小蓉麵家

營業中

休息中

朋友住大角咀,我住深水埗,約新食飯都係太子最放便,係正大家既大間點朋友仔最近有感情煩惱,約左出黎食飯,小蓉麵家我之前去開,好食好坐又唔趕人走,仲要夠平價錢都係$30+ 2杯熱柑桔,好味,真係有粒柑桔係入面小食點左炸水餃,好香口,又脆上湯浸菜心,好清好新鮮菜心好爽口,葉深綠色朋友的雲吞魚蛋麵魚蛋好彈牙,雲吞蝦肉好脆麵質都好有口感我就指定食呢個南乳豬手撈麵豬手好淋好入味,好多骨膠原食物簡單但味道一D都唔簡單~~~

今日難得早收工，終於可以陪下媽媽一齊食晚飯啦！就黎新年，陪佢去旺角花墟提早買定啲蘭花過年。買完我地就係附近搵野食，見到小蓉麵家，門面好乾淨企理，就入左去啦入面裝修唔錯，乾淨整齊，唔似普通街邊魚蛋粉鋪殘殘舊舊咁。選擇都幾多元化，唔想食粉麵，可以食飯！我同媽媽各自嗌左碗細蓉（雲吞麵）同牛腩河，等緊果陣見到台面有樽醃蘿蔔，覺得幾特別，好少同類型既鋪頭會賣埋自家製既醃菜。味道都唔錯喎！好開胃，媽媽試完仲拎多左幾塊黎食主角終於黎啦！識食緊係要試左個湯先啦！牛腩河個湯底好正，啲牛腩好易入口，唔會太老/太乾，粉既份量都岩岩好，雲吞入面既蝦係新鮮彈牙既！加多碟綠油油既芥蘭，終於食飽啦！連個湯都飲埋！有機會再經過附近，一定會再黎！

是日返夜開工前黎太子幫朋友買啲野🙈搞掂正值放飯時間🍴還掂要早餐都未食一於黎食碗麵醫下肚先🤪位於太子界限街既小蓉麵家🍜喺太子站A出口經彌敦道直行過黎都算方便😆呢度環境裝修以石磚塊及傳統為主題☺️用上雲石木枱木櫈亦盡顯傳統特式😆以傳統環境及開放式麵檔做襯托😆亦配合著高質素麵餸☺️🍜家傳牛腩麵以家傳秘方煮出家的牛腩風味亦盡顯用心👨🏻‍🍳☺️牛腩夠哂爽口之餘煮得夠腍嫩😋🐮根腩比例平均🤤脂肪比例均勻食落亦油香滿溢🤤配合爽口既幼麵亦係絕配🍜☺️炸招牌雲吞經高溫油炸煮出既雲吞🤤外皮食落熱辣脆口之餘🤤蝦肉內餡滑嫩入味依然🦐😋形造出外脆內軟既絕佳口感😆☺️以打響招牌雲吞既名聲🥟😆自家製豆漿小蓉自家製作既豆漿甜度適中😆豆味都夠濃郁的☺️🥛

今日忙到甩轆，下班後實在沒心情回家做飯，老公提議去花園街買些乾貨水果，然後再到附近搵食。記得之前路過太子附近，見到有間主打手工鮮蝦雲吞及家傳牛腩的麵店，門面光鮮，而且環境乾淨企理，提議過去食碗雲吞麵。店子位於界限街 38 號地下，店內地方不大，不過裝修幾有格調，帶中國傳統色彩，而且除了圓檯外，入面更設有卡位，所以坐得十分舒服。翻開摺疊式餐牌，食物以麵食為主，有湯麵、撈麵、雙拼系列、特色麵，另外亦有飯類套餐，小食和飲品等供應。老公想食飯而我就對麵食較有興趣，一於各取所需，然後再加兩款小食同兩杯飲品。先來的冬菇牛腩飯 ($42)  賣相不俗，牛腩和飯分開盛上，面頭的冬菇勁大隻，而且非常厚身。牛腩半肥瘦，入口腍而不爛，食落既 Juicy 又帶點嚼勁，軟糯鮮香。墊底還有幾塊蘿蔔，夠腍夠清甜。我點的雲吞水餃麵 ($37)  亦接著送上，麵條擺放屬傳統格局，以匙羹輕輕墊高。雲吞共有三粒，另外亦有兩粒水餃。雲吞紮實形靚，有金魚散尾，蝦和豬肉比例各佔一半，入口啖啖肉。水餃包得夠實淨，兩啖一隻，皮薄滑口，而且鮮蝦、豬肉、筍和木耳等齊備，口感層次豐富。麵條分量適中，食落有麵味，入口夠曬爽口彈牙，久浸不腍。

