山下菓子 (T.O.P This is Our Place) (已改名) 查看

近日才知道有呢間餐廳，有晚唸住入去試下，点知店員話冇訂位要等到8：30後都未必有位；咁結果訂左試下啦，原來有最低消費，中午都要成180元。我3個人試左個2人餐加小食和一杯熱飲，埋單連加一成6xx元係咪太過貴呢！講真食物真係一般，蛋咖哩飯都收成99元一個收費好不合理嘅貴。如果想要埋隻鴨杯，係你必須食到最低消费個180元，然後叫杯嘢要成89元，咁隻杯才可以攞走。我本身都係鴨咪，唔係因為呢隻鴨，我都唔會入去。

今期變咗 Pekkle cafe, 我這個鴨迷當然要朝聖，由於知道香港有好多鴨迷，所以一定會訂枱，啲工作人員都好有禮貌，唔錯 👍🏻👍🏻👍🏻。 由於太多鴨迷，所以第一次去時，杯同樽被人攞晒，餐廳就變了送襟章；後來店舖返咗貨，決定再朝聖，今次兩樣都有，超開心，滿載而歸 🥳🥳🥳🥳🥳我的至愛 😍😍😍😍😍😍😍雪糕🍦 👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻烏冬套餐，唔錯 咖啡好味，隻杯真係好靚 😍😍😍😍

話説我今日同我表姊去左TOP（旺角中心隔離個商場）買聖誕禮物，買到甘上下我地就搵過地方坐下食d野甘，我表姊就想食甜物，果時下午大約4點左右，我同佢係TOP行左一轉見到山下菓子無人又有位（其他cafe好多人好迫）方便順便整理一下戰利品。我地入到去坐底左，我叫個靚囡waitress 過黎點左一份waffle 跟一份chip ，跟住我見到靚囡走左去同個便服靚女講野，我想信佢係管理層，然後靚囡waitress 番過黎攞起張menu同我講“呢度個人最低消費$180或者可以點多兩杯野”果時我心諗唔係阿嘛，我再睇下個menu waffle 跟chip大約$140，姐係我地要點多二百幾蚊野，諗左兩秒，我就同靚囡waitress 講甘算啦唔食啦，即走！ 我係第一次食OpenRice 食評，我心入面真係有小小嬲，我唔係嬲在食物既質素，員工既態度，或餐廳既環境，又或姐衛生情況;我係嬲在你連想比我入去食野既機會都無！首先我評價唔到食物既質素，因為我連食既機會都無(睇到呢度肯定有人會話我食唔起就無食啦之類既) 唔係因為我食唔起，

為了滿足朋友豬對呢隻AP鴨既強烈慾望，就陪佢一齊請假過黎一試。之前去過銅鑼灣果間用Little twins star為主題既甜品店，當黎到門口見到類似既佈局同銷售模式，心想又有伏?唯一不同是有主食（好多熱食），食物價錢可接受。堂食75分鐘，最低消費180蚊（初時仲覺得好乸利，原來熱飲杯可以攞走，甘就差唔多啦～）味道: Mocha幾好味（其實我好少飲coffee，為左隻杯。。。）烏冬份量夠1個女仔飽肚，味道不差可接受。牛奶樽可選朱古力，用黎溝mocha幾好味噃。（即係我1個人飲2杯野，咪又係為左個樽囉）Burger要讚個蕃茄好大塊又厚，味道都唔錯，芝士唔夠溶。全場映相位處處，鴨迷必到朝聖地。精品好快比人掃清，原來即日係會補貨的，只是時段問題。我地2點3到無晒tote bag，問侍應佢話不定時補貨，但無講原來係即日，我地食野期間見到佢係倉走出黎，的tote bag係晒入面，再問佢先話再等4點，大家留意啦!侍應服務有禮貌的，只是。。。取票等候入座時，即使有客人離席，有空席，侍應也不會主動叫你入座，可能係你張票上已寫上大約入座時間吧（我地比個時間早20分鐘可以座低，全靠我朋友問一問入得未）

因為朋友非常中意pekkle *所以就去左哩間身處旺角新廣場既新cafe我地就叫左個二人餐..二人餐食物包括2個主食2個甜品2杯飲品我地揀左..咖哩蛋飯卡邦尼意粉芝士檸檬蛋糕香桃果凍由於我地4個人嘅關係..就再叫多1個小食加2杯野飲最後埋單每人$175另外順帶一提其中一位女店員態度極差😡

