山下菓子 (T.O.P This is Our Place) (已改名) 查看

最近得知位於旺角新開商場T.O.P 3樓既山下菓子推出左「Monchhichi期間限定Café」，呢度化身成Monchhichi小天地不論係裝修設計飾物以至食物，都係Monchhichi。恍如回到童年時期咁，充滿童真又十分得意，岩哂一眾Monchhichi粉絲喔環境充滿Monchhichi氣氛外，主題Cafe既食物亦難得保持到色香味同朋友分別點左以下3款美食：芝士吉列豬扒咖哩蛋包飯喺芝士面上用香草灑出Monchhichi盡顯心思炒蛋夠哂嫩滑Juicy之餘，蓋上半溶芝士亦增添「芝心蛋」效果！吉列豬扒即叫即炸夠哂新鮮熱辣，外脆內軟既感覺令人大讚，豬扒本身都幾厚肉添哦！配上香甜奶滑既日式咖哩汁亦令人垂涎三尺Monchhichi All the Breakfast材料分別有炒蛋、北海道豬肉芝士腸、窩夫、沙律同茄汁豆等等。呢個全日早餐餡料相當豐富！！當中炒蛋炒到夠嫩滑，厚厚的充滿蛋汁同牛油香。而窩夫焗到外脆內軟，亦散發出微微蛋香，如果熱d會更好！原味梳乎厘班戟漲卜卜彈彈下的賣相好吸引人哦！！梳乎厘比平常的蛋香味更濃郁，且不會太甜，口感軟綿綿好鬆軟細滑配上甜香既楓糖漿亦多添一份香甜

身為monchhichi的忠粉，知道山下菓子開了期間限定的Monchhichi Cafe，所以星期日就過來朝聖一下。餐廳入口處已經有不少monchhichi 的精品出售，就連坐椅上亦有大大個monchhichi cushion。餐牌內的食物選擇不算多，不過，全都加入了monchhchi 元素，而且部份更有贈品附送。而贈品數量有限，就筆者今日來到，店員表示玻璃瓶及茶墊已經送完，所以，為贈品而來的食客，還是先向店員查問清楚。抺茶拿鐵這個拿鐵相信是必點飲品吧，因為拿鐵上印有大大個可愛的monchhichi 圖案，不過，味道偏淡，抺茶味道不夠突出。吉列豬扒奄列飯吉列豬扒炸得外脆內嫰，肉質不粗鞋，而炒蛋口感滑溜，日式咖哩味道甜甜的，不辣亦不倉喉，配上monchhichi頭像的芝士片，令口感變得更圓潤。拿鐵咖啡 另一款咖啡同樣有著可愛的大頭圖案，咖啡入口香滑，但咖啡味道不濃郁，口感輕盈，個人認為咖啡帶有微微的炭燒味。和風博多明太子意粉意粉內加入了濃杰的忌廉醬汁，攪拌時帶有點張力，入口時亦有點糊口，幸好明太子的香脆及鹹香，為意粉取回不少分數。

一知Monchhichi係旺角開左主題餐廳，相信唔少fans都想黎探下佢！我都不例外！位於旺角新商場，餐廳環境以粉色同甜品為主題。色彩夠夏日，歡樂得黎又好搶眼。餐廳唔同角落都佈置周到。除左牆身、餐桌紙外，每個座位上都安排了Monchhichi咕𠱸。就算你同唔到大公仔影相，至少都有得揸住咕𠱸打下卡，唔洗同人掙。咕𠱸造型都係甜品黎，少女心爆發！近門口位置除左有大廚Monchhichi外，亦左一系列陳列品及精品發售。好多唔同特別版✨個人最喜歡雪糕造型🍦同桃造型🍑！😍真係好難忍到手🙈！大家食完野記得黎搶購買先好走～➖➖➖➖➖➖➖➖➖➖➖➖🔸忌廉蟹肉餅3件 $38熱辣辣炸起好脆口，咬開入面係蟹肉同忌廉一齊打成既蟹肉蓉。雖然打溶哂咬唔到有蟹肉，但依然閒到好香蟹味。點沙律醬都幾食，仲有少少沙律伴碟。🔸蕃茄汁大蝦意粉 $88好傳統日式洋食會有既個款意粉，有紙牌裝飾。大蝦份量夠，咬落好爽口。除左有蕃茄汁，仲有車厘茄一齊煮。意粉面有少少黑椒同香草做調味，更加香口。🔸鮮雜果梳乎厘班戟 $98梳乎厘班戟上印有Monchhichi公仔頭，插上紙牌裝飾。伴碟有多種水果，好豐富。梳乎厘班戟好香蛋味，切落好鬆軟，好似

