峰壽司 (已結業)

I think this restaurant needs no explanation. It's definitely worth lining up for.I'm so glad that they managed to keep the quality consistent since they first started business. Keep it up, and don't ever sacrifice the quality for price!

一早預左會好多人所以5 點幾一早排定隊排左幾粒鍾有得食間格唔錯service 都幾好但食物OK...無咩特別...同和民.. 元氣差唔多.. 但勝在夠多人等麻!!

帶子厚到不得了,又鮮甜,正!蝦係彈牙,爽口，正!海膽新鮮,絕無腥味!咁既質素,價錢算合理!值得等位!下次再食!

我試過目黑,和花亭,元氣.....都係比峰壽司縱壞左,只有係佢度先可以食到com棉胎壽司~~塊塊肉都好以棉胎咁com係舊飯度,完全見唔到舊飯.帶子壽司要最後先可以食,成件扒咁,一開波食會食唔落後面d野.但最憎佢一樣野(only one), 要等好鬼耐先入到場囉.

8 January 2006 - 晚飯尋晚成九點鐘至黎到，但係都要等，真係犀利！其實都食過幾次，但係突然又想食壽司，所以揀咗呢度，味道依然唔錯，尤其以蟹柳壽司為最好味，我每次黎都會叫兩碟（即係一人一碟），佢並唔係普通蟹柳，係好似長腳蟹嗰種，真係抵受唔住！其次以佢既生帶子壽司係好味，好肥美好大件，食得好開心！waitress服務好，效率高，隨時有人見到你叫嘢！值得加許！不過位就迫咗啲．．．

無睇過食評去食！覺得意外收獲！食得好開心！下午0330也幾多人但不用等位。-那帶子壽司，帶子甜得厲害，厚都不得了，難忘！-那軟殼蟹手卷，蟹大到傢爬出來，但仍又脆又甜又香！-最難忘有個侍應同師傅講有一碟略為乾，師傅就豪氣地命令全條廻轉壽司都通通棄掉，為了確保新鮮啊！還記得以前下午茶時間吃壽司亭那廻轉運輸帶永遠都是那走哂樣的壽司，無新貨出！今次峰壽司的做法很驚喜！整體來說碟頭、味道、價錢都非當ok!2人吃了11碟$220結帳！

攞o左飛仔再去行街街,咁好彩只係過o左五張枱. 有得補.金箔鵝肝壽司,三十五蚊一件,但係真係好好味,入口即溶,又有金箔,極豪.芥末八爪魚軍艦,芥末八爪魚凍冰冰,紫菜脆卜卜,encore左一次.海鹽海膽壽司,都係一般o既海膽壽司,但勝在夠新鮮.蟹柳壽司好似冇以前咁好.其他o既質素一般,但係就係以上果幾碟,都值得排半個鐘.

It's really good value for money. I would recommend their raw scallop sushi in particular.

要等位,不過nevermind la,附近有好多shops!!我覺得火炙鰻魚最好吃,勁香口~甜ha都幾清甜,吃完感覺好fresh.好吃過元氣好多la,又不到排隊....

佢d壽司真係好食架，我最欣賞係佢既火燒過既帶子壽司，面頭脆脆地﹐裡面好甜。好好吃呀！仲有成支筷子咁長既鰻魚壽司！正！個日係食lunch，兩個人食，食左10碟約共$180。個到d壽司有平有貴，9蚊既三文魚壽司都ok架！款都幾多。

雖然要等位, 但都值o既~蟹柳壽司真係勁正!鹽燒壽司系列都唔錯~峰蝦、帶子壽司又新鮮又多肉~服務都好好, 好快有人o黎落單~但兩次去都試過漏單呀....

星期一下晏五點幾經過，咁啱又未食晏，見無人就入咗去試呢間經常排長龍既sushi店。款式真係好多，雖然唔係繁忙時間但係師傅都一路都又整出來。而且9蚊既sushi明顯比元氣多而且賣相都比較靚。我食咗3碟都好新鮮，如果唔係咁多人都會一到再到。

個日同朋友專登去試呢間...點知, 去到好多人排隊,好彩都唔算等得耐但門口個waitress好無記性,我地特登要bar 檯所以等得咁耐,結果好彩我朋友就好眼利見到張檯之後就同門口個姐姐講我地話要bar檯先,你點可以亂咁比檯架...唔係個姐姐就比左張bar檯個2個哥哥仔...三文魚都ok,洋蔥夾住都唔錯,不過唔係人人都食洋蔥,所以我朋友就挑晒出黎,晒左洋蔥喇叫左2款帶子,一款生既,都好食,貪佢夠肥..另一隻就熟,不過好凍,有d感覺係雪櫃即拎出黎咁..海膽ok,其他都勉勉強強,手卷都麻麻地...最難食係個個吞拿魚,食完之後好想嘔...我同我朋友決定唔會再比機會呢間野...

其實我唔食生o既魚, 食親都係貝殼類魷魚類之類. 但我都好鍾意食壽司. 峰壽司價錢貴元氣小小, 但就好食好多, 起碼全部壽司係食人手整. 本身我鍾意食帶子, 但又唔鍾意食生帶子, 但峰有款火灸帶子壽司真係幾唔錯, 有火燒過o既香味, 半生不熟有帶子o既鮮甜味. 仲有吉烈蝦手卷都係一個唔錯o既選擇, 炸得夠香脆唔硬(不過嚿蝦就細隻o左小小). 手卷美中不足係塊紫菜唔夠脆(食過一次係脆咋!)整體o黎講....... 好食, 我會繼續幫襯!

其實...今次的港島之旅...最主要的目的是去上一次令我好回味的"峰壽司"..今次..等得唔耐..可以我們好早去啦！大約5:45等...等到6:10可以入去啦！今次當然有試大家推介的…帶子壽司同埋蟹柳壽司啦！帶子壽司….真係好大件…但係就好凍…..唔覺得好好味！至於個個蟹柳壽司..真係好好味….好味到忍唔住…我食左三碟….哈哈！今次當然都有試下其他壽司...因為早前嚴重皮膚敏感…唔可以食蝦…而家好翻….要食翻夠本….我食左全部有蝦的壽司,,,,蝦的刺身壽司真係好大件…好好味…本人特別推介係…..個樣唔太靚仔的甜蝦壽司….真係好鮮甜..好好味！至於,,,,有一個唔點叫咩名的三文魚魚生壽司都好好味！好似有燒過的….但整體好講…都好似無左D魚生咁新鮮…同鮮甜…..好似有D失色咁樣！哈哈！食完之後...去另外一邊行下的時候...見到板前壽司咁多人等...我打算下一次會過去個度試下呀！