太子食飯選擇都算多，但裝修靚仔環境清潔的小店的確難搵，今天中午去左一間叫小蓉麵家的餐廳，除左環境不錯仲平靚正抵食添。三十零蚊一個麵，仲可以揀雙拼，有小食，油菜，就算一個午餐套餐也是40零蚊。雲吞墨魚丸麵，蝦子雲吞大大粒，墨魚丸好彈牙。加片酸蘿卜，開胃又爽口。套餐配野飲，我地揀左凍豆漿。牛腩飯，牛腩同飯分開上，份量十分滿足，牛腩燜得好爛，入味，夠冧。配合湯汁撈飯好正，不算太油。仲點左兩個小食，一個系炸雲吞，一個系炸墨魚丸，香口好送飯。

朋友喺外國返嚟香港度假,一落機就話要食雲呑麵，話好掛住香港嘅野食佢第一餐就話要食雲吞麵,我就帶咗佢去屋企附近嘅小蓉麵家,餐廳裝修唔似傳統嘅雲吞麵店,反而似一間cafe,裝修古色古香,朋友話果然時代唔同左我地兩個都order了一個牛腩撈麵,朋友仲想試埋炸雲呑&炸魚皮頭餐廳提供了酸蘿蔔喺每張枱，我哋等食嘅時候就不斷食蘿蔔,酸酸的很開胃!!! 大約5分鐘後牛腩撈都到了,每件牛腩都炆很很淋，很有傳統風味..值得一讚朋友仔不用10分鐘就食哂炸魚皮頭都很不錯，夠彈牙,朋友仲話想encore!炸雲吞簡直一百分,我地都很喜歡炸雲吞脆卜卜嘅外皮,入面的蝦亦好彈牙朋友話下次要再試埋其他粉麵類

星期日剛巧碰上拍戲現場，有明星睇，👀了一陣，肚子餓，遠遠見到這間面店，一行人入店醫肚果然美味，真是lucky day枱上有一樽醃漬蘿白為前菜，令小妹食不停口🤤叫了碗雲吞麵，原來非常超值，大大碗，只是$30元，況且湯底清香，面條無梘水味，而云吞也大粒,蝦肉豬肉比例剛好，絕不欺場👇🏻小食即炸即食，熱辣辣，香脆可口，特別炸云吞入口索索聲😋這個南乳豬手令人刮目相看，大大件，腍度適中，不會太腍，或太硬，並有咬口，南乳汁也剛好下次一定再encore因為食物美味，掛住食，沒有拍下飲品照片☺️

今日同D朋友去運動場做運動，之後諗住過去太子嗰邊搵食！過馬路嘅時候望到對面有一間招牌光亮新裝修嘅店舖，原來就係呢間新開嘅！行去睇一下原來係食雲吞麵，唔怪得知叫做少蓉，我估應該係^細擁^嘅意思吧！個名真係有意思。之前冇見過應該開咗不久，裏面裝修中國特色！古典優雅！咁就吸引左我入去裏面除咗主打雲吞麵之外，仲有水餃肉丸牛腩等麵食，比一般牛腩粉麵多一點選擇，還有他們比較多嘅就係小食類別每一張枱都有他們之家制嘅葉蘿蔔，酸酸甜甜，唯一不好的就係蘿蔔太大片，提供的匙羹太細，我哋同同枱嘅客人都弄掉食物，令食物浪費！但係員工提醒又唔可以用筷子，衛生問題都正確嘅！不過容易浪費美味的食物就可惜一點！南乳豬手麵：豬手入味，夠林！肥肉同瘦肉比例均勻雲吞墨丸麵：丸夠彈牙，雲吞裏面隻蝦夠大隻，一口一啖，招牌真係好味炸招牌雲吞：香脆可口，入邊仲好多汁，但係出邊就炸到脆卜卜最後來多杯豆漿！這裏嘅價錢唔貴，可以舒服嘅環境食碗我哋嘅傳統雲吞麵！值得推介

