小肥羊 (已結業)

好耐無黎過小肥羊, 一見涼番d即刻去“恰下恰下”先一入到去都係成間shop好香辣的羊羶味, 好正!! 咁耐無黎都好似無咩新野, 叫左個餐前小食係涼伴海蜇頭, 味調得唔錯, 味精重手左dd, 海蜇頭唔夠爽口………叫左個什錦羊肉併盤(雖然依然係唔知佢邊塊羊係打邊舊肉…..) 羊寬麵依舊係好滑好入味, 放辣湯個邊真係可以辣到飛起. 羊肉小雲吞$28一打, 雖然細細粒但都好飽肚, 不過無咩羊肉味, 無咩特別. 唐hold都幾嫩口, $18唔算貴啦, 一渣竹庶水淡淡地, 但都算清清熱啦!!service好似比以前改善左, 湯底好似無咁辣但係咸左好多。旺角呢間shop人流始終係差d, 隔離個枱阿叔講野好大聲又三級同埋勁爆粗, 有d影響囉

魚, 肉, 菜等新鮮食物都好, 湯底正, 完全唔使點醬, 但千祈唔好食乜丸物丸, 勁多味精!!! 上次食到各同事味精敏感, 塊面"梗"o

是次到該店食火鍋.. .正想點個龍躉拼盤...但竟偷聽到侍應在談天!!!!原來龍躉拼盤跟本就沒龍躉!!!!!實在可惡!!!!連一間食店最重要"誠信"都無!!!怪唔知得佢生意淡左咁多....大家要小心小心....這大陸店為錢真不知會幹什麼出來!!!

平日下午2點鐘開始食到4點,2個人免茶芥共$88任食,order 食物冇話唔見踪影& 遲遲唔出, 蒸籠點心熱辣辣, 只是腸粉略凍, 但你俾$44食番成20碟點心仲想點呀? 而且一定好食富X & 德X, 雖然要搭枱, 但起碼唔會好似富X咁一張大枱坐成3枱客.所以呢個笑臉係俾價錢o既!

星期日和男友打邊爐,想不到不用等位,兩人叫了: 1) 白菜仔2) 特級羊肉組合,問過部長,包括了羊的幾個部分,但坦白說,我什麼也分不出來,不過肉的確很嫩,不錯!! 3) 羊肉四寶丸,有羊肉丸,蝦丸,"默"魚丸,還有好像是豬肉丸的東西(^_^ 分不出呢....) 4) 生豪半打很鮮, 好吃!! 5) 特級肥牛也的確很有牛味,味道很好,不過$98一碟,貴了點.. 整體配著麻辣湯底(不太辣),幾好味!! 兩人埋單$480,以價錢來說是貴了點,不過幾特色,不妨一試! p.s.最好笑是口多多問waiter湯底裡某種材料是什麼, 他的回答是.."umm.....是藥材吧!!"

dim sum got many choices...just $55...good enough for ppl who like dim sumhowever, just like other said....the service is no good...staff there is very "busy"...no one takes care u much...

今日放工同表姐2個人去食下午茶$40/位+$5/茶芥+加一睇呢度d食評,見咁平就走黎試下~1.黑椒蒸爽肚:黑椒味好濃,幾爽2.紫米鮮椰露:夠甜夠味3.酸辣湯:味道都可以叫ok4.蒙古餡餅:餅脆,餡少~5.小肥羊春卷:好少餡,無乜味6.千層糕:味道ok7.牛柏葉:味道夠晒...正8.海皇瑤柱湯餃:好鬼咸>,<9.蒜茸蒸青口:味道普通10.蒸肉排:比出面酒樓個d實左少少,味道都ok11.玉米餅:好似班戟加蜜糖,但係佢\好實,好難食~12.桂花紅豆糕:有d花花係紅豆糕上面,好有花香味,但本人唔係太好13.內蒙羊肉崧煎薄餅:好粉,無味,又無肉崧味14.涼伴貢菜:唔夠凍,辣辣地~都唔係好差15.醉鳳尖:好似好生,但凍凍地咁食,味道都ok16.招牌蝦餃皇:最好味呢個,皮薄,餡多.正~另外仲叫左碟時菜...食左咁多野,其實大部份都唔好食~得d蒸點心夠味夠熱~得個平字~服務:有個陸軍裝的男部長都幾好,另外一個女部長好cool,感覺好寸呀~其他d侍應個樣唔識笑黑晒面咁...>,<

個次同幾個朋友去食晚飯其中一個就好快到左旺角咁佢就去等位先...點知轉頭我個朋友又再打比我話依家有位了但係個知客姐姐話要9點半左右交番張檯喎(個時大約7點半左右...) 咁我咪叫我個fd張檯唔好要住囉...好多時有限定幾時要埋單既多數都係d任食個d餐廳架啦...佢又唔係好多人排隊等位..做咩要我2個鐘就埋單喎....(可能係我無知..怪錯左個知客)咁最後我地等齊人先一齊去啦(個時都係8點度) 去到都係等左一陣就有位啦~~~唔知係唔係個知客認得我朋友佢今次冇叫我2個鐘要檯了=.="

