小雨天 (葵涌廣場)

營業中

休息中

其實我成日都會食米線，但講到米線湯底，我覺得呢間小雨子係幾好食。因為佢地既湯底唔似外面清湯加辣就算，所以米線癮起時，都會黎呢間食下。今次點了豬骨湯底中辣水餃酸辣米線，再配個可樂。首先一上碗米線時已經有好香既酸辣氣味，佢地會係麵到加了莞茜，豆芽，肉碎，腐皮。個湯底一飲時已經好惹味，再加上用豬骨湯底煲成，成件事都好好食，而米線既軟硬情度剛好，不會太淋。酸辣味又夠出，而餃子既皮就有點厚同埋熟到有點高淋。不過味道也不錯。

今日晏晝去諗住去葵涌廣場掃街，但覺得冇咩野好食，咁啱見倒有間米線舖幾多人食，我記得呢間野都開咗好多年，但都係未食過就一於去試一試。坐停，個餐牌勁多野揀，又咖哩又米線又飯。叫咗個雲吞豬軟骨米線，個湯清清都唔錯，反正咁熱唔想食咁重口味。雲吞食得出唔係來貨，係自己包，新鮮好味。豬軟骨就大大舊，啱曬食肉獸。食都真係飽到上頸。所以如果唔想掃街 又平平地揾個位食野，呢間係葵廣都係唔錯嘅選擇。btw如果間野冇咁多人就好啦，都有d迫

葵涌廣場，由細行到大，今次去咗已經開舖多年嘅小雨天，價錢相當吸引，一啲都唔貴，今次我點了個米線，再加左朱紅，大腸，首先想講講個湯底，本人認為不夠濃，導致米線索唔到湯底嘅味道，成碗米線覺得好淡，食材方面，那只是覺得一般，雖然不算很差，但在今時今日很多米線舖頭已經做得好出色，相比之下，這間較為遜色，要加把勁。當然他的售價不算很貴，要求也不能要求很高吧。他可以配合台式飲品，飲品做得不錯，點了杯普通的珍珠奶茶，還可以的。另外除咗米線之外，這間鋪頭也有很多飯的配搭，朋友點了其他飯的選擇，夠大碟，尚算抵食。

早兩日去左好耐無去過既葵廣，同朋友揀咗好耐唔知食乜，葵芳廣場有好多嘢食多到唔知揀咩好所以最後揀咗小雨天由於諗唔到食咩嘅關係問阿姐有咩好介紹最後佢介紹咗佢哋啲牛腩飯，阿姐話佢哋啲牛腩飯好出名好多人食所以我就信左佢啦，朋友就食米線。首先見到碗牛腩飯嘅賣相都幾唔OK下，啲飯好似擺得少少耐左咁，無哂水份乾爭爭咁，而個咖喱汁，夠香，不過對一般人黎講就辣左少少啦，我都還可以接受到既朋友食果碗係豬腸米線，不過佢話ok lor

葵芳其實都唔係多野食，唔係葵涌廣場就新都會。而我相信係葵芳附近返工既都一定食過小雨天!呢度食物種類都算多，配搭多，價錢中上。即使有3個鋪位，每日lubch都會逼爆人，而我最鍾意就係過黎食咖哩牛腩飯!而且兩點之後有優惠送冷熱飲，十分超值!呢度嘅咖哩牛腩飯比較大份飯多汁多，牛腩分量比出面鋪頭嘅多，而且比較大舊。薯仔雖然得三四舊，但係每一舊都好入味好林，煮得夠哂粉。而佢既咖哩係我最鍾意嘅，，比出面嘅更重咖哩味，而且辣味比較濃，香口得嚟夠曬辣夠曬刺激

在葵芳打完波正好來個下午茶, 要搵食我一定例牌去葵涌廣場想到食米線就馬上想到小雨天 -經已向葵涌廣場屹立多年的米線店! (好似向中環都開埋分店了!)最中意呢度的大眾化價錢同埋豬骨湯今次叫左雲吞米線, 基本上所有的湯類都係用招牌豬骨湯打底啖湯都幾清, 味精味唔算勁, 忍唔住飲左幾啖先開始食個米線雲吞都幾好食, 36蚊碗包埋飲品, 同茶餐廳差不多啦食物唔錯, 只係唔係咁好坐, 經常要搭枱, 始終係小店,快食快閃啦~

小雨天啲米線係令我日日都想食，最常食嘅係小鍋米線，佢嘅湯底好夠味，米線嘅份量都好多，平時仲食豬軟骨湯飯，佢啲湯好有味，豬骨好好食而且份量好多，超多嘅豬軟骨，去其他鋪頭都冇俾咁多，佢啲食物質量好好，但係就係太迫啦鋪頭如果唔係可以比更加高嘅評價

今次嚟到葵廣，唔係食小食，而係食呢款米線🙂價錢可能比普通嘅米線貴，不過佢嘅份量勝在大份！食完都真系好飽肚😂😂😂😂😂有六大粒餃子☺️餃子嘅皮略嫌厚咗啲，但系餡料都好足，豬肉都幾有咬口⋯米線嘅軟硬度都幾適中，配上清甜嘅湯底都吾錯嫁😀湯底唔會好似落咗好多味精咁嘅味道，都幾好飲🙂🙂🙂🙂旁邊仲配有酸菜同埋蔬菜等，食完真系好夠飽😋下次黎到葵廣唔想掃街嘅話，都可以試吓呢一間～🙂🙂🙂🙂

