小越廚

營業中

休息中

發現自己真係好鐘意食撈檬😝，今次黎到小越廚又叫咗個豬肉撈檬（$49），豬肉係冇炸過既，比較健康唔熱氣😚不得不提佢個牛油果奶昔🥑😍（原價$35，跟餐$25）平時飲開牛油果既飲品都會好傑，未飲哂就覺得好濟飲唔落😣，但呢度既牛油果奶昔濃稠度掌握得好好👏🏻，唔會太傑身，飲完唔會覺得個胃塞實咗咁，而且仍然保留到好濃既牛油果味🥰

昨晚係荃灣一條友想搵間細細地既小店食個飯，諗起好耐之前食過兩次既小越廚，咁岩想食豬扒飯就去會一會佢喇！晚飯時間，卡位滿座，只好坐到入面的圓枱，坐底睇餐牌就見到有幾隻螞蟻....枱上有餐牌有......再望望個地下有隻小小小強同一堆螞蟻，我同店員講呢度好多蟻我想轉過隔離枱，佢呆呆地答「哦」，可能佢習慣左？等左一陣個香茅豬扒飯同杯檸茶終於送上。檸茶好濃帶一種香味，幾好飲。而個飯既味道都相當唔錯，豬扒係即炸而且好有香茅味，配埋佢附上既汁一齊食更佳！總結：食物質數良好，衛生差。

位於荃灣廣場附近既小店，舖面唔多吸引！今日突然想食下越南嘢所以就來左呢間試下舖頭真係好細，但都有幾張卡位可以坐！今次試左兩款嘢食火車頭（生牛肉、牛腩、牛筋丸）湯檬粉生牛肉送到時仲見到粉紅，食落好嫩好滑，牛腩細舊既就好淋，大舊就比較乾身較硬！而牛筋丸有牛味但無彈性，無咩口感同埋個湯底唔係好熱，唔知係唔係驚生牛肉會太熟！越式手撕雞法包法包好香脆，入面包住材料好多，除左手撕雞仲有好多配菜同香菜，而主角手撕雞好多汁，一D都唔乾

今日試呢間越菜，佢鋪面唔起眼，應該係家庭式餐廳之前食過一次覺得好食，今日決定黎食多次入到去環境唔算大，但好企理店內貼左好多唔同既菜名見到佢有個排隊蟹膏咖哩伴法麵！係其他越南餐廳少見lunch有得食，就試下喇我地同行4個人，店內客人唔算多全場有一個女仔侍應，等餐時間實在有d過長我地4個人既食物等超過20-30分鐘到我個咖喱上枱時..竟然是微暖的要知道海鮮唔熱好容易食到腥味食左幾啖，已經覺得佢腥味比較重佢個法包係脆既但都唔算熱相信如果熱既係會好味既因爲佢料都算多..但等左超過20分鐘得到微暖既食物就好失望喇。所以食左唔係好多就放棄左，同行友人亦表示佢地既湯粉都唔算熱...希望下次黎食會好食返

想念越南美食🥢🥰🥰·🍜蟹膏湯河（$56）大食仔見到蟹膏2字雙眼發光😍大大碗湯河，配料好多！豬紅；蟹膏炒蛋；蕃茄；豆卜；扎肉；芽菜等～性價比高🥰蕃茄令湯底帶酸，頗開胃！大食仔表示蟹膏混合雞蛋，蟹味濃郁☺️·🍛越式椰香咖哩牛腩飯（$53）好多牛腩！！！食極都仲有🥰唔辣既咖哩帶點椰香⋯送飯一流🙌🏼·🍗越式小食拼盤（$88）熱辣辣送上～魚露雞翼；蝦餅；扎肉；春卷🥠·🥤咸檸七 好耐無飲汽水啦😍開放日🤪·🥛豆漿 大食仔表示甜度剛好·📍小越廚荃灣享和街49號都城大廈地下D鋪

荃灣荃灣黎緊都是在荃灣食食食了，同事仔帶我去食越菜話呢度有個蟹膏檬粉，看到有札肉 ，豆卜，豬紅。都幾好有配料加多25蚊就可有小食了—蝦餅不過我覺得麻麻地好食，唔緊要啦 都係試一次姐

