山葵日本料理 (已搬遷) 新店位置

跟在同區的"食得妙"一般，自己也是沒有光顧過這裡的堂食的。是夜來買外賣的主因，莫過於自己的日本菜癮忽然發作而已....很想很想吃魚生don (縱然知道叫外賣魚生飯是一件可笑之事，因這會極度影響魚鮮度，這亦是正統日本料理店不能容許發生的事情)，也就順自己的意思叫了。只是六至七十大洋的一碗雜錦魚生飯，當然不會期望用的是甚麼上等的日本米，不過醋酸度倒是頗適合調度的，而且吞拿魚蓉的份量也蠻多，吃落亦有少許即溶之感，肥美度是比想像中的高；牡丹蝦肉頗見軟糯，味尚鮮甜，不俗；uni就完全不行，是腥得來帶點苦的劣等貨色，如此不新鮮的東西，怎能隨便奉客 ?....沒有多吃太太的豚肉讚岐烏冬，嚴格上只試喝了一口湯而已。看上去湯呈奶白色，頗"靚仔"的，但萬料不到落卻只覺有點像出前一丁的那個九州豬骨湯風味的msg湯底，由此便對麵及豚肉有了戒心，不敢多嚐了....炒雜菜的賣相亂糟糟不打緊，但卻又是下了大量msg調味弄出來的東西，而且又炒得過了火，弄得極淰身。心想都只是希望有些菜蔬下肚，現在目標已達到，也就釋然....又是吃得人糊裡糊塗的一頓外賣.....唉...甚麼時候才能脫離這段"外賣"的苦難時候呢 ?..

I have tried this resturant before once I was in kowloon city visting my friend. The fresh shisimi and the good service has made me to re-visit this shop again. The place look the same as before and a couple of new face waitress. We order shisimi and beef as last time. Wow, the taste is really good as last time. The price is very reasonable at around 120 dollars per person. The service remain high level. It is really an excellent resturant to go to when visiting kowloon city.

1. 油甘魚刺身$68 ~ 一碟4片,彷彿放磚冰入口,雖然切得厚,但好似未解凍般.2. 鱆紅魚壽司$18 + 海膽壽司$28 ~ 賣相好,味道OK,但海膽始終還是有點味兒.3. 蔥金倉魚腩拖羅手卷$26 4. 北海道帶子拉麵$48 ~ 拉麵的質感、湯底味道都與市面的公仔麵差不多,不值一試.

去左好多次, 服務都一流! 唔知食乜既朋友去到, 大可叫服務員推介, 咁多次既推介都認真唔錯!(冇影相, 但可參考之前食評, 賣相都好吸引的!)今次去我地叫左:壽司: 三文魚, 和牛, 鵝肝等, 和牛+鵝肝每次都叫, 讚!刺身: 彰紅薄切(必食, 當初都係服務員推介!), 赤貝, 池魚--> 基本上刺身都有保證! 池魚係今次推介!小食: 鹽燒三文魚骨腩(平時叫魚頭, 今次叫魚腩, 兩個味道都正, 骨腩多肉一點!), 軟殼蟹天婦羅飯: 燒汁牛肉飯(多汁, 好味, 快到!), 之前叫過燒雞飯, 一樣讚!!烏東: 稻亭烏東係呢度最值得推介之食品!! 所有都好好味! 今次叫左至愛招牌稻亭烏東!其它: 今次冇叫, 鹽燒雞翼, 好惹味!特別再提, 服務員真係好好, 每次去都一樣好! 係有d貴, 但都值得既!

