小越廚

營業中

休息中

支持小店！呢間小店屹立左喺荃灣都唔短時間，有好多街坊客嚟食，我就係其中一個。如題，兩杯都好好飲！左邊係芒果沙冰，芒果超甜超濃；右邊係牛油果沙冰，超級濃郁好足料！叫咗晚餐，再加配小食，魚露雞翼香噴噴熱辣辣～越南春卷真係好有越南嘅風味，真係有啲似係越南食到嘅春卷，外皮好脆好鬆化！扎肉撈檬都幾抵食，扎肉好濃味，有蒜有芽菜有香葉薄荷葉，整碗檬粉好清新。咖喱牛腩法包，咖喱牛腩同埋法包係分開上嘅，用麵包點咖喱汁，再配牛腩一齊食，都幾得意。

自從在越南當地吃過一次車仔檔的越式法包🥐就完完全全愛上了佢💕回到香港也不時想吃一下越式法包🤤🤤🤤🤤一直聽朋友說荃灣有一間越南餐廳有好味的越南法包~~這次是為著法包而來的~~呵呵呵~~🤭🤭🤭🤭越式法包 ($48) 🥐法包烤得香香脆脆~餡料十分豐富~~❤有札肉、辣椒啦、芫荽啦、甜酸腌蘿蔔啦、薰蹄啦………………😌😌😌😌配上醬汁~一啖咬落去~☺層次豐富~~味道十分十分之好~🤗🤗🤗米紙蝦卷 ($44) 🦐米紙薄薄的~煙煙韌韌~~每一舊都有好大隻大蝦~~🦐👀內裡有超級多蔬菜🥒🥦🌿~~感覺很健康~~但值得一提的是平時我們通常沾魚露吃這兒則配以一個花生醬花生醬稠稠的~~有花生粒粒~~🥜🥜🥜別有一番風味~~值得一試~~😎越南滴滴咖啡 ☕來越南餐廳必飲~咖啡香濃~~配上煉奶~~🥛正正子~~牛油果奶昔🥑看樣子好像很膩嗎？不不不~🙅‍♀️淡淡牛油果香味~~🥑🥑🥑喝著的感覺好清新~~非常值得一試~~💃💃💃可能餐廳是小店地方不是太大餐廳放置的雜物貨物較多~~有少許不太整齊的感覺~~🤔🤔🤔🤔但這兒的食物的味道🍴絕對會令你放低餐廳環境專心品嚐美味的一頓越南餐呢~~😉P.S.越南的車仔法包令人還在回味中~~💕💕💕

荃灣有好多小餐廳，每間餐廳都充滿特色。呢間越南餐廳也不例外。環境需比較狹窄，但也坐得寬敞，我話屋企人一齊食晚飯。細細餐廳，餐牌都幾多選擇。首先叫個拼盤，蝦肉炸到外脆內軟，又有春卷，餡料充足而且飽滿。有撈檬粉又有普通米線米粉，而我就選個特別的蟹膏米線，鮮香蟹膏，沒有蟹肉沒有海腥味，但有蟹味，又有豬血和豆卜，豐富不單調。一人份量。配埋個冰爽椰青，原汁原味，非常新鮮，大大個，清涼解渴。唔錯。平民餐廳，街坊價格，可以接受。

今次我們去了為處荃灣享和街的地道越南小店 50幾蚊連飲品 都算是平民食堂泰式咖哩蟹肉海鮮 配 越式法包 ($58)泰式咖哩蟹肉有很多小魷魚，味道濃郁，再夾埋越式法包大啖大啖咬下去 非常惹味牛油果控必點!  (跟餐$25)飲完一啖後就停不了口，牛油果愛好者必點蟹膏湯檬 (豬紅 , 豆卜, 雞蛋蟹膏,札肉片) ($55) + $3 C0T這個蟹膏炒雞蛋，不太試得出蟹膏味道，蛋香略為蓋過蟹膏不過蕃茄湯酸酸甜甜，味道精新另外我們再加追一份魚露雞翼 + 春卷普通炸物 過下口癮 增加下卡路里給吸收

Lunch唔知食咩好，就響近公司果條車房街覓食，見到呢間野，就抱著試試既心態入去，估唔到有意外驚喜。午市套餐既定價都偏平，大約40幾左右，咁我就揀左蟹膏湯河粉。呢個蟹膏河粉超足料，有大大舊蟹膏，入面有少少蟹肉碎，非常邪惡，食完膽固醇超標咁滯。湯底都鮮甜，夾埋河粉食，好快就食哂成碗，食完仲覺得有少少唔夠喉配菜方面，有豬紅、豆卜、蕃茄、同埋札肉片，都幾豐富，不過有個蝦頭，但冇蝦肉食，唔知放黎做乜。跟餐仲送埋野飲，我就叫左熱檸水。

