岳川串揚 (已結業)

食物分量十分精緻，以同等價錢在其他類似餐廳足以食飽2個成人。🤗食物上菜速度偏慢，肯定是即叫即整，冷食竟然比熱食最後才上。💁🏻‍♀️海鮮類無挑剔，蝦口感結實不是軟綿綿死蝦的感覺，蟹柳就感覺上同普通蟹柳冇分別，不會再去食

穿過鵝頸橋黎到呢間串燒小店, 用上自助落單, 款式都幾多, 味道很好, 價錢合理, 絕對值得回頭!先叫上一個蓄茄沙律, 酸酸甜甜, 又帶點咸味, 豐富得黎相當清新, 好開胃!餐廳名未有串揚二字, 決定先叫兩串, 帶子三文魚籽既組合真係無得輸, 咸香, 脆口, 再加少少汁, 減低熱氣感覺~後面果串是年糕, 岩晒煙韌控, 口感非常Q彈, 好正!除了串揚仲有串燒, 叫左白鱔, 牛肉眼, 雞腎, 豬頸肉, 北海道薯仔等等,即叫即燒, 白鱔魚味濃, 醬汁好味, 牛肉眼好淋, 感覺呢到既串燒調味都很對味, 而且非常JUICY, 每一串都整得剛剛好, 真係好好食, 連舊薯仔都燒得好好!!除左串燒等小食, 都有烏冬等既主食, 填飽個肚呢個甜品又係煙韌控恩物, 炸年糕配紅豆, 絕對可以食上3件!!!

大家講起日本食物就會聯想起壽司、刺身、壽喜燒或串燒。不過近年越來越多餐廳推出串揚，其實有串揚專門店！其實串揚係關西地區既一種小食，食材沾上炸漿後油炸。今日係銅鑼灣經過以串揚為主題既岳川串揚。我哋見到餐牌覺得午市套餐幾扺，而且包埋一款串揚。- 日式咖喱雞肉飯咖喱味道偏甜，一啲辣味都無，汁既份量亦足夠，唔會食到最後只有白飯。雞肉亦好大件。- 日式牛肉烏冬烏冬煙韌彈牙，牛肉因為加左洋蔥一齊煮所以增添甜味，內質亦唔錯，旁邊仲有醃蘿蔔同中華沙律。套餐仲有飲品！- 雞翼串揚比起一般串揚，雞翼炸粉好似厚啲，不過佢嗰特製醬汁真係好正，味道酸酸甜甜，另外雞翼肉質嫩滑而且又juicy。雖然今日只係食咗雞翼串揚，但已經令我印象深刻，相信餐廳其他全部串揚一樣咁好食😋

好耐冇去大阪，見到有炸串店好吸引，所以決定一試。經OpenRice訂位，就送Sapporo一支，雖然係細支裝，但係因為久違了Sapporo嘅支裝啤酒，所以嗰陣清甜味已經為之一振。叫咗個二人餐再加啲嘢食，炸串個皮好薄，啲食材都好味，尤其係牛，雖然炸過，但係一啲都唔硬，仲有肉汁喺入邊，而蝦都係，炸完入邊嗰種鮮甜味依然留喺隻蝦度，肉質彈牙爽口，加埋嗰啲醬汁，簡直係一流蔬菜炸串都好好食，唔會好乾，尤其是秋葵同茄子，值得一試，佢仲有個自家製辣醬，但係唔太吸引，反而個炸醬個汁就調得好好雞皮餃子都有驚喜，一啲都唔漏，雞皮脆，配埋啲餡料好夾，一定要試最後加左串燒菠蘿大滿足不過我覺得串燒的驚喜冇咁大，去到就一定要食炸串

招牌串揚串燒拼盤 $380串揚即係用炸粉包住新鮮嘅食材，銅鑼灣嘅岳川串揚都有得食，諗唔到食串燒定係串揚，呢個招牌拼盤就啱晒，有12串，比起散叫抵好多，包括有-豚肉秋葵卷串-北海道天使蝦-紫蘇魷魚卷-汁燒鹿兒島黑豚肉-鹽燒美國頂級牛肉眼-燒日本蠔-炸雞胸雞軟骨炸粉薄薄一層，食材新鮮，調味啱啱好，唔需要點任何醬汁都已經夠味😍呢度亦都有好多款啤酒同sake ，放工後同同事/朋友嚟食住串燒飲返杯都唔錯🍻岳川串揚📍銅鑼灣摩理臣山道8號地舖

