山下菓子 (T.O.P This is Our Place) (已改名) 查看

係網上見到DD duck/AP鴨主題，所以去試試，環境一流，無論係中意卡通人物的人，或者係少女也會很like枱與枱之間很闊倘，令人感覺好舒適，無論約會定閨蜜聚會也是一個極佳選擇水果茶-個AP鴨瓷杯超靚，而且可以攞走，入面三分一杯是水果蛋汁卡邦尼意粉令我哋喜出望外，因為比外面西餐做得更好食，醬汁超濃，沾滿了每條意粉個飯嘅造型超像真，個蛋超滑，仍有蛋汁，不會過生也不會太熟，再配合超濃嘅日式咖哩汁，不止有外表，仲有內饀而條腸更是北海道直送爆汁芝士豚肉腸，超好味俾d啫喱外型吸引特登叫左嚟件朱古力千層蛋糕，件蛋糕比想像更好食，應該因為好新鮮的關係，班戟邊仍濕潤，每層忌廉亦很平均，朱古力味同忌廉味亦䀫到好處

PEKKLE主題CAFE經營3個月, 竟然包括我生日嘅月份, 於是有咗包場開生日會的唸法, 而又同餐廳傾得成WOR, 於是就開咗我人生第一次的生日會. 爸爸話: 你係小朋友咩? 開咩生日會呀? 我話:而家開咗, 第日70歲大壽唔擺酒啦 .... 佢即刻恭喜我.過程真係好緊張興奮, 有D似當年結婚. 原本包場時間是8點開始, 我早到了半小時, 餐廳已經清理好場地, 而宜店員仲吹緊汽球布置, 尼D都令我好驚喜。 食物非常充足, 30人的份量, 感覺4-50人都吃唔完。當中很多親友都抱住: 尼D地方食裝修姐, 唔會太好食啦. 但食物雖然大大盆出, 但新鮮熱辣, 大家都讚好味。連埋尼次PARTY, 尼三個月我去咗PEKKLE主題CAFE 5次, 對於我尼個幾十年狂粉, 感覺CAFE不斷進步, 當PEKKLE不再係CAFE主角, 我知我仍然會來的.

香港的卡通主題餐廳買少見少, 連可愛的布甸狗最後也敗走銅鑼灣。 今次來到了位於旺角的山下菓子, 今期的卡通主題是與布甸狗同為Sanrio 家族的AP 鴨。北海道豚肉腸日式咖哩蛋飯 ($129)選用來自北海道產的豚肉腸, 釀入了芝士, 一咬下去會爆出肉汁和芝士, 十分惹味。 米飯堆砌成AP 鴨頭的形狀, 打卡照相一流。 日本蛋汁卡邦尼意粉 ($99)醬汁的份量非常多, 蛋和忌廉的味道很香濃, 意粉的質地都合乎我的喜好, 不會太韌或太淋，不錯呢！ 熱朱古力連杯 ($89)朱古力沒有甚麼特別, 味道像M記熱朱古力，但主角是那隻杯, 喜歡AP鴨的朋友就一定要點一杯熱飲了。 捉迷藏梳乎厘斑戟 ($99)蛋味香濃, 但感覺太生，口感稍黏口。 本以為卡通主題餐廳的食物質素不會太好, 但是品質卻意外地餐不錯。喜歡AP 鴨的朋友更可以拿走套餐內包括的杯或者鐵罐！

有個同事原來好鍾意呢隻pat pat 鴨 🦆（呢個係我既叫法，後來先知佢叫AP 鴨，哈😂）上次行過旺角見到呢間山下菓子而家做緊期間限定係呢隻鴨既主題，所以就約同事黎食飯! 平時呢個同事都cool cool地，但今日黎到餐廳真係high 爆🥳不停尖叫同埋影相，隻pat pat 鴨既威力真係好大下😆🐥咁餐廳做呢個主題都好有心思，因為好多食物、餐廳既佈置、餐牌等等真係全部以AP鴨🦆為主，我諗就算唔係呢隻鴨的粉絲見到都會好開心，尤其係D小朋友👫無論係牆身、食物上既裝飾、真係好多好多好多鴨🦆🦆🦆🦆🦆由於有預先book左枱，店員安排好個旁邊既位置畀我地，坐得好舒服。餐牌都有好多選擇，而且睇落去樣樣都好大份😂🤣我揀左叉燒烏冬🍜雖然材料冇野係鴨，但都插隻紙牌公仔係頂，cute 左! 日式叉燒就唔係好似港式咁有蜜汁，但佢大舊得黎肉都好淋身，咬落去都好嫩口，比我想像中有驚喜! 而且佢都有好多配菜🥚🍢樣樣都厚切，大男人食都會夠。烏冬🍜麵質還好啦，但個湯底有肉香，唔錯! 雖然烏冬冇咩用AP鴨有關，但跟烏冬配飲品有個AP牛奶樽🍼，飲完仲可以拎走~ 我揀左飲蜂蜜綠茶🍵，差D未飲哂就畀同事打劫走左個樽!! 點知同事