無論你喜歡濃口味，淡口味，還是需要開胃的餸菜，越南料理永遠都不會令你失望。而今次所選擇的小越廚都沒有令我失望。十分開胃的小食，吸滿了魚露的扎肉卷十分之美味；亦可沾一點餐廳提供的花生醬，亦有另外一種風味。令人喜出望外的咖喱蟹肉海鮮飯，除了香辣的咖喱味，你還會嚐到海鮮味，味道一流，而且份量十分足夠！即叫即炸的越式小食拼盤，放入口的時候，熱滕滕的春卷和雞翼都炸得香香的，沾一些魚露來食更加美味，我想這就是家庭式餐廳的優勝之處。跟之前的拼盤一樣，都感覺到是即叫即炸的，美味程度跟預先炸好的根本沒有辦法可以相提並論，這款小食絕對是必點小食。生牛肉湯河粉是我每次必定會點的主菜熟，熱滕滕濃郁的湯底配上半生熟的薄切牛肉，十分美味，最重要的是，我在吃完後不會感到口渴，這個才是最重要的事情。

前一排同朋友去咗呢間＂小越廚＂，餐廳地方雖小，但都坐得舒服嘅😍另外，餐廳有各種越南美食，提供左各式各樣嘅餐牌，滿足適合嘅需求。價錢都好抵，免收加一，而且有餐飲，仲有牛油果奶昔，好特別呀！食小食嘅時候，餐廳會提供埋醬汁，令食物味道更濃郁美味！椰青必飲之選，好好飲，好有新鮮味道！雞翼一碟有四隻，美味可口，入口仲滲透出魚露嘅味道！有河粉同埋檬粉有蔗蝦，製作方法好特別，而且仲食得出有 竹蓆味道，值得一試！

見荃灣呢間小越廚食評幾好。早幾日去荃灣做野前想去食。點知4:05去到他半掩鋪。原來已經落場。。崩潰了。因為外面30度我行到去竟然關左門。最後我響附近食左薯粉。大家去時記住他4：30至6點係休息時間。我摸門釘係我自己沒留意openrice啫今日做完野勁餓。一於坐多幾個站去荃灣食。去到小越廚 1：50。午市客差不多走哂。睇下有乜野食先好有是日精選。另外原來他2：30仲有下午茶。差吾多野食但平幾蚊。沒得加配小食非常街坊小店有d似深水埗第一郡我叫左香茅豬排撈檬 ($43)可以+5蚊要多1個餸。我要左魚露雞翼。5蚊2隻超抵。個撈檬黎到好大份。好多餸本來好開心睇賣相覺得好正。點知咬一啖個香茅豬排超級乾鞋。。我想死塊豬排舊舊都乾鞋沒半點肥肉(人同豬排一樣。完全沒半點肥係好吾掂既)。仲有舊豬排完全無香茅味。Why? 點解其他人話他的豬肉。豬排好入味。我呢舊甘樣點通因為無活豬供應。影響左豬排既質素。但係呢類小店應該係用急凍豬㗎總之我中左。。。豬排伏至於加5蚊的魚露雞翼。都幾瘦弱下。但係都香口的。只係偏咸。。但撈檬的金不滿就幾香同開胃反而叫套餐再追加25蚊的春卷。非常yummy好脆口。吾油膩再算食哂檬粉。

好少去荃灣食飯，星期日嚟開荃灣，見呢間好多好食評嚟試吓，點知完全中㐲。。7點到，只見一枱兩個人，都諗住還掂到咗就試吓啦。蟹膏湯檬完全唔知佢想點，啲湯微暖，有個黑色嘅蝦頭同蝦殼？！豬紅好難食，扎肉都感覺放咗好耐咁，蟹膏就原來係加埋蛋煎嘅一pat野，要問先知係蟹膏，因為味道好奇怪，最終只係食咗啲粉，呢碗野真心唔可以賣比人，五十幾蚊，任何一間粉麵鋪都比佢好食好多；牛油果奶昔味道可以，不過連飲管都好污糟，要抺一抹先用得，所以味道都大打折扣

讚：越南咖啡都幾足料既，起碼夠濃彈：呢間係新開張時，堅好味！蟹膏湯濛真係區內無對手，香茅豬似濛都勁入味，結果今次一去，真係差到唔敢想像係同一間蟹濛直頭好似人地食剩咁，有兩個蝦頭係想點！！！湯係微溫既，好曖昧既質感，濛粉一啲都唔爽滑，豬紅黏口，連湯都係無味既環境污糟到不得了，地下黏既，檯上面有杯上手飲剩既水，無人執。收左啲客食剩既碗碗碟碟，全部都放晒係地下，大牌檔咩⋯⋯侍應係集體遊魂，大半場食客都係度問啲野飲野食去左邊，唉總結：絕對唔會再黎。

