. 今次行開千色廣場附近 去左呢間米線食晚餐🍲 因為未食過就試下啦 . 老闆推薦食佢既招牌米線🍜 1號 湖南麻辣牛肉米線🌶️🌶️🌶️ $59 因為小編唔係好食得辣 不過又好想試吓佢嘅招牌菜式 所以老闆就將牛肉同埋湯麵分開上😇 好細心呢 . 湯麵係豬骨湯底 米線份量剛剛好 仲有幾塊黑木耳同菜😋 牛肉份量多 都有幾嚿大嚿嘅😍好正🙌🏻 . 呢度既湖南米線係用正宗煮法☺️ 牛肉就做左岩港人口味 肉質都好厚實 有啲煮得幾腍 係用咗成四十幾種香料整架 色香味俱全呢🥰 . 小編好鍾意食海帶 見到佢有個涼拌海帶 就叫咗半份小食嚟食😚 $16 正常發揮😊 . 總括嚟講呢間可以再去食啊😆 下次再試吓其他推薦品先😋 . 🥢常得館湖南米線 (元朗) 📍元朗西菁街30號地舖

. 小編聽同事話啟豐都好多嘢食架 所以今次就去啟豐商場搵嘢食😜 小編不嬲都鍾意食米線 所以揀咗呢間新記雲川試吓 . 小店入邊呢環境唔算大 都有幾張卡位 坐得都好舒服 環境整潔乾淨 老闆娘細心介紹餐牌 . 最後揀咗 香濃沙嗲湯米線🍜 $33 3隻大漠孜然雞翼 $26 涼伴木耳青瓜🥒（BB辣） $28 薄荷味乳酸 $14 . 小編好鍾意個沙嗲湯底 好濃味 啱晒重口味嘅小編 小編差啲成個湯底飲晒😜 其實個米線係可以加餸嘅 不過小編想試吓小食 所以就冇叫到加餸😊 . 平時去其他餐廳食涼拌 都冇得點樣揀辣度 今次可以揀到BB辣 小編就食到 仲要成碟都食晒 青瓜好新鮮好爽 木耳又好大塊 真係好好味呢🤤 餐廳調味得好好味 仲有小編鍾意嘅麻醬添😊 三隻雞翼好大隻 啖啖肉 孜然雞翼醃得好入味 食三隻好似唔係好夠喉添🫢 . 最後試咗杯好特別嘅薄荷味乳酸😊都幾大杯㗎！ 味道好特別 薄荷味清新 乳酸酸酸 夾埋一齊唔錯😊 . 🥢新記雲川風味川辣米線 (屯門) 📍屯門湖翠路138號啟豐商場地下1C8號舖

. 今次同朋友去咗元朗呢一間海南雞專門店食晚飯 平時都好少行開去呢一度 原來呢度有間咁正嘅海南雞專門店都唔知道㖭！ . 舖頭係小店嚟嘅 專做街坊生意 入邊大約有10張枱 我哋坐卡位都幾舒服 . 今次叫咗無骨海南雞飯 配黃薑飯$58 會跟個紫菜湯 主打冇味精 有啲肉碎 鮮甜可口 海南雞冇骨 真係食得好暢快 肉質嫩滑 完全唔覺得好肥 仲要大大件 雞隻係來自龍崗嘅自家農場 用粟米🌽去飼養 比原本會養多40日 . 另外仲叫咗一個咖喱牛腩飯 好有港式嘅味道 牛係用牛肋骨 所以都比較腍 薯仔都好入味 比較爽口 . 飲品我哋加咗夠薑柑桔梳打 同埋椰香紅豆冰 小食我哋叫咗豬扒 煎得好香 唔會好硬 比較乾身 岩岩好 . 我同朋友諗住下次再嚟過試吓其他嘢食 因為佢其他嘅嘢食都好吸引㗎！ . 🥢凱悅海南雞專門店 (元朗) 📍元朗教育路130號安樂樓地舖

