尚廚

營業中

休息中

12:00開始已經好多食客取生蠔，所以取完一碟後想之後再取，因為中午自助餐時間是由12:00至14:15，怎料去到13:45想再取多一碟生蠔時，酒店職員已經陸陸續續收拾食物，於是我去到取生蠔位置有禮貌地問職員是仍否有生蠔，雖然職員表示有，還叫我稍等，但我等了五分鐘仍未取到生蠔，而且職員忙於收拾及清理，完全沒有意識去取生蠔或冲洗生蠔，最後我都沒有再等便走了……下次如果沒有得再取，請表示取食物時間已過，不要讓客無終止地等，仲慘過乞！😲😝

第二天，由酒店步行十分鐘左右就到海邊，該處風光優美，是晨跑早操的一流之選呢！ 由於這天還有豐富活動，早上起來梳洗收拾後，也差不多要下樓吃豐富早餐，然後 check-out 準備回教會了～ 早餐地點是 The Chef's Table 尚廚，數年前來吃午餐已經很喜歡，原來自助早餐也是一樣的棒！一進場是不同款的麵包、片裝蛋糕、牛角酥（很好吃）、冬甩、鬆餅之類，背面則是不同款的穀物、配料、牛奶、豆漿等。 另一邊還有不同款的切件水果、乳酪杯、瑞士燕麥、麵包、多士、牛油、果醬；再走下去還有早餐沙律吧、煙三文魚、火腿片，以及另一邊沒拍的中式粥檔，配料並不少的。 早餐又有番茄汁、西柚汁、橙汁、凍水，以及新鮮榨起的西瓜汁、五青汁及菠蘿汁，感覺十分健康；另一邊還有原根香蕉、原個青／紅蘋果，以及我最愛、每天必吃的橙。 早餐的麵檔選擇也十分豐富，還有4款不同的中式點心，當日包括鮮竹卷、腸粉、素餃及包子等等，充分照顧中國胃。 接下來熱盤選擇更令人目不暇給，如燒豬扒、照燒茄子、春卷、炒麵、黑松露焗蛋、粟米、咖哩蛋、牛肉腸、雞肉腸、煙肉、甘筍、火腿、扒番茄、炒豆，總之應有盡有！ 場內也有太陽蛋、反

雖然我唔食生蠔，少左一樣回本食品，但其他食物有羊架，鐵板燒，刺身，都好味。每樣食啲，我覺得都回左本。因為我經openrice訂位，2人有75折最有驚喜係啲甜品，都唔少款式，重有朱古力噴泉添

we had a good time, spent a night in the hotel, 15% discount was provided. food was not especially good, crowded, and a bit expensive. but for 5 star hotel, they actually provide better price than others. i would like to try their tea buffet! staff are okay

生蠔非常新鮮，是即開即食。冷盤 琵琶蝦、凍蝦、海螺、青口、魚生，都很新鮮，而且清甜美味。有些意外驚喜是可以用不同食材，即煮不同口味的意粉，例如，茄汁，白汁，還可以炒意粉。甜品亦有8至10款可撰譯，還有朱古力噴泉小朋友十分喜愛。熟食亦有很多種類，起碼超過20款。正

今天是男朋友的生日,想左好耐,終於揀左呢間自助餐,因為係屋企附近,食飽番屋企都方便,晚上6點20分就可安排入去坐,但唔比拎野食,佢地話6點半先開始,唯有等下有時間望下有咩食,都唔算差, 折完之後,4百幾蚊,又龍蝦,又鵝肝,又有生蠔,感覺真係好抵一開始都係食凍野先,無咩驚喜,不值一提,算是不過不失,熱食款式不錯,大部分食物都見到有加龍蝦同鵝肝入熱食當中!講番服務方面,可能係閒日,餐廳唔多客,等即煮食物很快就有,一食完起身,就收左我隻碟,有D驚訝!最後因為男朋友,另外餐廳仲可以幫手安排生日碟,慶祝一下!以前望完食評,真係會諗下黎唔黎好,因為劣評,多過好評,不過今次試完之後,真係可以過有驚喜,希望可以Keep 到個水準有機會,可以再黎食過~~~~