之前有朋友介紹話哩間餐廳幾好食, 但因為冇訂位, 入唔到去食, 所以冇食到, 之後一直都掛住哩間餐廳, 就同左屋企人黎食, 3個人, 食左5百幾, 貴係幾貴, 但對絕值得先講服務, 餐廳雖小, 坐位唔多, 但服務好好, 好照顧到每一個客人, 收碟夠快, 又會推介俾客人有咩好食, 但係上菜慢, 但就算慢, 都值得等, 因為睇得出係精心炮制!!見到佢d三文魚, 果d脂肪同埋用既紋非常平均, 同埋唔係平面一塊, 係好似有坑紋咁, 見到已經覺得好靚, 再食埋落去, 好食到不得了, 本人最愛火炙三文魚壽司, 其他好多地方, 火炙會比普通貴, 但哩度一樣價錢, 仲要超級好食, 自己一個人都食2碟!!咁岩當日, 本來想叫油金魚, 但咁岩冇貨, 經理介紹左個鱆紅魚, 其實我之前食開既鱆紅魚都覺得麻麻地, 所以冇乜特別鐘意, 但佢推介左一個鱆紅薄切, 食到唔停得口, 肉質爽口, 又夠新鮮, 食完都想再叫~~ 跟住再叫左個鱆紅魚壽司, 即刻比下去, 籌司上面既鱆紅魚, 比薄切厚差唔多3倍, 但唔好以為厚就好食, 因為太厚, 冇左果個爽口既感覺, 同埋魚鯹味會重好多, 所以冇咁好食, 經理話d魚係新鮮運黎,

老公農曆生日, 想食日本菜, 所以上網搵間近近地,九龍城! 見啲評語都okay,所以來一試, 八點前到, 剛好門口有兩個位, 其他全滿, 老公生日, 其實唔想坐門口, 不過見咁多人, 味道應該可以一試! 照坐!蟹籽沙律 - 一般, 沙律醬可以多啲! (這個最快到, 等左10分鐘就到)半生半熟牛肉他他 - 幾好味, 可以再試, 啲汁酸酸地, 幾開胃, 牛肉外熟內生, 但沒想像中淋, 牛肉有點老! (等到老公叫肚餓, 約半小時後先到!)蕃薯天婦羅 - 啲蕃薯好甜, 好味! (呢個都等45分鐘)特級刺身拼盆 - 三文魚, 劍魚腩, 赤貝, 特丹蝦, 帶子, 油甘魚 全都好新鮮, 老公嫌劍魚腩唔夠凍! (可能等咗一個鐘先上呢個拼盆, 所以唔凍)池魚刺身 - 好新鮮, 店長推介, 話今日新鮮到, 所以留一條俾我地, 都無介紹錯, 係等得耐啫, 呢個要成75分鐘先到!可能佢怕我地等得耐, 所以中途, 已經拎咗啲魚骨去炸! 但炸魚骨不太好味!呢餐食得太耐, 等得太耐, 老公話好肚餓, 再叫咗啲壽司, 三文魚, 油甘魚, 帶子, 花之戀, 蟹籽,全都可以, 但不是十分出色! 但壽司價錢相宜!因中途實

27-2-2010是日朋友到九龍城探我兼陪我食 lunch 但天氣太悸悶, 只想食「涼浸浸嘅嘢」, 嚟到呢間港式日本餐廳. 朋友見 menu 有刺身壽司立即雙眼放光, 但睇了我之前的食評 (http://www.openrice.com/restaurant/commentdetail.htm?commentid=1943109) 立即成個人「謝」了 , 加上我堅持只叫熟食, 結果 2 人只散叫了兩客澱粉質及兩款「一品料理」share 食.冷稻庭烏冬: 上次同 T 嚟試過覺得不錯, 今次又叫 烏冬麵粉香就無了, 食落就幾煙韌滑口; 配套除咗面頭紫菜絲及分開上的 (1) 麵汁之外, 仲有 (2) 鵪鶉蛋, (3) 蔥花, (4) wasabi 及 (5) 天婦羅碎, 將 (1) -(3) 拌勻後, 再著量落 (5), 但 (1) 本身味道極淡, 唯有再落豉油「加色」一下 冷豚肉炭烏冬: 原來係沙律 style? 醬汁係有胡麻籽嗰隻, 不過唔夠酸又唔多夠味, 溝了水麼? 「炭烏冬」呈深灰色, 同稻庭烏冬一樣扁身, 不過食落好腍身, 感覺如河粉 , 唔太喜歡; 配料就有飛

