山田海韓國料理

營業中

休息中

相信去過韓國嘅朋友都一定有食過韓國嘅醬油蟹，食過之後一定會對佢嘅味道念念不忘😭😭😭😭😭可惜嘅係喺香港好難可以食到新鮮又好食嘅醬油蟹，今日終於比我搵到呢間餐廳😋😋😋😋😋餐廳嘅位置位於觀塘嘅一座大廈，平時大廈嘅人流都幾多所以大家要預早少少時間去排隊等lift😃😃今次試咗佢嘅醬油蟹同埋佢嘅烤肉😋先講佢嘅醬油蟹，肉質好新鮮，而且真係有蟹膏😋😋味道同喺韓國食嘅一模一樣！以佢嘅烤肉都算合格，但如果肉可以厚身一啲會更加好！而且係呢一度嘅老闆係韓國人，對客人好好好有禮貌！！！同朋友喺呢度坐左三個鐘都冇趕我哋走😂😂而且仲送嘢飲俾我哋😳😳呢啲服務態度係香港真係好少有！大家有機會一定要嚟呢度試吓啦😍

朋友相約再次到官塘駱駝漆大廈吃山田海韓國料理，一間隱藏於工廈區有點難找的食店，之前和朋友誤打誤撞😅幸好上次韓籍老闆送了張會員咭(九折)才有正確地址。唉！星期六沒預訂位，哇! 好熱鬧全店座滿滿😳，衹好等等。跟上次一樣點了2人份量套餐海鮮雜錦鍋加烤牛肉拼盤及生菜拼盤配秘製豆醬，最愛吃它們的餐前小菜8小碟(任加任吃)和韓籍老闆自製醃泡菜又爽又鮮甜，前菜也能夠吃飽😜(添了3次)，別小看2人套餐份量，拼盤內有4至5款牛肉，有牛味和油花香，配上生菜、青椒、 蒜頭 、泡菜醬料同吃，再加濃郁芳香韓式生米酒……超正海鮮鍋湯頭甜夠大新鮮抵吃。上次是閒日來沒太多人， 和藹可親的老闆和員工一邊剪牛肉，一邊提醒別點太多食物會浪費，結果3人真的吃不下2人份量，溫馨韓劇家庭風味。1

我黎呢座工廠大廈係因為想買海鮮. 但無意中比我發現到呢間店既存在~ 當日係星期六，大慨2點左右.. 食飯時間已經過了入到黎都有成8-9枱客人! 我地坐低左之後店員即刻比左一壺熱茶我地~ 係用金壺仔裝住左呢 好懷舊~🤣🤣🤣 午餐menu都好多選擇~ 我地要左一個 <<辣泡菜豬肉湯>> $70  &  <<招牌炆牛肋骨>> $85 落完order之後 店員隨即送上6碟小菜~ 我竟然最鍾意薯仔果碟!!! (平時既我一D都唔鍾意薯仔!) 佢係甜甜地既薯仔~ 可能係蜜糖汁薯仔~~ <<辣泡菜豬肉湯>> $70平時食韓國菜既辣泡菜豬肉湯都未見過有咁紅既顏色! 睇黎呢度真係落左好多辣椒粉下😂見到咁紅既顏色對佢真係滿心期待!  非常足料!!! 有大量既泡菜.. 而且仲要係大大塊~ 唔似平時TST果D碎片 🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️除此之外，佢地既豬肉粒都好多下.. 唔係瘦猛猛既瘦肉咁簡單! 佢係mini五花腩粒粒!! 👍🏻👍🏻食食下會覺得咸左小小🙁🙁🙁同真係夠辣~~ 都真係幾唔錯的! <

今日lunch叫左個 ‘香辣豆腐海鮮湯飯 - $80’，簡直不知所謂🔥🔥🔥首先，落左單等成半個中⏱先有得食，黎到真係嚇親你 😱 成個餐，所有蝦仔🦐細細粒得d蝦皮，甩頭甩骨，真係用埋放大鏡都睇唔到邊度有肉食🧐，非常唔新鮮。D蜆得堆殼。有肉得個幾隻細細粒。又灰又黑。又係超級唔新鮮 配菜？得幾塊Ultra Slim翠肉瓜，一夾即溶，都唔知浸隔夜左幾多日 🥶基本上，成個餐未食都巳經一堆垃圾，夾走埋得返d豆腐同一隻青口 🤬投訴完，俾返同一碗野我，純粹加返二隻大少少既蝦，但d蝦頭都係黑晒，又係唔新鮮。想點❓於是再投訴💢，先俾我轉其他野食，叫做正常少少，食得入口，但都搞左一大輪遲左返工 🔥作為食市，係咪要俾返少少良心，$80蚊俾堆垃圾人，真係唔會有下次 ❌‼️

