影片
更多
2018-12-23
114 瀏覽
話説我今日同我表姊去左TOP（旺角中心隔離個商場）買聖誕禮物，買到甘上下我地就搵過地方坐下食d野甘，我表姊就想食甜物，果時下午大約4點左右，我同佢係TOP行左一轉見到山下菓子無人又有位（其他cafe好多人好迫）方便順便整理一下戰利品。我地入到去坐底左，我叫個靚囡waitress 過黎點左一份waffle 跟一份chip ，跟住我見到靚囡走左去同個便服靚女講野，我想信佢係管理層，然後靚囡waitress 番過黎攞起張menu同我講“呢度個人最低消費$180或者可以點多兩杯野”果時我心諗唔係阿嘛，我再睇下個menu waffle 跟chip大約$140，姐係我地要點多二百幾蚊野，諗左兩秒，我就同靚囡waitress 講甘算啦唔食啦，即走！ 我係第一次食OpenRice 食評，我心入面真係有小小嬲，我唔係嬲在食物既質素，員工既態度，或餐廳既環境，又或姐衛生情況;我係嬲在你連想比我入去食野既機會都無！首先我評價唔到食物既質素，因為我連食既機會都無(睇到呢度肯定有人會話我食唔起就無食啦之類既) 唔係因為我食唔起，
我係第一次食OpenRice 食評，我心入面真係有小小嬲，我唔係嬲在食物既質素，員工既態度，或餐廳既環境，又或姐衛生情況;我係嬲在你連想比我入去食野既機會都無！
首先我評價唔到食物既質素，因為我連食既機會都無(睇到呢度肯定有人會話我食唔起就無食啦之類既) 唔係因為我食唔起，甘大家不如換個角度諗諗，我同我表姊兩個人無可能再點多個蛋包飯再加杯野飲家，因為我地本身就打算食小小野，無可能要我食個正餐係果個鐘數，就算你送比我食我都食唔落啦，既然如此我地唯有走羅，等真係正餐先去幫親（成人個人最低費$180）
講到底其實我都有疏忽，我唔應該唔睇清楚佢門口個menu就衝左入去，因為menu真係清清楚楚列明成人最低消費$180，如果我今日睇左我地係一定唔會入去既，因為心知係食小小野。試問各位真係會每一次去食野都會係門口睇左menu？？下午茶時分，個人要消費滿$180確實彼有難度，阿....我可以點6杯特飲每人三杯肯定超過$360，又或姐2份waffles 3杯特飲，甘就一定滿足最低消費既要求哈哈。幻想歸幻想，現實又有幾個人真係食到甘多野係下午時分？？
味道 1/5 食都無得食
環境 3/5 平心而論都可以
服務 2/5 有很大進步空間
衛生 3/5 平心而論可以
抵食 2/5 一般，以地理位置計
張貼