尖沙咀凱悅酒店咖啡廳

Our family booked a table for 10 people to celebrate a member's birthday. We were all set to have a big feast before I came I had already read the previous reviews and felt confident with the food. Since I'm a girl and have a limited appetite, I made sure I went for the choice foods before I was too full. The decor was amazing, staff were friendly and nice and the environment was lovely, relatively quiet so you can enjoy nice conversations with eachother.In a nutshell, what makes me want to go

環境方面，樓底高、食物的撰擇都幾多。凍蝦已經剝了殼，唔駛自己動手， 翡翠螺又大隻，三文魚夠肥美。Parma ham配蜜瓜，一共吃咗兩碟。Pizza, 香腸同牛肉漢堡....正朱古力軟雪糕好好味有好多甜品同蛋糕都因為太飽而未試，唯有下次再試過啦!!唯一的美中不足就係有個侍應走黎問有冇print openrice 的coupon ( 4+1 )， 但係我地之前打電話訂位的時候，有個女仔表示假期前夕用唔到呢個優惠，所以就冇列印出黎，每個人就貴咗15蚊。

環境裝修絕不局促，舒服而高雅。 設有四張高背四人卡位，坐得非常舒適。 老公和我剛好安排就坐，十個讚!服務細心，非常恰當!大多採取即叫即做的，保持新鮮，幾好!海鮮冷盆選擇很多，波士頓龍蝦、瀨尿蝦、琵琶蝦、龍蝦仔、翡翠螺、雪蟹腳、青口和雞尾酒蝦，新鮮而源源不絕補給，回本之一。刺身也是即場切，八款種類任點，亦有幾款壽司卷物，水準不錯。日式鐵板也是即叫即做的，有和牛粒和薑汁燒豚肉，相當好味道!燒烤肉類也不錯，尤其羊架嫩滑多肉汁亦不羶，推介之一。Parma ham配上蜜瓜，火腿鹹香有層次，我也吃了三碟。迷你一囗漢堡，有牛肉和雞肉漢堡扒選舉，麵包烘得少少脆，漢堡扒嫩口有肉汁，加上生菜蕃茄酸瓜，正!牛腩麵普通，可以不吃。天婦羅、燒味、中式小炒、燉湯、印度咖哩、沙律吧、海鮮薄餅等等，雖然不多選擇，但勝在質素高，很喜歡~~~三月的主題是芒果，多款芒果甜品提供，必食有招牌芒果拿破崙，酥皮鬆脆吉士香滑，加上甜甜的芒果粒，真叫人難以抗拒! 還有芒果布甸、芒果金寶、莧菜芒果卷、芒果芝士蛋糕、自家製芒果軟雪糕… …等等的芒果甜點，很有水準。 不止，另外還有藍莓撻、紅莓撻、檸檬蛋卷、朱古力黑森林蛋糕、Tiramis

首先寫一下坐在餐廳的感覺, 它的佈置, 氣氛都給人很有家的感覺, 適合一家大小聚餐, 同時亦很適合二人浪漫慶祝進入食物正題, 雖然沒有我喜歡吃的生蠔, 但其他冷盤都已經很多選擇, 吃了龍蝦, 凍蝦和蟹腳, 感覺是生鮮和美味的。蕃茄湯很濃郁, 令胃口大開, 接著是沙律和芝士, 全部都很新鮮, 用來拌芝士的芝麻薄脆, 亦非常香口。空調的溫度有點低, 所以飲了一碗中湯, 很香的響螺味, 湯內有補眼的杞子, 感覺很進補啊! 接著亦吃了清湯牛腩, 湯頭不是太特別, 牛腩亦不是煮得很好吃, 沒關係, 就再來吃個西冷牛肉粒, 味道很好, 很香的蒜香剛炒好加上肉質亦很嫩, 讚! 另外有紐西蘭羊仔骨, 味道亦很好!!再來是刺身和壽司, 只吃了一小口壽司, 三文魚刺身和吞拿魚刺身都很肥美 亦有吃赤貝刺身, 感覺不太新鮮, 可能是解凍時的冰水仍留在刺身上的關係.接著吃日本風味的東西就最適合, 就來一個天婦羅蝦, 天婦羅尚算好吃, 蕃薯很甜.吃到半飽了, 就試一下咖哩和它的薄餅, 很後悔吃了這個東西, 早知道把肚子的空間留給西式的薄餅, 它的咖哩只有辣味, 薄餅亦很硬, 是否師傅的問題?最後還是開始吃甜品