韓風吹不停，估不到吹到上工廈。山田海係一間由韓國人開， 所以野食都特別有韓國風味。 一入到去就會見到佢地既環境唔錯架，地方幾闊落同埋啲燈光都幾有FEEL架~ 牆上面仲有電視機播緊韓劇，俾你一邊食韓國野一邊煲韓劇，一次過滿過足哂你既韓國癮。 醬油蟹又多膏又鮮，沒有腥味。雖然唔算平，不過勝在多選擇同埋份量都好足，真到大滿足！

一間好餐廳🍴，食物質素固然重要。但氣氛都好重要。呢間#山田海韓國料理 位於官塘工廈，賣既韓國🇰🇷菜唔係非常出色，但勝在款式多，燒烤、海鮮鍋、醬油蟹應有盡有。服務超好，唔駛你燒、唔駛你烚，光吃就可以，仲有個風趣老闆會走過黎請你飲酒🍻表演「炸彈酒」即係燒酒溝啤酒，🍶飲到你唔想走。 📍 山田海韓國料理 (觀塘)觀塘開源道60號駱駝漆大廈三座3樓U室#工廈搵食 #foodblogger #食玩焗煮遊世界 #gotravelwithandie #dining #industrialloft

平時lunch都有食開山田海，我同同事們都好欣賞佢地嘅前菜，當然set都唔錯好多選擇！早幾晚有時間同個朋友仔一齊食晚飯，仲試左醬油蟹同燒牛肉，味道好好，但原來夜晚都好多人食架，要食醬油蟹就要打電話問一問先好d啦⋯⋯

中午時候去食飯, 全場full house, 個度環境好大, 坐落都唔算迫。我地一到佢就serve前菜, 一共有6款, 都算多同豐富, 最好食係薯仔。我叫左石頭什菜雞伴飯食, 等左好耐先到, 好在我同朋友share, 可以先食佢個個。個伴飯即整熱辣辣, 仲有好多飯焦, 味道就一般, 唔係難食。

It's hard to find a legit #korean restaurant in #kwuntong because just not many koreans will have an eye for our s***y neighborhood. I would think they are all in #tst or #central. But here I am, today, encountering my first #ajuma in #kt. I think just seeing an ajuma in a Korean restaurant already justisfy the pricetag. The beef glassnoodle soup is $100, with service fee it is $110. You get a fair share of #apetitzer and an hour worth of #twicemv. Omg #momo is so cute and I can't even! Again I'

呢間韓國餐廳夠地道，lunch選擇夠多，前菜正！唔係好夠人手，店員有d忙亂...避開peak hour黎會好d前菜有好多款式，泡菜夠新鮮，薯仔好"淋"！👍🏻👍🏻👍🏻<辣泡菜豬肉飯>好開胃，我食哂所有飯，泡菜撈飯一流！豬肉半肥瘦好正！

對上一次黎已經係17年尾，當時仲覺得ok，聽講同事都有時會過黎食，半年後再黎已經差好遠。。。我地黎到服務已經唔同咗，由得我地hea一邊，叫咗幾次無茶無杯，我地自己去拎。前菜咸咗好多，西蘭花我地個個都覺得咸，其他味道都係偏咸，我地無再refill。我呢碗係什錦拌麵牛肉，味道真係好麻麻，呢碗都要我80元，牛肉得兩舊，而且好乾。呢碗仲要我啲同事就黎食完，隔離枱都走左，催咗幾次先至上。撈麵嘅汁好淡，麵條已經變成一舊舊，掛唔到汁。我同事個幾碗都麻麻地，唔係之前嘅水準。