男友極喜愛食麵，今日同男友去左花墟買花，行行下見到小蓉麵家，男友話如試下，我當然唔會say No la環境簡潔明亮，中式枱櫈加上花鳥璧畫, 好清雅鮮蝦雲吞麵~大大隻的雲吞有四至五隻，湯底有大地魚的香甜味，加上大量的韮王，幾鮮甜每次食雲吞麵我必然會預先調校一碟調味料~辣椒醬+紅醋，酸酸辣辣，用來點雲吞一流雲吞皮唔算薄，但有蛋香，大大隻蝦爽甜又彈牙，豬肉的比例剛剛好，不是太瘦，有少少肥膏，所以食落很爽口麵完全沒有鹼水味，值得一讚麵質煙韌有彈性，算是不錯柱侯牛腩撈麵~牛腩份量頗多，跟上湯一碗，無味精牛腩肥瘦均匀，柱侯味濃，肉質腍中帶爽口，幾有驚喜香炸黃金魚角~魚片頭炸得金黃，裏面的魚肉非常彈牙，魚味十足，點埋泰式酸甜汁，好惹味炸水餃~外皮炸得脆卜卜，裏面包住大大隻爽甜的蝦，少少肥的豬肉和木耳絲，非常可口的小食熱柑桔~解渴又開胃，非常潤喉

假日常過來旺角買魚用品偶爾會過黎光顧一下，簡簡單單又一單假日人流極多，等位不算太耐今次選了水餃牛丸撈麵，附送的大地魚湯味道清甜水餃皮薄餡多，木耳爽脆，豬肉鮮味口感甚豐沒有膩感，以皮薄餡靚來形容就最適合不過！可惜的是麵條帶濕鹼水味強烈，希望下次再黎會有改善小食炸墨魚丸，炸得金黃香口，沾點甜酸醬食更滋味油菜清甜無渣，都算大碟，吃得滿足自家製豆漿喝起來不太甜，很解渴最愛每枱都有酸蘿白，幾乎食了一半，爽甜又脆口

肥妹仔星期六下晝去咗太子嗰邊做嘢，做完嘢之後差唔多食lunch時間，所以就同咗肥媽一齊去太子嘅小蓉麵家食飯。五香牛筋撈粗  $34佢嘅牛筋份量唔少，每一條牛筋都煮到非常軟淋，好香滷水汁味。而佢嘅撈粗除咗係一般嘅醬之外仲撈埋牛腩汁，食落去好惹味。另外呢個撈粗仲會令上一碗應該係柴魚湯食黎送麵食 ，湯底非常香， 味道濃郁，不錯。南乳豬手飯  $42肥媽就叫咗一個南乳豬手飯，佢嘅豬手份量好多，有三大件豬手，炆得非常軟淋，每一啖都充滿南乳汁，味用嚟撈飯一流。佢嘅皮唔會油膩，豬肉亦不太柴。炸招牌雲吞  $28今次呢冇食雲吞麵，所以都叫咗個炸餛飩當小食食。佢嘅雲吞入面餡料好多，有鮮蝦，有肉，味道不錯。外皮炸到香脆，點上甜酸醬好食。炸墨魚丸  $28肉質都幾扎實，有一粒粒墨魚，不錯。凍檸水凍柚子蜜

