小辣椒 (已改名) 查看

我同兩個朋友於一個星期四下午六點半去到食, 因為仲早, 唔係好多人, 唔洗等就有位. 我地叫左一個回鍋肉, 一碟麻辣牛柳, 一打鍋貼. 朋友集碟唔係好乾淨, 用茶洗唔走, 惟有叫佢換過啦, 叫左兩次先有人換.等左十分鐘左右, 回鍋肉上黎, 都幾好食, 不過好油. 叫左幾碗飯, 不過上黎時已經食左半碟啦. 食完回鍋肉, 佢都收返隻碟, 其他既菜都未黎, 不過唔趕時間, 我地就唔摧佢啦. 終於食完回鍋肉之後十五分鐘, 隔離枱都黎齊野, 我地摧佢, 再要等多十分鐘先有碟牛肉食, d飯都凍哂啦. 麻辣牛柳都幾好食, 不過唔夠辣同埋好乾, 叫左好多次佢地先黎加水, 態度差到離譜.食完牛柳, 佢碟都收左, 都未見鍋貼, 我地今次不停咁摧佢啦, 點知十幾分鐘後, 隔離另一張枱叫既回鍋肉上時, 佢地又拎一碟回鍋肉黎. 我地話係要鍋貼, 佢就好嬲咁拎返入去. 再過十幾分鐘, 終於有鍋貼食啦, 點知呢, 仲燶過d人塊面, 但係外面燶, 裡面係凍既, 難食死啦.呢餐飯食左$130左右, 不過就要成2個鐘, 打死我以後都唔返去.

I go to this shop sometimes 'cos my friend lives somewhere nearby and sichuan food is my favourites! The food is fine here, not vey original though. I've been to chongqing and Sichuan a couple of times, so I can tell.It's more like a 'cha qang tin' but served with spicy sichuan foods. They've cable tv there, so during weekend, it's packed with footie fans, kinda noisy!! Some even speak foul languages! But for a 'cha qang tin', it's fine.

地鍋系列（羊、魚等），羊很精彩，預先煮好的羊肉很酥軟，一絲絲的羊腩肉熱騰騰、香噴噴。魚是整條的鱸魚，取其不易煮爛的特性，因為新鮮煮進土鍋，因此魚是魚，湯是湯。馬馬虎虎。要贊的是鍋底的青菜、筍片、蘿蔔，吸收辣椒湯的精華，超贊！獨有的蕨粉（？）爽滑而帶韌性，有嚼頭。熗土豆絲別處少見，土豆即薯仔。切成幼絲，清炒、加醋或加辣椒都是平民正菜，質感爽脆。必試。拍青瓜，蒜蓉和醋都滲進了青瓜縫中，很入味，爽脆蒜香有勁道。若加入辣油更出色。要提醒食家們：小辣椒的菜味道濃厚，不過味精也很重。

睇完何韻詩演唱會返到來都差唔多一點, 朋友仔想食d小食, 成個北角咁夜仲未關既就諗起呢間, 因唔太肚餓所以只係買左一樣野雞絲海蜇($30) - 雞絲份量都幾多, 但無咩雞味, 而海蜇亦都太淋唔夠爽口, 不過以消夜計, 食完都唔會太溜

每次經過開都見到好熱鬧今次就約左個老友一齊食飯我地兩個都唔算太食得辣叫左個一個辣椒的宮保雞丁蒜容炒白菜仔再加多個一個楊洲炒飯起菜比較慢睇住隔離遲過我地入黎幾張台都食得真係好心急等左三四個字終於黎左個炒飯同白菜仔個宮保雞丁就等到碟炒飯同白菜仔食得七七八八先上真係比想像中辣但我同朋友都同意呢度的食物質素都幾高如果上菜的先後次序稍改一下就更好

是晚的行動代號是三個字~「辣辣辣」，而通行密碼則是「888」。十個人坐在店中的小圓檯，雖然是星期二晚的七時半，但也全店滿座，都幾擠迫。但大家再諗一遍行動密碼，便記得是晚目的也不盡是吃，故便立即將自己的珍藏拿出來，大家一邊嘩然，一邊鑑賞。都是叫點吃的才實際，先來幾個冷盤。拍黃瓜是百搭冷盤，這裡的拍得好，用上蒜蓉又調得入味又美味，是吃辣菜前的一味必叫涼菜；夫妻肺片沒有肺片，只有牛肚及牛肉，辣多麻少，都算爽口好味；蒜泥白肉是一片片肥廋相間的肉片，配上微酸的糖醋，蒜蓉味道夠，相當不錯。吃後一致裁定，白肉跟黃瓜也要追加一碟，一樣照清；涼拌土豆絲不夠幼細又有點過鹹，暖暖的，如果是凍一點更對胃口；本還對麻椒雞有點期望，但水汪汪又沒甚味道的，不推薦；四道辣主菜，兩乾兩濕。地鍋魚未到，氣體爐卻先上，聲東擊西，第一味上檯的主菜是辣子雞。條條紅尖椒跟粒粒雞塊泡過油才上檯，是連骨也炸得脆脆的，不吃辣椒不算很辣，但吃了辣椒的話，當然是辣的，難為左邊的勇士T，還就辣椒也不辣的；要了水煮花腰，阿姐說不夠豬腰，所以加了豬腸才撐場。豬腰爽口，吃落幾辣，麻味不太十足，但都是夠辣勁又好味，可惜件數不夠，如不是可吃過夠本；本