💩冇下次上網睇到唔少介紹 話小越廚幾好食食落覺得冇乜特別 未試嘅朋友可以慳返.蟹膏湯㩚粉🦀$48湯底冇乜蕃茄味 但有舊蕃茄係旁邊？。？蟹膏原來係指洋蔥炒蛋😹蟹味消失左另外有蝦頭 豬紅 豆卜 扎肉做裝飾.跟餐+$25 有4隻魚露雞翼/5件春卷或者+$50就有齊兩款 全晚最好食！雞翼幾香口入味 肉質算嫩滑春卷呈網狀 份外鬆脆.越式法包🥖(大)$48 (細)$45法包本身硬可以理解 但呢個真係硬得有點過份另外連烘都冇烘 冇層次可言不過料係幾足嘅 分開食幾好

之前係深水埗食過一間類似，印象唔錯，所以今次再去荃灣食小越廚唔洗等位就有得食當然叫左最出名既蟹膏檬粉主解蟹膏特別加左蛋去煎，但其實我只食到煎蛋既味，而且個煎蛋有點老不感好食蕃茄湯底味道酸中帶甜，但唔夠濃，突出唔到😖另1 樣期待既係 牛油果奶昔但唔太特別食完應該唔會再試lu~~~

入左荃灣朋友帶左我黎呢間小越廚，平日夜晚時間都幾多人黎食，位置唔多，所以有時可能要搭枱入黎第一時間叫左個椰青飲下先，勁清甜，最好既係佢比埋個匙羹你，可以食埋佢d椰青肉，好貼心💕之後正餐就叫左蟹膏湯檬粉，本身以為佢係就咁落d蟹膏落去，原來佢係將d膏落去炒蛋，炒埋左就包你食到蟹膏味，唔會係一粒粒蟹膏掉左係碗湯度喇😂朋友就叫左雞排飯，d雞炸得好香，佢仲配埋個甜酸醬比你點，好開胃🤗有去過越南既應該都知好出名法包同米紙卷，所以叫埋黎回憶下越南味個越式法包好大份，但佢唔係越南個種長法包，我都係第一次食呢種包，佢好鬆脆，好多料之後但米紙蝦卷配左個好特別既醬，係有花生醬味既，但我個人就覺得米紙卷配翻輕盈d既醬，好似甜酸醬咁會match d ，可能因為最尾食呢個,配花生醬感覺有點heavy,但中意花生醬既應該會中意呢餐飯食到捧住個肚走都係唔洗300，難怪咁多街坊黎食喇🤗

一向來小越㕑是吃其主打的蟹膏湯檬和咖喱蟹肉飯（無敵好味），今晚決定試試其他菜式。我們點了越式牛三寶湯檬粉（包括有牛腩、生牛肉、牛丸）和香茅豬扒飯。先說牛三寶湯檬，湯底味道不錯，牛肉有牛味，牛丸也彈牙，牛腩就可以再軟一點。至於香茅豬扒飯，豬扒煎得非常香口，又不會韌和癡牙，不錯！至於飲品方面，平常這裡的凍滴滴咖啡一向是我的至愛，但今天想健康點，就要了杯牛油果沙冰，非常的棉滑香甜。友人就點了泰式奶茶，不過就有點淡，做不到正宗的泰式茶味。總括來說，來小越㕑吃越式美吃，絕不會失望，價格還非常的抵吃！

行過見到價錢牌幾抵食 就決定入去試下 入到去間舖唔算大 座位唔多 2-4人黎食就最啱啦叫左兩個晚市套餐加左個小食豬扒撈檬豬扒味道麻麻 似係煮完再煎香 檬粉同個汁都一般 食落暖暖地 唔夠凍 喺而家咁熱嘅天氣就唔太啱啦 不過都算足料雞翼湯河一黎到 有成4隻雞翼 足料 但啲雞翼就有啲咸 唔太好食 但個湯夠濃味 蝦餅第一啖食落去同想像有啲出入 冇脆嘅感覺之餘 肉質都唔夠彈牙 仲有少少油膩 唔太推薦整體黎講 食物嘅味道就麻麻 但晚市咁嘅價錢 份量又算大份 不過食完之後都真係幾口渴 值唔值得試就自己諗喇....