和一班朋友既團年飯 Lunch, 由 12:00 至 2:30 p.m., 未夠 2 點已經叫 last order, 講真~ 唔夠時間食食物 OK, 羊好味, 最好味係雞漢堡, 甜品少選擇但 $250 算抵食如果能夠長 d 時間會好 d

向來不太喜歡吃自助餐因本身的食量不大.很多時也是友人還在努力戰鬥中,自己已叫定餐茶等收工.為了避免大家掃興，所以很多時也採取"次數多份量少＂這模式不停地行出行入扮忙！但今次和家人同來便不必為此而行多幾轉。近"圖書館"這邊因檯與檯之間的距離濶,感覺是坐得較舒適.這裡的海鮮質素可以説是只屬一般,表現較好的只得剝殼蝦的肉較爽。海鮮冷盆還是萬豪較出色。近年已被iberico寵壞了！故對parma ham的興趣不大。現在的自助餐模式也多是強調在客人面前即叫即做的多.吃起來熱氣騰騰確是比早已煎定的吸引得多！數款燒烤肉類也不錯，尤其羊架嫩滑有肉汁，牛柳粒亦肉質軟淋沒經化學處理。迷你一囗漢堡的麵包烘得微脆，漢堡扒鬆軟有肉汁！麵食也有供應，不過這雪菜火鴨絲湯麵不吃亦沒有損失。中式熱葷的選擇甚少，但其中的燉湯卻做得不錯！濃厚得來沒有味精反應出現。原來咖喱是這裡的強項！餐前的薄脆小吃及現做的蒜蓉牛油烤餅絕對比得上重慶大廈的新德里出品,各款不同辣度及香料做的咖喱也非常出色，其中的咖喱魚更吃至要回頭再取！甜品及蛋糕種類也不算少，因不是甜魔故只取吃了一杯軟滑得來不太甜的軟雪糕已覺滿足！可能未必滿足喜歡以數量款式多

因為預先訂左位，所以唔使等，去到個時12:30到已經有幾多人la。由門口一直行入去已經見到甜品區，已經覺得好正la，有甘多款甜品。之後再行入d，見到佢分左哂一區區，覺得好大。之前睇網友d圖都睇唔出原本佢個area有甘大。伊間酒店ge buffet 食物的種類真係多數唔哂亦唔記得甘多。甘講下有心水ge食物la。頭盤方面：有海蝦、螺、瀨尿蝦，d海蝦仲要剝埋殼，d肉質爽口，都算幾新鮮有幾款沙拉仲有Parma ham，幾好食，有廚師不切，放係度比食客自己拎壽司呢，佢都幾4、5款刺身，我好鐘意食佢d蛋，有d酒味甜甜地幾好食熱食方面：中式食物，佢有d點心，但水準一般，有d小菜同有湯。仲有牛腩麵無試，佢仲有燒味食，即叫即斬，佢叉d燒真係燒得唔錯日式野呢，有天婦羅；佢有蝦、冬茹、紫芯蕃薯，佢d蝦就一般，d蕃薯好正好甜，佢個度仲有日式燒餅，到時後先發現印度野，佢有成個品全部係印度野，有唔同款ge咖哩同薄餅，佢d咖哩個味道都唔差西式，有pizza、漢堡包、南瓜湯、燒牛仔骨等等。d牛仔骨好正，燒得好香，肥瘦適中甜品方面：有成20幾款唔同款式ge甜品d mini cake都唔錯，有好多款個Chocolate

