小雨天 (葵涌廣場)

營業中

休息中

平日晚上，去到葵涌廣場行街，shopping完就梗係醫肚啦。友人表示葵芳最出名就係小雨天。餐牌簡單明確，走經濟實惠路線。叫左2碗過橋米線，2杯凍飲，都係82蚊咋叫左2餸，本身面已包括的炸醬份量好多雞翼好入味，食得出有用天然香料提味。腩肉好多，起碼超過6片友人 只食墨丸米線，都大碗。食飽飽走時，已經晚上十點，反而愈夜愈旺。 下次要試一試埋蠔仔肉碎泡飯先！

行左咁多年葵涌廣場都無食過小雨天，以為佢做左咁多年都好靠得住，點不知令人大失所望。我叫左雲南米線配滑牛 + 雲吞，一黎到見到碗線好大堆頭好似好吸引，但係再仔細一睇，佢只係落左辣椒醬整辣個湯底，而湯底一d特別都無，有味精。雲吞皮好厚，滑牛個樣紅紅地，不過食落去都熟既….不過呢間真係無下次，葵涌廣場咁多野食~~~

叫食豬肉餃子上海面(HKD 38)，同滑牛雲吞小鍋米線(一個餸都要六蚊)。兩碗野，餃子就等於雲吞，上海面等於米線。望落食落都係冇分別，都唔知搞嘜。唯一分別就係小鍋米線有落辣油，上海面食落好勁味精。雲吞皮又厚，皮邊又唔多熟，食落又好鬼粉。其他食店食米線都多點芽菜配料，呢兩碗真係落得好少。不過米線份量真係幾大碗，普通午餐都要花點力氣先食得晒。真係冇嘜好野值得讚。只係得杯凍茶飲得過，最正常，唔苦唔過甜。個鋪位咁大都幾多吉位，唔洗等。服務麻麻就預左。結論係肯定冇下次。

今天一大早沒吃東西，非常肚餓，因此對食物的接受程度理應相對較大。看見很多人在用膳，本以為食物質素不會太差，，卻完全中伏了。我叫了腩肉雲吞過橋米線，服務員落錯單不在話下，味道更是異常的糟糕。食物賣相還過得去，但湯鹹的要命 ，只有鹹的味道，我叫了小辣，但卻沒有一點辣味。難怪其他所有客人都要了飲品，因為湯真的太鹹了。所謂的雲吞根本就是水餃，救命，連雲吞和水餃都分不清楚，幹嘛開餐廳啊？！ 水餃皮厚得跟饅頭的皮一樣，餡料只有韭菜，沒有肉，餡料與皮的比例大概是1:20 吧，從來沒有吃過這麼難吃的水餃，它還有一股不新鮮的怪味。我咬了兩口就沒有再吃了。所謂的腩肉就是白白的那種肥肉，好像稍微用水煮熟就上菜了，沒有一點味道，但相比其他配料已經不算最差了。因為米線實在太難吃了，我真的無法吃完，吃了一半左右就放棄了。然後這個糟糕的午餐需要HKD 38, 去大家樂用這個價錢，起碼能吃到正常一點的食物吧。奉勸大家千萬別來，真的很難吃。

十年前新開幕試食，豬骨湯咁正！好濃味湯底，配婆飯配米線好食。十年間中都有食，但不得不減少，因為湯底越來越淡。加入了雲南風味更加覺得平平無期。今日再一次經過，比多次機會，得可惜豬骨湯只是白色的咸味湯底。配了滑雞，不覺得好食。不會再試了。

食個飯，今日食個佬飯，即係點，冬菇牛腩飯似係仔食多，冇錯，我男友平時係好鐘意食lee個，今日等佢收夜，我又一個人行商場，又一個人食住飯等，平時一齊食嘅話，我叫嗰樣嘢未到，佢會餵我食佢碗飯，haha今日一個人食，所以食佢鐘意食嘅飯，回味下平時可能佢會讓我食冬菇，都唔知原來只係得3隻，到底係我食曬佢d冬菇定係比小左呢冬菇依舊入味，但略欠爽口感，而且一d都唔厚肉，飯也偏淋，汁也很多，多到浸到好濕，令到每一口都好喊，湯汁飯咁，很差，牛腩就好出色，淋滑軟身冇鞋口，係唔錯的

這間以雲南米線作招牌的餐廳，位於廣場裡的平民米線，想著必有其特色。點了一碗餃子豬軟骨米線，米線的靈魂在於湯底，此魚湯湯底無什特別，吃不出什麼魚味，米線吃得出有過冷河，軟硬度算合格。出事在於配料度，豬軟骨煮得未夠淋，軟骨並未軟晒，味道啖而無味，浪費了大大舊豬軟骨。餃子更加係唔合格，size大過隻湯匙，但係大隻既餃子唔代表好食，餃子皮厚之外，裡面既豬肉餡更加係散修修。部分既餃子皮更甚係一早已經爛左，裡面豬肉餡跌晒出黎，OMG...

