山葵日本料理 (已搬遷) 新店位置

老公農曆生日, 想食日本菜, 所以上網搵間近近地,九龍城! 見啲評語都okay,所以來一試, 八點前到, 剛好門口有兩個位, 其他全滿, 老公生日, 其實唔想坐門口, 不過見咁多人, 味道應該可以一試! 照坐!蟹籽沙律 - 一般, 沙律醬可以多啲! (這個最快到, 等左10分鐘就到)半生半熟牛肉他他 - 幾好味, 可以再試, 啲汁酸酸地, 幾開胃, 牛肉外熟內生, 但沒想像中淋, 牛肉有點老! (等到老公叫肚餓, 約半小時後先到!)蕃薯天婦羅 - 啲蕃薯好甜, 好味! (呢個都等45分鐘)特級刺身拼盆 - 三文魚, 劍魚腩, 赤貝, 特丹蝦, 帶子, 油甘魚 全都好新鮮, 老公嫌劍魚腩唔夠凍! (可能等咗一個鐘先上呢個拼盆, 所以唔凍)池魚刺身 - 好新鮮, 店長推介, 話今日新鮮到, 所以留一條俾我地, 都無介紹錯, 係等得耐啫, 呢個要成75分鐘先到!可能佢怕我地等得耐, 所以中途, 已經拎咗啲魚骨去炸! 但炸魚骨不太好味!呢餐食得太耐, 等得太耐, 老公話好肚餓, 再叫咗啲壽司, 三文魚, 油甘魚, 帶子, 花之戀, 蟹籽,全都可以, 但不是十分出色! 但壽司價錢相宜!因中途實