小雨天 (葵涌廣場)

營業中

休息中

服務態度又差😓又貴 ，一開頭以為咁多人去食以為會好好食點知去到啲小窩米線係一啲都吾好食 ！！！味道一啲都吾夠！！！啲酸味幾乎一啲都無 ！！！真係無下次以後都吾會想再黎呢間去食！🌚

今日黎葵芳揾個朋友食飯，跟住為左揾個地方好好坐低傾下偈，就費事周圍揾野食，一上openrice就見到呢邊有多間食野嘅舖頭，於是就去左簡下有邊間好食，行行下見到呢間湯飯舖，肚餓死嘅我地，就簡左呢度開飯喇。豬筒骨湯飯豬筒骨都算有口感，入口都算已經令人滿足嘅。不過就真係太肥喇，雖然唔算貴，但點都應該俾多啲肉人食喇，雖然食完都夠飽，今次嘅體驗都算幾好嘅，但比起一般舖頭都有好多位應該做得更好更加到位，食材亦都更加好，但係有小小失望囉希望有機會會再黎喇

今天整個上午心情悶悶的，午餐想食點酸酸辣辣的東西。刺激刺激同事是個好人，了解我心情，於是提議來食這間雲南風味米線。鍋底配有炸醬、酸菜、芽菜、九菜、芫茜。可選大、中、小辣。每碗定價＄28，如需另加餸每款＄6。有27種餸可供選擇。我選了時菜和滑牛。整碗麵份量十足，芽菜很多很爽，滑牛是可以體現它滑的，酸菜味夠酸，湯的酸味和辣味就不夠，我是不愛食酸菜但愛酸菜味的人，沒有吃酸菜的情況下，感覺食起來不夠酸的。辣味也欠奉。可能因為我今天的心情是想來受刺激的，所以味道比想像中感到不夠刺激。食完之後，非常飽，但心情仍然沉悶⋯⋯

間野由讀書食到出黎做野成十年，以前得一間舖坐到背對背，冷氣又唔夠，但係啲嘢勁好食，所以啲人迫埋迫埋坐摺櫈都要食。又平到爆又大碗又多款式。今日行開黎葵涌廣場其實諗住掃街但係肥仔話要坐響度食，咁就食返呢間。而家佢一間開三間舖都係摺枱槢櫈，叫野飲啲水吧依然係唔好飲😂今日叫左檸茶係無乜茶味既🙄叫左蒜泥白肉，豬骨湯蠔仔粥同埋豬筒骨湯飯。成鍋上兩大舊豬筒骨下面有啲娃娃菜同湯，飯分上，另外俾多隻碗真貼心。豬筒骨好多肉不過唔夠淋。豬骨筒入面都有啲骨髓，佢仲俾埋條飲管俾我哋吸添。個蠔仔粥個湯真係鮮甜啲好好味，好彩食咗豬筒骨湯飯先。粥有好多豬肉碎不過蠔仔真係比以前少左好多。個蒜泥白肉呢就唔合格啦，嗰啲五花肉片切到碎晒，好明顯煮過龍嘅，個辣汁搞到舊肉冇晒味，蒜蓉唔多。好似無以前咁好食，不過依然算平又大碗，好鬼飽。

本來諗好左去同區另一間鋪頭食麻辣米線 特登早啲出門趕過去竟然無開越得唔到越想得到 要食到先心息 雖然呢間鋪門面殘殘地 為左米線唔理咁多照坐低叫左兩餸米線連凍檸茶先$38都唔知幾多年無試過食米線加野飲唔過四十先講下啲餸 呢件激似豬肉o既野係滑牛黎但口感上話佢係豬肉我都信 不過menu上無豬肉所以佢只能係牛肉 除非唔係 否則一定係不過豬也好 牛也罷 總之都係麻麻地滑就係滑喇 不過食落似用左好多梳打粉拿過另一個餸豬大腸 食得出鹵水味不過可惜豬大腸太瘦 咬起黎乾爭爭一層皮又係麻麻地叫兩個餸都唔太得 估佢唔到係啲"旁門左道"攞分米線配有炸醬、酸菜、芽菜、韮菜、芫茜食米線真係好鐘意食呢啲配菜 浸左湯好惹味但平時都係畀少少點綴下 呢到畀好多多到覺得唔要嗰兩個餸齋食配菜米線都夠炸醬係辣o既無甜味 我鐘意食呢種多啲酸菜都唔錯 酸味幾突出芫茜好少見米線有放 佢嗰種清新味道浸過濃湯後食落仲正過芽菜韮菜米線同平時食o既差唔多 唔見得特別好或特別差湯底味濃 味精感覺重 完全唔會特登去飲湯 食米線飲到少少無問題 個味其實唔係差凍檸茶一般質素 唔夠茶餐廳正不過食野要濕下喉嚨凍飲只係加$6黎講OK米線好大好大份 兩個

