小雨天 (葵涌廣場)

營業中

休息中

38蚊有8 隻，急凍餃子。 味道真係好一般，好乾身，冇乜餡料亦冇湯汁，皮厚，口感好糾結，賣相都普通，個醋係唔酸的，而且d呀姐服務態度都好差，食得好唔開心，好似唔憂做甘，真係下次請我我都唔尼，貼錢買難受。

今晚約了一家之煮睇話劇，但今晚她沒有什麼胃口，可是睇話劇前總要食點東西，所以我們就去了小雨天食米線啦～一家之煮點了腐竹排骨雲南小鍋米線($36)，湯頭清甜但排骨一般，炸得乾乾的，不討好～ 不過腐竹就廷不錯，很吸湯，跟米線很搭配呀！小妹則點了酸菜肉鬆鍋飯($37)，原鍋上桌，肉鬆經調味後，鹹鹹香香的，很下飯！加上酸菜爽脆又酸酸的，連小妹平常不愛吃飯，也吃了一大半～因為想食點蔬菜纖維，所以多點了一份豬骨湯野菌($27)～ 想不到是那麼大份的！整整一大碗都是菇及紹菜，放湯是最好! 才一百大洋，就食得飽飽的~ 其實是點太多了，二人食得話，其實一份麵食或飯加一份菜都非常足夠，只怪我們低估了一份的份量呀~~

小雨天係我中學時期其中一間成日去既餐廳，因為20幾蚊就可以寫到一碗多料既米線加一杯大杯既凍飲。小雨天雖然鋪位大，但因為枱櫈多，排得比較密，所以坐得有啲唔舒服。係中學覺得無乜野，但上到大學，特別係之前由大學宿舍走，拎住勁多野去食，都有啲麻煩⋯⋯其實對上一次去，叫左中學成日叫既滑雞小鍋米線。一食，發現米線唔知係唔係浸得太耐，啲米線「林」曬，無米線個種Q彈既口感。但佢既滑雞比較新鮮，唔會老之餘，肉既質地真係綿滑，可能係因為佢地係用灼的方式令到雞岩岩熟，唔會太生或者太熟，失去滑的口感。而每碗米線都有啲配料，當中包括肉燥。肉燥真心都要讚一讚，佢地唔會將佢切到肉碎，令人食左好似無食，或者因為太細粒，跌入氣管CHOK親。佢地將肉燥處理到肉碎的程度，令人有種食到肉的感覺。而且配料中既酸菜亦為成碗米線加多左一陣酸味，唔會太突出，但你會覺得有啲味道襯托出成碗米線。之後去到批評既地方。首先，佢地既辣比之前的差，之前都話唔錯，但依家既辣變得膚淺，辣只會到咀唇。其實好既辣應該要令你頭皮發麻，有種欲仙欲死既感覺，而辣到咀唇只會令你食到想死，完全唔想食，好彩既係小雨天既辣都未去到個種咁討厭既地步。而最大問題既一點係

今日去開葵涌個邊跳舞，上堂前梗係要食d野啦，於是就同朋友黎左呢間食。葵涌既舖位好大，好闊落，雖然係木枱摺櫈，但因為坐得唔逼所以都幾舒服既。同朋友各自嗌左 骨湯紹菜雲吞上海面 同埋 骨湯九菜豬肉餃子米線。佢既雲吞同餃子既分別唔大，雲吞個皮唔會薄d，但兩樣既料都好足算大隻，又多，所以都算抵食！湯底都唔錯，胡椒味較重，唔中意胡椒味既就避免揀骨湯啦。上海面唔太林唔太硬，岩岩好，米線都算彈牙，整體黎講每人平均$40都抵食既！不過要飲野就上樓上飲啦因為小雨天加普通野飲都加$5架。

平時成日都會到葵涌廣埸行街食野其中既餐廳都唔少其中小雨天就係我最喜愛既地方食物種類多有 泡飯 米線等 質素亦唔錯唯獨坐位就係幾舒服而且人多既時候侍應就分身不暇我地等既時間變相多左講到食物我食既係米線碗內有好多粒既雲吞 抵讚同埋抵食至於雞翼飯 覺得豉油唔夠冇咁香 平平無奇但整體唔錯既