第一次去呢間餐廳食亦係最係一次去食！未試過食飯咁受氣，我地叫左個卡邦尼意粉碟意粉入面係有頭髮！ 叫個waitress換左佢，個waitress 黑口黑面咁收左碟野，然後轉身就同啲同事講 條頭髮都唔知係咪我既但係條頭髮係捲住碟意粉 成條都粘滿醬。食物不潔都算，個waitress收碗碟既時候，係成張餐紙咁扯，差小小就倒瀉哂啲野飲，佢仲要話 唔好意思囉 咁就走。到最後 我地問佢 飲野隻杯 係係門口到拎定係點？(因為佢啲野飲寫會送埋隻杯) 個waitress 既態度就好差咁講 我地啲杯全部都係新 要既就自己拎去廁所洗。我唔知係佢地攰得濟定點，可以語氣咁差，但我地食既時候都唔係多人，我地自問每句都唔該前唔該後。二百蚊食餐咁既飯 真心貼錢買難受。

此店不時換上主角，今次喺AP鴨，剛巧就是朋友的favourite cartoon，就入去試下。喜歡小食set，有明太子雞翼飽滿，蟹餅酥脆，粟米牛油味濃郁，配芝麻醬沙律，就不會腻。好有春天味道的湯，有洋蔥、bacon、蕃茄，味道清新。9吋夏威夷薄餅 ($88)，topping有小蕃茄、菠蘿、ham，加芝士粉，芝士給的很多，芝士迷不可錯過。紅青蘋果荔枝伯爵冰紅茶 ($59)，有不少果肉，而且果味越飲越濃，不錯。飲管和杯墊都係AP鴨，可以帶回家收藏。青森直送手製酥皮蘋果派連pitchi果凍 ($69)，熱食的，酥皮很好吃，蘋果肉大大粒，不喜歡cream或太甜的甜點，建議吃這個，非常有質素！焦糖朱古力 ($59)，朱古力味濃郁，帶焦糖香。朱古力千層蛋糕連pitchi 果凍 ($69)，餅皮軟綿，口感滑嫩香濃。啫喱有咬口，仲有blueberry和草莓，都幾豐富。

窮遊香港-而我不是PC鴨主題cafe.今日去左間AP鴨主題既cafe係同類cafe唔算貴 有d餐仲有禮品送但最緊要 係好食！（例如有d野飲會送杯 牛奶樽）（可睇圖餐牌）（出面仲有個精品櫃放左唔同AP鴨既野比大家買）.講番野食⭐️日式蛋汁卡邦尼意粉$89👍🏻呢個個汁完美痴住個意粉👍🏻忌廉同芝士味都好夠（‼️但唔係用拉絲芝士 呃唔到like）👍🏻呢個係好好食 ‼️但一個人食哂會濟⭐️高汁意粉 要同朋友分享.⭐️山下牛肉芝士漢堡$119（配薯條）👍🏻漢堡同樣高汁👍🏻一上枱果時見到d芝士仲流緊👍🏻漢堡排係一個入面有洋蔥粒既厚排👍🏻薯條用上粗薯條 配上茄汁 完美（👎🏻但薯條唔夠熱 扣左分）加是日特飲$28（忘記飲左咩...no!！！)(碟豆花咩咩咩梳打？）.食到呢到其實已經好飽....（甜品一份兩人分比較好）.⭐️加青森手製蘋果枇$38絕對係一個好食既蘋果枇👍🏻啖啖日本蘋果肉（可睇圖）👍🏻中間有層啫喱口感👍🏻外面小小脆皮口感.⭐️加原味梳乎厘班戟$68呢個梳乎厘好好食（🤦🏻‍♀️其實我第一次食梳乎厘）👍🏻最上面係流質cream既口感👍🏻最底係軟熟蛋糕 震下震下咁👍🏻表面有小小糖粉 本身甜度就ok🙈我就冇再加糖漿