今日為左慶祝屋企人生日嚟試下唯一的將軍澳酒店buffet...喺openrice訂枱滿4人有65折，唔夠都有7折，而且生日月份仲有半價加紅/白酒一枝送，埋單連加一都係$1494, 有質素有服務都算係咁冷盤唔算好多，只有翡翠螺，虾，青口，長腳蟹同即開蠔，但肉質都甜嫩新鮮，而蠔都算肥美，但由於即開有d慢同每人每次只限拎3個而熟食就好多選擇，最欣賞係鹅肝意大利飯，唔要飯，自己去自制鵝肝多士就覺得煎得好香同舊包太細了，哈哈 另外，威靈頓牛肉就可以不食，全散開的唔知食乜，建議食豬柳會好d甜品都算多選擇仲有pancake同即整雞蛋仔必食: 人參雞湯(濃郁冇味精)

無意之中睇到這間五星酒店的 Tea Buffet 連加一也只不過係$168, 二話不說立刻訂位。沒想過即時有位還以為 Full booking 。講到食物， 有點心。鮑魚雞粥。即場煮粉面。壽司。沙律。熟食。甜品等種類好多。熟食好食。始終係下午茶。炸物比較多。一樣有炒飯炒面。不過點心個人覺得麻麻地好食。特別係係餃子。皮太厚。甜品主題係草莓。好多款。不錯。最重要有 H 字頭的雪糕。有五款供應。以這價值不錯。假日和朋友聚會不錯選擇。好過食三層tea set 。

起初見到呢間酒店buffet有鵝肝仼食，而且見喺openrice訂位的話便有8折勁扺，星期六晚去折完每人不用500蚊，所以就bk左6:30pm枱同屋企人二人世界。不過都見到網上有負評話鵝肝不是仼食又細件又盛，所以懷住戰戰兢兢心態去試。到達目的地後，侍應禮貌地安排入座。我哋第一輪出去拎嘢食嘅時候，還未搵到鵝肝，不過有好多海鮮選擇，例如龍蝦、蝦、生蠔、長腳蟹等（忘了其他，因為我唔係咁鍾意食海鮮，所以無留意）。之後問人有無鵝肝，原來有人煎緊，但個位置唔起眼所以難搵d。可能我地呢批係6:30pm入，比較早，所以未煮好意大利飯（用嚟配鵝肝的），咁佢就直接俾左兩舊鵝肝我（咁就唔洗俾d飯佔胃）舊鵝肝都幾大，同洲濟buffet 差不多，不過放一陣就已經出曬一堆油味道都ok，算香。後來飯煮好左，每逢要鵝肝都要配上預設的意大利飯，不過鍾意食鵝肝的你，可以同佢要求要三塊鵝肝（飯就依然得一舊）。其實d意大利飯都唔差，味道都ok，不過每次去拎鵝肝的時候，d飯的配料都有少少不同，有次係加了粟米粒（正），有次係加了蕃茄乾（無咁滯），不過始終唔好食咁多飯，怕食唔落其他野到甜品環節，出乎意料，大部分蛋糕都不錯，Tira

雖然我住將軍澳，但係呢幾年確實太多食肆開，令我好耐無去呢間在將軍澳唯一的酒店自助餐，其實比起我幾年前嚟確實進步不少，可能周圍buffet都平，呢間自助餐平日都做65折，夠4位就得！冷盤好多野都有，剌身，壽司，煙三文魚，芝士，仲有凍蝦大大隻，幾鮮甜，又有翡翠螺同埋我最愛既即開生蠔，生蠔唔算好細，少少爽口，任食實在太好了！熱食都唔差，咖喱牛肋條好味，夠淋，有點心，carving有羊脾，又有肉眼，我最愛既係巨輪芝士意粉，師傅即煮，可以揀配料，芝士味超濃！甜品都好繽紛，有豆腐花，有5款H字頭雪糕，天氣咁凍又有熱辣辣既芝麻糊，仲要咖啡茶任飲，每人唔洗$220, 真係抵到無朋友！

適逢有朋友生日，見尚廚做龍蝦、鵝肝、蠔得喜自助晚餐，壽星公有半價兼送餐酒，最亮眼係有我至鐘意嘅鵝肝，於是三五知己約埋諗住大快朵頤。為咗避免閒日食兩輪唔夠時間，寧願揀假日（比平日每個人頭貴40蚊𠺢）食。整體而言，水準不過不失，但最令人失望係鵝肝竟然唔係全件任食，而係細細舊兼硬加炒飯俾你，淨係要鵝肝話唔得。我去過濠江巴x人及金中三寶之一香x里x，人地個主題都冇話鵝肝，但係鵝肝大大件仲夾塊法蘭西麵包，我只可以講好失落，亦有上當的感覺....