2010的聖誕大餐，CM和我選了Hyatt~! 向來食聖誕大餐，我都不會選平安夜，而會於boxing day。同樣的食物，價格相差不少，我寧可遲點食，而平安夜則親自下廚，享受真正的peaceful night~來到café入口，便瞄到賣相不錯的甜品，立即振作起來，忘記平安夜和聖誕日的不適 XD餐廳一角裝飾成圖書館般，可惜我沒坐進那些別緻的卡位~ 我和CM安頓好後，當然立即繞場一週，視察狀況，鎖定目標，哈~海鮮有蝦、青口、蟹腳、瀨尿蝦、翡翠螺等，蝦輕微有點「梅」，青口不算很新鮮，亦不夠肥美，瀨尿蝦和蟹腳都鮮甜味美，翡翠螺亦夠爽甜，算不錯呢~沙律吧材料齊全，沙律菜都有3、4款，甜椒、洋蔥、紅菜頭、車厘茄等都很新鮮，只是青瓜比較乾，更備有Feta cheese、甜豆等，很合我心意~ ^^ 醬汁是較「大路」的如千島、balsamic vinaigrette等，我只愛後vinaigrette，可惜酸了點> <不喜生食的，亦有煮過的沙律如Grill 彩椒等的、紅椰菜魷魚、香草長通粉等，蠻體貼呢~cheese則提供我喜愛的brie、emmental和edam，如果大家食的話，建議先從

魚生 very good! 好新鮮, 品種多. 三文魚, 甜蝦, 吞拿, 八爪魚... 7-8款壽司也有3-4款, 味道不錯! 特別有我至愛的青瓜卷, 較為罕有... 冷盤 very good! 多品種, 蝦, 小龍蝦, 中龍蝦, 賴尿蝦, 青口, 螺, 樣樣具全, 但有部份味道一般.. pama ham 淡了小小, smoke salmon good! 中菜的鈍花膠湯 very very good, 好清, 清湯牛腩面d 面好靚, 湯好味, 牛腩反而一般般, 其他無試..印度菜望落都幾好, 但個胃無位放啦... 而且 dessert very very good! 款多, 多到講唔完, 全部細細, 好易食, 其中極力推薦 napolean 同萄撻, 每樣至少要食3件.... 生果就 poor! 得小小, 而且一係切得細細粒, 一係整果, 怪怪地..環境都幾好, 樓底好高, 而且food table 係中間, 顧客在兩邊顯得較為清淨..服務也很好..全場最大surprise 係果杯熱檸茶, 一個人叫都有一大壺, 足4大杯, 有點浪費..恆生白金咭15%off, ok啦,

第一次試這裏的自助午餐，門口比較難找，這是K11所有店鋪的通病。甜品很美味，而且放在蛋糕櫃中，由服務員取給客人，比較衛生和美觀。海鮮和烤牛柳也不錯!值得再試!

冷盤:沙律,,海鮮,,乾火腿,,壽司etc...因為我不吃海鮮的,,爸媽說魚生okay我就覺得沙津菜好新鮮！印度food: 有各式印度咖喱,味道唔錯,,夠香 但比較辣 印式烤雞 印式薄餅 點咖哩汁也十分不俗！ 日式food:只吃了天婦羅,,因即炸,,非常新鮮,,蕃薯冬菇也很不錯中式food:燒味,,雲吞/牛腩 麵,,中式小炒點心:魚翅餃都過得去小炒方面,,有七/八款,,,咕嚕雞幾有水準西式foodizza(有蒜蓉味跟蕃茄味的),,,燒烤(有牛肉//雞肉漢堡) 意粉,,串燒,,有多款香腸漢堡包一流,,廚師十分有禮在等候食物過程中跟客人有善交流 實屬難得甜品:水果,,芝士蛋糕,綠茶紅豆蛋糕,榛子杏仁蛋糕,檸檬慕絲,,,軟雪糕: vanilla同埋朱古力再比你加d dressings,,,e.g m&m , 棉花糖.,麥提沙,還有餅乾呢邊既廚師又係超好 不厭其煩介紹每種食物既名字 真貼心密密斟水,收碟,食物種類唔算多但環境唔錯 服務好 食左差唔多2.5個鐘!盡慶而歸！p.s. 蠢左 臨尾唔記得飲餐飲… 飲杯檸水消吓滯都好嘛！！

