好飽咋, 雖然貴小小﹐但係值!!

見呢到咁多人話好食,就同朋友去試^v^.晚上6點幾7點,等左差唔多2個鐘就輪到啦.d壽司真係好新鮮.三文魚壽司好好味,$9最好味係炸蝦天婦羅,$20蟹柳唔係普通超市買果種.ok好味,值得一試

終於試埋白沙道呢間峰壽司.因為早去, 所以不用等位.和第一次在另一間上樓的分店那間相比, 今次吃好像普普通通..雖然都是好吃, 新鮮..不得不提是很快, 落單一會, 所有食物都擺在面前了..看見很多人都將峰壽司和版前比較...我都是覺得版前好一點.

好多人讚峰壽司好好食上星期夜晚決定一試,等位等左9個字,都唔算耐o既~唔知點解...我覺得味道相比之下,板前好d喎~峰壽司係好多款,但係試過三文魚,唔係咁新鮮~其他壽司味道都唔係太出眾,我覺得最好味係帶子刺身!超大隻~又多~不過...都係試過就算~下次如果要等位,都唔會揀依間~

星期二同男朋去食ｌｕｎｃｈ，人唔算好多，但都等左五分鐘到。ｄ壽司都ｏｋ，好新鮮，而且服務態度都好好，（個杯仲好大）！但就嫌格局什麼日本ｆｅｅｌ，而且我覺得，都係尖咀的「板前」好食ｄ，同靚ｄ。

話說之前要去美華氏，有一兩件不錯但不值，始終都相信日本、英國甚至泰國的flea market先有我想要的款式，故再相約朋友於銅鑼灣聚聚。朋友想吃日本野，故試試這間手握壽司。逛了muji & roxy之後，等一陣有位，朋友已經急不及待，鬧饑荒？叫了食物：三文魚、熟蝦、甜蝦、粗鹽類、海膽等，都叫成十幾碟，而熟帆立貝不錯，咬下去沒有雪藏味，新鮮可口，若不要汁的話會好點。另外叫了帶子手卷真的有意外，紫菜香脆，帶子新鮮清甜，可以說是最好吃的一款。言談之間，講述昔日朋友的遭遇，一笑置之，不禁說句「今日吾軀歸故土，他朝君體也相同」。

好耐都冇黎過食,首先講下海膽壽司,都算幾新鮮,所以食左幾碟,佢有個鵝肝壽司,呢個唔試都冇損失,三文魚籽就麻麻,梗係覺得佢差少少!好似以前好食d,或者下次要試真d先得!!!!蟹柳壽司唔係出面果d貨色,所以好多次都會叫黎食!!!!帶子壽司幾甜!!!會繼續趁佢冇咁多人時去會,慳番好多時間架,haha

好多時經過都見到呢間野排哂隊, 心諗應該唔差得去邊啦! 有幸有次經過唔駛排隊喎(個陣係3:30pm)就梗係入去試下有幾"好"啦, 點知... 首先壽司豉油係勁咸, 口感似生抽, 連酸薑都係咸既! 但wasabi又無乜味喎! 至於壽司, 唉~ 有"鮮橙色"既三文魚, 腥到暈既海膽同埋發霉既蝦! 本來我地食左一轉係未飽ga, 但d野實在太難食, 我地寧願去渣甸坊食魚旦粉好過!!!至於服務就更加唔好講, 侍應好似游魂咁...

好多人話好, 就去試下啦, 果然唔錯, 我覺得好食過板前. 個軟殼蟹sushi超好食, (板前o個個林左). 仲有其他野都好正, 兩個人食左10碟, 都飽, 幾好架. 只係d service唔算好... 不過d食物補番數

我覺得有幾樣真係好好味, ^v^海膽壽司-有款有紫菜,有款無,兩款都好新鮮,好好味大鰻壽司-超長鰻魚,又軟又正蟹柳壽司-真係蟹肉,唔係麵粉軟殼蟹手卷-軟殼蟹好大隻,脆卜卜但硯肉麵豉湯就麻麻,三文魚壽司無洋蔥會好啲,但各人口味唔同無論如何,值得推介!!!

我之前食過一次峰, 覺得ok啦! 但今次試過鵝肝and 帶子sushi 之後, 覺得好掂喎! 尤其係鵝肝, 有d金箔係面, 又精緻, 又好味! 可惜唔係好熱辣辣. 但入口即溶, 最緊要唔so. 最後都忍唔住, 再encoure 多一客! 其他的ok啦, 帶子都幾好, 彈牙! 如果帶子味再多一點, 就好啦! 不過都係北海道好味d....

男友仔帶我去過咁多間迴轉壽司店,論新鮮味美都非峰壽司莫屬了。3月2日的早上還因肚瀉而請了假,好彩下午開始好轉,無咩事lu;男友仔很想吃峰壽司(峰仔),其實我都好耐無食想品嚐呢~於是襯佢一下班就去食,六時到達,不用等位,非常好,相信遲多10-15分鐘已經開始要等位。我地點左三文魚壽司,劍魚壽司,塩墨魚壽司,塩帶子壽司,鰹魚壽司,墨魚鬚壽司,吞拿魚軍艦壽司,燒沙甸魚壽司,兩碟蟹柳壽司,兩碟吞拿魚壽司,仲有新出既塩海膽壽司同埋鰤魚壽司啊~ 共十四碟,基本上碟碟都好好味~ 特別係塩帶子,吞拿魚,同埋鰤魚壽司~ 新出既鰤魚壽司係超乎想像既肥美啊,塩帶子好大粒又夠厚身,正到不得了!男友仔好喜歡食吞拿魚同峰仔既蟹柳,我地兩個人食完都非常非常之滿足呢~! ^^

聽過有人話呢間峰壽司好食啲，尋晚終於有機會同多多去試吓。我哋都叫咗幾多壽司架，不過我就覺得幾款卷物最好味，如帶子卷、軟殼蟹卷同費城卷。如果同鑽石大廈比，我會覺得其實嗰間做嘅壽司比較好，個樣都靚啲。而今次比較令我失望嘅就係碟三文魚壽司喇，三文魚壽司係我去邊間壽司都必點嘅，雖然係最普通，但係通常碟三文魚都做得唔好，其他壽司都唔會好得去邊，今次碟三文魚唔可以話差，不過超級普通，以size同新鮮度嚟比，似乎同和花亭仲差一大截。至於碟炸八爪魚呢，其實旺角啲十蚊大大包炸魷魚鬚仲好味。

六點半去排隊排了半個鐘，無論排近隊還是坐低食近，外面排隊的人有增沒減，很利害。侍應的服務和站崗位置都表現出有秩序，而且整體感覺是樂於助人的。三個人去食，食了25樣野，評價大致如下：蛤湯：有蛤的鮮味，有多隻蛤，配合少許味噌，很好海膽和生帶子是最好味的，其次還有峰蝦和數款海產類的都值得讚。整體感覺是很鮮，刺身的質素比一般壽司店的高出兩倍，價錢與元氣相約，但質素比元氣好一倍。除此之外，一些平價些的壽司，如三文魚，這裡加入多些配料，讓人有特別和新口味的感覺。可惜：鰻魚就非常一般由於好食，所以食了很多及多叫了價錢貴D的款式，但下次再來應該不會如這次瘋狂。評論：貴價那些會比較好食，但平價的亦比其他壽司店的更好。