細細個已經好鍾意AP鴨，雖然好多人會將佢同DD Duck視為一體，但我好肯定咁講📣AP鴨唔係DD Duck...AP鴨唔係DD Duck🔊......依間餐廳用AP鴨做主題，親愛嘅表妹一早就約我去試，因為係我童年嘅至愛。。。老實講，餐廳性價比低，食物質素仲有好多進步空間，只係童年回憶無價 。。。叫左2人餐，主食有咖哩飯...係咖喱汁+炒滑蛋飯, 冇特別，咖喱唔夠香，滑蛋比某連鎖餐廳早餐還要差。。。係屋企煮到嘅質素。。。另一個主食係卡邦尼意粉，唔講以為係洋蔥火腿炒意粉，再加埋白汁，完全沒有卡邦尼嘅感覺，一d都唔香，冇蛋同creamy嘅質感，食落口，我忍唔住望多次張單，睇下係咩意粉。。。甜味叫左cheesecake同白桃流心蛋糕。。。cheesecake唔多似cheesecake,只係普通嘅蛋糕，白桃洗心蛋糕，沒有任何桃味，亦沒有流心。。。如果唔睇餐牌，唔理係咩甜品嘅話，其實唔錯，但你知道佢係咩甜品嘅話，係絕對會失望飲品方面叫左一杯水果茶，一杯紅茶，冇任何期望，亦不見出色。。。後記: 餐牌寫可以抽AP鴨pins,但冇人叫我地抽…我返到屋企先記得啊總結: 去依間餐廳，只係為左隻鴨，所以對食物

朋友係超級AP鴨迷。從讀書到做野都有儲AP鴨物品，以前細個每年送依個AP鴨迷朋友既生日、聖誕禮物都離不開AP鴨精品，由筆、月曆、毛巾、Tshirt、到行李喼都送過。隨住年齡增長人變得實際左，加上AP鴨無再出新精品之後，朋友對AP鴨既熱情都變淡左。知道AP鴨開限時cafe之後第一時間同AP鴨迷朋友分享，仲馬上約定飯局😄😄星期三晚唔算人多，七點四左右到餐廳，職員寫左張飛話要七點九先有位。無問題，餐廳門口好多AP鴨家族紙牌背景比你影相打卡，眨下眼就有枱喇。餐廳可以話係AP鴨overload😌。檯面、餐紙、飲管、杯墊Menu全部印滿AP鴨個樣。所有餐廳既食物都有AP鴨影蹤⋯⋯撊咗一輪之後終於決定點個二人套餐。套餐包甜品2選2、主食3選2、特飲4選2。主食點左咖喱飯同卡邦拿意粉，甜品係芝士餅同流心桃蛋糕。真心覺得味道一般般。日式咖喱飯好難做得差，義粉好足料，超多火腿。兩個甜品味道一樣，而且未融曬雪🤔🤔。兩個飲品都係一般吧。驚喜當然係所有菜都帶AP鴨裝飾。咖喱飯個白飯壓成個鴨樣先上菜。蛋糕都倒模AP鴨個樣。意料之外既係真係好多AP鴨迷呀⋯⋯個個都瘋狂影相，不論男女老少都不停拍照拍照，真係好忙。餐廳

旺角街頭各式各樣的美食，我大概也吃了大部份的餐廳！新開的在旺角中心附近的商場T.o.p，有一間Cafe蠻休閒的感覺，於是就走進去了。疏乎厘pancake，而且我還點選了日本運來的蜜瓜pancake！喜歡吃pancake的我，發現這間小店的pancake還算軟熟呢！而且配上了甜甜的忌廉，味道非常吸引！至於蜜瓜方面，因為沒有切開，所以就必須自己動手！在切開蜜瓜皮的時候，非常要有技巧！如果你是有興趣的，那這裏或許合適。環境方面，休閒舒適，可惜的是我們當天發現食物到了的時候，我們並沒有任何餐碟。在我們請求遞上餐碟後，享用甜品的時刻我們又發現並沒有足夠的餐具。食物種類方面，正餐選擇較小，小食大部份偏向炸物。

我同朋友一行三人，一入去，女店員喺明明有四人枱嘅情況下，安排咗張二人枱入我地。當時隔離仲有張二人枱，正想要求泊埋兩張枱之際，佢就比其他人入。本身都有考慮食水果甜品放題，但咁嘅環境，真係立即打消念頭。我地叫咗2個主食，1個小食。上菜嘅時候，放咗一個主食，加我地3隻碟，張枱嘅位置已經所淨無幾。到再上小食嘅時候，我地問咗男店員：「你覺得我地真係夠位食？」男店員回應：「冇枱真係冇辦法。」戲肉就到上另一個主食，女店員送埋黎，我地都好束手無策地移位，希望放到個主食，我朋友同女店員講：「我盡左力架喇。」個女店員回應一句：「我都盡左力架喇！」然後將我地碟蛋包飯凌空放係枱角，凌空，係凌空呀，得四分一隻碟喺張枱度，之後佢就走左去。都係想同朋友開開心心食餐飯，點知食到一肚氣。出面得幾個人等位，點解唔可在用心安排坐位。女店員態度真係十分趕客，好似欠左佢咁，睇留言見到好多都話員工態度惡劣，仲要收加一服務費，真係好意思，請呢間公司正視員工態度！

