小肥羊 (已結業)

星期二晚一行七人坐貴賓房, 最低消費$1000. 了鴛鴦湯底, 麻辣邊真的很辣, 不愛吃辣的就不要點了.叫了熟料方面, 好吃的有羊肉小籠包, 燒羊排骨, 至於羊肉串, 則燒得太耐, 硬崩崩的.生料方面, 較為出色的包括羊肉拼盤, 羊肉丸, 鮮滑, 鮮木耳, 肥羊粉, 其他如菜,菌, 皮餃, 蟹子墨丸則十分普通.招呼方面, 普普通通啦.有機會的話, 應該會再試

等位:BOOK 左位都唔一定唔洗等, 佢地BOOK位既POLICY係有點問題. 可能唔敢同打電話來既客講"SORRY無位啦要第二個時間先有". 環境: 地方都幾大, 枱唔係放得好密, 唔會太嘈, 此點乃係最得我歡心. 其他無什特別可說之處, 一般酒家咁樣.食物:外觀來說, 羊既新鮮程度算OK. 吃到果陣羊酥味, 口感唔會鞋. 最奇唔洗用醬油, 經理好細心咁同我地講話, 我地D湯水係夠味道所以最好唔點醬油. 愛好點火鍋醬油既我, 的確有少少失望啦. 我地叫左個鴛鴦湯底, 辣果面直頭係正式麻辣鍋果隻, 有成幾碗花椒乾+蒜頭+八角! 愛辣要去試下啦. 另叫左象拔蚌, 唔係特別鮮味, 但加埋個火鍋底就有D 新鮮感, 值得試試.服務K冇乜特別好唔好. 但如果侍仔多D笑容當然最好啦. 知客好唔好人就唔知啦, 因為是次我地不用等位~ 不過等位果到真係細. 氣氛奇怪地TENSE. 佢地都要諗下囉.

Food Quality:-Strong taste of lamb. Love it! Especially the mutton belly which contains high fat concentration... particularly yummy."Fa Gloud" (Flower Plastic)... a big bargain. $35 per dish. So tender that even my nearly toothless mom can eat it without difficulty!The soup is excellent. Full of herbs of all kinds. No need for any soya sauce.Service:-I have gone to the Mongkok branch 2-3 times. Never been to others. Agree that the waiting time is unduly long. But to be fair to the resta

旺角間小肥羊真係千祈唔好去試！１．訂位︰訂咗８：３０位，都要等到九點幾先有位，問企門口嘅 兩個阿姐，黑口黑面話唔等得咪唔好等！２．湯底︰入座後，我地叫個清湯，我班朋友第一次嚟食，梗係急不及待就涮羊肉，點知涮完後試咗一口，覺得無味。我就試係啦，個湯真係一點味也沒有！３．服務︰我班朋友就問侍應拿豉油，侍應又真係俾呀！但係都係燶口燶面，掉底就走，驚住又有野做！我建議大家如果第一次試就真係去銅鑼灣第一店試，你就知道天上與地獄嘅分別！

同一大班好朋友團年,一早訂左8:30貴賓房十二位,我地早左10分鐘到,諗住早一d去就早一d食,個女侍應話要等,第一間房就俾我地...我地都預左book左位都係要等架喇,但你地估下我地等到幾點...係成9點2先有位,我地睇住其他人陸續上樓有得食(無訂位的),我地仲未有位,點都有d慶啦,走去問幾時有位,0個個嗌位0既女侍應就燶口燶面話就得架喇,埋緊單架喇,到左有位俾飛我地上樓時,佢個樣惡到好似想殺人咁,好悔氣咁俾張紙我地...我地未食已經好不滿...論食方面,個湯底係好入味(我地選左清湯底,但已經好濃味,好多材料),食物都好ok,尤其d牛同丸類好過出面其他火鍋店,唉,但一見到d侍應,無表情,唔願serve我地咁,佢地咁樣其實好趕客,長遠唻講,d客唔會番唻幫襯架....我地14人,由於貴賓房關係,最低消費$1200,我地食左共$1667,連tips每人$120..其實以質素而言呢餐唔係貴,都幾飽添,我地咁多人,可以試好多野食不過,少人去的話,我相信閒閒地都要$200一個人,如果要我地等咁耐,又要睇d侍應面口,仲要唔係底食的話,我諗食過呢次,我就讀唔會再去多次喇