近旺角地鐵站的T.O.P.商場是新開的潮流商場，店內格局充滿了青春潮人氣息，還有那別具特色的食店，就好像今天和家人來到三樓的 「山下菓子」，是一間Monchhichi專門店，除了提供食物外，還有很多Monchhichi產品，相信定能滿足一眾Monchhichi迷呢！店的面積不算大，眼看擺放了十張左右的枱凳，尚算坐得舒服，牆身上的 Monchhichi圖案以及椅上的cushion 都讓人滿心歡喜。芝士吉列豬扒蛋包飯 $98芝士面的monchhichi圖案是一大賣點，豬扒炸得鬆脆，咖哩不會太濃是剛好的程度，撈在飯吃不錯的。明太子雞翼 $38 明太子釀入雞翼中搭配得剛剛好，雞翼去骨吃得更方便，外表咬落脆軟有致。山下水果茶$65近年大熱的水果茶遍布全港飲品店，賣點是七彩的外表已覺得療癒，酸甜口感消暑，還有加送的杯墊，確是心甘情願要飲這杯水果茶吧。蜜瓜梳乎厘班戟$118這個甜品要用上30分鐘的時間製作，的確引頸以待，來到的時候又不會失望，因為 日本蜜瓜香甜濃郁，一啖一口蜜瓜汁在口腔中很澎湃， 蜜瓜不夠吃，反而顯得更加矜貴，另外，班戟比想像中軟身，軟淋淋容易入口，淋上蜜糖更加美味，等的時間雖然長但

以不同卡通人物做主題的餐廳在香港愈見普遍，我就一向喜歡嘗試新野，今次這間座落於旺角新開既商場T.O.P中以Monchichi為主題的餐廳就成為左我們兩對👫👫4人行既目標。門口已經有隻大大既Monchichi歡迎客人。一坐低就店員就送上餐牌餐牌入面有咸有甜任君選擇😆😆抹茶鮮奶🍵不算太甜朱古力仙草凍-很好味而且也不太甜咖哩蛋包飯加日本直送腸仔炒蛋很滑而且腸仔好juicy明太子意粉-味道不算太突出但配搭得宜😀到了甜品方面🍈蜜瓜窩夫配奶凍— 一個絕對不會輸的組合👍🏻鮮雜果梳乎厘— 很Q,如果是配🍈會更正隨杯附送的monchichi 杯墊值得一提這間主題餐廳是有最低消費的還有就是如果店員可以主動一點關心客人的需求整體是一間很精緻的主題餐廳

湊左我個大小姐放學後，就同左佢黎到旺角新開既一個商場top到醫肚啦！！咁岩經過呢間monchhichi期間限定cafe寶寶見到門口隻公仔咁可愛咁得意，已經停左係到唔願走叫我幫佢影相既然係咁就入埋去試下D野食好無味先！！haha~~入到去見到仲有好多影相位、有monchhichi既公仔售買、每個座位都會擺放著monchhichi ge公仔供客人影相影完一輪之後就開始點野食了，我地點左個午餐再加錢加配小食&甜點，再外加一個蜜瓜新地🙊🙉🙈午餐D:山下精選意粉$69意粉軟硬適中，酸酸甜甜好開胃，蝦🦐夠晒大隻食落又爽口小食+$38 忌廉蟹餅蟹餅炸至金黃色，食落去十分香脆可口，入面好香濃忌廉。白桃🍑益力多冰沙 跟餐+10白桃係日本🇯🇵e+時令生果，食落超香甜可口，冰沙又夠晒透❤️涼跟餐加配$30 千層蛋糕🍰蜜瓜新地$58雪糕超級creamy好味，入口超香奶味，呢款雪糕之前係沖繩食過一次即刻愛上，我家寶寶食到停唔到口，一口接一口不停食雪糕入面仲有好多甜到漏既蜜瓜粒粒同埋脆脆粒，好有口感，呢杯真係誠意推介