喺日本第一次食Cremia雪糕覺得好食到難以形容，而家香港好多地方都可以食到喇👍🏻Cremia 牛奶雪糕+oreo碎+芝士 $58（唔記得左杯雪糕個名🤣）因為雪糕會溶得勁快，所以我揀左杯裝住，而杯裝又有多啲配料好豐富（我個人好貪心）🙈🐷香滑濃郁牛奶雪糕，灑上朱古力粉🍦👍🏻底層既芝士勁厚，好正😍不過我始終覺得用返雪糕筒裝住會好食啲，因為佢個雪糕筒係好似白之戀人既餅咁好食既

點了日式咖喱旦包飯，賣相唔錯，味道可以。之後的日式水果雪糕放題，也算可以除了香印提子沒有香印味，巨峰提子有點兒酒味宿味，頭兩次點的日本蜜瓜近瓜皮有部分透明及沒有什麽味，青森萍果只有酸味及叫一份會給你大半碟促消，日本杮是淋一點，桔子肉及奇異果肉是正常的呢！

第一次寫食評，因為真係忍唔住，嬲啊！！啲野食ok嘅，意粉，pancake……生果都幾新鮮，蜜瓜同柿好味！！Pudding就見仁見智啦！我就覺得太甜但最差係上生果太慢！好似唔想俾你食咁多咁！主菜，甜品上得好快，但生果每次等15-20分鐘！！每次15-20分鐘！！(重要嘅野要講多次) 唔使煮，齋切都要等咁耐！最後我一次過點6份，都淨係俾佐3份我！唔捨得就唔好搞咩放題任食，仲要點主菜額外加$99一位！唔會再想去嘅一間餐廳，太無道德！！

專登嚟食雪糕。食之前坐低食個午餐，叫咗個“蛋包飯”。一切開裡面竟然係白飯.......一間標榜日本食物既餐廳，竟然唔識整蛋包飯，真係無言。個午餐已經食得好奄悶！埋單之後喺門口買杯雪糕，點知一樣瀨嘢！同日本食完全係兩回事，呢度食 只食到奶粉味。真係無下次...真係好好好失望，唔明點解要賣呢隻日本雪糕，但可以整到咁難食？係咪博啲客人未去過日本食？真係搞笑？！午餐加飲品就一定要加埋小食，真係R得就R。咁做生意，一定大把回頭客！

旺角新商場T.O.P連接著旺角中心，成為新一個年輕人的潮流聖地，除了潮人潮物外，餐廳選擇也不少。甜品店山下菓子近日與卡通人物Monchhichi聯承，推出全新青森蜜瓜系列，當然要來朝聖一下！餐廳近門口一排展示櫃擺滿可愛的Monchhichi毛公仔及周邊商品出售，每個造型都維肖維妙，融化你心室內牆飾、桌椅、餐墊均換上Monchhichi版本，非常夢幻，充滿童趣！客人可以抱著咕臣公仔拍照打卡呢先點了一客明太子雞翼醫肚，焦香的雞翼外皮內釀滿明太子餡料，很日式的做法。主角當然是甜品 — 日本蜜瓜配梳乎厘班戟🍈Soufflé pancake印上Monchhichi logo, 加上班戟蓬鬆的空氣感，更添可愛日本青森蜜瓜果然名不虛傳，甜度十分高👍🏻配上一杯蜜瓜味梳打特飲，滿足。

我雖然不是Monchhichi die hard fans, 但好久以前亦曾經對Monchhichi公仔着迷，今日行旺角新落成的商場"This is our Place"時，竟然發現"山下菓子"成為Monchhichi期間限定cafe, 真係好驚喜，超開心門口有一個好大嘅Monchhichi 厨師公仔，好cute呀我要同佢合照呀成個餐廳每一個角落都係Monchhichi，好colorful, 好可愛，真係所有童真都返哂黎好開心呀！仲有Monchhichi公仔和產品可以即場買有日本不同地方直接運送到港的新鮮水果🍊🍎🥝🍑鮮果千層蛋糕~北海道奶油製成嘅忌廉配上薄薄嘅餅皮， 層層疊疊 煙韌細密的餅皮，內藏牛奶及吉士雙重口味忌廉 ，帶出柔軟細緻奶香味 ，仲有鮮芒果和奇異果，與忌廉好配合，所以一點也沒有腻的感覺鮮雜果梳乎厘班戟~每日限定30份， 第一時間落咗呢個order先，幾驚售罄 製作時間需要30分鐘，但完全無問題呀！好嘢就係要等一陣ga la 印左個Monchhichi happy face上個班戟度，幾唔捨得破壞個班戟呀！班戟脹卜卜，質感又厚又綿密，口感軟綿綿，鬆軟細滑，有很重的日本蛋味，