之前上網見到山下菓子做緊monchhichi 主題餐廳，咁啱經過諗住嚟試下，點知已經轉了AP鴨，不過唔緊要我都覺得佢好得意，所以就入去食晚飯順便影下相。看見餐牌上的食物價錢抵吃， 晚上有套餐有散叫，我們點了和風博多明太子意粉$79，加$68追加甜品原味梳乎厘pancake， 豚肉腸咖哩蛋包飯$129，朱古力千層蛋糕連 pitchi果凍$69，香檳巨峰提子泡茶$59。豚肉腸咖哩蛋包飯 ～ 見到第一時間就係相機食先啦，有少少唔捨得食個飯, AP鴨太可愛了。 咖哩係用日式咖哩偏甜夠香， 豚肉腸果然好味，入口非常juicy， 一啖咬落去肉汁已經滲曬出嚟，蛋也很滑，又睇得又食得！和風博多明太子意粉 ～ 這一款很惹味，明太子配意粉好夾，開頭都怕會比較鹹， 但食落剛剛好。原味梳乎厘pancake ～ 第一次食這一款pancake是在日本， 香港也試過幾間餐廳，但未能食番日本的味道。 今次這個有驚喜， 軟滑得黎空氣感好重， 配埋忌廉和糖漿， 食到停唔到口！朱古力千層蛋糕連 pitchi果凍 ～ 這一件蛋糕絕對冇令我失望，開頭有諗過主題餐廳 多數都是好睇唔好食，竟然朱古力千層蛋糕都可以做到咁好嘅水準，蛋

今年農曆新年老細特別好，全公司同事年三十同埋初四都唔洗番工，一放就放9日假，爽呀！放假當然要鬆一鬆，即時約咗好友去TOP食tea~本身唔係ahirunopekkle 粉絲，但坐喺度忍唔住影咗一輪相至叫野食😋自己好鍾意little twin stars, 如果餐廳而家係同佢crossover 就好喇！某d飲品包埋ahirunopekkle既樽或杯，適合粉絲收藏。野飲方面紅青蘋果荔枝伯爵冰紅茶（$59），我地要求小冰，溫度剛剛好，而且生果都幾多，唔錯！不過整體而言都係偏甜，遮蓋咗水果既味道野食方面就揀鮮雜果比利時窩夫（$89），奇異果新鮮唔會酸，而窩夫就有淡淡的蛋香，軟硬度亦適中。

AhirunoPekkle鴨簡直係童年回憶呀！知道山下菓子推出左Ahiru No Pekkle 主題，所以約左朋友一齊去食。行到山下菓子附近既位置已經見到Ahiru No Pekkle既裝飾，門口大大塊既牌比我地影相。行到左門口位置，已經聽到主題曲既聲音，然後我地就行左入去搵位坐。因為啲裝飾勁可愛同勁靚，而且成間鋪都係以淺藍色為主，所以我地不停係到周圍望個到啲裝飾。仲有好多Ahiru No Pekkle既圖案，連張墊枱紙都好Q，所以我瘋狂咁影相呀！ 見到張Menu諗左勁耐食咩好。因為樣樣野食都好吸引。.我地最後叫左一份Ahriu No Pekkle 秘製醬汁豬肋骨 (全條) ($199)。當侍應拎過黎既時候，我同我朋友都瞪大晒對眼，心諗點解咁大份既。佢地用左一個木製既碟黎裝豬肋骨，加左啲薯條、沙律。係沙律上面仲插左個Ahiru No Pekkle既牌仔。我地切開左個豬肋骨一齊食。個豬肋骨上面淋左啲酸酸甜甜既汁，食落好開胃。重點係個豬肋骨食落唔韌，反而好易咬開。同埋啲薯條好大條，食得出係新鮮炸出黎既。 .我不嬲都好鐘意食梳乎厘，所以都叫左個捉迷藏梳乎厘班戟($99) 同朋友share食。

今日一行幾人嚟到旺角呢間全球首間期間限定Ap鴨主題Cafe，朋友係Ap鴨粉絲，佢話想去嗰度買啲精品，於是我地就順便喺度午餐滑蛋吉列豬扒飯😋😋顧名思義揀個蛋又幾滑，個吉列豬扒都做得非常唔錯，唔會話好厚粉，咬落鬆化厚切日式叉燒稻庭烏冬🍜🍜個人來講，比較鍾意食稻庭烏冬口感比較好，除左叉燒，仲有好多配菜有紫菜，冬菇，木耳絲，蟹柳同玉子，非常豐富秘製醬汁豬肋骨全條👍🏻👍🏻佢哋個秘製醬汁係酸酸甜甜，令到你胃口大增明太子雞翼雞翼內釀左一明太子，表皮脆脆地千層蛋糕🍰🍰呢款蛋糕係忌廉同埋薄餅皮一層疊一層做成，餅皮非常之薄忌廉都滑

T.O.P呢個新商場真係第一次行,有D似PMQ.不過食肆就多好多.同老公行下見有D餓,所以就搵野食,坐低TEA下傾下計.**熱MOCHA連杯-HKD89**點解咁貴??原來係呢個價錢係連埋隻杯比我拎走嫁!熱飲就係呢款耳仔杯凍飲既話就係牛奶樽咁樣咖啡香濃,又有拉花*原味梳X厘PANCAKE-HKD99*震騰騰既PANCAKE,仲有好可愛既伴碟公仔COOKIES,加埋生果,楓糖漿同埋CREAM一齊食.成件事好完美!*法式多士-HKD99*製作需時大約30分鐘之前同老公係日本食過法式多士覺得好懷念,所以見到呢度有就即刻嗌黎試下.都幾香嫁!店入面既佈置全部都係卡通,如果有小朋友可以帶佢黎呢度一定會好鐘意*凍朱古力-HKD59* 