係門口已經見到好大隻monchhichi迎接你，而且仲有個專櫃係賣佢嘅產品，我地見到覺得幾打耳就入佐去試，回復一下童心🙈。.一入去就比monchhichi包圍住，連咕𠱸都係monchhichi😍 主食主要有蛋包飯類、意粉同拉麵類，甜品既選擇其實會比較多，大家可以留意返有最低消費，每人$140。本身想試allday又賣晒😕.芝士北海道豚肉腸咖喱蛋包飯 $98一上碟就見到好大隻monchhichi灑左係芝士上面😍 個咖哩都比得岩岩好，而且一啲都唔辣且偏甜，小朋友都啱食 😚 個滑蛋都好滑，芝士味反而唔係好出，條腸係日本直送😎 真係特別有口感。.和風博多明太子意粉 $98都真係鋪左好多明太子喺面，而且個意粉唔會話好dry仲幾juicy😚 好少地方有得食明太子所以幾特別，真係好似咬到一粒粒野咁好得意😆.和風豬軟骨豬骨湯拉麵 $138依個set係會包埋一樽抹茶紅豆冰（平時係會送埋個牛奶樽， 因為冇貨所以變咗杯墊🤷🏻‍♀️）。拉麵既味道比較普通。.時令日本蜜瓜配比利時窩夫連布丁 $138依個都係會送樽😎 由於個布甸賣晒所以變咗是日甜品，比佐焦糖奶凍我地。個奶凍好動L😂，都幾好味好滑。啲蜜瓜真係好甜😚

難得week day 同老公一齊放假就全日諗住食嘢行街揼骨relax下😌旺角站B3出口連住有個新嘅商場T.O.P就嚟逛一狂，見到呢間山下菓子全都係mochh好靚呀忍唔住入去飲杯野，全店以monchhihi為主題,每一個座位都有一個公仔，真係好得意呀如果係佢啲fans就真係不得了我哋一人叫左一份下午茶，老公叫咗青森蘋果批配凍朱古力，這裏主要的食材都是來自日本當然有質素啦，批邊香脆松化，果肉清新不太甜而我就點了千層蛋糕配抺茶拿鐵，這是日本直送的，清清地，同樣不太甜口感一流，入口很滑的感覺，正合我意！至於飲品方面也不錯，朱古力很濃，抹茶latte 抹茶與鮮奶嘅比例也恰到好處，只是感覺冰多了一點點😅再揭一揭餐牌，😍😍時令日本哈蜜配creamia ，老公最愛嘅日本蜜瓜同我最愛嘅日本creamia的組合。每日限量30份，一問之下既然還有呢，可能是week day 關係吧，太棒了👏雪糕嘅香濃幼滑與日本食到的沒有分別，蜜瓜更是清甜，熟度剛好，用匙羹輕輕一撥已食到，兩者一齊食就更加得意啦！唔使到日本都食到如此高質嘅甜品真係要下次再嚟啦　

T.O.P係屋企附近開左咁耐一直未有時間過黎行下今日強台風山竹一走 我地就過左黎行同食飯商場連住旺角地鐵站非常方便 行到咁上下 就開始搵野食啦係3樓俾呢隻monchichi吸引左 睇左一睇menu 價錢唔貴就入左去店入佈置有大量monchichi 岩晒一眾fans過黎打卡仲有唔少周邊商品買tim連鋪台紙都係山下菓子出名甜品 呢間亦有咸食於是我地叫左一個carbonara 豬軟骨拉麵跟抺茶紅豆冰和風豬軟骨豬骨湯拉麵有唔少配料 份量岩岩好 面質地較硬有口感 湯底濃而不厚 估唔到都唔錯抺茶紅豆冰甜度岩岩好 好香濃抺茶味 紅豆好綿 好好食叫紅豆冰仲送杯墊tim 好可愛Carbonara 質素頗高 好creamy味道好合我胃口 而且意粉煮到岩岩好 有monchichi deco 加分加分當然少不了叫杯雪糕食啦極香濃牛奶味 好滑 鍾意牛奶ge你唔好錯過丫