去到Kowloon City ，唔想次次都食泰國野，今次就試下山葵日本料理。同朋友一起，兩個都唔太大食，叫左什錦魚生($178)，鹽燒秋刀魚($40)，牛肉飯($45)同埋蟹子沙律($30)。魚生有劍魚、八爪魚、油 甘魚、三文魚、赤身、甜蝦、赤貝各兩片，食得出十分新鮮與鮮甜，質素唔錯。其餘食物也不過不失，細細間店環境都尚可，店員服務也有誠意。kowloon city搵位泊車真係好難!!!

見到食評好好, 一行3人就去試試;服務態度一流, 唔會好似別的日本餐廳講埋D無感情嘅greetings, 佢哋會令你聽得好舒服;地方需不太, 但很乾淨;我們點了 :-- 芒果焗銀雪魚, 份量很少, 但味道一流。-- 鰻魚飯, 這不是我的 favour, 但仍令我吃了很多, D鰻魚非下價貨, 飯當然是這裏的招牌;-- 清酒煮蜆, ok-- 海鮮窩烏冬, D海鮮料ok, 個湯是豬骨湯味, 但你唔會有肥膩見到&感覺到, 超好味, 我平常是不會喝這些味湯的, 但今次都令我喝了很多, 烏冬都好ok, -- 還叫了多客不同的壽司及卷物, 魚生好新鮮, 而其中的壽司飯更是久違了的好味, 講真, 好味的壽司飯市面不是沒有, 但多數都行高檔價才找到, 這個價錢都有此質素, 好值呀;我們仨都非常滿意, 可能這家是較新的店子, 由食物至服務, 環境, 都好有水準, 大家試就趁早喇

首先說一下裝潢吧。間鋪都算幾新及有花了點心思，而且有部大大電視，基本上坐哪一張枱都可以睇到電視，感覺滿意。至於食物方面，如三文魚、魚子、蟹膏蝦等壽司都幾新鮮，符合期望。而炙燒的壽司一定是必叫的，做得很好。另外叫了個燒牛仔骨亦好好味。不過炸物就不太好。點了炸軟殼蟹手卷及雜錦天婦羅，不過可能粉太多，或其他原因，不太脆，比其他壽司鋪差。另外最特別的要說拉麵，「淨拉麵」，或稱之為「淨公仔麵」。第一，原本點的是雜錦天婦羅拉麵，可是最後是分開上。當然雜錦天婦羅拉麵是應該分開上，用碗盛麵，以碟盛天婦羅。問題是差不多食完拉麵，雜錦天婦羅才上枱。這個與分開點這兩味餸没分別吧。第二，餐牌應該可以改名為「雜錦天婦羅公仔麵」。因為無論拉麵的口感、湯底味道都與市面買到的公仔麵差不多。雖然公仔麵都幾好味，但是食公仔麵的話就不用來這裡食吧，而且仲要是很遲才上天婦羅，變成名副其實的「淨公仔麵」。原本還想食燒煙肉桶蠔卷，不過價格不便宜，最後打消了此念頭。總括來說，壽司、一般熟食都好好，可以推介。不過炸物及拉麵就……

我非常之愛吃魚生,所以襯朋友生日就約埋幾個人去”山葵”, 間鋪真係幾新又ok declaration, 又有超大電視. 食左貝類刺身, 海膽, 活螺, 活北奇貝...真係好鮮味, 好好食呀.yummy yummy. 仲有新鮮魚生刺身...深海池魚, 相比之下, 原來以前鍾意食既三文魚都只係好普通姐, 當然唔少得壽司, 串燒, 我朋友叫左一份燒牛仔骨, 食到最後佢連骨都"損"埋, 真係諗起都想食, 唔知用咩可以形容, 真係超正.食個咁多間日本料理都未見過服務甘好的日本餐館, 食過依D魚生, 一定會搵機會再去食, 食左咁多好野, 埋單都係百幾蚊(個人計), 超正勁抵. 下次一定會再來.

