峰壽司 (已結業)

中午響銅鑼灣睇完戲，朋友A突然話想去銅鑼灣出名的壽司店食下，我知道他講既係峰壽司/ 板前壽司，因為之前我去過尖咀既板前食，所以二話不說就話要去峰壽司試下。哈哈迷路左一段時間，好辛苦(?)咁搵到間店。3點鐘，超多位﹗入去到好開心因為唔使等位^_^因為睇戲既時侯食左個麵飽，仲未肚餓，anyway，我以小試牛刀的方式都要食一點點。本身唔食生野，所以食左炸蝦手卷(正﹗超大條蝦)，另外玉子壽司(普通)，朋友B推介既蟹捧壽司(唔好食wor，凍既…比較之下唔夠板前好食)，另外食個左唔記得咩卷(有好多彩色粒粒響飯面，好可愛架，呢個卷好好食﹗)朋友食左三文魚腩手卷(佢話好食)，另外個由魚so壽司(唔得)，仲有吞拿魚壽司(都唔得)其實如果我未去過板前，都會一樣覺得峰壽司唔好食。何況依家我去過板前，就覺得峰壽司整的飯底已經唔得，普普通通一舊飯(朋友B說跟本冇飯味)，2間既壽司飯一樣咁細舊不過板前又燒過又有木魚響面，呢度已經同外面食開既唔同；加上峰壽司本身材料既味道唔係話特別，所以，今次之後我都唔會再去食lu。雖然朋友B都想去一次板前，不過，我認為，我愛的，是(屯門店的)元氣壽司啊///////