小肥羊 (已結業)

餐單如下：羊肉小籠包烤羊架清湯加辣湯3種唔同位置的羊4寶丸豬蹄根駝峰肉手切牛牛骨髓脆鯇魚頭象柭X生蠔皇帝菜寬粉條油墨菜甜品：咩君子咩、芝麻胡、楊支甘露、蕃薯糖水。其中某D肉類食左唔止一碟…寫晒都無力喇…都唔知點解可以食得到。湯底特別的正，同國內食過的幾間小肥羊都一樣。品質控制的確好。今時今日，真係咪睇小國內的企業。食物好味過盜香，但又未至於令我滿意的境界。

近排夏天, 平日服務絕核既小肥羊, 人流大減, 服務竟然好番左d. 呢期試左幾次晚上去, 結果都唔駛排隊. 不過, 我始終堅持, 要去小肥羊, 還是深圳又平又靚又正.

香港人提起打邊爐真係食到厭，三十八蚊任飲任食包湯底免茶免芥免加一都見過，除左有骨氣Ｄ點心配料仲有驚喜外，總之一見到「任食火鍋」四個字我必定掉頭走，幸好，小肥羊尚未淪落至此。雖然多人等位，但係有幾層樓咁多位，等候時間尚可接受，九點後直情唔駛等，地方寬敞，檯同檯之間隔得幾開，有足夠私人空間；一入到去已經聞到強烈湯底味道，令人食慾一振，湯底祇有清湯同麻辣兩款，孖住上就叫鴛鴦，非常簡單，清湯其實並不「清」，湯底有幾十粒蒜頭、大量薑、紅棗、龍眼乾同一支蔘等等，令到味道非常鮮甜濃郁，無需辣椒豉油調味（點豉油簡直浪費左個湯底啦），先試個極品羊拼肥牛$88，極品羊果然冇乜羶味，肥牛亦算唔錯，可惜$88 蚊既份量連我一個人都滿足唔到，所以叫多個全羊拼盤$128，黎到果然一碟分開四個擺法，淨係知又羔羊又極品羊又羊乜又羊物，有Ｄ羶有Ｄ唔羶咁啦，蟹子墨魚丸幾鮮味，魚餃都唔錯，魚滑就差左Ｄ咯，凍豆腐都幾特別，值得一試。服務大致上都滿意，淨係碟「牛柏葉」韌得滯咬唔入，叫部長收返既時候，條友粒聲唔出黑晒口面就咁拎返走，好似當地黎踩場咁，亦冇講過取消張單定想點？呢種服務態度真係相當唔要得！

小肥羊一向有個抵食午間套餐88 蚊, 四個點心加個炒粉麵, 仲有個涼拌, 十分抵食.今日再去旺角食下午茶, 兩點後原來有個40 蚊點心任食. 星期六日加茶錢5 蚊, 兩個人99 蚊捧住個肚落樓.個Menu 都好多野揀, 有京川滬點心, 仲有炒粉麵, 今日叫左個水煮羊肉炒粉, 不錯.不過我見到隔離枱下午茶時間打邊爐, 真係想行埋去講個"服"字.但小肥羊服務就真係要改善, 我地叫第二個order 有七八個點心, 個阿姐問我地會唔會改少D , 因為食剩要比正價. 我食咁多次任食, 都未比人咁"勸"個, 當然最後都清晒枱面.最後99 蚊找數, 我比左100 蚊, 結果個部長多謝都無聲.但個點心任食真係好抵, 誠意推薦.

今天,我跟幾個朋友提出來這吃火鍋,朋友說今天30度進去已經熱死了,哈哈~~後來還聽我話來吃.進去冷氣很大爽~~~坐下五分鐘大家涷死了,立即來個鴛鴦鍋底,一邊麻辣一邊清湯,服務員也介紹了很多特產,服務一流,很多美食,鍋不停的冒著煙,加上冷氣很涼, 很像是冬天感覺不錯

