小肥羊 (已結業)

星期6下午, 人不太多, 泠氣幾凍. 食物質素普通, 不應期望有火般的好味道, 前後叫了十幾款點心, 但無一款值得回味,招牌羊肉點心食落無乜羊味, 蒸的點心仲叫做熱, 其他只是微暖.60蚊位, 算啦

今日去食下午茶, 食物可以但十五碟小點心, 頭八個小點要1個鐘先來齊. 後六個都半小時. 最後1個因我等得不耐煩就走了. ps 點心真係好小, 在其他酒樓兩個人吃5碟已夠, 但今次14碟都好似不夠

經常和一班朋友到小肥羊食火鍋,每次大家都抱腹而回。因我們每次都必定要食到飽為止。星期日要等位,又熱又焗就嚟暈,好在公關好醒目,不斷向我們講小肥羊嘅特色,引到我們更肚餓。

星期一至五$40位加一另計星期六,日$40位加一另計茶錢另計坐得舒適, 點心好食,食得超值

聽聞小肥羊幾好..就去試..9:xxpm 去到..兩個人都要等..等15mins..話smokingａｒｅａ　先有位．．肚餓既原固．．都冇所謂．．上到去一睇．．咁多位．．玩咩．．又唔見有人走（係大堂下面）．．可能有後門啦．．哈哈．．湯底．．麻辣一ｄ都唔辣．．甜甜地．．一個字”怪”　　．．淸湯一ｄ都唔似淸湯．．咩都有．．好似成煲藥材湯咁．．又難聞又難食．．．羊肉．．唔薄唔軟．．招牌都咁．．點做落去呀？兩人既消費：５００．．太貴太差．．

經濟好轉，星期三晚九點三位都要等二十分鐘檯，清湯鍋一上檯已經唔多對超，以前湯底係上檯時奶白色，食到最尾之後湯底會變成混沌既河水色，今次一上檯已經係灰灰黃黃（好似循環再用咁），顏色明顯唔同左，果然，食落冇左以前既鮮甜味，淨係得個鹹字！仲愈食愈鹹，成晚唔敢叫佢加湯，淨係加滾水算勒。極品羔羊，冇以前既雪花紋，而係中間一條肥膏，食落羶味好重，肥牛亦一樣咁唔掂，雖然切得薄唔韌，但冇牛肉味又肥埋一面，收得人$88 一碟仲交唔足功課，油墨菜上次食有好大條蟲，叫佢即時拎走，今次冇蟲，不過份量少又爛得好緊要，其餘既蟹子墨魚滑同蘿蔔之類就冇乜問題。湯底味精勁重手，三個人飲左兩楂西瓜汁重要不停飲水，侍應又掛住傾計，叫幾次先應一次，我非常同意下面位食家既食評，相差一個月食物質素低左幾班。好心你收得人成三百蚊位就交足功課啦，再咁落去想有返頭客都好難咯！

小肥羊下午茶好抵食，@$40(再加一)，任食。都有幾多嘢食：紅油炒手、蒜香小肥羊春卷、鮮菌羊肉餃、蒙古餡餅、羊肉包、涼拌涼瓜（正）、什菌肉燥河、蝦餃(OK)、燒賣、蒸腸粉、粥、碗仔翅、XO炒蘿蔔糕、芋頭糕、紫米露、西米糕…味道唔錯，好飽呀！食後都無頸渴。點心上得好快，唔洗點等，服務唔錯，服務員好有禮貌，問佢要筆、點心紙、醋，都無覺得煩！很值得試！

一個月比前左小肥羊下午茶好評, 點知一個用後就要比番個劣評.上星期六, 與女友一同再食小肥羊下午茶. 時間由二時至四時開始, 我們大約三時到達, 三點零五分就落Order. 第一Round 叫左五個點心.大約十分鐘後, 先來了小肥羊春卷, 算OK.點知其餘點心石沉大海, 直至三點三十分, 一共已催左伙記三次, 次次都話追.但係隔枱就陸續有黎.結果好激氣, 想剩係比個春卷錢就走, 結果另外三個點心在三點三十五分才到. 足足等左半個鐘.所謂招牌蝦餃係凍(唔係暖個種), 蝦腸都係凍, 係得個羊肉包係熱的.跟住都係黎左第二Round 點心, 質素都係一般, 亦有漏單.差不多夠鐘, 仲有D 肚餓, 於是叫左個炒銀針粉. 最後都黎番第一Round 的燒賣, 但個炒銀針粉始終無黎. 結果等到四點幾, 伙記問仲有無欠單, 因為要埋數, 我地話仲欠幾樣, 其中係炒銀針粉.伙記跟住話原來賣晒, 跟住話入廚房睇下仲有乜剩, 結果攞左兩碗碗仔翅.結果質素仲差過街邊貨.埋單99 蚊, 比左一百蚊, 諗住一蚊貼士都唔比, 點知道高一尺, 魔高一丈, 無找.國內百強企業, ISO 9001, 唉........