剛剛一定三口去食晚飯，因為囡囡同老婆都係細食之人，於是叫左個二人餐。個餐有雞絲粉皮同回鐹肉，另外仲有一條黃花魚。三味都好OK，好香，好味。食完之後再每人叫左一杯豆漿，呢個口味我同老婆都好鍾意，有豆香又唔會太甜，正！

聽老頭子說這裡的拍青瓜不差，麻辣亦有水準，難得不理過海探班，交帶好工作後，就同「突如其來」的不理試試。甫入店，陣陣辣味攻鼻，「味」足。兩個人叫真有難度，見二人餐平平地，就要了個潑辣魚餐，連拍青瓜、蒜泥白肉及飯兩碗。多次路過這裡，過門而不入的原因，是因為望落似茶記，大電視睇波再加通宵營業，心諗都是煙民流連之地，想不到，煙霧迷漫，看真點，是麻辣鍋的煮出的煙。等左陣，青瓜及白肉上檯，見不理在，就叫他幫忙夾起一片肉來，薄而肥瘦各半，影相的效果唔錯，蒜泥是較過的，夠辛香，而肉又薄又肥，配埋蒜泥簡直一流，與威記的蒜泥白肉是各有千秋。而拍黃瓜又鬆又脆，拍後煮過，暖暖的，還是比較喜歡凍的那款。而潑辣湯，加了大量泡椒、紅、青椒來煮，魚肉浮面，椒睇落唔多；唔似水煮魚咁，是滿滿的一鍋辣椒，要「打撈」先見到魚肉。此品，是香辣為主，夠辣但香味唔夠，反而當中的津白，嗦入香辣汁及魚鮮味，又甜又辣，是精華所在，魚是拉過油，幾香幾嫩又夠鮮，唔錯。飲了兩啖湯，真的辣到入胃，忙叫支生啤解辣。不理真有一手，辣到喝不下，乾脆倒入飯，伴飯吃，想不到，又油又香，這碗辣汁撈飯，確是一絕！

同意Davcmlam 所講, 比舊店真係差左, 而且價錢亦貴左唔少. 以前小辣椒非常經濟實惠, 做菜又有heart, 但而家成日覺得佢\地求求其其, 老闆亦無以前咁重視同客人溝通, 亦可能樓面太少, 搞到成日要叫幾聲先有反應.整體水平其實還不錯, 至於招牌菜地鍋系列名過其實. 路過不妨食下, 但專誠去既人或要失望.

這間店子座落於我家附近，看到它貼於門前的正宗四川菜，便特意找次機會試一試。店內沒有甚麼特別的裝修，入內後發覺很明顯靠窗的位置是比較涼快的，可能因為靠內則的冷氣機有問題。店內有三部等離子電視機，無綫、亞視、有線都播齊。食物味道比想像中的好，而麻辣得來是恰到好處，很適合我這種無辣不歡但不會吃得太辣的人(以乾鍋辣子雞來作例子，那是三隻辣椒的辣度)。午及晚市都有套餐\\\優惠，算是廉宜。個人推介麻辣牛肚、宮保雞丁、螞蟻上樹、乾鍋辣子雞。下午當值的侍應妹妹應該是讀中學的，比較有禮及有笑容。但到晚上，除了收錢的那位，其他的侍應都是口黑面黑的「阿姊」，我光顧的那一晚我未見過她們笑過。她們多是看著電視，有時候我想沈默地叫侍應都難。有幸我事前已經聽聞這裡的服務態度有問題，已有心理準備，但就連最基本的「多謝」也沒有，她們的服務態度真的須要改善！還有那裡的枱面總是油膩膩的，幸好我有自備酒精紙，把所有餐\\\具都抺過才用。沒有非吸煙區。以下有相片：http://www.fotop.net/fanshu/Little_Spicy

落左北角，天氣熱，胃口麻麻，吃一點麻辣也好，行過這裡，見電視播緊精華片段，自然被吸引了進來。隨便找張檯搭檯坐下，見餐牌有涼伴麵，就要了個麻辣涼伴麵，多諗都費事。都用碟上，麻辣料伴白灼牛肚，碟底有辣汁，賣相可以。吃一口牛肚，凍凍的，咬落爽口，麻辣料子不算很麻很辣，但平衡都做得不錯。如果交帶落足料的話，應該精彩很多。伴勻麵條再吃，蛋麵幾爽身，涼涼的，辣辣的，幾開胃。碟份量不少，但不知不覺已吃完。雖說不算是驚為天人，也都恰如其分。連凍飲一杯，埋單25蚊，經濟抵食。服務很一般，幾位阿姐左顧右盼，似應付不了全場客人似的。不過態度還是可以的。又雖然有大電視看，但全場吸煙，如坐在對面的兩位工友，是飯前、飯中、飯後也各一支煙，我不怕煙味也覺有影響，怕聞煙味的是揀位坐了。