天雨關係，燒烤樂變成騷羊瘋，五小鬼八點多冒名而來，由於事出突然，星期六晚唯恐無位子，距離門口五十多步，大鬼頭遠望招牌訂座電話，隨即嚷小鬼致電先「排隊」，五福彩數撞巧接待員說若「即刻趕到」便可上坐；說時遲那時快，小鬼已一馬當先到接待處等候招呼，不用久候；被安排坐在近窗屏風位，最適合（嘈到）拆．．．還是說回吃的罷：鍋底：鴛鴦鍋（麻辣／清湯），店員千叮萬囑不嗜辣的，建議撈起一些紅椒以免一發不可收拾。未烚東西前，每人清試湯底一啖，杞子紅棗還有什麼藥材料的清湯很清甜；麻辣湯底麻與辣各參半（互搶不了誰的風頭），很香，令這五小鬼沉溺在麻辣海裡。炸魚皮：可謂小小頭盤，泡浸兩邊同樣精彩，技巧當然忌過腍；肉：乜乜羔羊（大件夾抵食五十八個大洋）一大碟，小鬼們非食家亦懶理什麼部位什麼味道什麼口感，但求一試已滿足；餐單內最便宜的一種羊肉，不太羶；海陸拼盤：還有其他拼盤選擇，顧名思義有白鱔片、脆魚鯇、牛肉、小棠菜、還有什麼菜苗；魚跟菜是最受歡迎，魚肉鮮爽口彈牙，小鬼們不忘遊戲一番，每人來一碗「超級無敵麻辣菜」，怕辣人士請勿模仿；魚皮餃、牛骨髓、生根：必殺「食」系列，尤愛牛骨髓、生根吸收麻辣精華後之美味．．．烤羊排

與友人上深圳書城，收獲不多，不過也算是悠閒地度過半天，之後再往小肥羊晚膳。招牌藥材清湯很是香濃，可惜「師傅」下多了點，鹹了一些。最大錯誤是開頭喝了一小碗麻辣湯，令舌頭的味蕾只剩下三成功力，之後的一段時間都未能清楚品味，失策！另一錯誤是點菜太多，一桌子都是火鍋料，根本吃不消，浪費了不少，而且吃得肚子漲漲，很是難受。不過，這餐還是吃得蠻開心的。

我都有一段時間冇去小肥羊,以前我去這間食店非常之唔開心,但昨日同一班朋友去開旺角行街食飯都唔知去邊道食飯好咪去左小肥羊囉,點知門口班姐姐仔全部換晒,梗係啦以前門口果姐姐仔成日黑口黑面粗口滿天飛,而加這d姐姐仔好好多又有禮貌成日笑~~~~值得一讚這d姐姐仔好又貌~~~~講真呀今時今日咁服務態度要咁先岩咁嗎

記得第一次去銅鑼灣小肥羊打邊爐...雖然等位好耐,但三位知客姐姐非常有禮貌地叫我地等等...雖然都要等左半個鐘...我相信如果唔係好食既話..就唔駛等甘耐啦~~所以我覺得等甘耐都係值既....仲有呀~~~開始柯打食野既時侯~~D侍應都好有耐性一一甘介紹小肥羊最好美既食品~~~~~第一次食仲教我地點樣食唔會影響個湯底~~~所以我同我屋企人經常都會去銅鑼灣店都食....一定唔好去旺角店呀~~D 侍應講粗口鬧人架~~~值得去...一去...試下...

本來就立心唔幫趁香港的小肥羊的.... 因為深圳吃實在平很多和招乎好好多.... 但今日就帶阿媽去旺角恆生大廈睇醫生.... 睇完就去左呢間試,,,,我去到就唔覺門口小姐黑口黑面... 仲笑容迎我們.... 那時約12點中午... 我話2位唔搭台.... 佢就即比位上一樓... 上到去無細台... 竟然比左張6-8人既台我2個自己坐... XXXXD , 因為樓上未開.... 入正題... 招乎都很好, 有禮, 動作唔算緩慢... 我揀了88.00 的點心餐... 包4款點心+ 一個冷盤+ 一個炒粉麵飯+ 2款甜品.... 我地自己加個灼菜18.80 ...論點心選擇就唔算多....但4款上到台都中規中舉喇... 係只喊水角就好厚皮囉.. 冷盤我就揀左海哲... 都ok .... 唔太差... 再揀左個上海粗炒, 呢個就出奇地好wor.... 味道不錯, 其實我想試肉絲2面黃架.... or 堯儲蛋白炒飯, 可惜阿媽想吃粗炒..... 甜品.... 稀d囉... 但都算ok 喇... 送既糖水係咁上下... 的確... 埋單係最快.... XXXD日頭d員工都ok , 沖水, 落單,