做完野，本身諗住去葵涌廣場掃街嘅，不過可能太晏嘅關係，所以好多都收哂檔，咁唯有搵間野，正正經經坐係度食。見喱度都唔少人嫁，心諗唔會太伏啦。menu上面都多選擇嘅，泡飯呀米線呀焗飯呀嗰啲都有，咁我就叫左個咖哩牛腩飯。上菜都幾有效率嘅，叫左一陣就到左。碗野份量好大，好多飯，牛腩都ok嘅，汁就少左啲。大份還大份，認認真真唔算好味喎。先講咖哩汁，汁就等於成個飯嘅靈魂，佢個汁都幾辣嘅，但係就完全唔香，純粹嘅死辣，唔係好夠食味囉，麻麻地。牛腩本身炆得都夠淋嘅，米飯本身亦煮得唔差，不過就俾個汁攪差哂囉。真係好希望佢可以改進下個汁！另外因為只係街坊食店，對於環境、服務同衛生情況都唔能夠有太多期望。整體黎講，未必會再黎食呀。

聽朋友講話幾好點知中哂伏水餃雖然大隻但味道好麻麻 特別係個皮好厚好像食梗面粉個醋又唔好味。。。灣仔碼頭都好食過佢十陪。。男朋友叫左個泡飯 好重味精。。另外我地叫水餃但都等左成二十分鐘先黎。。同埋環境衛生方面真係有待改善。。總結 無下次！！！大家上樓上掃小食仲好😂

有時候平淡生活中心血來潮，可能會想吃一點簡單的食物。像今天去到葵芳就想吃一碗簡單的餃子米線。//葵涌廣場真的是一個特別的地方，因當其他商場一式一樣的時候，這地方仍然保留佢的港式地道和多樣化。而這店更是開了很多年以不變應萬變地生存下去。//說真的，這是一碗看下去最普通不過的魚湯餃子米線，但小處見心思，如白白的魚湯，加上一點胡椒粉後喝，有點清淡的魚味，又不是其他店只有味精的鹹味，喝完都不會口渴。//而米線就沒有煮得太爛，又不是某連鎖米線般像咬著膠條的感覺。//而我喜歡他的餃子，是手工包餃子，我特意選了椰菜豬肉餃子，喜歡他椰菜的甜味，一碗有六隻，十分滿足。//

放工後，相約好友一同睇戲。睇完就去葵涌廣場食dinner，得番幾間食店仲未關，所以就隨意簡左呢間。環境就略為簡陋，不過可能夜既關係所以唔太迫。服務就一般啦，明既~夜啦趕收工。菜式都幾多，見到有招牌菜就試下啦..上菜都幾快，一黎到，嘩咁多料既..心諗招牌菜果然係唔同d點知中伏，豬軟骨最緊要係要夠"林" ，但佢就件件都好大件仲要件件都咬到咯咯聲。再試下d牛腩，好彩...夠'林'，剩係d飯乾左d姐。雞翼就一般啦。抵食既，但唔係咁ok囉。

趕住同朋友去葵青戲院睇話劇 諗住快快手食碗米線做晚餐。好一段時間冇食小雨天 開頭同朋友講呢間唔錯 特登帶佢去食 但今次都幾失望。腩肉太肥 湯底偏咸 味精好重。食完好口渴。蒜泥白肉全部都肥膏。應該唔會再有下次🙈

由於最近需要在葵芳附近上班，所以先問一下住在葵芳的朋友，看看他們有什麼好介紹。友人二話不說便介紹了小雨天給我！她說已吃了很多年了，最愛的是豬軟骨泡飯，但份量有點大，一個女孩恐怕吃不完。故此，我便退而求其次，試她第二推介的米線好了！我選了牆上有推介的骨湯九菜豬肉餃子米線（$36）！份量非常多，一碗有6粒餃子，加上米線，我一個人真的吃不完！它的湯底是最有驚喜的，是胡椒豬肚湯，胡椒帶來了微微的香辣味，令整個湯麵更惹味！餃子吃得出是手工做的，每一顆形狀也不一樣，鮮味十足，不錯！另外附上一點點黃芽白及酸菜做配菜，另口感更豐富！是次經驗，令我有信心下次試她的豬軟骨泡飯！

是lunch日又唔知食咩，於是同同事黎葵涌廣場搵食，今次選左小雨天，其實都成日食架啦，今日食左樣野搞到我好鬼想寫佢既！先講主食啦，叫左椰菜豬肉餃配上海麵，個湯清清地，可以接受。椰菜豬肉餃內函飽滿，鮮甜，個人最愛沾上少許醋及辣椒油，椰菜豬肉餃的鮮味會更突出！到令我覺得特別要寫佢既野食黎啦！賣相好恐怖，每一塊肉切的口度角度大小不一，師父切的時候是否把眼睛閉上呢？蒜泥方面不夠碎，只是將生蒜隨便切過後，再加上枱面上同類的辣椒油而已。因此蒜泥白肉只有些微咸味，入口那下口感實在驚恐。所以即使椰菜豬肉餃鮮味，是次我只會俾OK。請加以改進蒜泥白肉。

平時差不多每個星期總有晚都會去食，不過只會食酸菜雞翼或牛腩飯同上海麵，因為其他食過都唔係好好味，但我依家以後都唔會再去喇！早幾日去激到呀，我叫左碗豬肝上海麵，嚟錯左米線都係好小事，同staff 講嚟錯左 (我唔會照食因有可能會另一檯客order 而mix up 左) 個staff 攞起碗麵係咁睇，好似驗屍咁，我唔係投訴有小強喎？！佢死都話係上海麵嚟，但又唔試啖或只要夾條麵用手"鏈"下就知，仲話攞抽米線嚟對，走外左之後同另一個staff 嚟繼續話我嗰碗係上海麵嚟，但我問又話攞抽米線嚟嚟compare... 佢先再去攞嚟，抽米線終於到左，咪同檯面碗野一樣？佢仍然死都話唔係，攞住碗野去叫埋cashier 個嬸過嚟，個嬸仲話好多客經常都攪亂喎！佢去攞左抽米線同上海麵嚟，佢即刻冇哂野講，兩樣野喺晒度！佢先好唔願意咁話同我換，我取消啦當然，避免食加料物！攪左個幾兩個字....其實我每次都係叫上海麵，我點都會識分，點解唔願意承認煮錯左？你可以同我講煮錯左問我今次介唔介意食米線，又或者直接換左去就得，有咩咁難？