今晚本想同朋友去試下, 儘管聽說服務差, 都諗住應該好食, 點都試試. 本來想book位, 但佢話7:30不能book, 於是, 我就7:15去等位, 當時已經好多人了. 一邊等位, 一邊等朋友, 卒之, 等到8:15齊人, 心諗好彩重有兩張檯就到. 但眼見人越來越多, 而且, 佢開始叫book 左8:30的人入座. 如是者, 我地等極都未到, 人又超級的多, 就連d人想迫埋去拎飛都拎唔到, 甚至係d人想走都走唔甩咁......心諗, 咁唔係路架喎, d人只會不斷來, 最後等到8:45終於走了!!!我班朋友狠批呢間食店, 話佢地o既management很差很差, 而且我見兩位知客姐姐的態度實在很差勁...... 我終於明白到點解有網友話去呢間野食飯搞到好似乞食咁!!!一間食店, d 野再好食都無用啦, 服務咁差, 真係食唔落了!!!(注：我無食過, 只係俾到服務, 環境同乾淨分)

平時見好多人排隊,昨晚終於第一次去小肥羊試下,看見餐牌都唔平,主打會叫的羊肉及牛肉最cheap的一種都要$58一碟,如果好食都唔緊要,但只覺一般,他們會將羊肉片捲成一捲捲上碟,好似好大碟,但一放落湯,嘩!嘩!--------即溶,原來好似紙咁薄!打邊爐唔少得緊係枝裝可口可樂,大多數外面酒樓賣緊10元3枝,你估下佢賣幾錢支? $ 9 元1枝,有無咁貴呀?食左幾碟野和食左個什麼南瓜糯米飯,見唔多好食便走,埋單都要$500元(共3個人),又貴又唔好食!都唔知點解咁多人排隊。還有後遺症就是今日呵左5次!

although the review here for the restuarant is bad, we went to try as it is recommended by my friend.six ppl booked 7:30. they called me the seat is reserved at 7:20. I was stilling shopping at that time. when we arrived at 7:30, they ask me to wait for next table. we waited for nearly 45 minutes. the lobby was very crowded.we had 羊肉拼盤, 蒙古肥牛, 羊肉丸拼雙丸(墨丸+蝦丸), 蝦丸, 蝦, oyster, 白蘿白, 粟米珍珠荀,珊瑚蚌, 桂花蚌, 羊粉(粗), 金菇, 油麥菜, 魚皮餃, chinese mushroom, 魚皮, eel, fish tofu, fish slice, water squid etc. the 羊肉is very

早訂了桌子，也得花15分鐘排眾而出才能拿到桌子，但一上樓卻安靜得彷如兩個境地。雖只有5個人，也毫不吝嗇大點特點。要了鴛鴦湯底就只有我吃麻辣，公筷我也無需用。點了兩盤極品羊肉拼盤、蒙古肥牛、青荀、凍豆腐、蟹籽墨魚滑、皇帝菜等，埋單近千元。食物質素一般，叫價可說太貴，可是湯底真的很好，燙過的東西不用點醬油。麻辣湯底很香，層次豐富，只嫌它油而不辣。(2004_12_27)

