小越廚

營業中

休息中

到荃灣唔知食咩好，最後黎左呢間食。同男朋友兩個人叫左個二人套餐。主食叫左一碗香茅豬排湯檬轉蟹膏湯底，同一碗豬頸肉湯檬。個人十分喜歡個蟹膏湯底，雖然要加八蚊，但值得！（雖然食完返到屋企好渴）另外個豬頸肉都好香，好好食。小食選了蝦餅同烤串燒。蝦餅貌樣一般，但食落又可以。至於串燒我地幻想係豬牛雞果種，點知原來係似台灣香腸既東西😆😆😆最後我地加左個咖央法包，講真食落似奶黃包多d，但法包夠脆，當流心奶黃法包食都幾好味。埋單二百都唔洗，但食到好飽，食物來說都算抵。但鋪頭人手唔多，上菜都要等一陣，同埋服務員雖不至於冇禮貌，但冇乜表情同比較冷淡。