終於食到AP鴨 Cafe啦！！當日我地8點walk in唔使等。地方唔大，但AP鴨裝飾好可愛。研究完餐牌，決定散叫，因為二人套餐無紀念品拎得走。我地叫左明太子意粉、咖哩腸仔飯、蟹肉忌廉餅小食拼盤、一杯水果茶(水杯可以拎走)講真去依類型cafe都唔期待食物質素有幾高，都係旨在開心，影下相。同樣，AP鴨 Cafe既食物質素都唔高，價錢貴。意粉略乾，忌廉都在碟底，明太子自己撈開，但意粉份量足夠。咖哩飯造型係可愛，但略hea, 味道普通，材料欠奉。Menu內既小食拼盤係有AP cafe鐵桶裝起薯條，但上菜時並沒有，當時非常失望。之後再查詢餐廳先發現原來鐵桶並不是可拎走既紀念品，係客人自己拎走，所以無晒。如果這一點可以在落單時提點會較好。忌廉餅既味道唔錯，但薯條就上菜時已唔熱。因為對食物無咩期望，影下相，支持下AP鴨, 有水杯&襟章做紀念已經好滿足。

今日俾個女仔朋友威迫之下, 去咗旺角T.O.P.的"山下菓子" AP DUCK主題餐廳, 朋友好期代, 但係我覺得就身唔主在, 其實上到去環境係靚既, 俾人覺得好開心既, 唔係我想像中咁小朋友, 適合拍拖去既~ 食乜野由朋友發板啦~ 佢叫咗個北海道豚肉腸咖哩蛋包飯$129 同埋一個叉燒烏冬AP DUCK套餐$139, 首先黎係 北海道豚肉腸咖哩蛋包飯---- 做型已經好可愛, 打卡一流~ 咖哩汁非常日式既味道, 我好仲意~ 如果俾多舊飯我都食得哂~ 好開胃, 而加滑蛋加埋D咖哩汁真係好惹味~ 北海道豚肉腸肉味好濃, 好鬆輕~ 原來個餐飲個AP DUCK 玻璃樽可以帶走~ 有得食有得拎~ 正丫~ 之後再黎係AP DUCK叉燒烏冬, 烏冬份量好多~ 好彈牙~ 鰹魚湯地好香, 兩件叉燒好厚~ 好林好入味~ 食完之後叫咗兩杯CREAMIA, 不過店員提我地, 堂食杯雪糕要收加人~ 細心地叫我地可以埋咗單先~ 再叫杯雪糕坐係商場出面個AP DUCK 拍照區慢慢食~ 細心~ 值得讚下佢地~ 總結都幾正"山下菓子"~ 食完又覺得幾值得推介大家去食~ 正~

AP 鴨主題cafe ~ 有得食仲有得拎～!旺中旁邊開咗間叫T O P嘅商場，前兩日約咗friend去嗰度行街，行行下見到隻好cutie嘅鴨仔, 原來係一間AP鴨嘅主題cafe。見佢入面裝修得咁靚，一於跟佢地板上嗰啲鴨腳印入去試吓先～!餐廳入面每一個角落，無論牆壁，餐紙，擺設都可以見到AP鴨～ 入口處仲有好多AP鴨嘅精品售賣，例如有手挽袋，拖鞋，地氈等⋯⋯以主題餐廳黎計，佢個Menu都算好多元化，想食西式嘅可以食漢堡包或者豬肋骨，想食日式就可以揀叉燒烏冬或者日式咖喱蛋包飯～!最值得大家留意嘅喺餐廳入面惠顧唔同嘅食物，都有機會得到唔同嘅ap鴨精品！例如你order左小食拼盤，或者漢堡包餐，裝粟米個P字紅色桶就會送埋比你～!最後我同我朋友點左個燒豬肋骨同日式叉燒烏冬，燒豬肋骨大大份又熱辣辣，配埋薯條同沙律，一個女仔真係未必食得晒～!至於個日式叉燒烏冬，真心覺得好好味，湯底係日式甜醬油，加埋大大塊厚切嘅叉燒，同埋cute到爆嘅ap鴨玉子，完全係驚喜之作！點烏冬仲會送你一杯飲品，之後仲可以拎走返A P鴨造型嘅牛奶樽，真係又食又拎~!最後我哋啟用埋我哋第二個胃, 叫多兩個甜品做總結～非常豐富嘅一