小雨天 (葵涌廣場)

營業中

休息中

趁著今日放假，又無咩好做，一個人去咗葵芳行街，計劃先去葵涌廣場食中午，然後係附近行吓，再坐車返屋企。隨意搵咗間食米線嘅‘’小雨天‘’，鋪面都幾大，人流都唔算好多，雖然今天是星期六，但即時有位唔使等。我叫咗一個腩肉小鍋米線小辣（酸辣湯底），首先是酸辣湯底沒有酸味，辣味是死辣一種，其次是腩肉口感不佳，又乾又韌，唯一優點係份量足夠，但我只食咗大半就不想食了，凍檸茶就正常沒問題。另外一大問題係員工態度木無表情，好似唔想做你生意咁。

請到葵涌廣場，相信好多人都會諗起掃街，手搖，甜品等等既美食；但其實我自己最最最中意既係去食小雨天，可以話係由細食到大，到左今時今日依然覺得佢個小鍋米線好食又抵食。由以前既21蚊食到而家30幾蚊都一直間唔中就會去幫襯一下，最愛既係小窩米線加豬大腸，佢本身嘅配料就有韭菜、芫荽、肉碎、芽菜同埋鹹菜；我覺得佢嗰個肉碎真係好入味好好食。至於配菜方面我自己就會加豬大腸或者雞翼，兩樣都好好食，滷水滷得勁入味；另外一樣推介嘅就係蠔仔肉碎泡飯，我都想食清啲嘅時候就會選擇食呢個，佢好足料好多蠔仔同埋仲會有少少娃娃菜，所以感覺好健康。飲品方面，佢哋嘅凍檸茶同埋凍奶茶都係出名最好飲，刺味同茶味都好夠，奶茶我就好少飲，所以唔俾任何comment🫢

都幾多人食的，同朋友都幫襯過幾次了，衞生環境尚可接受，可以改善就更好。食物方面，小鍋米線味道不錯，尤其炸醬肉碎，本人平時都唔鐘意食太濃味，所以覺得佢米線湯底味道適中，唔會太油但如果你鐘意食濃味就可能覺得淡了。$32 + 每款餸$8，價錢都ok的！至於服務態度方面就有待改善了

今日又要過來葵芳, 食飯時間周圍也多人😂, 都係揀番去依度吃, 自己今次試下骨湯雙拼餃子湯上海麵, 加一杯凍🍋茶走甜, 家人要左豬軟骨湯上海麵, 無幾耐先來二杯凍🍋茶走甜, 之後送來家人的豬軟骨湯上海麵, 可能d餃要煮, 所以等得比較耐, 之後送來, 飲啖湯先, 熱辣辣, 先食上海麵, 好味😍, 食韭菜餃, 好香韭菜味又多餡👍🥰🥟, 又試下椰菜餃, 都好食料也多🥰, 味道也ok, 但相比之下韭菜餃好味d🤩整體份量足夠一定夠飽, 而且價錢都算抵食, 由於我不是外賣自取, 所以未有特別優惠, 不過今時今日香港消費的價格都屬於經濟, 難怪經常幾多人🤭🤭 下次又試下其他先😸

今日搞埋d野去食野, 由於天氣太悶熱又焗😖想食d易入口的野, 葵涌廣場去過好多次, 依個只係經過, 但始終未試過, 唔想食肉唔想食餃🤣最後揀左蠔仔🦪骨湯上海麵🍜加紹菜, 配凍🍋茶走甜, 我見雖然8点45有多, 但依然有一班客戶, 不過我自己一個😜都可以有d位比我揀下, 等左一陣凍🍋茶先來, 加7元都幾實際👍👍之後送來蠔仔🦪骨湯上海麵, 51元加10元紹菜, 今時今日晚餐, 都算叫抵食🤩, 都幾大碗, 賣相幾靚仔😻, 飲啖白白地色的骨湯😌唔係好濃味, 不過清清地又夠熱, 上海麵都比得好夠份量😸浸左d湯又幾好味😍 再食d紹菜和芫茜, 浸左d湯, 好好食🥰, 再食d蠔仔🦪, 雖然唔係比得好多, 但只只都好大只, 又鮮甜👍👍再食d肉碎, 有d甜味😻夾埋一齊好好食, 食晒好滿足, 炎熱的天氣食濕濕地的湯粉會啱d, 之後飲埋杯凍🍋茶, 都幾有茶味, 唔錯👍👍依度有下次💕🥢不過我不是在openrice選擇外賣自取, 係堂食, 所以沒有什麼優惠或回贈😜

去買米線，收銀一直同其他人傾計，點單一邊傾一邊點單，點完單又問點乜嘢，又要傾計又要點單，出左單直接掉過黎，一啲禮貌都冇，唔想做可以唔做，咁樣嘅鋪頭點樣留客？？唔唔會再幫襯！

葵涌廣場都會揀呢一間做午餐必點嘅係佢嘅小窩米線😚😚😚🌶️🌶️🌶️通常我會叫大辣，因為佢嘅辣唔係太辣，偏甜嘅湯底亦都令到成碗米線唔覺得好辣。佢嘅小窩米線有肉碎，韭菜同埋大量嘅酸菜。小雨天嘅湯底好濃郁，亦都俾佢酸菜整到有浸好香嘅酸味。 小窩米線可以加餸，通常我加雞翼，因為佢滷水好入味同埋個雞翼好滑好腍。 🤤🤤🤤我食咗好多年佢仍然維持到水準，同埋佢嘅餸菜湯料全部都煮得好入味。 價錢親民同埋食得出唔似坊間嘅酸辣米線咁樣用假嘅調味同埋味精。 😌🙌🏼