本小姐係面食愛好姐人妻C小姐帶左我黎食呢間面食 佢話好食又平 仲要勁近我 竟然我會唔知🤔🤔地鐵站行大概5分鐘就到 平時我都好少行開呢邊又難怪我唔知ge樓㡳好高冇壓迫感 裝修走中國風 好大氣有自家制酸蘿蔔作前菜 酸酸甜甜好好食 仲好爽脆Tim野食選擇都幾多有湯面 撈面 同飯 仲有菜 小食咁出名面食 梗係食面啦我地我地各要雙拼面我就雲吞牛丸面人妻餃子墨丸面另叫左魚片頭同生菜生菜份量都幾多 新鮮好味道魚片頭果然名不虛傳 炸至金黃色 食落好彈牙 一定要食墨丸水餃面湯底清甜 面彈牙有咬口 水餃好大粒 真材實料 入面有大蝦 蝦肉唔霉 加上菜同豬肉比例超好 墨丸就正常味道雲吞牛丸面雲吞又係另一必食之選 爽口彈牙 豬肉肥瘦比例非常好 食落帶有肉汁 面㡳都係咁好食熱檸水同熱柑桔

眼見全場嗰個都食雲吞麵 ，不過我最鍾意食嘅並唔係細蓉，而係牛筋河🐂🐂🐂 每次喺到一間新嘅湯粉面餐廳我都會試下佢個牛筋河😝😝😝呢度嘅牛筋好滑，炆得好林好入味，但又不失Q彈感😍 牛腩湯好濃，比d河粉吸埋啲湯😋一絕 !!!另外我order左檸樂， 係懷舊玻璃樽可樂!!!! 😆 Like !!

見人打卡食雲吞麵🤔寫住手工鮮蝦雲吞🤤 一行兩人其中一樣就係食佢啦🥰🥰🥰另一樣等我睇下餐牌先🤗傅統麵家👏🏻應有盡有😊大約有10張台左右☝🏻上菜都好快手👍我就叫左鮮蝦雲吞粗麵加紫菜😳（$34)鮮蝦雲吞真材實料！皮薄一咬d 蝦就爆曬出黎👏🏻蝦咬落彈牙唔會鯹☝🏻😎 粗麵條條分明，唔會痴埋一注👏🏻😌好食朋友叫左五香牛筋河🥣（$29)牛筋，好滑易咬，但唔鬆散🤗湯河配腩汁是必然既配搭😍同埋小食一齊開心share☺️👅炸墨魚丸（$28)墨魚丸本身彈牙爽口！炸左就有兩重口感外脆內彈👏🏻☝🏻炸水餃($28)外表炸得好脆，咬得去「索索」聲，但又唔會太油膩☝🏻👏🏻👏🏻平均每人$72 🤗

今晚happy hour飲完酒天氣凍凍地，真係想快d衝返去屋企大覺瞓，於是就喺附近揾左間麵鋪，醫醫肚，就諗起附近既小蓉麵家！入到麵鋪首先傳嚟湯底既香味，夜晚9 點幾餐廳準備收鋪，不過仍然仲有大把人嚟食麵，可能有d同我一樣飲完酒或者準備去飲酒既朋友，亦有收工回家前嚟食晚餐，外賣人士也不少，餐廳員工同熟客有講有笑，相信除左麵好食外，賣既應該仲有一份人情味！麵鋪主打傳統既雲吞麵類，招牌都有好幾樣，好似雲吞，牛腩，魚角等，有d仲只能做單餸麵，不設雙併！落完單就睇下我最鍾意食既辣辣油質素如何？ 都算幾香，辣度適中，中規中矩！先嚟到既係檸樂，勝在冰底極多，落冰一d都唔孤寒，好有傳統餐廳風味我叫既魚角雲吞麵好快送到，睇落好有傳統麵店風味，湯底有大大陣大地魚既味道，配上清香既韭黃，令味道更出！至於個麵底幾煙韌彈牙，無梘水味，仲帶點點蛋香，如果份量可以再多就更值一讚！雲吞入面既香甜鮮蝦真係好大隻，又彈牙，令雲吞好有咬口，雲吞唔只餡料，皮都幾靚，又滑漏！另一個餸魚角就魚味十足，幾有咬口，既似食緊魚蛋，又似食緊炸口腐咁，滋味十足！食完晒d麵同餸，我覺得個湯好鮮甜，又無咩味精，於是我飲下又一啖，飲下又一啖。。