118
51
29
港鐵北角站 A1 出口, 步行約6分鐘
繼續閱讀
電話號碼
25719822
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
食家推介
【東區】【小辣椒】講一間食咗一段時間嘅餐廳，經過北角嘅時候成日都會見到佢哋個招牌又光又大，又已經喺度一段時間，因此都有啲興趣走入去食。當刻同浣紗娘傾開，就不如一齊去食吓呢間嘢。聽浣紗娘講，呢間嘢好多時都要排隊添喎。喺呢度最出名就係啲辣嘢，但我就唔太食得辣，驚影響啲味蕾，所以選擇起上嚟都有啲困難。少少都 okay 嘅情況下叫咗 $73 嘅「乾鍋菜花」，又幾好食喎，個椰菜花整得幾有鑊氣，仲幾夠味，浣紗娘甚至去到勁中意食嗰隻。之後到 $98 嘅「椒鹽魷魚鬚」就麻麻哋，冇大牌檔嗰啲咁好食咁。或者換個演繹方式，就係同我哋平時食開大牌檔嗰隻略有不同，可能我食唔慣啦。為咗有啲嘢浪吓肚，用 $28 叫咗「鍋貼」半打，質素可以嘅，唔算差咁囉。最後叫埋 $108 嘅「薑蔥牛栢葉」，好似細碟咗啲，但味道上其實都可以，而嘢飲用咗 $18 要咗「王老吉」同「美年達」。始終間嘢係食啲麻辣鍋為主，我都唔可能話好恰當咁講咗呢度，奈何一直都冇下一次機會，就寫住先。。。（地址：北角北角道33號）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am東區 #北角 #小辣椒 #乾鍋菜花 #椒鹽魷魚鬚 #薑蔥牛栢葉 #鍋貼 #王老吉 #美年達 #1am1063 #1ambackup
繼續閱讀
口水雞唔好食，唔熱又唔凍唔知想點,仲要冇雞味仲要有啲,魚腥味,個豉椒炒蜆,得個鹹字,炒蜆仲要好多蜆係死嘅,,超難食,個螞蟻上樹超硬,仲要一啲配料都冇,得粉絲,我真係唔知呢間舖頭有邊一樣嘢係好食,我第一次同第二次,都可以接受,誰不知第三四五六次都係超難食，點解會爭咁遠，到底你自己有冇食過,好心你哋自己試下,,搵唔到一樣嘢係好食嘅,,希望你哋盡快改善,
繼續閱讀
新年初4好多餐廳都無開，好幾日無食辣，竟然比我搵到間食辣為主既餐廳，就去試下，點知伏到爆，情願吾食辣忍下口2:30到餐廳，有正常餐牌同午市餐牌，但午市餐牌好多野都無，吾緊要明白新年，同埋我都係為毛血旺而來。毛血旺$198首先毛血旺但上黎既係豬紅，正常應該要係鴨血，喱點已經嬲嬲地，仲再係吾滑豬紅，有微微腥味然後配菜有：大量熟到咬口好難食既鱔、懷疑似豬肝？爽爽地吾似豬潤，但都係腥腥地，有豬腥味、牛柏葉正常，最好食係大豆芽但配菜吾多款，湯底好似辣椒油咁，得油既感覺，係無辣味的，吾係一般既難食酸辣土豆絲（熱食）$55朋友鐘意食土豆絲，就叫左黎試下，熱炒後吾係好爽口了，味道似干炒牛河既醬炒出黎，奇怪既味，但還可接受，當然都不係好味個類啦仲有凍奶茶、凍檸茶$16@凍奶茶係全餐最好味，但都只係正常貨式，凍檸茶就都係難飲，到底點做到，嬲到一定要負評總結：價錢偏貴，味道難食，職員態度ok、款式選擇ok ，但吾會有下次
繼續閱讀
第一次寫評論就係要插北角小辣椒餐廳！上次落單待應已經落錯單，短頭髮大姐自己聽錯仲要咦咦哦哦，見佢整起左我都算，照要。 諗住事隔幾個月比多次機會佢， 又係食到成肚氣，好心請過班待應啦。門口有客人企喺度大半個鐘等外賣，又唔係繁忙時段，成班待應遊手好閒冇嘢做㗎，我成個人企正係佢正門口都唔識得問下客人係米等緊嘢，到個外賣出咗啦，就咁放左喺張枱度不聞不問，跟住3-4個大姐成碌葛咁企喺門口度，負責落單個大姐都有份。到我見到個外賣問係米毛血旺加個菜， 個大姐先問依個係你㗎？ 我心諗乜你仲見到有第2個客人等外賣咩。絕對唔會再食佢，真係無服務可言。
繼續閱讀
失望至極 點咗一份回鍋肉 一份魚香肉絲 魚香肉絲竟冇一丁點瘦肉 炒肥是店內風俗嗎？？回鍋肉尚可 有用到甜麵醬 實際上肉絲用到了魚辣子 姑且可算是正宗川菜 但是全炒肥這種純屬欺客
繼續閱讀