6/4是日落葵芳去朋友家bbQ 前～亞K 話想回味一下，舊日常食好食的小雨天～ 好啦～ 陪佢懷愐下，lunch 時間去開餐（連多間鋪位相連～即有位坐低食）K 點左酸菜腐竹排骨米線😪 個湯如相片中可見而想像到～～ 甘清gam既？對～ 湯底mama ~ 試食d炸排骨😨 肉身好干而我就試下店馳名既豬軟骨湯飯$37（就睇下你有幾馳名先😬）賣相👌  明明煲仔上，但只有微溫食前先飲淡湯先😨 甘清既唔緊要～食下個重點先：豬軟骨😨😨😨😨😨😨 冇咩味不特止😤D骨都吾算軟， 有d要咬好耐先吞到，有d正情咬唔落～～最唔鍾意浪費食物既我～ 最終都頂唔信， 食剩幾舊骨😑總結： 說好的馳名/好食？ 我搵唔到我唔會再幫襯👎 而亞K 會唔會再食就唔知啦～🙈

平時好少去要塔枱的食店,呢間例外,大大話話都幫襯左7,8年,次次都係叫招牌朱軟骨湯飯,起初我唔識食呢個飯,係一個以前要好的朋友教我食,話呢個飯要食埋骨,果時以為佢傻,咁大舊,點食,識過一次後,嘩!好正軟骨爽口,肉又淋,湯底都是豬骨慢火煮成,要餐會跟埋一個飯,倒進湯內,好味到可連湯也飲晒,另外叫了杯芒果特飲,但麻麻地,連果肉也沒有

本身鍾意食米線, 呢頭行完街經過見到有位試一試叫左個滑雞時菜米線走芽菜($36), 熱檸茶($6)本身包左d 炸醬, 酸菜, 芫茜, 撈埋一齊食幾好味超多滑雞柳, 不過米線淋左d整體都唔錯~~

因為鄧媽媽冇開所以唯有試哩間啦，我最鍾意食鄧媽媽既湯飯，見到哩度餐牌寫住招牌豬軟骨湯飯所以試下，$37蚊 dinner唔包飲品。一黎到個豬軟骨賣相已唔多掂就知中招，連相都冇影。。湯底有好濃0既胡椒味，我覺得都ok. 附上3，4大舊豬軟骨，但賣相唔多好又似白烚，仲要豬軟骨好硬，好似食緊排骨咁，究竟有冇炆過黎架?似白烚又冇味，硬舊舊食到um胃。。我都未試過d豬軟骨係咁硬同難食，又話招牌!!? 食左少少已冇食，下次都係去番鄧媽媽到啦。。

行葵涌廣場突然想食番小雨天ge米線,平時都好少食架啦,不過都叫由細食到大,要食一定要揀下午餐時段,會送野飲,我叫左個經典招牌菜式,雲南風味酸辣小鍋米線,就係貪佢24蚊一大碗,配料(肉碎酸菜腐皮芽菜)本身好足料,我本身細胃口岩岩好夠食又唔怕冇加餸會太單調,小辣對大部份人黎講已經夠"勁",個小鍋米線d風味講真真係呢到特有ge,個湯夠香夠甜,同d鹹肉碎真係好夾,重點係呢個酸辣入面個辣,d辣椒油上係有勁多籽,食落係好香而唔係得一pat油咁樣,大專畢業之後都好少食lu,間唔中回味一下呢間咁有特色ge米線都唔錯