. 今次同朋友去到呢間喺啟豐商場🏬既米線店食晚餐🍲 餐廳有幾張卡位 坐得幾舒服啊 店員好細心咁介紹一啲皇牌推介俾我地 . 最後我地揀左 新記招牌粉$62 入面有埋香茅魚餅、冬菇、墨魚丸腩肉、豆腐 、木耳 湯底揀左 香濃沙嗲湯：蔥味沙嗲，唇齒留香🤎 餸菜我地揀多左魔芋花 $10有4粒！ 呢個魔芋花太特別 其他餐廳都未見過呢❣️ 外型係一朵玫瑰🌹黃色的 好吸晴 本新魔芋花無咩味道 爽口 浸一浸沙嗲湯再食會更好味🤤 . 小食我地叫左雞翼雙拼$48 太漠孜然雞翼、香烤麻辣雞翼 仲有香烤豬頸肉 配蒜容辣汁 $52 另叫腐乳通菜 $26 . 小編比較鍾意食雞翼 兩隻味道都食得好滋味 麻辣唔算好辣 知小編本新都唔係好食得辣都食到呢🤭 朋友就鍾意食豬頸肉呢 好肥美 好入味 腐乳通菜就正常發揮 份量都好多呢😙 . 晚市好多人黎食呢 小編今次黎 見到要排隊等位的🤣 . 🥢新記雲川風味川辣米線 (屯門) 📍屯門湖翠路138號啟豐商場地下1C8號舖

. 今次去咗屯門呢一間餐廳食晚餐 餐廳係喺盈豐商場隔離 一個相對比較寧靜隱蔽小小嘅地方 行入去就見到玻璃幕牆 餐廳座位唔算多 不過坐得好舒適 亦好適合情侶朋友聚會 喺一個適合傾偈嘅地方😚 佢仲有室外嘅地方 Pet Friendly架😊 . 今次叫咗dinner set C 新鮮海膽蟹肉意粉🍝 $248 套餐包是日餐湯 是日頭盤 黑糖麵包🥯 小編加咗個鵝肝多士 $68 嘢飲要咗芝士奶蓋烏龍水蜜桃茶 . 呢個一人餐真係超級飽 食到小編最尾嘅時候上意粉都食唔晒 值得一讚嘅係牛肝菌湯 味道超級濃 口感細滑 小編成碗飲晒 黑糖麵包搽牛油都唔錯 一定要趁熱食 是日頭盤係八爪魚沙律🥗 正常發揮 芝士奶蓋烏龍水蜜桃茶都係正常發揮 略嫌有啲甜 至於鵝肝多士真係一定要嗌！唔嗌小編覺得會走寶！ 一啲都唔膩 小編覺得煎得啱啱好🤪 得一塊真係唔夠喉 如果有多一塊就好啦😋 最後就係海膽蟹肉意粉 唔好見佢海膽好似唔係咁鮮色 其實佢都甜甜地㗎 份量仲要唔少 意粉類似卡邦尼煮法 所以相對會有啲膩 所以小編食到最後都食唔晒啦！ 不過總括嚟講係好好味既🥰 絕對襯得起價錢🥰 . 🥢Dineland (屯門) 📍屯門良德街3號豐連地下1號舖

. 今次我地平日7:00pm去呢間餐廳食晚餐 起初無咩人 之後夜少少 人就愈黎愈多😆 相信啲街坊都幾鍾意食呢間呢🥰 . 我同朋友叫左呢個兩人套餐 貪佢咩都有啊 同埋唔洗逐樣叫 套餐點都抵啲既😙 . 前菜沙律壽司刺身串燒 主食烏冬飯甜品飲品咩都有 岩哂我地食🥰 飲品係半價 （可樂就無半價的） . 前菜沙律🥗好開胃 有蕃茄🍅 刺身都好肥美 有5款 唯獨其中一舊有少少魚骨🥹 . 壽司🍣都有八件 壽司飯比較特別 係深色啲的 味道同平常的無太大分別😊 . 主食有燒牛肉 牛肉份量okay 味道好入味 一人一兩塊大塊咁 . 脆炸魷魚🦑軟骨 食落我以為係雞軟骨😜 炸得香脆架！ 朋友仔鍾意❤️個飯 由於小編食左烏冬太飽 都無試到呢 . 串燒有4款 2個人分 數量岩岩好 有蕃茄仔 獅子狗 煙肉🥓腩肉片 肉類有少少鹹 幾入味的 最後甜品係焦糖布甸和菓子🍡 唔錯的👍 菓子皮厚度合適🤏布甸🍮味好濃 小編幾鍾意 . 二人套餐 $388 飲品半價 連加一服務費 . 🥢花火漁屋 (屯門) 📍屯門鳴琴路1號山景商場地下123A號舖

