岳川串揚 (已結業)

隱世灣仔串揚小店返工成日經過都唔知有間串揚店，嚴格黎講佢係銅鑼灣行過去會近啲。舖仔細細不過好有日本風，其中一面牆更用左大阪通天閣街景做背景，好懷念日本呀~~佢午巿有好多選擇，有飯/烏冬套餐同埋串揚套餐，重包一罐汽水，我就揀左日式咖哩吉列豬扒飯配可樂，同事揀左串揚4串set。個餐擺盤好靚，前菜有車厘茄、中華沙律2小碟，重有海帶麵豉湯1碗。主菜吉列豬扒夠晒大塊，炸漿緊緊包實豬扒，好鬆化香脆，豬扒肉質結實有肉汁，肉色好白淨，唔係雪到變左粉紅色嘅雪藏貨，同埋豬扒係有味道，係高質的吉列豬扒。咖哩汁入面有紅蘿蔔同薯仔粒，有咖哩香，好送飯，正！