今日lunch 忽然好想食米線.. 見好多介紹過小雨天,就去try try ~果然冇失望!小雨天主要係食米線, 另外都有點湯飯咁樣我叫左個豬軟骨面 , 好足料 ! 食落一D 都唔覺係味精味。豬骨湯底好濃郁~ 但可惜我唔記得叫佢走青.... 有少少蔥花味 豬軟骨份量都幾多, 口感軟,又有咬感,唔會覺得係食緊肥膏! 同朋友share 左個最出名既小雨天餃子:: 6 隻椰菜豬肉餃- 6 隻韭菜豬肉餃 ! 大約 10 分鐘就有得食... lunch time 咁既效率都算ok菜算新鮮的, 勁多豬肉 ! 如果鐘意食蒸餃既真係可以一試 

將來要去韓國旅遊所以現在開始要儲錢最近少了在較為高級的餐廳用餐今天也決定和老婆仔吃間比較平民的餐廳在這個商場逛最後決定了這裡這裡的粉麵比較有名但我們都很肚餓所以決定了吃飯我要了個36元的特色咖哩脆香雞柳飯老婆仔則要了38元的酸菜冬菇牛腩鍋飯比較適合冬天吃以價錢來說我認為這個特色咖哩脆香雞柳飯比想像中少不過味道還算可以咖哩味非常濃濃得對我來說太辣了不過雞柳有很多塊味道也不錯在冬天吃也是很合適的至於老婆仔的酸菜冬菇牛腩鍋飯老婆仔試了一口就說酸菜太酸了所以她全部都給了我幸好牛腩味道不錯很濃味就像牛腩麵的湯底一樣不過雖然是鍋飯但卻沒有期望有的一點點飯焦若有會更好這裡是非常富香港特色的環境平民餐廳沒有很舒服的椅子但偶爾在這裡吃飯也感覺很地道

葵涌廣場人氣店之一既小雨天,食客不斷.佢地既餃子同埋米線,味道都不錯,前者餡料清鮮,真材實料,後者湯底以豬骨湯和胡椒味為主,有自己既風格但風格既野,唔係個個欣賞.就好似呢度出品既蒜泥白肉,真係嚇死我.只係用上生蒜加一堆辣椒油,其他調味欠缺,真在難以認同所以黎呢度最好就只食米線和餃子

去親葵芳, 一係食佢, 一係食樓下輕鬆一下而去小雨天, 唔係食筒骨, 就係食蠔仔joke筒骨係次要, 重點係個湯, 好鮮好甜, 唔夠膽話冇味精, 最小食完唔乾筒骨應該係新鮮(冇雪過), 比出而食豬骨煲果d多肉小食比較唔抵, 太細碟了, 一碟蒜泥白肉10片都冇, 

星期日十一點左右出街搵野食，岩岩夾正係早、午餐之間，行經平日人頭湧湧嘅小雨天，今日竟然無乜人，可能早餐時段無乜人會食甘多肉類嘅飯麵類啦～入到去睇睇餐牌，都係例牌點反嗰兩樣，就係豬骨筒同豬軟骨湯飯同湯麵，今次重叫多咗蒜泥牛肉～豬骨筒湯麵 （$37）上海麵上放了3大舊豬骨洞，只有一舊豬骨筒入面有完整既骨筒位，入面有較多骨髓，其餘兩舊只得很少，如果喜歡食肉或比較大食的朋友，就千萬不要選這個了，因為只有少少肉連著骨筒，一定不足意令你飽肚，不過根位部分頗香，而且有點軟骨，平時愛吃骨類的我覺得尚可接受湯底方面，胡椒味比以往輕了很多，以往的湯底喝下時有點胡椒豬肚湯，感覺十分燥熱，現時變得較為清淡，對我來說感覺比較好，而上海麵帶點口感，𣎴會過淋，吸入了濃濃的豬骨湯後，不會淡而無味，還有不能忽視的津白，經骨湯煮過後變得非常的清甜豬軟骨湯飯 （$37）若果點了湯飯，白飯會另外送上，所用的湯底與前者無異。一碗大約有4至5件豬軟骨，視乎其大小而定，軟骨的白色軟骨位煮至非常淋身，現時改以幼骨為主，而且肉比較多，比較懷念之前的粗骨少肉，雖然比較硬身，但嚼感一流！而白飯方面，由於飯粒原本已較淋身，經骨湯浸泡後，變得