前幾日得我同細佬係屋企食晚飯，我們2個又唔想煮，就諗住出街食。佢話想去食越南河粉，我就諗起小越廚，又平又好食。我就揀咗個生牛肉河粉，而佢就揀咗個豬扒河粉。呢個就係生牛肉河粉，免頭仲有好多越南嘅香料呢！湯底好清香好鮮味，而河粉就好滑溜，牛肉好嫩，仲可以睇到有粉紅色變成紅色嘅熟牛肉，感覺好治癒。呢個就係豬扒河粉，佢好細心咁將豬扒同河粉咁分開，咁啲豬扒就唔會林晒，豬扒煎得好香，而且好大塊添。佢好鍾意食蔥，所以仲叫咗佢加多啲蔥，所以特別香。

今日天氣不太好，傍晚時候一直下雨。我接了小朋友，跟住我约了一個很久没見的朋友晚餐。朋友想食越南菜，所有我們選擇從荃灣西鐵站走過去大约10分鐘的小越廚。這裡環境清静，是一個可以交談的地方。我們大约7:30pm到達，侍應安排我們坐在中間的卡位,我見到餐廳差不多坐满了。我們看咗一會兒餐牌，每個人點了一個河粉套餐，包一杯飲品。跟著我再點了一個小食拼盤及，一個咖哩牛腩法式包及一碟烤肉串，大家一起食。雞扒湯河粉$48雞扒同湯河是分開上的，我見雞扒煎得好金黄及脆皮，為咗方便我們食，來到時己經分成幾個小塊，朋友食落十分滋味，河粉就不過不失。雞翼湯河粉$48雞翼同湯河是分開上的，這樣比較好，我見雞翼炸得好脆及金黄，小朋友食落都喜歡，食得一個都不留底，湯河粉有紫洋蔥等配菜，食落十分滋味。生牛肉湯河粉$48只有這個是生牛肉同湯河粉放在一起。我見生牛肉新鲜，要把生牛肉放在湯河粉大约5分鐘才熟。加上紫洋蔥，香草在河粉內，食落好滋味。真是一個錯的選擇。小食拼盤$88有金黃的雞翼，越式的春卷，有虾餅同幾件火腿片，也有一些羅白丝。這些都是我的至愛，食落好味，滋味無窮。烤肉串$35一共有三串，炸得剛剛好脆，食落夠淋及

朋友剛剛從越南回來，他說很掛念越南的美食，我只好推介我認識的寥寥數間越南美食給他，他選擇了這一間，我們便一起去吃晚飯。這裏的食物價格在荃灣來說是比一般便宜，而且食物的質素也不錯，我選擇了一個炸蝦餅飯，朋友選擇的是豬頸肉飯。炸蝦餅飯賣相很吸引，而且不會太油膩，而且蝦肉炸得很彈牙，味道爽口鮮味，點了醬汁，味道酸酸的，令到我更加開胃。朋友選擇的是豬頸肉飯，豬頸肉是半肥瘦的，味道甘香，而且豬肉很肥美，也不會太油膩。我還叫了一杯牛油果奶昔，味道甜甜的，不會很重牛油果味，而是充滿奶香味。

見到openrice咁多好評，但黎食個下午茶睇下係咪真係咁好食。首先一入到去，就已經覺得地下唔係好乾淨。姐姐安排我坐卡位之後，我發現張枱好多積，好似好耐冇抺過咁。我都算喇，因為有唔少餐廳都係咁。嗌完野食，就望下擺係枱面個罌辣椒醬。嘩，啲陳年積多到呢，我真係唔敢用。唔好以為我未去過茶記食，係喥大驚小怪。平時茶記啲醬油都會有積，但啲積唔係多到咁，又唔會乾到變到勁深色。之後，熱檸水到⋯⋯兩枝鐵匙𡙡都好唔掂，有枝有異物，另一枝啲茶積厚到一個點。好彩個杯同啲碗碟係白色，咪如果都唔知點飲同食入口。講番啲野食先，我地嗌咗個F. 生牛河$48同H. 咖哩蟹肉海鮮法包$48。生牛河同平時食個啲有差距，個湯底怪怪地，成件事唔係好夾。個法包同我想像都有分別。我以為係好似一般越式法包咁夾住啲料，原來係一片片法包，咖哩海鮮另上。咖哩海鮮冇咖哩味⋯⋯定係同一般咖哩味道有出入。總括黎講，佢係價錢平，但質素麻麻，衛生好差。一定唔會再食。