岳川串揚 (已結業)

今日經過銅鑼灣見到呢間小店 食日式串揚價錢唔貴 又幾多選擇 就支持下啦我地兩人去 叫左燒牛舌心 呢度服務都唔錯 會介紹下菜式😋牛舌心係自家制 炆4小時 食落口好香好冧🤩同平時既牛舌口感好唔同 唔似食緊牛舌...必食呀之後仲有叫七味燒鴨舌...燒得好香口👍🏼唔係好多地方有燒鴨舌食 燒日本多春魚 個人好中意食多春魚 口感豐富 燒得都香口 正😋 燒菠蘿都好新鮮 甜甜酸酸 好多汁 食左好開胃 一人食左一串🤣呢日仲叫左北海道天使蝦...好味到唔記得影相😂 食得出d蝦好鮮甜 皮炸得好薄 每人食左兩隻 必食呀😋

朋友生日話想食日本野，銅鑼灣好多都試過！今年揾間新店試下同支持下本地小店！雖然舖面唔都坐得舒服，而且炸物有驚喜，粉薄鬆脆。價錢合理推介雞軟骨串炸年糕炸蝦串（生日蛋糕自備）

以前幫襯過神村日本料理。覺得好正，最近知道佢地係銅鑼灣開咗間岳川串揚，所以去試吓，佢哋話串揚係大阪嘅串燒風味，跟一般串燒不同，叫咗好幾樣試，食物超有驚喜，炸蝦啲炸粉超薄，蝦新鲜; 露筍賣相好靚; 炸雞皮好脆口，另外店長推介了燒日本蠔，超好味; 間店好有日本feel，值得推介

同老闆們去食好野上個月食過返尋味。今個月再黎過😍叫咗兩個一人串揚串燒set. 最正最正最正就係個燒蠔😍老闆娘話係燒日本蠔。加咗兩set蠔 一人食三隻蠔先夠皮$195 有4大隻啲蠔燒完出嚟脹卜卜。仲大大隻。好水潤😍🤩又甜又juice 必食芝士冬菇都好正 juice!返到屋企仲好回味過燒豬肉 同牛肉串虎蝦都燒得好正。大大隻又juice 😆😆我啲friend 好鍾意食燒白鱔。大小通吃😆連兩位好難服侍嘅小主子 都食到舔舔脷 一人要食一串其實我個人嚟講覺得多春魚都幾好㗎。自己真係燒唔到😂🤣 冇穿冇爛的原味仲有個爆汁豚肉車厘茄。着白色衫真係唔好叫😂😂😂😂😂😂😂個稻庭烏冬冷超彈牙。雖然我本身鍾意食幼烏冬。不過佢呢個粗烏冬真係好彈牙燒飯團好食不過昆布飯團係蒸既 就冇燒飯團咁好食啦😆今次太肚餓 冇影相。下次早啲食影埋相先

本身冇睇開Openrice嘅習慣 但今次真係忍唔到當日即刻開戶投訴 成餐飯一開頭嘅服務甚至嘢食都過關 點知中途突然跳出一隻老鼠 隻老鼠從天而降跌左落地 兩位店員都嚇到企咗喺度 冇一個打算郁 嚇到我即場離開 其中一個都算適做去搵人捉 但身爲餐飲業 唔係應該見慣不怕？ 好啦 餐飯都比隻老鼠破壞左 朋友叫賣單 結果得85折？店員雖然有不停道歉，但都真係好唔比面仲收我哋錢🤣 出去搵嘢食 離開嘅時候行過間舖 既然仲營業緊 不是應該關閉即時處理的嗎？建議唔怕老鼠嘅人可以去試下 記得見到老鼠都要照樣比錢架🤣

啤啤佢🍺🍺食串燒🍢🍢不是普通串燒小店有特食 用心製造食材新鮮外雞皮餃子豚肉秋葵卷茄子用日本茄子🍆 老闆娘超級Nice🤗🤗下次試試手工啤酒🍻我九龍人都會再次越海幫襯

早幾日去銅鑼灣搵朋友食lunch 朋友推介位於銅鑼灣同灣仔交界嘅岳川串揚🍱 午市套餐性價比好高 有多款日式定食選擇 每個set都包麵豉湯前菜及飲品 唔怪之得好多上班一族去食😗我叫咗原條蒲燒鰻魚飯 一大條鰻魚嫩滑肥美 最重要係無碎骨！同🍚是絕配呢😋朋友就叫咗和風照燒雞扒湯烏冬🐓 雞扒醃得入味 外皮燒得香脆加上惹味照燒汁 同清湯烏冬相輔相成🍲餐廳名有串揚兩個字 無理由唔試吓嘅！我哋叫咗香菇雞翼各一 串揚嘅精粹在於炸衣要夠薄脆 呢度就做到啦 即叫即炸 炸粉皮薄🤌🏻 咬開香菇仍保留啖啖菇汁 雞翼亦炸到脆卜卜 大大隻啖啖肉🍢