一行入間餐廳，感覺十分好，牆上中韓對照的食物相片，相片旁更寫上韓藉總廚特別推介。於是乎滿心觀喜的點了個醬油蝦、海鮮辣年糕、辣豆腐湯。雞乸咁大隻字寫住「韓藉總廚特別推介」相中的嘅醬油蝦十分吸引。結果，黎到碟係咁嘅樣，同張相完全唔一樣，都算！只要係新鮮自家製，細隻啲都冇所謂，點知一食落口！嘩，仲衰過大型超市買番來的即食醬油蝦，求其切啲蒜粒、辣椒粒灑喺面。肉霉唔在講，完全冇鮮味，得個咸字！以下呢個「辣豆腐湯」完全冇辣味，仲要十分咸！啲豆腐滾到爛晒，啲翠肉瓜滾到變左爛肉瓜，完全係求求其其煮熟落啲調味就上枱！以下呢碟咁嘅海鮮炒辣年糕，又係非常咸！完全冇辣味！啲翠肉瓜、胡蘿蔔完全都是生的！食完三味難食又令人失望嘅韓國菜，呢碟免費飯後橙實在係雪中送炭！雖然酸啲！但總算係全間最好味嘅！要比個兩個！

觀塘區又多人返工又多人住， 所以食肆選擇都特別多。比如喺呢幢駱駝漆大廈裡面，就係將工廈變成半個商場咁樣，食飯前如果早到都可以行下街，而且都有好多唔同餐廳嘅選擇。今次食呢間韓國餐廳呢，其實都係喺OpenRice睇介紹黎試，所以都有預先book位，雖然係星期五晚餐時間，但係都有好多位可以for walk in ，唔使等位。同埋都可以坐得幾舒服，兩個人食飯都可以坐四人枱，適合朋友慢慢食飯傾吓計。食物質素就一般啦，side dishes我覺得都幾好食，正餐都不過不失嘅。

今日Lunch係觀塘覓食，想食韓國野，有朋友介紹話呢間幾好，一於試一試佢。午市套餐有超過30款選擇，全部都係地道韓國料理，拌飯、人參雞湯、年糕、紫菜卷、烤肉一應供全，仲有幾多款韓國飲品。價錢平均$80-$90。食韓國野當然唔少得前菜。有6小碟加1大碟泡菜，份量充、味道都唔錯。主菜我點左牛肉炒粉絲+紫菜卷飯。味道可以，係份量有點少，同menu圖片有好大分別。朋友點左辣泡菜豬肉湯，都係份量少，食量大的朋友可能會唔夠飽。呢個價錢對比份量有點不值，間中想係觀塘食下地度韓國野可以試下。

今日同朋友嚟咗駱駝漆大廈尋寶，真係好似大鄉里出城咁，成個大廈都係勁多嘢行。衫褲鞋襪乜都有，仲有勁多間餐廳任君選擇。同朋友行到都唔知幾多點，淨係覺得好肚餓囉，咁啱行到3樓見到呢間韓國餐廳，入面人頭湧湧，企喺門口就聞到好香嘅韓燒味道啦😋😋😋於是我哋等左一陣就有位喇。。。見到幾乎全間餐廳嘅人都係燒緊韓燒，但係得我同朋友兩個人，所以就嗌左啲韓式便當食勒，由於見到其他人嗌啲嘢食好都好大份量，所以我地都唔敢嗌得多，淨係嗌左泡菜牛肉拌麵同埋豆腐海鮮湯飯，嗌完無耐侍應就拎咗好多碟前菜俾我哋食，淨係食啲前菜就知呢間韓國餐廳好正宗，因為我覺得有黑豆做前菜嘅韓國餐廳就係正宗🧐🧐🧐每樣前菜都好好食勁想refill😛😛😛不過都係留返肚食正餐，豆腐海鮮湯黎先，一黎到食辣辣，即刻飲番啖，好有海鮮味道，清甜，有少少辣，更加帶到海鮮嘅鮮味，哩鍋豆腐海鮮湯都好足料，好多豆腐，蜆肉同菜，我同朋友係咁食，都仲有好多餸😋😋差唔多食完，嗰泡菜牛肉拌麵就來到啦，鮮紅色嘅韓式辣醬加埋泡菜配上牛肉，青瓜，生菜嘅拌麵好惹味，口感好豐富好多層次，每次食韓國嘢都必嗌嘅拌麵冇令我失望😘😘😘