今日嚟到位於灣仔同銅鑼灣交界，有間居酒屋，串燒風格餐廳，今日叫咗個咖喱吉列豬扒同埋蒲燒鰻魚飯定食。 ⭐️咖喱吉列豬扒（$88）⭐️吉列豬扒份量頗多，一份有七八件，即使影左10分鐘相之後豬扒依然金黃香脆。 同埋珍珠米粒粒分明，特別香口。 ⭐️蒲燒鰻魚飯定食（$108）⭐️蒲燒鰻魚一啲都唔馬虎，鰻魚大大條，啖啖都有鰻魚，感覺好幸福。而且食材上乘，鰻魚十分嫩滑，係高質之選。 午市套餐價錢合理，人均消費80至100左右。而且食物份量頗多，而且即叫即整，超有誠意， 味道方面中上。另外串燒亦都出色，Shiitake 串燒遞上枱仲熱辣辣，脆卜卜。整體而言真係幾好食，可以再幫襯。

成日經過 但都係第一次嚟食手機落單 lunch set都幾多款同埋幾十蚊就有 好抵食嗌咗2款share收工嚟happy hour飲返杯都唔錯日式咖喱吉列豬扒飯 $88吉列豬扒炸得好鬆脆 肉質幾嫩滑一向好鐘意日式嘅咖喱 甜甜哋又夠濃味再加埋薯仔粒 好好味日式炸餃子烏冬 $68餃子炸得好香脆 入面就好juicy茄子 +$10燒茄子就食得多 都係第一次食串揚嘅茄子🍆幾特別 keep到茄子嘅汁汁香脆雞翼 +$15埋單每人$100好滿足

#岳川串揚阿仔喺灣仔伊館有課外活動，接完佢，已經到咗午飯時間。我哋最後喺摩理臣山道一間街坊日式小店，食經濟抵食嘅午市套餐。我鍾意香口嘢，揀咗日式咖喱吉列豬扒飯（$88）。吉列豬扒好大塊，每條酥香有咬口，配濕濕地唔辣嘅日式咖喱汁，話咁快，我已經食晒成碟珍珠飯！阿仔食日式牛肉烏冬 （$88）。肥牛嘅份量都幾多，配日式燒汁，再用碟另上。咁就唔使放喺湯烏冬裏面，影響肉嘅口感，小店果然好細心。食午市套餐，可以用優惠價錢追加串燒。一共有五款選擇，我哋揀咗燒雞翼（$15）同茄子串揚 （$10）。地址：灣仔摩理臣山道8號地舖

原來灣仔同銅鑼灣開左一間日式串揚店。lunch 同同事黎都幾抵食，lunch set有包味噌湯、前菜同飲品，平均都係八十蚊到。知道餐廳主打串揚，我地跟餐額外加左海蝦同雞翼串揚，都係加左十幾蚊到。海蝦肉質鮮嫩彈牙，而且炸皮十分薄身，雞翼亦非常惹味。我地兩個分別叫左餃子烏冬同照燒雞扒烏冬套餐。整體黎講都算幾高質，份量又夠飽。餃子炸至金黃色，香脆可口，而雞扒亦煎得非常juicy。最欣賞既係佢既烏冬，口感相當滑溜。

星期一開左成日會放工約埋同事係公司附近食埋飯先返屋企經過天樂里呢間主打串揚同串燒既小店飲住酒食串燒吹下水好爽😎🦐芝士海蝦串($30)海蝦厚肉大隻，用料高質上面加左芝士炙燒肉質結實爽彈，非常鮮甜👍🏻帶子三文魚籽串 (40)見到好多人都有叫呢個帶子三文魚籽串炸到金黃香脆既帶子粒好彈牙配埋上面既三文魚籽同沙律醬口感好豐富👍🏻👍🏻鹽燒牛舌芯 ($45)呢個牛舌芯好高質燒到好香，口感爽口好juicy又好香濃牛味咬落好豐腴既油香💯汁燒雞軟骨 ($32)即叫即燒熱辣辣雞軟骨食落脆卜卜好好食汁燒雞胸雞軟骨 ($32)呢個雞胸雞軟骨連埋少少雞胸肉肉質鮮嫩多汁加埋爽脆既雞軟骨好正❤️燒日本蠔 ($195四隻)呢個要大讚既日本蠔🦪燒到半熟，海水味濃郁仲有少少好似食緊生蠔咁好鮮甜大阪狐狸烏冬麵 ($52)另外叫左碗狐狸烏冬麵 係日本傳統既麵食通常是指在麵上放一塊或數塊油炸豆皮作為主要配菜的麵食烏冬份量都幾多煮到剛剛好，麵質好彈牙上面仲有甜甜地既炸豆皮夠哂飽肚飲品方面我地叫左個罐裝咖啡同水蜜桃梳打日本咖啡係好飲啲既😋水蜜桃梳打口感清新，解暑必飲👍🏻而家經openrice訂座惠顧晚市再送一枝Sapporo啤酒快啲約