今次係第二次黎幫親~睇下d水準有無唔同左先...嘩~~未到門口,離遠已經見到有一大班人向度等位啦心諗咪要等好耐囉...出面又咁熱,不如下次先黎啦) 好在等左一陣就有位姐P.S.星期五至日黎幫親既話,最好訂定位,咪可能要等位啦~我地一坐低,都未講D職員就好醒目,比左幾杯冰水比我地啦...之後我地order左壽司,即叫即做,保證新鮮...我地又叫左赤貝刺身,即叫即開,爽！新鮮！好味！突然,見到隔離有個唔知咩魚既刺身,眼見賣相唔錯,所以就八掛問下d職員係咩東東?原來係岩岩坐飛機黎既池魚.好奇之下,價錢又合理,就order一條試下.條魚翅重可以炸黎食,不用另外收費...正！食完刺身壽司之後,到熟食出場啦~~必食推介:燒煙肉蠔卷,初初以為會好"留" 但出奇地,非常好味,味道好夾...一客有三隻.重有個燒牛仔骨.本人最愛既菜餚之一.啖啖肉...正~~最後有個鹽燒雞亦,絕對唔可以睇小呢個鹽燒雞亦~咸味恰到,再加上幾滴檸檬汁...更加鮮味~~到左埋單啦,超級驚喜價,四個人,又食壽司,又食飛機黎既刺身+其他熟食...只不果係七百幾蚊~~抵到爛！！！快d黎啦...重等??

今日同朋友一齊去試新野係九龍城新開既一日本食店食物既種類卻好多價錢亦十分合理同朋友都食生野就叫左個D刺身d刺身好新鮮, 色澤好通透 跟住仲叫左天婦羅粉唔太厚,又夠脆跟住仲有烏冬, 夠彈牙另外叫金姑牛肉卷..都好軟好食!!!吉列蠔都好新鮮!!.價錢亦十分合理, 美味!....真係抵...!!呢間店舖真係好惦, 服務又好, waitress 滿笑容一定再番試!!!!

I , my friend and my girlfriend went to this little japanese resturant in kowloon city. The declaration is very trendy which caught my attention. We ordered some salmon fish sushi, noodle, eel sushi and BBQ chicken rice. The food are really fresh and tasty. The sushi also are presented in a beautiful way. We are really surprised by the quality of the food. It is by the far the best japanese food we had in kowloon city. The service is also very good. The waitress are really friendly who give us

經常到九龍城, 一般都係食下泰國野, 今次經過呢間山葵, 決定同女友一試!Round 1 就叫左d壽司食下先:三文魚 : 大件夾低, 厚身! good! 女友食完再encore ($10幾)章紅魚 : 新鮮 ($22)帶子 : 正!!我至愛, 大大件, 同平時成日去食既峰差不多 ($25)芥辣八爪魚 : 不過不失 ($15好似)吞拿魚刺身: 都係不過不身 ($58 /4pc 略貴)Round 2 就叫左熟食:鹽燒牛舌 : 呢個真係推介, 好味!!!! (好似30幾40)炸餃子: 雖然熱氣但都好正好大隻 ($38/4pc)泡菜牛肉鍋鳥冬: 牛肉ok, 烏冬唔係幾蚊包貨色, 不過如果再熱d會更好 ($58)食用質素同價錢算係成正比!服務: 侍應主動幫我地轉卡, 仲好進取地sell我食池魚刺身, 見menu $88池魚王, 再問下佢係咪即係$88.....原來佢sell個隻係$148......嘩唔洗喇~初初諗住$88都可以一試!環境: 唔大, 有tv, 唔驚人坐得耐, 唔算好日本裝修, 但乾淨企理!今次冇影相掛住同女友傾計~~埋單 $309, ok la~ 唔算平但我地食完都覺得好食同埋開