自從旺角前「工業貿易署大樓」的樓宇位置，被翻新以及改造成為新購物商場，兼食肆集中營後，旺角忽然又有了一番的新景象。從此之後「旺角港鐵站」的熱門出口不再只有「X豪坊」、「新之城」或者「銀行中心」。旺角新商場「T.O.P This is Our Place」，除了連接旁邊的購物商場「新X城」「旺X中心」，而且還有「旺角港鐵站」直接接駁出口，令我跟其他遊客，可以避免日曬雨淋，免除消耗腳力之苦。至於「T.O.P This is Our Place」，立刻有了一些，我之前曾經見識過的食肆，例如「鴻X傅」，又或者是在香港新開張的中外潮流食肆。日本菜及甜品餐廳「山下菓子」，我覺得就屬於後者。「山下菓子」除了有潮流大熱的日系甜品售賣之外，竟然還有咖喱飯跟日本拉麵提供，但是我暫時應該不會考慮「山下菓子」的咖喱飯，跟日本拉麵了。我之所以把「山下菓子」食店種類界線分得這麽糢糊，皆因「山下菓子」不單只有「梳乎厘班㦸」甜品，而且即場還有「Cremia」牛奶軟雪糕加「白之戀人」雪糕脆筒售賣。而且「山下菓子」還有「千層蛋糕」、「蘋果批」、「窩夫餅」，甚至我曾經在銅鑼灣食街「登龍街」裡面，其中札幌拉麵餐廳「梅X軒」都

收工去旺中見到有新開既商場入去行下見到朋友最愛既monchichi 當然要入去影下相啦📸📸入面環境好靚❤️周圍都係monchichi 🙏🏻芝士烤肉腸啖落去勁多芝士汁而且唔會太鹹， 加埋d沙律一齊食日式咖喱蛋包飯必試唷D咖喱係甜甜地個種唔會太辣！ 加埋d蛋超級滑 撈埋一齊好好味啊~~明太子雞翼🐣期待最高既， 因爲自己好喜翻明太子， 但而個麻麻地啦因為我唔太食辣，我就完全唔係點食到了日本密瓜 勁正， 密瓜真係超級甜加埋d雪糕一齊而加咁熱，食d凍冷冷既野真係一流啊水果千層蛋糕🍰好多水果唷！又唔會太甜.~大大份 鳥龍茶，用茶包沖既！食左咁多都係300幾蚊，又有得影相難怪會咁多人黎食唷！

約左朋友行旺角新開既商場T.O.P,見到有間Monchhichi主題餐廳，超得意！我地兩個大細路即刻打起十二分精神。餐廳有好大隻Monchihichi公仔，各種造型！十分可愛！放在沙發陪客人一齊食飯。我都九秒九殺過去，抱起一隻公仔影相，估晤到公仔都十分清潔，好新淨！主題餐廳在我心中，不嬲系虛有其表，但估唔到，佢既食物質素也不在話下，真糸好驚喜！餐廳處處充滿monchhichi的身影，絕對系打卡好去處。除左甜品生果之外，餐廳仲有好多野食揀。吉列大蝦咖哩奄列飯，日式和風味道十足，蛋好滑，咖哩晤辣，偏甜，米飯都十分日式，整體配合得好好。另外一款，我地揀左咖哩豬扒奄列飯，豬扒都十分吸引，炸粉好薄，肉質juice,軟硬適中。小食方面,我地揀左蟹餅賣相不錯，炸到金黃，咬落去咔嗞咔嗞響，好香口。我地點左杯雜果冰沙，今日生果系士多啤梨，菠蘿，蜜瓜，果味出眾，尤其系菠萝的昧道，清新自然，整杯冰沙的造型非常可愛，與餐廳卡哇伊風相互輝映，令人大放心心眼😍