<<日式家族串揚小店🍲>>串燒食得多，串揚就未食過朋友話日日番工都經過一間小店，就係未食過，今日就陪佢試試☺ 呢間店係行人島三角位咁 liu lung, 又真係好少會行過黎嘅😂.我哋叫咗一個 set lunch 再加串燒&招牌串揚，set lunch平均都$80內，價錢合理。.🟥咖喱豚肉飯 🍜 $98 🟧Set lunch 配上前菜及汽水，咖喱惹味最鐘意佢多汁夠撈飯，份量都算多，好彩我哋叫咗一個 set only, 唔係就食唔哂.🟨燒生蠔 $88🟩飽滿脹卜卜又夠鮮甜，有驚喜.🟦 串揚 🟪黎到梗係要食下招牌的串揚，即叫即炸，有 d 似薄身天婦羅，欣賞炸漿夠薄，脆而不油。 除咗酸酸開胃的串揚汁，店主仲特製一款醬汁，似辣味明太子的沙律醬咁，值得一試！✨豚肉車厘茄：咬完脆皮再爆肉汁及茄汁，非常juicy✨紫蘇雞肉：紫蘇葉炸完都好脆，獨特香味好清新，但雞肉可再調濃味D⬛ 串燒 ⬜✨ 燒白鱔：魚肉滑嫩肥美，魚油口腔内浪浪下✨ 燒年糕：正常發揮，不過比平時食的更厚身，而即燒年糕非常軟糯☺.假日下午黎小店静恬一下，傾下計都不錯呀

驚喜地皮薄香脆🦐極巨型厚肉海老🍤海鮮鮮甜多汁！-講起串揚，想講件無聊事。話說大阪嘅串揚，醬汁都係一大盆多人共用，所以果到有個規矩，醬汁係唔准沾兩次。不過黎到香港，緊係任沾，因為醬汁係一人一碟。-🍤串揚：極薄嘅炸漿脆皮，包住肉汁豐富嘅食材，配上兩款自家秘製醬汁，真係絕配。🦐串揚海蝦（4隻 $99）睇相都見到，非一般厚肉大隻嘅海蝦，用料高質，唔係平時食開果種，肉質結實爽彈，非常鮮甜。🦐天使之海老-揚（$48）招牌之一，少見嘅矜貴海老，非常鮮甜，蝦殼亦一同磨成粉，淡淡鮮蝦香。🍥北海道帶子串（$45）同樣極巨型嘅帶子，炸得外脆內嫩，而且肉汁豐富，非常滿足。🍡年糕（$20）香脆嘅薄皮包住年糕，質感軟綿煙韌，令人驚喜，值得一試。帶子三文魚籽（$40）串揚廣島蠔（$48）芝士蟹柳串（$20）─🍢串燒：🥩頂級安格斯牛肉眼（$45）肉質意想不到軟滑，同樣非常Juicy，一咬脂香四溢，散發陣陣牛油香。🧅燒明太子 （$78）少有原顆明太子，切成一片片，燒得濃香，鮮味十足，每啖都非常滿足。燒日本蠔 4 隻（$195）大蔥豬頸肉（$25）豚肉蘆筍卷（$35）紫蘇雞胸肉串（$25）─🥒蔬菜類：蔬菜類亦非常驚喜，一

行過見到呢間舖頭外表靚靚仔仔，好有feel咁，於是就入去試吓佢個lunch set😝😝《🥟日式餃子烏冬+雞翼串揚》($83) ⭐8/10份量十分足夠，個餃子係炸左嘅，味道不過不失😋😋 個雞翼串揚就相當惹味，肉質鮮嫩，重好juicy，相當有驚喜！👍🏼👍🏼....《🍛日式咖喱吉列豬扒飯+茄子串揚》($98) ⭐8/10呢個咖喱亦好唔錯😆😆 咖喱汁非常餸飯，我食到一半已經食晒啲咖喱汁，唯有膽粗粗咁問店員可唔可以再加啲咖喱汁😣😣估唔到店員一口答應之餘，仲特登煮咗成碗咖喱汁俾我！！！！呢個真係要讚！！！！👍🏼👍🏼👏🏼👏🏼...下面會再同朋友過來食！☺️☺️

今日同朋友係灣仔食左一間幾有格調既日式串揚店整體黎講都算幾高質，最鐘意佢既烏冬，口感相當煙韌🤙🏻另外跟餐既海蝦同雞翼串揚都好好味。

Lunch set係幾抵食，如果想要簡單日式家庭食物。牛肉烏冬用咗洋蔥汁都幾入味，而豬肉咖喱飯份量都好多！串燒大蝦同埋矮瓜令我覺得大滿足！。甜品叫咗日式有子雪葩，食完之後個人覺得真係好舒服。點入面嘅抽油煙機系統都幾好，不過食串燒始終都係會有少少油煙。見到店舖嘅雪櫃入面仲有多款燒酒同埋唔同飲品可以選擇，所以如果想同人坐低喺度飲兩杯傾吓計多一個唔錯嘅選擇！而且中午嘅價錢特別優惠，學生都可以嚟食，嗰日見到有一大班童軍入嚟食，又勾起左我嘅中學回憶。