. 今日同朋友放左工黎呢間餐廳食飯 呢間餐廳我哋都係第一次嚟 環境幾舒適 梳化位好舒服 好啱傾偈 裝修都好靚啊 好有心機佈置呢 . 餐牌好多選擇啊 都有晚餐set 我哋都揀咗好耐 最後揀咗 . 雙重芝士松露野菌薄餅 $158 呢個薄餅要趁熱食 芝士好濃 冇得頂😍 估唔到有驚喜的 . 火焰鎮江汁意大利飯 $228 店員會喺你面前既碟倒一啲酒 然後拎火槍點着 就會見到火焰啦🥰 又睇得又食得 牛骨髓好好味🤤 我同朋友都仲想食多啲🥹 意大利飯都好軟綿綿 軟硬度剛好😚 必叫必叫！ . 跟餐有餐湯+牛角包 配椰香芒芒 $68 椰香芒芒偏甜 椰香奶味好重 夏日之戀 $48 好新鮮 真係好夏日 有梳打 冰冰涼涼🥰 . 呢間餐廳可以再去呢🥰 . 🥢Couple's Kitchen (元朗) 📍元朗教育路63-69號福照樓地下2-3號舖

. 今次放工後去左虹橋附近搵野食啵😋 就一於試下呢間嘆撈啦🥰 一落天橋就到架啦😚 . 今次試佢既撈麵😙 大盛 嘆撈 $69 多啲餸 就一於試呢個啊😋 手斯雞🐔＋木耳+豬頸肉🐷 +牛柏葉🐂＋鹿茸菇+青瓜🥒 仲有其他甜品食架 不過今次無試呢 . 每樣都有幾塊 唔算好多 咁多樣加埋就唔覺得少 撈麵正常發揮 今次小編叫咗BB辣 小編都食到 大家食得辣嘅 可以試吓再辣啲🤪 . 白桃烏龍茶 一入口就有好多白桃味🥰 . 🥢嘆撈 (屯門) 📍屯門井財街15號金銘大廈地下4號舖

. 今次放工之後去咗屯門華都商場 記得有個同事講過話呢間嘅飛碟幾好食 夜晚屋企又唔煮飯 就一於買黎試吓啦🥰 . 呢間只係得外賣 冇得堂食 外賣盒都包得好好 就算搭車要成半個鐘之後先返到屋企 每一樣嘢都仲係熱辣辣😚 都唔會倒瀉 . 落咗單之後 大概15分鐘就可以拎啦😚 即叫即整 都整得幾快㗎😇 可能咁啱唔多人排隊呢 . 小編覺得一定要試飛碟 佢係菠蘿包皮咁樣架 炸得好鬆脆🤩 個人認為飛碟好味過厚多士 牛小排 軟殼蟹 韓式辣炸雞🫰🏻 小店嘅辣唔算好勁 小編唔係好食得辣都接受到🥹 . 可以加$12有一個小食😝 今餐食完好滿足呀🥰 下次可以再嗌其他野試吓 . 🥢BaoBao Planet (屯門) 📍屯門屯利街1號華都商場1樓65B號舖

今次同男朋友黎到奧海城三期食晚餐 呢間我哋都未試過呢 環境幾舒服 座位闊落 裝修好精緻 好適合🈴️情侶傾計💬或者一大班人聚會 又有酒飲 真係一個gathering好地方 . 我地叫左2樣野食 招牌海膽明太子蟹籽忌廉汁燴意大利粉🍝 $188 有啲偏鹹 海膽都幾好味 甜甜的 又大塊呢 明太子諗住會有啲啲辣 不過又唔覺呢 . 紐西蘭羊鞍扒 $268 有三塊 都算大塊 味道偏淡 點點鹽會吊番味出黎 或者點點燒汁都會比較好 伴碟蔬菜🥬正常發揮 有少少生 比較青 薯蓉都幾多 食哂都會飽飽😜 . 一坐低會有餐前小食 $45 今次係提子包兩塊 比較乾身 如果有牛油🧈/果醬會更好 . 仲有一杯苿莉花鮮奶 $58 朱古力曲奇沙冰 $68 呢兩杯都係正常發揮啊😀 . 🥢Cocina 3 Tapas Restaurant & Bar (大角咀) 📍大角咀海泓道1號奧海城三期地下G22號舖