見到4人同行優惠65折 仲有賣點 龍蝦 鵝肝 蠔 就決定左去試試 點知失敗中既失敗 先講自助餐既原意就食、食、食 點知事實係龍蝦...有殻無肉....餐廳拆晒d肉去煮其他嘢 一隻龍蝦分十個餸食 焗龍蝦變左沙律醬焗魷魚粒 仲要超難食 唉 當堂灰晒...鵝肝碎粒 每十分鐘出一次 每一次同6-8粒 （$5 size 咁上下大既）蠔都唔知有幾款啦 因為佢地無牌 無提示 無說明 （大概兩隻手指咁上下大細既)蟹腳...可能非洲黎既 又瘦又乾 仲要好多隻都係梅左肉既唉！食個自助餐 好似去乞食咁 下下要問佢收埋d嘢食係邊....咁孤寒 唔好做buffet啦...失望已經唔夠黎形容我既心情 下不為例 無返轉頭

昨日聖誕拆禮物日，突然想食自助餐，間間酒店都滿座，幾經辛苦終於搵到尚廚仲有位，而且價錢唔貴，五百幾就有聖誕自助餐食，但心諗，今日都仲有位，唔通啲嘢好唔掂 ? 再睇下開飯嘅食評，真係唔多好咁喎，但係真係好想食自助餐，又得佢一間有位，點都好，博一鋪喇，於是就懷住戰戰兢兢的心情去試下，點知原來有驚喜，海鮮新鮮之餘，種類也不少，有即開生蠔，龍蝦，蟹腳，蝦，海螺同蜆，牛扒，羊架，聖誕當然唔少得火雞喇，仲有熱葷，燒味，即煮意大利飯，面檔，日式刺身等。而且環境清幽，最重要係無乜內地人，唔使爭飲爭食，食得舒適。服務人員有禮貌，收碟也快。唯一缺點係熱葷爐唔夠熱，食物和暖，令原本好味的食物都大打折扣。由於掛住食，無乜點拍照，只能上傳幾張照片。

撇除忘記了很久，童年殘缺不全的記憶，今晚我在將軍澳「皇冠假日酒店」餐廳「尚廚」的平安夜自助餐，應該是我人生第一次的聖誕自助餐。我早已經在網上訂了位，平安夜下午一早已經來到「Popcorn」商場翹首以待，排隊等候入座。不過，始料不及將軍澳區內的市民，都好像前世未食過自助餐的樣子，一早在「尚廚」門外苦苦等待，直至可以入座為止。「皇冠假日酒店」跟「尚廚」在聖誕節期間推出自助餐，跟「X際酒店」的做法十分相似，就是晚市自助餐也有分開推出兩場。我在網上訂位時，已經發現六點鐘開始那一場晚市自助餐，座位一早已經被訂滿。結果我只能選擇訂晚上八點十五分開始的那一場晚市聖誕自助餐。結果我來到「皇冠假日酒店」的時候，上一場食客都還未完全離開，包括我在內的下一場自助餐食客，就只能站在餐廳外的等待區，等待餐廳「開閘」放人。我在八點三入場之前，一早已經跟接待員交代了，已經在「開飯喇」訂了一位。說起來真慚愧，我本想請老豆食平安夜自助餐，但是他婉拒了，阿媽平安夜要開工，二妹最近快將分娩，整家人最近都沒空，我最後亦找不到細佬。餐廳職員在這方面的接待能力能算不錯，很快就知道我孤身上路，還刻意為我安排一張兩人檯給我。另一方面

昨晚第一次食，同想像中有很大落差，食物種類吾多，海鮮有蟹腳生蠔蝦等都算新鮮，but,完全mini size lor😹吾好相信果D圖片，好多食物都是‘沒有的’Why？why so break my heart 💔即叫即煮區有各式邊爐丸和普通粉面，你無睇錯😹D菜睇落好似你去街市見到都不會買的菜,好求其，好搵笨，沒有任何免費汽水酒，要加錢$48一個加任飲汽水，only 一個！😹my god🤪熟牛肉又老又硬，相信牙力不夠的人絕對handle 吾到。甜品都算ok。wait！個‘梳忽厘’超迷你不太buy囉我。杯咖啡☕️🤢真係吾知講乜。booking 果陣仲寫了是結婚週年紀念日，仲以為會有少少surprise ，一朵小小的玫瑰花🌹都可以有吧😹如果乜都無為乜又有得俾人寫啊？😹anyway ....今次當大懲小戒掛，唯有甘諗😹肉赤我的銀包啊⋯⋯食物麻麻，價錢又貴，最後連好朋友豆腐花也沒有心機食啦相信沒有下次阿門