27/7(四) 12:30nn最後一天於北角食午飯,本想帶同事們試試意蠔站,但時間有限,唯有找間較近酒店的食店.幾個月前試過此店的餃子,食味平平;今次試試其他菜色.午飯時段,店子有9成滿,好不容易覓到一吉圓臺,格局裝潢沒甚花巧,小店格局.一行4人點了牛肚湯麵跟凍飲$25,賽螃蟹客飯跟凍飲$30,麻辣雞絲冷麵跟凍飲$25,鍋貼$10五隻,水餃$10六隻.牛肚湯麵--湯底不算濃,上海幼麵沒甚口感,牛肚雖夠軟腍但味道清淡!賽螃蟹客飯--份量不少,蛋白略嫌欠滑溜,味道一般.麻辣雞絲冷麵--相當麻辣,味道卻偏淡,雞絲味道亦平平.麵條不算彈牙且油膩!鍋貼--煎得夠乾身,鍋貼皮厚度適中,肉餡鮮肉汁豐富,整體不錯!水餃--津白豬肉餡,餃皮煮得過久咬落有點散爛感,餡料尚算新鮮.凍檸茶--茶濃而不澀,甜度適中,兼且大杯!於午飯時段服務不能要求太多.埋單$100,除開每人$25,屬低消費,奈何食物水準亦不高!

今次係小弟第二次黎呢間野食飯~但我相信以後都唔會去!話說, 小弟同位老友收到風, 話北角有間小辣椒食四川菜幾好, 於是就慕名而黎小辣椒試下, 第一次試完感覺不錯! 於是就6月17日晚就再去, 諗住一路睇下波, 一路食下野~一路食野, 一路睇波, 感覺幾不錯, d野食都算ok, 雖然好似差過上次少少....但直到我地叫左夫妻肺片之後.......我老友由於都算係一位識食之人, 當然每樣堅定流都難唔到佢, 我地叫左夫妻肺片之後, 我自己食左一輪, 我老友就發覺個碟野只係一碟尋常既毛肚, 佢話根本就唔係夫妻肺片, 於是我地就叫個伙記埋黎, 諗住同佢講下個碟唔係夫妻肺片, 個個伙記都話係, 佢都認係毛肚一碟, 跟住仲將落左單既三十五蚊改番做三十蚊(毛肚既價錢), 其實我地都諗住碟野反正都已經俾我地扒左,冇所謂啦, 諗住就再叫多碟"真正"既夫妻肺片, 於是我地就話俾佢聽我地要"多"碟夫妻肺片......經過一輪等待, 夫妻肺片黎啦, 點知....係同頭先個碟"毛肚"係完全一模一樣......跟住我老友就話: "又係毛肚?! 我地要夫妻肺片喎, 呢碟同頭先我地個碟野有乜唔同?"個伙記就話: "呢碟

還記得上年生日!朋友知我鐘意食辣,下班後就同三數個朋友黎左呢間野到試下佢地既手勢啦~入到就拿拿聲點菜嚕~我地點左炒辣蟹.水煮腸旺,椒鹽骨,辣子雞,同埋蒜蓉炒白菜印象中好既剩係得個蟹同椒鹽骨幾好,佢d蟹唔知點解炒得好入味,真係會"吮"乾"吮"淨先收手..食完仲想encall多一碟-_-不過最後當然無啦,椒鹽骨當然係囉黎送酒架啦~一流!個辣子雞都唔錯,一大堆辣椒and細細粒既雞肉撈埋一碟,係幾辣,不過好咸,囉黎送飯差唔多...整體上都唔錯既,不過太遠嚕,無咩必要唔會再黎價錢:乜你唔知生日大晒唔駛比錢架咩@Q@""服務:不過不失,無乜特別,唔會好似d人講到咁差

以前仲係細細間舖ｏ個陣，　好好食架，又足料，一味土匪雞真係到流哂口水．．．但係搬左大舖之後，老板娘又轉左，同樣叫返土匪雞，雞又得返好少，菜多過雞．．．啲服務真係差到爆，經常漏單，就算係叫杯豆漿都半個鐘之內三催四請先有，拎到埋嚟既時候仲要係唔知有心定無意咁將少少既豆漿倒係你枱面／衫／褲．．．（睇佢心情）因為係去幾次都係咁環境，真係超恐佈，好多自由行，唔係歧視佢地，而係唔知佢地想點．．．話說有一次去食飯，差唔多食完既時候，隔離有一枱自由行，佢地飲啤酒，飲完支吉樽就咁’碰’一聲擺係我地枱面，　好恐佈，仲有其他吐痰，除鞋，捽腳．．．同大聲講野．．．自問怕自由行既朋友，呢間唔會係你既選擇，點解？　因為隔離街唔夠３分鐘路程就有一間自由行專用酒店＜粵華酒店＞．．．小辣椒已經成為左自由行唔洗跟團既時候既飯堂啦