串揚，原來係指日本用啲粉裹住食物去炸嘅串串，好多年前人生第一次去日本嘅大阪時食過，當時覺得一般般，估唔到香港食嘅又幾好味😋同朋友各自叫左一個餐，佢叫左串揚四串加飯團餐，我叫左日式咖哩吉列炸豬扒餐。佢俾左少少我試，個串揚嘅粉好薄，炸得又夠脆，又夠熱。不過個咖哩吉列豬扒有驚喜，塊豬扒炸得好脆化，豬肉個肉質結實又多汁，又夠白淨，有豬味無雪味，豬扒夠厚夠大塊，全瘦無肥肉，啖啖肉，可以話係近年食過最好味嘅吉列豬扒👍

之前搭巴士經過見到呢間串揚日式居酒屋🍡就已經好想試吓 今日晏晝終於去咗🤩餐廳店面細細 但充滿日式小店嘅感覺🏮平日有推出特惠午市套餐 經濟又方便🍱啱晒啲喺附近返工返學嘅朋友lunch time嚟食定食包麵豉湯 兩款小菜同飲品🥣🥤仲可以追加串揚試吓 十分之滿足🍢 🍜日式牛肉烏冬 ($88)定食擺盤十分精緻 非常之打卡able📸醬油湯底配日本烏冬 清清地食落好舒服👍🏻烏冬質地彈牙唔會散 份量亦都好充足牛肉醬汁偏甜又濃味 配上烏冬都好夾😋牛肉唔會太韌 肥瘦適中 小朋友都咬到洋蔥金菇吸晒牛肉醬汁 十分惹味🥰🥟日式餃子烏冬 ($68)餃子一上枱就聞到好香 隻隻炸到金黃色🤩咬落餃子皮非常香脆 餡料唔會過鹹趁熱咬一口真係一絕 配上醬汁一齊食仲正🥰好欣賞定食會配上麵豉湯同飲品兩個小菜亦令成個定食更加圓滿 😋😋🍢追加串揚：香菇、雞翼香菇串望落好似波板糖 好搞笑🍭食落外脆內軟 香菇汁滿滿🥰雞翼即叫即炸 等幾耐都值得啦😆外皮炸得好香脆 調味都好充足 唔會得外皮有味👍🏻

平時極少寫食評，但今次真係忍唔住。星期日下午茶+晚餐嚟幫襯，諗住支持小店，總數3個人埋單千幾蚊(連飲酒)。點知服務態度極度惡劣，要乜冇乜，零Service。六百幾蚊一支清酒，連冷清酒壼都無，又連冰都冇！！！要求雪住支酒都仲要俾佢黑面!!!! 🤬🤬🤬🤬問個waitress野，佢只顧打機應都懶得應！可能佢良心發現就走岀唻收野，點知就連未食完嘅都想收😡😡😡味道一般，雞皮餃子係好食嘅，其他都偏鹹。尤其係個燒魚子，鹹到苦😖呢間野都有優點嘅。。。夠涼，因為全店得我哋一枱😏

🍛日式咖喱吉列豬扒飯（$88）🍛吉列豬扒都幾大塊🐷，個皮炸到脆卜卜，咖喱就正常，周圍嘅日本咖喱都係咁上下味👌，成個飯份量唔細😃。 🍱原條蒲燒鰻魚飯（$108）🍱原條鰻魚真係好吸引🤩，大約一隻女仔手板嘅長度✋，size合理，唔算貴👍。鰻魚汁撈飯好好味😋，一啖鰻魚一啖飯好滿足☺️☺️☺️。個餐包一杯飲品🥤，一碗面鼔湯🍵，中華沙律🥗，車尼茄🍅。額外加咗1隻雞翼（$15）同埋炸冬菇（$10）。