葵涌廣場有一間快餐店叫做小雨天，晚上做完嘢就立即去買飯食，想不到竟然有泡飯，樣貌平平，豬肉比較瘦和乾身，未到鹹鹹地都OK ,都有啲菜點綴下！泡飯比較爛，感覺係普通飯放入去，不是融為一體，不過以幾十蚊這個價錢來講都算很合理的！

開左咁耐都保持住一貫水準（足料同夠大碗）配料方面有大量肉燥、芽菜、韮菜、芫茜蔥湯底為酸辣，但酸度不夠和辣味都不足，但仍覺得想當好味。今次配料加左金菇（+6），金菇的份量多，配合大量的肉燥，唔駛加肉類做配料都相當夠餸食,再加($6)凍0茶，簡直係perfect match

黎到葵涌廣場,今次唔係黎掃街而係食小雨天!呢間餐廳係次次都見到好多人食緊!成日都爆場咁等我試下佢係咪真係咁正!見多蚊都係米線餐,比我發現左可以轉上海麵咁我就試下啦.個上海麵係好好食!好彈牙呀!無轉錯仲有成碗麵平時自己既配菜都已經好多,令到成碗麵好豐富

同朋友行葵廣，見到呢間好多人食，所以決定試下。我叫左個小鍋米線，配滑雞。等左一陣就黎到。相比起其他小鍋米線，呢間個湯底唔會好濃，而且本身有炸醬、炎西，酸菜、蔥等等。食落相當滋味。米線都幾軟身幾淋，d滑雞真係好滑，而且保留到雞味，味道唔錯。

平時見小雨天都人山人海，所以決定黎試試呢到d人通常都係食小鍋米米同埋餃子。而我因為好鍾意食米線，所以order左一碗小鍋米線配滑雞碗米線等左一陣已經黎到。個湯底本身已經有酸菜，仲有炸醬同少少辣椒，但又唔係點辣，酸酸地十分惹味而且個湯清清地，我差唔多成碗湯飲曬再試d雞肉，真係好滑。d肉一d都唔硬，淋淋地，基本身咬一兩下已經會係個口到散左。而且雞肉既份量都唔少而d米線就稍嫌軟身左d，但總括黎講性價比好高，而且好好食

這是個人十分喜愛的食店， 已光顧了不知多少次，今天再次到來，坐位不算舒服，但能快速醫肚，叫了頭号至愛，豬軟骨麵 ，另外叫一個韭菜餃子， 豬骨煮得淋軟骨有口感， 麵是打得好彈牙而湯底也清甜， 整體配合得天衣無縫好味道，令人吃得上癮， 另外韭菜豬肉 餃子， 入口感煙韌香口， 皮有少少厚但可接受， 跟餐的奶茶的甜味適中。

下午茶時段到達 唔洗等 即入 平時都成日食 今日就興起幫佢寫個食評必食滑雞 滑牛 小鍋米線米線份量十足 配料新鮮地點鄰近地鐵站及兩個大商場食完可以行街買野下午茶飲品唔洗加錢 非常抵食

大腸酸辣米線﹣商場裡面食店其實都係一般，次次來都係去呢度，雖然唔算好食，但係對比其他地方都算係咁呢碗米線中規中矩啦，餸同麺份量好足，大腸入味，米線就淋辣味部分就係靠d 辣椒油~~ rating：6.5/10

最喜愛食米線既我當然要周圍試米線呢度既米線有大、中、小辣同清湯揀每碗米線都附有肉躁，芫茜，芽菜同雪菜唔喜歡既落單時記得叫走金菇豆卜米線，清湯夠甜，米線都煮得夠淋，不過略嫌餸菜唔夠料，肉躁都夠多，撈好後整個湯都好有肉味蒜泥雞肉呢個好唔得，得蒜味同個咸字，雞肉唔新鮮，唔推介

人流如潮，沒有主意下便入店解決一午餐！餐牌簡單，米線為主，配上個人喜好菜料！看似普通雲吞貢丸米線，但內裡材料很豐富，有芽菜、肉粒、酸菜等！濃湯加左少辣的醬料，十分惹味，開胃！米線就沒有煮得太爛，份量十足。雲吞是手工包的，皮稍微厚了，肉份量適中！肉感不錯！