小辣椒 (已改名) 查看

是日星期六, 老公要番夜, 一條友放左工on居居, 於是落左北角Jusco 10蚊店買d"林沈"野...順便睇下依間野d酸辣粉好唔好食..點知入左門口, 仲衰過茶記, d阿姐完全唔理你, 我唯有自己搵個位坐下, 茶餐睇黎都幾抵, 叫左酸辣粉($15)同4隻鍋貼($10)加多杯CT($5)我昅到隔離枱叫左個水煮唔知乜野, 成碗野傑撻撻,睇黎都幾紅, 不過我就聞唔到d味(咁近都聞唔到...=_=""") 果對男女呆望碗野, 聽佢地對話係睇左飲食男女而中計o既, 男o既一早放棄左, 個女仲堅持唔side野, 叫阿姐俾左兩杯熱水佢洗黎食...我都無眼睇...我碗酸辣粉黎左, 好似無佢地果碗咁紅, 果對男女都有偷望我碗野, 仲話自己唔識叫野食, 睇到我d鍋貼又話想叫客...我心諗我都係第一次幫襯, 好唔好食都要食過至知...酸辣粉入面o既料有磨菇片同雞肉絲, 其實就唔係咁辣, 我就覺得麻麻地, 唔知係唔係因為食過川王聯記, 所以覺得依度無咁好食, 食薯粉不如荃灣八麵玲瓏都好過佢...d鍋貼個樣好靚, 不過入面暖o既, 如果熱會正好多, 杯CT不過不失我諗我試過一次就夠喇...因為北角都算多野食.

男友帶黎呢到試川菜.今次第一次來仲係宵夜..但都有三枱客...因為唔太餓所以點左兩樣菜式.水煮長旺和湯煮蒜容津白..後者較為清淡..前者點了中辣..但一D都唔辣..所以下次有機會會試大辣..

下午茶時間經過呢間嘢, 好似幾抵食咁, 入去試下。酸辣粉 : 好味! 好似大陸食到的味道, 但唔係辣到食唔落口, 粉條煙煙靱靱雞絲冷麵: OK啦, 不過不失下午茶時間真係好抵, 以上各$15咋! 冷熱飲品都不過係+$5!

下午茶時段加價了,過農曆年之前一隻鍋貼是$2 (3隻起),現在是$10四隻,可能因為豬肉漲價,飲品也加了少許價鴨胸菜泡飯($10) ~ 一碗鴨胸菜泡飯下午茶時size大約一碗雲吞麵碗咁上下大小,裡面有鴨胸粒、菜粒,份量也算多,鴨胸粒少少鹹,食落唔會覺得太清淡,唔想食得咁油膩的朋友,這是一個不錯的選擇鍋貼($10) ~ 雖然煎得好香脆又唔會過燶,味道亦不錯,但今次未開始食已經見到剩餘不少油份在碟上,看見也覺得膩

平時多係去食中午飯, 中午我鐘意食佢既口水雞餐, $35蚊有一套, 有飯有野飲, 同埋佢既麻辣肚絲或雞絲冷麵。今次第1次去食晚餐, 叫左怪味青瓜, 夫妻肺片, 辣雞煲及配料打邊爐夫妻肺片不過不夫, 青瓜條就好冰涼爽脆但係個雞鍋就夫望o的, 雞唔入味, 又唔夠新鮮, 份量細, 不過我地再叫o的水餃, 苕粉同菜加埋落個鍋度都ok既

下午茶時段,叫了一個水餃麵(好似係$16),三隻鍋貼($2隻),水餃and麵都ok的,我比喜歡佢碗麵有的磨菇片,吃的時候更加香,鍋貼煎得好香脆而不油膩,下午茶時段惠顧滿$10飲品半價,所以杯奶只係$4

呢間野0係北角都應該好鬼耐，大大話話我見到都有五六年，只係路過門口就係未入過去﹗於是博一博試下﹗入到鋪頭已聞到一陣辣香，是麻辣的胡椒香成間食店個感覺好古老，好似返左大陸咁，全部招呼都係有國語口音的女待應，周遭包圍我們的都似係國內同胞自遊遊人仕﹗打開餐牌，原來無咩岩食，因為一來我不食羊，二來又可吃魚，但餐牌內的名菜大部份都係呢兩味，於是簡簡單單點了幾味﹗最簡單的係呢個，蒜蓉白菜仔，30蚊雞，咪睇佢簡簡單單，落左超多蒜粒來炒，係人都知我係蒜頭敗類，啖啖蒜的東西簡直係我至愛﹗唔夠一陣已比我食左大半﹗本來個心想食鍋貼當然呢度有得叫就即點左先﹗煎得不錯，餃皮底香脆，不過就嫌入面0的料比較乾身無咩肉汁，如果有就perfect﹗呢度名菜水煮牛肉，0的辣椒同胡椒粒真係多到無朋友﹗食入口無咩野微辣不過隔左一陣條利即麻......唔辣係麻，面上鼻邊即標汗，勁呀﹗係唔辣不過麻囉﹗仲比我無無聊聊食左粒胡椒入口，嘩，成口好似食左炸彈咁.....不得不叫番支beer沖下口﹗10蚊支化算﹗唔夠飽整多個水餃，唔夠熱，好似未煮熟咁﹗劣劣劣等唔得﹗整體只屬一般，不作推介﹗