隱世灣仔串揚小店返工成日經過都唔知有間串揚店，嚴格黎講佢係銅鑼灣行過去會近啲。舖仔細細不過好有日本風，其中一面牆更用左大阪通天閣街景做背景，好懷念日本呀~~佢午巿有好多選擇，有飯/烏冬套餐同埋串揚套餐，重包一罐汽水，我就揀左日式咖哩吉列豬扒飯配可樂，同事揀左串揚4串set。個餐擺盤好靚，前菜有車厘茄、中華沙律2小碟，重有海帶麵豉湯1碗。主菜吉列豬扒夠晒大塊，炸漿緊緊包實豬扒，好鬆化香脆，豬扒肉質結實有肉汁，肉色好白淨，唔係雪到變左粉紅色嘅雪藏貨，同埋豬扒係有味道，係高質的吉列豬扒。咖哩汁入面有紅蘿蔔同薯仔粒，有咖哩香，好送飯，正！

有時唔想食太貴 但又想去食一餐CP值幾高嘅lunch絕對可以選擇呢一間良心店!!食完佢哋嘅lunch好滿足 食得出即使唔係用太貴嘅價錢都做到幾有心思嘅嘢食!佢哋夜晚仲要做串揚同居酒屋 相信收工去飲番杯應該唔錯😼(Bookmark/ share 比fd 一齊幫襯良心店啦!)•🍱 和風照燒雞扒湯鳥冬(加一串香菇) $88照燒雞扒做到正常水準以上! 雞皮好脆 肉質都嫩滑重點係雞扒份量好多 好似食極都食唔完咁烏冬用平時急凍彈牙嗰一隻 絕對唔係平價烏冬!湯底應該用咗平時日式嘅高湯 咸度啱啱好!香菇串揚 真係做到粉好薄 而裏面嫩滑多汁👍🏽🍱 日式咖哩吉列豬扒飯 (加香脆雞翼) $93吉列豬扒嘅份量同樣係好多 仲要炸得超級脆咖喱係日式嘅風格 甜甜地 幾香濃!香脆雞翼嘅面頭淋咗好多醬油 令成個味道嘅層次昇華左會唔會再去: 抵食又高質嘅良心店 點可以唔幫襯啊💛#feiseuilife美食#faiseuilife銅鑼灣#廢水生活 #廢水人生 #hkfoodie #香港美食 #足料 #foodiehk #foodie香港 #良心店 #良心小店 #香港人 #平民美食 #吉列豬扒 #日式咖喱 #照燒雞扒 #烏冬

串揚係大阪最出名嘅平民美食🤤🤤🤤實在太耐冇去旅行 喺香港都要特登搵一啲異國美食 🫠 汁燒雞胸雞軟骨有咬口，而芝士雞軟骨串就充滿芝士味，小食帶子三文魚子有驚喜三文魚鋪面入邊有戀戀嘅帶子口感好新鮮😍😍燒昆布飯團笑得兩面有脆口，仲有淡淡的昆布未食落一啲都唔單調👍👍🤕和風到庭冷烏冬，清新的口感適合夏天的天氣。🫶🏻燒金菇肥牛卷，肉汁流晒落啲金菇度又唔會老。最鍾意食芝士年糕，呢度都有提供。飲品叫咗支裝啤酒同蘋果梳打再加埋佐酒小食枝豆一客，可以慢慢食慢慢飲。🍻🍻佢行居酒屋風格 可以同朋友好好喺度傾偈飲杯啤酒 Chill 番一個晚上❤️ 舖頭座位雖然唔多 但係就有一種令人親切嘅感覺👍 店員仲會同我哋傾吓計 了解多啲呢種日本嘅文化🇯🇵另外去嘅時候大家先book位 費事到時摸門釘呀🥺🥺

下午係香港區食Lunch揾到間好正，舖仔細細味道好價錢又抵仲要係好有返鄉吓嘅日式味道，舖頭門口位打咭一流😍日式咖哩吉列豬扒🐷飯配海蝦串燒包飲品可樂，日式咖哩唔辣啱小朋友食👍👍之餘，個吉列豬扒先係靈魂呀❤️，香脆鬆軟每一咬都脆卜卜豬扒肉質好多汁，就連飯都用日本珍珠米yummy，真係落足料落足心機呀！👍👍日式🥟餃子烏冬配香脆雞翼包飲品可忌廉，呢個餐正呀😍餃子外皮炸到脆卜卜，裏面肉餡好juicy“正”呀，烏冬好粗仲好彈牙，好好味呀，加埋炸到好香脆嘅雞翼🐥一咬落去係好多汁好惹味呀👍68蚊好抵食呀！💯💯串燒🦐海蝦好大隻啖啖肉帶仲好彈牙添，唔怪之得咁多人叫串燒啦😁😁岳川串揚地址：灣仔摩理臣山道8號地舖