尚八日式燒肉店 (已搬遷) 新店位置

兩個人既晚餐，佢有分普通牛同和牛，我就揀左和牛任食。決定左邊個價錢之後，職員就會自動上一碟刺身同一份肉，個碟肉有雞翼，蠔，蜆，豬肉同牛，之後又再黎左碟和牛啦。啲刺生同普通肉我覺得可以唔洗上，普普通通，因為我黎係一心想食和牛。隔左陣碟和牛就黎，真係好正呀。但之後再encore 我就覺得同第一碟係有分別，有根同無溶化個種感覺。而我都叫左啲沙律同小食，正常日本前菜既小食，無乜驚喜。我覺得500 蚊左右一個人而有和牛食係值既，同埋上菜好快又無漏單。