終於黎食Monchhichi cafe喇！真係超興奮，我本身係Monchhichi迷，連英文名都叫Mon，無理由唔黎打卡掛門口放左個好大嘅Monchhichi廚師公仔，好可愛呀！我就入黎試下你嘅手勢啦門口放左午市餐牌，估唔到價錢唔貴咼，旁邊仲放左個大雪櫃，櫃內有多款精美嘅Monchhichi造型甜品，非常吸精店內有好多Monchhichi公仔同畫，真係忍唔住不停影相，我覺得自己好似入左個童話世界一樣，心情非常輕鬆愉快嘩連餐墊都印左Monchhichi，真係想偷番張據為己有餐廳一角仲有好多Monchhichi精品售賣添餐牌好多選擇，睇相都覺得吸引，尤其是甜品同飲品，好靚呀不過我地覺得lunch set比較抵食，所以order左兩set再加48蚊配小食同凍飲咖喱蛋包飯，賣相好正，蛋炒得滑，咖喱好香但唔辣的，小朋友都食得到，整體不錯的兩個小食我地揀左吉列蝦同忌廉蟹餅，吉列蝦熱辣辣，但外皮厚左小小，忌廉蟹餅就好正，真正做到外脆內軟，非常鮮味，100分茄汁大蝦意粉，賣相吸引，蝦大大隻又夠鮮味，意粉軟硬適中，味道亦調教得剛剛好，真係估唔到咁高水準，做到內外兼備，非常難得最後我地忍唔住加左件千層蛋糕

難得今日放假帶表妹出嚟旺角行下， 見到新商場t.o.p有間裝橫別緻，以monchhichi做主題嘅餐廳， 表妹興奮到拉住我手嚷住要食🤭蕃茄大蝦意粉入口有香濃嘅番茄味，醬汁唔會太稠身， 重吸收咗大蝦嘅精華！ 蝦肉新鮮，唔係雪藏蝦👍🏻山下水果茶 有多款唔同嘅水果， 飲落去係滿滿嘅果香，面頭再加咗檸檬調味，中和咗甜味，甜度啱啱好~一口芝士粒 應該係即叫即炸，難得之處係一啲都唔油膩，外層脆口， 入面係軟滑嘅芝士， 非常邪惡！😜明太子雞翼同樣即叫即炸，所以外皮非常香脆，但裏頭卻非常juicy， 而且肉質嫩滑，加埋明太子調味，食落更惹味！🤤creamia配朱古力流心蛋糕流心朱古力嘅質感好香滑，朱古力係 偏苦唔會好甜，食落去唔會膩👏🏻

十號山竹颱風結束第二日，市面逐漸開始回復平常。約朋友食飯，揀左呢間，地鐵直達，100% 全程室內，唔驚風雨極方便。全店都係Monchichi 😲 牆身、咕𠱸、裝飾、餐牌、食物裝飾... 真係全部都係。鐘意 Monchichi 嘅朋友一定極開心。望住menu見到碟碟好大份，但又樣樣都想食 😂最後共識嗌左芝士吉列豬扒咖哩蛋包飯，加兩個小食，同一個甜品。芝豬咖哩蛋飯塊嘅蛋出奇咁滑，豬扒脆脆又夠厚肉，配住芝士同日式甜咖哩，幾好味😋小食有忌廉蟹肉餅，食落同薯蓉波無分別，好脆好creamy。明太子雞翼就超級超級好食，明太子填到雞翼脹卜卜，一嘢咬落去，香味十足，又香又脆又嫩又juicy，鹹味適中，超好食呀 🤤🤤🤤 食到八成飽，就要食多個甜品。原本想要半個蜜瓜加雪糕，點知店員話唔夠蜜瓜賣，於是唯有轉左蜜瓜加窩夫跟布甸，點知又無布甸，補左件甜酒千層餅，份量更多仲抵食 😂千層餅麻麻，但窩夫好香好好食，無班戟發粉嘅苦味，加埋甜甜地嘅楓蜜，稱得上享受。蜜瓜青森入口，又甜又多汁，頂呱呱 😋👍🏻食完又開心shopping 😁