遊山玩水後，本來被帶往吃大餐，但巴士路經見到「小肥羊」大招牌，不若而同跟老二改變初衷。我亦如上回一樣，撥過「輪」看看是否有位子，晚六點九，可說是二樓的頭幾檯客．．．孔雀石綠的影響下，眼看餐牌「海陸拼盤」上的鯇魚跟白鱔一定無緣相見，只好問店員是否取消此拼盤還是有別的取替，見店員經一輪「上傳」之後，回來的答覆是「此拼盤沒有了」．．．打後的時間當然是他們的「硬銷」時間；不敵，兩輪柯打，點了龍躉菜菌拼盤、羔羊，肥牛配肥羊、蟹籽墨魚滑、魚皮餃、四寶丸、牛骨髓、炸芋片、羊粉（寬）、生根．．．超額了！硬銷的龍躉拼盤：無甚特別，不覺得特別新鮮好味，跟普通魚還是一樣；蟹籽墨魚滑、羊粉：都是老二推介，平時家打火鍋的鯪魚肉我都是捧場客，是次換上了蟹籽墨魚，爽口，我很喜歡；灼羊粉，確實是一個好玩意，灼得久會變透明，較為腍身，入口滑ｏ都ｏ都；灼一會，類似沙河粉，入口煙煙韌韌；四寶丸：都是較為愛蝦丸，爽口得多；炸芋片：失敗之作，一來芋頭本身不夠粉，二來炸得不夠脆身，像是放了良久．．相信若是這兩件事成功辦妥的話，放落麻辣湯底浸泡一番，必定首指之選。鴛鴦鍋減走了一碗紅辣椒，對我而言，只是麻並不辣，但對太上老君跟老二而

因為我本身唔食羊肉，去小肥羊都係因為”就”朋友的。一坐底，ｄ呀姐不繼介紹ｄset俾我地, 但我地又未齊人, 未打算落order住, 轉個頭又第二個呀姐介紹set俾我地, 都幾煩下...不過唔要果陣佢地的態度都好好。開始食冇耐, 我朋友想食豉油, 但點知個男部長唔肯, 不斷hard sell佢地的湯底正, 叫我地唔好用豉油, 哈哈... ...搞到我朋友嬲嬲地, 佢真係想食豉油嘛...最後部長好無奈上左俾我地。但係轉頭又行過來sell多次, 湯底不用豉油都得!! 其實佢講得好o岩, 佢的湯底真係好好味, 正過好多豬骨保, 食完都唔會口乾!! 滿分呀!!另外,我地發現羊粉有少少黑點, 佢地都即刻換過新一碟, 好nice。羊肉我朋友話okay, 不是太特別, 我個人覺得貴左d, 但係為左個湯底, 我會食多次。

週六下午茶兩點開始至四點食物種類唔多,但味道頗佳,賣相亦精緻點心無效率, 但茶水同換碟都夠快冷氣太強,窗邊太陽晒都覺凍.(大)坐得好舒服,$50任食,抵呀.

上次食完之後，我個friend 瀉到七彩，我個胃又唔舒服左幾是，仲以為自己淥唔熟Ｄ火鍋料，今日終於真相大白，據今日生果日報所講：「近期惡菌肆虐，食物衛生備受關注。以蒙古羊肉火鍋等招牌菜式登陸香港的小肥羊火鍋店，其旺角分店原來近月無牌經營，已被當局檢控三次。記者實地調查後，更發現它在對正隔鄰「醫生大廈」廁所的空調系統水塔旁平台，清洗蔬菜及存放蒸籠食具，經本報轉介，當局證實小肥羊違反不能在廚房以外地方作食物業用途的規定，予以檢控。」國內百強企業喎！大家執生啦！

去過灣仔試，今次就去旺角啦，佢既下午茶好抵食，上星期六去食@$45(10% servier charge) 任食。必食推介：蒜香小肥羊春卷涼瓜燒賣口水雞點心上得芒算好快，唔洗點等，服務都唔錯！埋單2人共$99.00 值得試下！

之前去過深圳的分店,食品不太新鮮.今次試香港店,員工的服務態度叫我以後不要再幫襯.

今天中午和朋友去旺角經過小肥羊門口, 門口小姐說有任食和茶市, 於是我們就上了去, 服務唔錯ok, 坐低一看有粉麵餐和特價點心, 都很平, 於是叫了6樣點心, 蝦餃皇, 菜餃, 雪山奶皇飽, 小肥羊春卷, 蒙古餡餅, 羔羊小籠飽, 幾好味. 小肥羊春卷, 蒙古餡餅, 小籠飽很有特色, 推介. 蝦餃皇好大粒, 很抵食, 唔錯, 環境很舒服, 不同普通酒樓一樣咁嘈, 值得推介.