平日搭巴士途經北角的內街, 所見的都是一些傢俬裝飾公司, 茶餐廳或者麵包店等食店. 其實於街角處有間全店用木製椅的外省菜店”小辣椒”, 一直來都未有幫襯過, 終於有日路過時被門外那個$1餃子牌吸引到, 並抱住一試無妨心理入去試試!原來每日下午2:30-6時都有下午茶, 所有餃子都是$1一隻(可選津白/菜餡) 最少6隻, 並以上湯同煮. 因當日落單已接近6時, 菜餃子已售罄, 所以只點了津白餡. 見到另外有鍋貼, 原來是菜餡, 即點了3隻.(最少數量). 可以滿足番沒有湯菜餃失望. 吃了一口津白餃子, 覺得餡料沒有因價格而減少份量, 仍可食到有菜有肉味道. 餐牌上有一個酸辣苕粉, 好奇之下問侍應才知道是薯粉, 又叫碗來試, 粉條是涼涼的, 伴入一些熱酸辣汁料,花生及蔥花. 食時有一點點麻辣味道, 可取之處是不會令到味蕾失去味覺. 有見之前兩款餃子都不錯, 再叫了一個鮮蝦雲吞, 它不似一般廣東雲吞只有蝦和肉, 還有一些津白在內, 仲每一粒都食到一隻蝦.本想叫豆漿試豆味如何, 但都經已賣晒! 臨走時見到有多客人已在吃火鍋, 覺得下次可同家人或朋友去試! 同埋多口問外賣餃子都係$1隻, 不過,

Although the ambiance is lacking, little chilli feels like a very authentic Sichuan eatery and is one the spiciest places I have eaten in HK. Almost every dish is filled with sichuan peppercorns and red chilis. English speakers should also be warned that although they have an English menu, it is very different, and much shorter than the Cantonese version. Thus, it is advisable to either bring a native speaker along or supplement your order from the English menu with dishes ordered by pointing at

我同朋友去食我們叫了口水雞水煮魚鍋貼回鍋肉蒜容炒白菜仔兩個飯兩杯咖啡口水雞要多辣真是好辣水煮魚唔知什麼魚不過好鮮鍋貼好大隻要了半打回鍋肉送飯一流不過好多油蒜容炒白菜仔一般有波睇食物ok 不過waiter你叫佢佢扮睇唔到要叫幾次要改善

水煮牛肉的味道不對,多了一些味道,又少了一些味道...酸辣粉不夠辣酸菜魚的話,以前在國內都會用草魚那種,所以現在換成大魚,感覺和味道都怪怪的蒜泥白肉的甜味太重最好的就是干煸四季豆~~~~~飲品的選擇太少了,餐牌上面有的一問之下都是沒有,最後只好喝茶可能因為以前在國內吃的川菜太多太好吃了所以來了香港之後每一次吃川菜都很不滿意可能是因為川菜在香港還不普及也可能是因為現有的川菜館也要迎合港人的口味,不能太辣但是對於辣的嗜好是不能改的了只好繼續尋找下去

心思思又再想食辣野, 難得J小姐放工唔太晏可陪我食一食椒麻雞($38) - 份量比前少, 黑椒以前係原粒但依家就係碎, 蔥以前勁多依家就好少, 汁依然鹹鹹地但已經無左香料味, 同入口已經無左麻既感覺水煮貴花魚($88) - 因J小姐怕辣所以只叫小辣, 魚片幾滑溜, 因小辣既關係所以都食到魚既鮮甜. 筍有點老, 而粉皮吸左汁既精華唔錯. 不過個汁除了鹹外就唔太香另加兩支生力($15 x 2)成日經過小辣椒都奇怪點解依家少左咁多人, 今次食完後終明解

4月尾某夜, 興之所至再臨小辣椒, 遭遇到前所未有的失望。干煸霸王雞不但不辣, 而且一點香味也沒有; 火爆呼拉圈只有味而無辣味; 只有土豆絲尚算合格, 慘哉!朋友識得老闆劉師傅, 馬上致電, 才知老劉剛下機從內地返港, 難怪班手下可以蛇王在門口打牙! 我們把慘況告訴老劉, 他坦言有得力助手離巢, 他一不在舖時, 水準即跌watt! 數天後, 我們再登門造訪, 劉師傅馬上拍心口親自出馬! 結果? 唔駛講啦,他煮的辣子雞香味四溢, 還有泡椒小黃瓜、夫妻肺片和他特別炮製的莧菜回鍋肉,四道菜居然各有各的辣味, 神乎奇技!香味返黎,客人的信心就自然返晒黎!

推出左外賣自取系列, 多款菜飯都只係賣$10, 咁抵就買左兩盒返去試麻辣牛肚菜飯($10) - 牛肚切到細細條, 好腍身, 麻辣味入晒牛肚內都幾惹味, 但唔算太辣, 而個肚都幾咸, 用來送無味既菜飯就可以中和番干切牛肉菜飯($10) - 應該係熟左後先一塊塊切出來, 牛肉較乾身同鞋

位置都幾偏僻，要我自己一個再去搵都有d難度，叫左以佞下食物：口水雞、水煮肉片、擔擔面、南瓜餅水煮肉片：唔夠香亦唔夠辣擔擔面：冇咩味，好似食緊普通面咁南瓜餅：呢個超唔得，食落去好似只係食粉咁，又完全唔甜兼冇南瓜味都係珠海個次食既四川菜得好多