山葵日本料理 (已搬遷) 新店位置

我覺得佢既三文魚壽司﹙包括三文魚、三文腩、火炙三文魚腩﹚都好好食！件魚生好厚！十幾蚊一碟真係好抵食！我見好多人都專登去食壽司！另外佢既鰻魚飯同泡菜牛肉烏冬都唔錯！D鳥冬夠彈牙！平日去唔駛等位，同埋個waitress好勤快！一見你杯茶飲剩好少就會自動加茶！服務非常好！不過有樣野唔好就係D食物上得唔夠快！若果繁忙D既日子，仲要等耐少少！如果趕時間就唔掂！

12-10-2008知道新馬鞍原址變了港式日本料理, 呢日一行 6 人訂定檯0黎試試. 一向對九龍城日本餐廳印象麻麻, 但原來呢間除0左刺身壽司之外, 其他0野幾好食, 都幾意外:- 池魚刺身: 店員推介, 相信係因為佢係 menu 上最高價位0個幾樣之一 -_-" 刺身算新鮮, 食落肉質帶爽, 但鮮味一般, 而且實在切得太厚了, 成舊磚咁叫人點食? 豉油無乜問題, wasabi 就「牙膏」到唔「牙膏」, 完全無味的. 唔掂!- 銀鱈魚西京燒: 只分了一小忽肉, 是否「西京」燒無從考究, 但魚肉嫩滑又富油香, 味道還好啦.- 屋企人劃了幾款壽司, 我就只試了吞拿魚及三文魚腩的... 三文魚算肥, 但無乜味道的, 吞拿魚仲肉質帶點霉, 難吃; 壽司飯 size 0岩0岩好, 握得樣樣衰衰, 又(竟然)無一夾即散, 但醋味近乎零. 完全唔及格!- 刺身拼盤: 咁多樣以赤貝最好食, 新鮮度不錯, 食落雖然唔算好爽, 但味道幾甜, 算不錯; 甜蝦 size 肥大, 食落算爽, 但欠鮮甜味, 令人失望; 吞拿魚同壽司0個 d 質素相若, 唔掂; 連食 10 次有 9 次都係肥美豐

假日會友後,同老公四處找地方醫肚,想起九龍城都幾多日本餐廳,特別係小店形式,感覺比連鎖店更認真和有誠意,晚上約八點幾,肚子嘰嘰咕咕,心想試試新地方,好彩最後在獅子石道近太子道西,發現一間新近開業嘅小店,坐下來便急不及待先叫一客金倉魚壽司、火炙金鎗魚腩和北寄貝,再四維看隔離桌有乜參考,發現左桌上有一碟魚生船,雖然已經吃了一半,但仍然可見魚生都幾fresh,伸有d伴碟一點都唔求其,幾吸引!再看看右邊夥計剛送上一客牡丹蝦,幾有睇頭,賣相唔錯之外,都算大大碟,再查看價錢,原來都係百多元,即叫,仲加一個燒鰻魚定食,老公開始有d擔心食唔曬,結果我哋由頭到尾一氣呵成無停口,將桌上賣相和味道都有水準嘅食物一掃光! 仲有d覺得自己去咗食日式自助餐咁飽! 特別鍾意魚生夠鮮甜,連鰻魚定食看似普通嘅東西都做得好有心思,鰻魚燒得剛剛好,都算大件,汁又夠好味、就連奉上嘅tissue都made in japan、由食物價錢、服務到賣相、都叫我哋有一個意外驚喜! 埋單後仲同老公講希望水準同價錢可以keep住、快d八比d friends 知先得!

印象上在龍城沒吃過很多的日本料理，去得最多的是洋一，走鐵板燒路線的鐵板十三自己覺得價錢有點貴，所以未吃過。這間新店剛開業不久，見是日天氣還熱，不想吃油膩膩的東西，來一個魚生飯，清一清味蕾也未嘗不可....各款定食價錢由四十至七八十大洋不等。來一個豪華一點的海膽魚生飯，賣七十八大洋還未包括加一，於這區來說已不算太便宜了...端上枱一看，看見三文魚片已有點倒胃了，再看看吞拿魚片的暗啞顏色，已知用料是不太新鮮了...當然明白午飯時段對魚生品質的要求是不可太苛刻了，但當發覺差不多要付出八十多大洋時，又會認為在其他地方應有更好的選擇了...海膽算是較好的，雖不期望有什麼海水味，但味尚算鮮甜。將之與飯及少許山葵拌勻而食，尚可...飯不是純用胖嘟嘟的日本米，收這樣的價錢也是可理解了；茶碗蒸口感不夠滑，而且欠缺白果及吞拿魚粒，不夠正宗....去龍城，還是要吃價亷物美的小館或泰菜較實際...

龍城宵夜選擇不少，被拉了來這間新開的「山葵」吃些輕食。十一時許，店方圍著吃打佯前宵夜，幾本上是間什麼都有的百搭港式日本料理，別看店員是打扮「形格」的後生仔女，服務倒是認真而周到，問牡丹蝦有什麼選擇，隨即送來大、中兩隻蝦「驗身」，叫了鹽燒油甘魚頭，怕吃不了要除消，店員也客氣道：「不打緊，下次來再吃吧。」，難得的誠意服務。二人吃不得多，穩陣地點下了清酒煮蜆、大．中牡丹蝦各壹、燒原條魷魚及豆腐鰻魚天婦羅卷。等了等有得吃，先來清酒煮蜆，本地細隻蜆仔，犧牲了肉質換來一口鮮味不俗的蜆湯，依稀的清酒甜，肉雖韌但無沙，是碗不錯的清酒蜆湯。大．中牡丹蝦聽說唔腥又無雪味，應該不錯，前者身位足「一板」長收六十四元，後者收卅二元，吃完蝦身蝦頭可炸來吃不另收費。汁燒魷魚原條放在爐上燒烤，切成細件後淋汁，談不上鮮味但肉質倒是細嫩有彈性，略帶烤後乾焦味，汁濕淋淋幾港式，但睇返價錢，收五十元左右，也吃得過。最後的豆腐鰻魚天婦羅卷，大家笑說是「疑似」小平津名物，不知廚部同那邊有沒關係？紫菜提不起味，略油，食味爾爾，。酒過三巡，埋單三百餘元，雖然港式一點，質素與價錢能劃上等號，作為宵夜簡食，是晚很滿意了。摯友作東，在此謝