唔錯..!!員工友善,對人有禮,食物好味

開o左咁耐，琴晚先第一次食~ 前一晚o係尖沙咀金巴利街經過已經聞到好大味精味，估緊係小肥羊定係譚魚頭~ 琴晚o係旺角依間小肥羊食飯，一開門又聞到依陣味，就心知不妙.... 死就死啦~ 三個人order o左:鴛鴦窩底- 麻辣同清湯~ 麻辣湯底唔夠麻辣，清湯又唔係清，好多蒜頭，薑，大蒜，龍眼等等，好濃~ 兩隻湯都好重味精~~ d食物煮完都唔駛點豉油已經好夠鹹，所以依度都無provide調味料~ 羊肉拼盤($118) - 唔記得邊四隻喇~ 只知有一隻特別爽口~ 四隻羊肉都唔夠騷，咁會o岩好多人口味，但就唔多o岩我~蒙古特級肥牛駱駝鋒- 煮前一pat o野咁，煮o下煮o下就見住佢硬身同變厚~ 口感.... 爽口，爽到咬唔開~ hahahah!豬潤黑柏頁金菇菜- 幾圓身幾大條喎~墨魚滑- 打得實o左d，唔夠彈牙~桂花蚌魚片魚皮餃- 好濃味~ 皇帝菜($25) - 朋友唔多鍾意陣味~ 我就覺得ok~油墨菜($18)羊肉包子- 兩個起，最後朋友唔食我食埋~ 羊肉唔夠騷，失望~ 蘿蔔酥- 即叫即炸熱辣辣，幾鬆脆，唔多油，幾好味~ 烏梅汁x2 - 唔會太甜，幾好~可能因為流量大，食物都好新鮮~ 但"味

終於有機會食到，八點去到樓下好多人，不過我地有朋友拿了位。上到去好大陣麻辣味，勁攻鼻好嗆喉。不過地下的電線制真係幾唔得，好易kick親。叫左鴛鴦湯底，麻辣真係好鬼辣，我食左一舊唔敢再試，條舌頭痺左好耐。我地唔知叫咩羊好，索性整個全羊組合，好似百二蚊，但分開四part其實唔係好識分，薄薄地都幾香幾好食。哈，其實昨日一知道夜晚食就即刻上黎睇下有咩好食，照住大家推介黎叫。再叫左蟹子墨魚滑，個經理埋黎幫我地撈暈左，幾得意幾特別，不過$45。仲有個八料拼盤好細個，有四樣菜，咩皇帝菜小棠菜等，再加四款丸勁細粒，加d鯇魚片，$88，麻麻地抵。再叫一個寛一個幼的麵，寛的過癮d，透明好好食好入味。再叫多個脆骨鯇，好香。仲有什菌羊肉餃，麻麻地。一jar烏梅汁$18，唔夠凍，鮮榨果汁我諗唔叫好d，因為等好耐又難飲，我地叫左涼瓜汁及甘筍汁，等成十五分鐘，佢話搵唔到伙記批皮，咁都得。不過好似溝糖水咁唔正咯。仲要$12杯!隔離檯問佢擰水飲，經理話九蚊枝因為d雪係咩新鮮雪...四個人埋單$660，都算可以啦。冷氣真係勁涷，小心~

上個禮拜五,去左旺角果間小肥羊,叫左肥牛同羊肉,同其他什錦併盤,湯底係清湯同麻棘,基本上都唔錯.不過,個侍應就成日hardsell D 貴價野,好煩,唔貴唔叫你食.不過我地都係唔彩佢.埋單好貴,3 個人,成7舊水.唉..

星期六晚係旺角間小肥羊竟然無人排隊?? 係咪真係比人劣評得多所以無人去??唯有入去視察下睇下係咪真係咁差!!2個人去都唔駛等, 可能個日天氣太熱啦! 上到去都有八成滿, 有電視位坐, 都係例牌叫番個鴛鴦鍋底, 一個全羊拼盤$128, 羊寬粉$38, 蟹子墨魚滑$48, 2個人食都好夠皮啦!!個湯一到, 即刻飲番個麻辣湯先, 因為真係好正, 但一滾耐左個d辣味一出就辣到飲唔到架啦!! 呢個湯真係好香, 少少咸味中帶8麻辣, 好good!!全羊併盤個presentation好似無銅鑼灣個邊咁正, 不過都係個句, 都唔知佢邊忽打邊忽, 睇樣都有d分別, 有d就多膏, 有d係瘦肉多, 總之片片,都唔會"蘇"又唔會"un", 好食就得啦!!羊寬粉又係必食推介之一, 個粉好滑好爽, 用辣味就食落好刺激, 清湯食落都好滑, 推介!! 蟹子墨魚滑個size比有骨氣的細, 但係蟹子好多, 墨魚都好彈牙, 意想不到的係蟹子煮完都重食到一粒粒喎, 好正飲品都唔貴, $28一渣庶水, 味道都係咁啦, 起碼唔會勁甜個隻, 係火煱店來說一d都唔係貴. 以前d人comment話旺角分店勁唔得, 又唔似喎, 莫非痛改

睇食評個個都話服務差....我昨晚去又唔覺喎我地4個人要同人搭檯，不過係share一間貴賓房一張大檯，而且仲有電視睇，一人一爐....又唔錯喎!清湯鮮甜而真正無味精，清湯既蒜頭勁多，火鍋尾聲仲食左好多蒜頭，非常好味食物方面當然要叫返個內蒙羊肉，唔係好騷，肥瘦適中凍豆腐，好特別，特別於豆腐解凍後索左好多湯汁羊肉水餃普普通通，嗜羊者另一選擇其他材料都係普通食物整體上是物有所值，唯一缺點是冷氣好凍4人食左$660，仲送$500現金卷

1. d電制係地下好危險,我朋友一入到去就差點被絆倒,連隔離枱的電爐的電制都踢甩,我走的時候都同樣被絆住.通風系統好水皮,成晚被麻辣煙吹住.2. d食物真係麻麻,湯底就幾好總括而言,我真係唔想再去lu,x骨氣應該好過小肥羊好多