與友人舊,佢提議去試o下小肥羊,我就唔係咁願去,因為一來我o係大陸試過,知道香港食好唔抵,二來我見呢度o的食評彈多過讚,但友人似乎很想去,那我亦只好奉陪。訂了八點檯,七點九已經去到,但個知客竟然話要等到八點半"第二輪"先可以安排入座。我們當然提出反對,怎麼訂了檯還得等上半小時?而最大問題係平時擠得水洩不通的地下大堂今天只得小貓三數隻,所以有必要跟她理論。她提議我們坐電梯對出的一檯,可以立即有檯,但我們視察過後認為不能接受,所以繼續同佢嘈。到最後佢都讓步,比我地四個人坐張六人檯。而最最最奇怪的就是我們入座後發現其實是有吉檯的,我諗佢咁做法只係想做個"勢"出來,等人以為佢有好多人幫襯。所以各位下次遇到相同情形就記住點都要同佢力爭!!彈完入座安排之後就要講番正題o勒,先講環境。呢度環境都幾好,光猛同好乾淨,檯與檯之間都唔算迫,而食具都好企理。我地坐低o左之後就落單寫o野,待應雖然少,但都好快見到我地揮手,亦都幾有禮貌。我地叫o左:鴛鴦鍋底、羊肉(最平果隻)、肥牛、鮮牛、魚皮餃、雙丸、生根同兩款菜,而熟食就叫o左窩貼同蔥油餅。出乎意料之外,個湯底好快到,而其他食物亦連隨送上,呢度真係值得一讚,

2005年3月7日放工後，和兩位同事即興地到了旺角的「小肥羊」打邊爐。這是我第一次到「小肥羊」吃火煱。我們叫了一個清湯，牛肉雜錦，羊肉雜錦，手打麵，小籠包，南瓜甜品和楊枝甘露。我覺得那個清湯其實很濃，所以食物不用點醬油也很入味。而那些羊肉卻並不是很特別，不太「穌」，卻不是特別好吃。整體來說，食物不是太特別，但價錢卻比較貴，三個人點了這麼小食物都要$520。

有日放工後，我地一行三人去小肥羊hot pot，叫左個清湯底，ok架，有藥材味，不過就比一般火鍋店的清湯底咸及味濃得多﹗另外又叫左內蒙肥牛，肥羊同唔知咩手x麵﹗味道唔錯，d肉切得好薄，所以好入味﹗我地仲叫左個羊肉小龍飽，但個人都係like 豬肉o個隻﹗整體上ok，不過價錢略貴，但係都幾特別，可以一試囉﹗

早幾日去左尖沙咀間小肥羊食野....嘩...好多人呀.o個陣8:00幾pm,要等位,我地無book位所以要等左好耐,不過門口個知客妹妹就好好人,又靚女!仲話比我地聽大檯可能會返耐少少,因為8:30左右會有好多booking,d booking會優先安排左先o既,不過都會3張booing一張walk-in咁話喎....叫我地可以行一陣街先上黎,唔似得隔離個亞姑咁無d禮貌,叫我地拎張等下啦,齊人先幫你安排....結果我同班朋友行左30分鐘返去再等左2個字就有位la...個知客果然無呃我地,仲o係到同我地講咩好食,好過旺角o個間成日話好快好快,埋緊單,好似搵人企o係門口做free宣傳咁,又無笑容!入到去,我地真係嗌哂頭先choice o個d野食,有極品羊肉,肥牛,蟹籽墨魚滑,肥羊粉(粗),涷豆腐,皇帝菜,象拔蚌,羊排......仲有個鴛x鍋!麻x真係好入味...d waiter都算ok啦....都有反應o既,不過係耐左少少咁,,,可能真係唔夠人啦~埋單$1800幾...走o個陣仲見到余文樂.....勁開心!

上星期日天寒地凍,所以去小肥羊食火鍋.叫左清湯湯底,極品羊肉拼盤,蟹籽墨魚滑,羊肉丸拼雙丸(墨丸+蝦丸),魚腐,菜心.另外仲叫左羊肉串.清湯湯底真的很好,可以就咁"筆"尼飲.羊肉真係幾好食,但好易散開,可能是羊肉碎壓成!最抵食算是蟹籽墨魚滑,新鮮,大碟.羊肉丸拼雙丸(墨丸+ 蝦丸)都唔錯.魚腐就較失望,整極都唔腍.羊肉串落左太多辣椒粉,太辣,而且亦好硬!埋單兩個人四百幾,好貴,夠食幾好的Buffet.