這天決定跟朋友到小越廚吃既晚餐，這是一間平民餐廳，位置不多，位於荃灣廣場附近，價錢合理～我跟朋友選了兩個小食，一個越式法包跟一個檬粉。我們點了越式蔗蝦跟蝦餅，兩個小食。兩個小食比較下，越式蔗蝦比較特別跟少見～在蝦的中間會有一條蔗。蔗的甜中和了蝦的膩。而蝦餅則是水準正常，彈牙厚身。越式法包，我們選了手撕雞口味。整個包非常足料👍🏻飽肚感👍🏻香茅牛肉撈檬，這間店的酸汁偏淡。份量挺多的。我吃慣了重口味的調味料，這個撈檬就不太適合我了，但我朋友是挺喜歡這個撈檬的～

因星期三某百貨公司做減價，所以去咗荃灣行街， 買完嘢開始肚餓，去附近睇下有咩食， 行過兩條街發現有一間做越南菜嘅小店， 價錢幾貼地所以入去試下。魚露雞翼拼越南春捲雞翼醃得幾入味，幾香口， 肉質都唔會太乾。春捲炸得幾脆口， 餡料有粉絲肉碎木耳等， 配個酸汁， 幾開胃。烤肉串肉串嘅肉質有啲似中東嘅kebab, 味道方面佢係用咗沙爹調味， 食落幾香沙嗲味。雞絲湯河雞絲似係用雞髀肉做， 肉質唔錯， 個湯底清清地幾鮮甜， 加上有羅勒葉， 令湯底嘅味道更豐富。咖哩牛腩配法包法包喺上菜前會烤熱， 個包幾鬆軟， 咖哩牛腩嘅份量都幾多， 又五大舊牛腩， 幾抵食， 醬汁嘅咖哩味好重，唔會太辣， 幾好餸飯或者點包食。牛油果奶昔第一次飲牛油果奶昔， 感覺幾清新，好重牛油果味。

平時去荃灣多數都係行商場，不過聽講商場外圍都有好多好野食，今次就試下嚟食越南菜呢度裝修純樸，坐得幾舒服menu有好多選擇，價錢算大眾化見佢有自己嘅推介，就跟佢嘅推介揀左D野食呢個椰青幾香又多水份，食東南亞菜真係必飲米紙扎肉卷原本係叫蝦卷，不過可能受歡迎好快賣曬，店員就幫我哋轉咗扎肉卷呢個卷好豐富，除左肉，仲有蔬菜同檸檬葉，夾住一齊食好清新小食拼盤我地揀左雞翼同春卷，兩款都炸得好香脆香茅牛肉撈檬天氣咁熱，食撈檬係最佳選擇呢個係餐牌推介之一，成個檬粉連牛肉嘅份量都好多佢個汁食落似係落左魚露，所以唔洗落好多就已經好夠味，酸酸地夠開胃雞絲河粉呢個河粉湯底好香肉味，河粉好滑，但夾起唔會爛哂，仲食到條條口感，幾有驚喜呢度雖然唔係華麗裝修，但勝在店員好nice，令人坐得舒服，相信下次嚟行街都會再嚟食飯

咖喱唔熱，冇咖喱冇辣味冇椰香，淨係得個咸，係好咸。湯檬粉唔熱，又係好咸。豬肉法包，除咗個包係脆口外，啲豬肉又咸又凍。衛生環境十分唔掂，樓面有四隻烏蠅扒住牆身成粒鐘都冇人理。dark shop feel剩得我地一枱客，都冇人嚟汁下張枱。總結係，貼錢買難受。

今晚越式晚餐在街坊小店的小越廚享用。我的蟹膏湯檬，第一次嘗試蟹膏炒雞蛋，蟹膏甘香加埋蛋香，幾特別，幾正喎！蕃茄湯底完全冇油膩，仲有鹵豆腐、札肉片、豬紅、蕃茄、金不換香葉.....，和不可不吃的爽滑檬粉！我的特飲牛油果奶昔$25，比較清淡，牛油果清淡味道是正確，也啱我的口味！來到吃越菜，生牛肉湯檬$55也是不二之選，仲送餐飲熱檸檬茶，生牛肉浸在熱湯裏就剛剛好，吃到鮮牛肉味道，和獨有的越南牛肉湯底味道！香矛豬肉湯檬$56，小店餐牌推介有3隻手指公「讚」，當然要試試，碗面呈現香料十足，豬肉和湯檬都足份量，不過，三碗湯麵檬比較，香矛豬肉湯檬就比較多油少少，相信是豬肉關係，但味道挺不錯。特飲青檳梳打加12，冰凍又又抵飲呀！我們分享一份越式手撕雞法包$48，造型頗佳的越式法包有豐富饀料：生菜、手撕雞、甘筍絲、木瓜絲、青瓜片、牛油.......，香脆法包口感嚼勁，但太厚身不能一口咬下，只好斯斯文文逐小品嘗。三件芒果糕共$24，有芒果肉粒，糕身比較綿糯，欣賞芒果糕不會太甜。題外話：小越廚餐廳貼上很多手繪圖畫和迷籐具用品，頗有趣味。