每次來葵涌廣場想坐低食個飯，都一定會諗起小雨天，又平又好味～滑雞炸醬小窩米線💰HK$48滑雞好嫩滑，係推薦必點嘅餸料之一！本身小窩米線已經有少少炸醬，不過另加炸醬會更惹味～骨湯蠔仔肉碎泡飯💰HK$51湯底清甜，好有豬肉嘅甜味！蠔仔份量都多，忍唔住食晒成碗泡飯～

今天到葵涌廣場行街，撞正黃雨，個個都留在室內，亦正值晚飯時間很多人，掃街都要排長龍，最後決定去食小雨天，等了一會兒才有位。食物平民價。我與友人分別order了骨湯紹菜牛腩上海麵、骨湯蠔仔肉碎泡飯。骨湯紹菜牛腩上海麵$51 味道尚可。骨湯蠔仔肉碎泡飯$51 的飯份量很多，蠔仔少，湯底沒有什麼味道。加了一杯凍菜蜜$7，最後埋單$109。

對呢間嘅米線無期望，只係為填飽個肚先至食。其實唔係難食，只不過湯，米線，餸都好平平，無咩特別。環境有少少感覺dirty, 好似求其抹一抹就俾你坐。服務都係一般，都係快食mode。整體係食完就走嗰種。

完全冇湯底可言好似辣油溝水咁，即係啲肉碎都冇味咁岩撈到啲酸菜咪有啲味咁囉係好大碗，但真係唔好食好失望叫左小辣，其實都唔辣，因為辣油得個油字食完都唔知自己食左啲咩真心曬錢可能幾年冇食真係變曬啦

兩個人食咗$178食到一半先醒起無影相叫咗兩個小辣過橋米線，各自加咗餸另外加咗一份蒜蓉雲吞、一份過橋雙拼餃子先講米線個湯頭完全無味，唔咸唔辣，只有撈到有辣油嗰啲位有啲機械式嘅辣味，唔香無辣油嗰啲位係完全無味但我係成個肉醬撈哂落去個湯到，都少少咸香味都無係份量好大，食到個人好飽，但唔好食之後講蒜蓉雲吞其實唔係好分到佢個雲吞同餃子，個樣同味道都差唔多餡料都係無乜味食落去一陣生蒜蓉味同有啲辣油但個辣油同米線係同一個，得辣唔香雙拼水餃係得個椰菜餃有啲甜味，韭菜餃就同雲吞一樣無味點唔點醋都係咁同埋佢無論雲吞定餃子都係勁厚皮嘅款式總結黎講，呢一餐係嘥quota食完都唔知自己食咗咩😶講少少服務，因為佢都幾爆，係咁搭枱，所以上菜上到好亂同埋我哋係見佢咁爆以為佢好好食先入去，點知同枱另外兩位都係咁，米線上到黎食咗一啖就話「無味嘅？」我諗好多人都係咁中伏😓

I recently discovered a fantastic rice noodle shop located in a mall near the MTR, and it was an absolute delight. The noodles had a perfect texture, being springy and satisfyingly chewy. The soup was rich and flavorful, adding depth to the dish. What stood out the most was the wide variety of ingredients available for customization. With so many options to choose from, I was able to create a personalized bowl of noodles with my preferred toppings. If you're looking for a comforting and customiz

呢間小雨天可能已經有三十年歷史環境同食物都依然係維持水準(冇進步過)仲要衛生情況都幾差張枱又痴笠笠其實唔係好明點解咁多年都未執笠可能係因為抵食夾大件？除咗呢個都諗唔到其他原因每次去都阻止唔到自己嗌同一個組合就係滑雞腐竹小鍋米線大辣超級大碗幾乎冇一次可以成碗完食無論係餸定係米線嘅份量都超多滑雞係最值得嗌嘅餸大大舊冇醃料小雨天嘅辣係來自辣椒油炸醬同酸菜嘅份量少而且唔重口味所以唔食辣嘅話基本上係冇味唔鍾意食辣椒油嘅話就會覺得難食但當我諗返轉頭嗌兩個餸只係48蚊仲要送嘢飲就會覺得算啦起碼夠飽小雨天其實仲有其他飯類選擇只係我本人對飯冇特別渴求同好感不過有見到其他人嗌嘅時候都會覺得係抵食夾大件雖然唔係特別好食但一定係平民恩物

近日天氣又涼左，又不想打邊爐，所以同男友行行下就去了葵廣的小雨天，點了他們家的腐竹雞肉泡飯和紹菜墨魚丸，結果非常滿意！首先是腐竹雞肉泡飯，泡飯的米粒軟硬適中，而且吸收了豐富的湯汁，入口即化，讓人食指大動。腐竹和雞肉的口感非常協調，腐竹的韌度和雞肉的嫩滑感完美結合，讓人吃起來回味無窮。再加上湯汁的香濃味道，男友話Very good喎。我則點了紹菜墨魚丸上海麵，也是非常好吃。麵條的口感彈牙有嚼勁，墨魚丸的口感也十分鮮嫩，紹菜爽口，讓人吃起來感覺非常舒服。總而言之，小雨天價格實惠。如果你喜歡中式麵食和泡飯，是很值得去試一試。