今晚同屋企人滿懷開心/期待的心情去食自助餐,好多人的食評都不錯,而酒店的自我介紹都好吸引,喜歡食自助餐的我們一定想試試啦................可惜......................真係好失望.....................首先本人覺得食任何一間宵夜時段的自助餐都比佢豐富同好味竟然用4佰蚊的價錢冇生蠔食,問啲職員佢地話只有上面另一間餐廳先有供應,咁嗰間一定收好貴的價錢(我估)如果唔係我地俾4佰蚊都冇得食??????冷盆其實都係一啲好基本的食物,冇驚喜,本人最喜歡的長腳蟹變左只有小蟹鉗熱盆只得幾款食物,同鐵板燒,數得出.....另加一啲好似好特別的食物,美國薄餅/印度薄餅,其實真係超普通,至於味道.......真係好一般,你唔會覺得自己食緊咁貴的自助餐甜品......都算是唯一不錯的地方,味道多款不會太甜,但可惜....雪糕方面竟然是軟雪糕,最平.....重要唔係自己裝!大多的食物都要職員配給俾客人,當然係衛生問題,但樣樣都要等配合...好似冇左自助餐的意義最後真係要同大家分享自己的經歷,我自問都食過好多次自助餐,貴過佢同平過佢都食過,但今次真的唔值得,其實都

今日第一次同幾位朋友到凱悅,滿懷歡喜, 大堂裝修不錯, 但原來只得個樣.海鮮無鮮味, 自助餐4百幾蚊無蠔.算.,因為都屬高危食品.d 長腳蟹勁大陣雪味,蝦還可以但係都係無味.螺更加不知所謂.刺身, 俾得果3 塊明明見到我地有5 個人,叫佢切野服務生態度差.中式食品全部都好油,印度烤餅; 銅鑼灣是但一間都好味過佢甜品更是少得可憐,得4 -5 款cake, 試問咁樣既自助餐點值4百幾蚊.

呢個價錢來講，好貴囉..因為冇咩o野食選擇....我會加多D錢去食JW's California~~~D野係好食o既，不過真係選擇唔多，會唔知食咩好...D龍蝦仔細到唔想mit...簡直係冇肉...好彩AE白金有八五折~!甜品同串燒最OK...Sashimi就甜蝦最好味!不過我o地九個人去坐左响ilb...都幾舒服~~~~

囡囡生日天，預留和父母一起晚餐，時下的青少年，算唔錯了但同時有點壓力，不知訂那間食肆，最後決定來這間試試。環境方面，樓底高、燈光柔和，(我覺得較喑)，裝修我不懂欣賞，不夠開揚，幾侷促，喜歡帝苑環境多些。食物方面，撰擇也不少，而最主要食物頗新鮮美味冷盤：有龍蝦、翡翠螺、剝了殼的凍蝦、長腳蟹，味道幾鮮甜，不過不失。刺生：有三文魚、赤貝、帶子、甜蝦、吞拿魚....都好新鮮，尤其赤貝爽口鮮甜喱：雞肉調得很入味，薄餅很脆，多款調味醬汁料很出色，比重慶大廈的食肆更好味燒味：油雞、义燒、燒肉、燒鴨....但吃不下那麼多，試了一塊义燒，幾好味天婦羅：不太油膩，但味道一般而已。巴哈馬火腿配哈蜜瓜：火腿咸了些，哈蜜瓜唔甜北菇花膠燉湯：幾清甜，菇味香濃，好飲甜品：真的很吸引，但眼闊肚窄，只撰了幾款。士多啤梨拿破崙：餅身淋左唔好食原味拿破崙：好脆好好味同mismosa不相伯仲，只欠了芒果肉而已。榛子味和朱古力蛋糕：兩樣都好好味還有很多芝士蛋糕供撰擇，由於不喜歡芝士味道，沒有進食生果：西瓜、橙、菠籮、哈蜜瓜、提子和橘子，也算清甜多汁。食物種類真係試唔晒，而值得一讚是負責每區食物的工作人員，盡責而有禮，又會主動