尋人同女友去小肥羊食野叫左好多野好好食樓面介紹好野俾我地食正~~

我上次去mk 食，d野真係幾好食，但我覺得佢地既服務態度"超好"囉...有兩個經歷令我覺得佢地服務態度"好":1) 我女朋友同我朋友打邊爐都一定要豉油，咁我地見面無豉油，咪問侍應哥哥啦，咁我都好有禮貌咁問...我:『唔該俾碟豉油』侍應哥哥:『我地d湯好夠味，唔駛豉油』我:『但我地想點豉油....』侍應哥哥:『唔駛架啦，我地d湯真係好夠味!』我:『咁豉油駛唔駛另計!』侍應哥哥:『唔駛!』我:『咁俾兩碟丫!』我只係想要兩碟豉油，唔明點解要講咁多野囉....第二件事，呢件真係好過份....我地見個d湯越來越少，咁就同侍應姐姐講...我朋友:『唔該幫我加d水丫~』侍應姐姐:『加湯咋喎，無得加水喎!』我朋友:『咁幫我地加湯丫』侍應姐姐:『咁加湯定加水呀?』我朋友:『加湯丫!』我朋友講錯加水，都唔駛咁串d客架，真係估唔到有d咁既服務態度仲有我地食左兩個鐘就崔我地走，但係無人等緊位都照崔我地，都唔明點解....小肥羊係我過咁多間食肆服務態度最差既一間!

上星期同屋企人去左旺角小肥羊到打邊爐.... 真係食到一肚氣... 時間又趕... 因為佢分時段的... 我地食6 點半到8點半..... 食得好趕...未食晒d野就要你埋單走人....而且仲比個Waiter激死.... 因為我地食食下發覺係D墨魚丸到有酸味.... 咁咪同個Waiter講...個Waiter問我地想點...我屋企咪話cancel囉... 咁ok啦.. 我地又冇咩野.... 點知後來發覺越食越酸個湯底... 最後我地找數時...我姑姐就同個waiter講有d咁既問題出現... 我地只不過係好心講下有d咁既事o者... 點知個waiter d 態度哩...超唔掂.... 完全好似當聽唔到你講野咁...完全係冇反應咁對住你... 連望都唔望下我地.... 真係越諗越興... 之後果日我前就打去小肥羊頭訴佢.... 叫個經理比個滿意既答復我... 點解佢既Staff 可以用D咁既態度去對待客人.... 但係等左幾日都冇答覆...

11個人...要左個鴛鴦湯底....麻辣果邊好辣...食食下頂唔順....都係攻番唔辣果邊.....叫左好多野食: 羊4色拼盤..羊腩..手切肥牛...白蘿白..豆腐...粟米珍珠荀...珊瑚蚌...桂花蚌...帶子...油麥菜..生菜....魚皮餃...雲吞...水餃...羊粉(粗)...四寶丸(羊+豬+牛+魚)....貢丸...竹笙....腐竹...蟹子墨魚滑....金菇....秀珍菇....等等...臨尾再叫一客蔥油餅....D湯底好夠味...所以冇豉油供應....雖然我麻麻地鐘意食羊...但係湯底都唔會一浸騷味...我覺得D蘿白&豆腐吸哂D湯..超好味..個個都搶住食....(唔記得叫個麵...自製車仔麵添)....我見好多人都投訴呢間D服務態度唔掂...但係我又唔覺喎...我地有訂檯...訂左2030...2045先入座...由於我地坐偏廳...所以加水斟茶果D都自己黎....成班friends 食到後尾勁影大合照...D亞姐都肯幫我機....又攪氣氛話邊個邊個冇笑....唯一要彈既係....我地帶左蛋糕黎切....叫佢地拎黎...佢地就原個盒上檯...攪到要自己拆盒插蠟蠋.

完全當客人羊古,食物又唔係特別,收費與服務不成正比, 試過一次,下次經過門口都要行快兩步

食物幾好, 但早上飲茶食碟羅白絲酥餅, 食到最後一件發現未熟透, 就搵d侍仔講啦. 不過個侍應唔聲唔聲咁擺左碟野走. 跟住就同其他同事議論紛紛但就冇理我. 咁我就專登唔出聲坐多15分鐘然後埋單直至離去都冇侍應同我提過....完全當冇事發生.總結近來外出飲食經驗: 經濟稍為好，食肆生意好轉就回復以前作風. 正所謂你唔食大把人食, 投訴接受, 態度依舊