今日同個Best Friend去葵芳Shopping，買完嘢又行到攰攰地，諗住搵間又抵食，又可以自自在在坐低兼傾計，見網上都好多人食過，就入咗Lee間試下啦。其實間舖頭都幾大，但係個店員叫咗我哋入去個好似儲物房嘅房仔入面坐，嗰個環境就唔係咁好囉，又要專登去叫人落單，幸好有把風扇，如果唔係實食到標汗。之後叫咗個蠔仔泡飯，個湯飲唔出係⻣湯，可能唔夠濃味吧，又無咩蠔仔，無咩鮮味，真心的，食完好似無咩食到咁，想點呀！

今晚好慘要等老婆收工，都唔知要等到幾點鐘，反正要去轉葵芳買部抽濕機返屋企，順便去醫下個肚先。平時唔多嚟Lee邊開餐嘅我，記得之前食過Lee一間"小雨天"都幾多嘢揀，又大間，唔洗等位之餘，最重要係有我至like嘅湯飯，價錢都OK，所以照舊叫咗上次食過嗰個"⻣湯肉碎蠔仔泡飯"，肉碎依然夠多，但蠔仔就... 得嗰幾隻，有D失望，變咗個清湯肉碎湯飯咁。算啦，反正陣間再去消夜，希望"小雨天"會改善一下啦，唔夠蠔仔嘅湯底，真係無咁好味！

今天同朋友去葵青劇院睇話劇， 不過放假都要一早起身， 真的有點眼瞓，朋友見我矇下矇下， 就話帶我去食d 醒神嘅午餐， 這間在這區很出名， 食完包我唔眼瞓， 就係食酸辣米線很多人， 兩間鋪都坐滿人， 等了約20分鐘才有位， 好不容易才攝到入去， 跟著是您近乎將另外一張枱的食客背脊當椅背， 好唔舒服我地自選材料，我揀了墨魚丸同水餃小酸小辣米線， 朋友各自揀左貢丸同雞翼酸辣薯粉；水餃酸辣薯米線墨魚丸同水餃小酸小辣米線：墨魚丸頗硬，雖然都食到墨魚碎，水餃材料一般， 酸辣度適中， 米線彈牙貢丸同雞翼酸辣薯粉：貢丸彈牙， 雞翼炸得夠，所以落湯都唔會稔，薯粉彈牙， 不過太酸水餃酸辣薯米線：水餃材料一般， 米線彈牙不過太酸凍檸檬茶及凍檸蜜：一般

今日起身，同大少商量去邊度食，屯門其實都食到無嘢好食，大少又醒起葵芳有個食品展，所以我地決定去葵芳搵食我本身係記得葵芳廣場有間餃子店好好味，但係大少話佢介紹我食一間撈鹵麵，呢間佢食咗好多年，係好嘢嚟，所以就去試吓一坐低，我已經俾個menu嘅鹵水食物吸引住，所以我就決定要食鹵水豬腸鹵水豬大腸 - 鹵得非常入味，我食豬大腸最唔鍾意食肥，一定要瘦先好食，呢個就肥瘦適中，不過如果佢上面唔加啲芫茜我會開心啲~蒜泥白肉 - 呢個蒜泥白肉，蒜蓉唔多，比較多辣油、辣椒籽，另外重有好重花椒味，所以食落會有啲麻嘅感覺，豬肉切得比較厚，好有口感，但係其實我覺得切薄啲會好啲，另外如果唔落花椒味道會比較好味咖哩雞撈公仔麵 - 呢個咖哩味真係好香濃，又唔會太辣，用嚟撈麵啱啱好

葵涌廣場出名多野食。今晚揀左好幾年無食嘅小雨天。可惜大失所望。。。味道不大如前。。。以前黎親必食佢地嘅酸辣小窩米線。因為覺得味道，米線煙韌度都不錯。所以今晚想回味一下當年的味道，就點返以前食開嘅酸辣小窩米線。一坐低看看menu,發現價錢已上漲了不了。但我覺得加價也是正常的，只要味道質素沒退步就很好了。我點了3樣餸，雲吞，時菜，同埋腩肉，成為46元碗米線一上到枱，我發現比以前大碗了很多！以前係用沙鍋黎裝的。。。我發現湯上面有一pat辣椒油😧。。。我已有覺得有點奇怪。酸辣湯是這樣的嗎。。。我搞混了後，再試飲一啖湯。味道完全不像以前。整體已不像以前。只係份量比以前多了很多。這樣的價錢好像不太合適吧。如想要有飽肚的感覺，你一定會滿足的。但味道方面就真係麻麻哋了

最近葵廣非常受歡迎，不少人麵愛來掃掃街，今天我們工作後不想與人「逼」，決定不如選一家店。小雨天的選擇還是頗多的，粉麵飯都有。我們都是米線愛好者，所以就點了兩個米線。一個骨湯餃子米線。一個小窩米線配豬腸。酸辣口味令人非常開胃，湯底的肉碎也很多，酸菜不會過咸過酸。豬腸很爽口，配上湯底吃很不錯。這個餃子的滑湯底也非常非常鮮甜，男友簡直當湯來喝了。餃子也很大一粒！皮很薄，我不愛吃餃子也吃了兩三隻呢！下次來葵廣，掃街外的選擇！

同同事行街行到忘哂形，買完野就坐低食碗米線啦叫左個雲南小鍋米線加墨魚丸（走辣少炸醬走芫茜），份量多，炸醬幾入味，湯味濃郁，不過墨丸不太彈牙，而且米線過份黏身同埋酸菜太過酸，與湯唔太夾建議速食尚可，但想同朋友食好啲既話就唔好揀呢間了好味指數：😋😋😋😋😋