小肥羊 (已結業)

幾鐘意食小肥羊的點心。因為真正係師傅的手工，點心的皮係好薄的。餡料亦切得很幼細。口感好好。未試過任點任食。其實係抵食的。又有炒粉麵。又有小食。

星期六Lunch第一次去小肥羊飲茶，選擇了$50任食點心，但就十分不快。1. 服務態度差到爆，D高級D既姐仔成日掛住傾計，成日罵D低級員工，好似叫貓叫狗食咁，聽到都唔開心。2. 經常錯單，成日送錯點心，你唔煩我都煩啦！錯單共4籠3. 地下成日濕淋淋都無人拖，管理好唔掂4. 食物質素亦好唔得，例如叫了個蕃茄牛肉E麵，波仔飯D意粉都好過佢多多聲，賣相亦唔得，例如有籠燒賣來，D燒賣係散開的，飲茶都係第一次見。5. 埋單$121，俾$130，等了好久都不找錢，一問之下話等等，等了10min，當跌左算數走人。總之就差啦，大陸企業D管理真係好唔掂。

由佢初初進軍香港開始,我已經係佢捧場客.....我係唔食羊既,但係都俾佢吸引住.....所以我只係食小肥羊既羊........隔左半年無去,今次去番覺得D野開始殘舊,枱面好似好"痴立立"咁....可能佢由朝開到晚....無時間做保養...所以咪易殘囉....湯底不嬲都正....揀左麻辣湯同清湯,麻辣湯係越食越辣....肥羊粉亦係必叫,一碟羊肉(唔記得邊部分,只知道夜晚9/10點得羊肉係半價,所以叫左碟最貴$58),羊肉無"酥"味....炸魚皮好脆...青笋爽脆......好味......

昨天經過旺角見到小肥羊，因好久沒去過食嘢，所以甚麼也不想就入去，想不到一入到門口就覺得好似去到火炎山咁，真係熱死人啦，見到Ｄ等位的，等升降機的，行樓梯的身水身汗！我自己也是！見到Ｄ知客仲好笑，又要聽電話又要報枱又要同Ｄ客解釋，啊！知客Ｄ髮邊仲有紙巾碎！呵呵！我想沒冷汽等位的地方就指旺角小肥羊此一家！上到一樓真係有天與地的感覺，叫咗個鴛鴦窩，羔羊，牛肉，肥羊分........等等，味道超正真係發夢都流口水，整體性來講食就ＯＫ但環境就差Ｄ啦！希望下次再來等位會舒服Ｄ啦！

沒有order二人餐,因怕食剩浪費, Just order a combo of 肥牛肥羊, half half spicy/original hot pot（湯底超正，食物不用點任何醬料）, one veggie and one 肥羊河(寛).份量剛好．very yummy, 一定會再去.　表妹

星期五晚一行8人於尖沙咀嗰間度食, 我哋8個人就俾張枱仔, 格離6個人就坐張大枱. 點安排架? 好啦無辦法啦又無枱轉唯有算啦, 茶嚟到! 跟住睇吓食乜啦, 嗰啲人就擰住啲嘢係咁sell, 嚟完一次又一次, 煩到你暈呀! 咁樣擰出嚟點知新唔新鮮喎? 點敢食呀! 食到咁上吓格離走啦! 哦明白晒啦有大枱坐啲公關咁識霖客, 摸吓抱吓就可以o i see, 不如轉行啦!食物就真係幾好食, 價錢都算O.K., 不過對客方面要檢討同埋檢點啲...

我係下兩格都有比過評語﹗上次食真係好好吃，又夠辣﹗但今次去就……我地有5個人，因為都預自己會食過$1000所以要求佢比間房仔我地﹗點知佢比左三樓一間係最角落既房我地，不過都ok，但後來睇到後面牆身有發霉，令人有d冇胃口﹗冷氣太凍，凍到隻手都僵晒﹗講返食物﹗唔知點解今次個鍋一d都唔辣。上次一開始已經「筆」起一大碟辣椒，都辣到個嘴紅晒﹗今次全程冇「筆」過辣椒，都唔覺好辣﹗唉~~等我仲拉左屋企至鐘意食辣既人去食，比人「潤」到我丫……同個waiter講話唔辣，佢又聽左就算，都冇任何動作﹗d雞肉片唔係好新鮮，有少少怪味﹗另外上次好好食既手切牛肉，今次黎個d太老，咬唔郁﹗原來…上次係太好彩勒，今次先係正常﹗我諗以後冇咩野都唔會去個度食，但係，我真係好懷代第一次既「好好味」﹗

大熱天時食火鍋!!!我都唔想~~廿幾個人唔知去邊食,火鍋最方便喎~本身不食羊,今次例外~因為我根本唔知自己食緊羊,證明佢真係可以壓到d腥味~~唔錯唔錯!!由於太多人可以開兩個爐,麻辣o個個試左一啖已頂唔順,勁飲水~~~清湯底好香~不過擺耐左都幾咸!!! 冇辦法!我地嗌左全包宴,好似千八蚊未計加一,基本上所有招牌菜都有齊,由於男丁多最後唔夠食,散叫多十碟(好變態)~~~點知因為貪心得滯,又掛住影相,又有人早走,最後竟然有五碟是原封不動!!!!好浪費!!!!! 唉~~~~下次一定要衡量過先加單!!

本人於2006年7月6 日晚到尖咀小肥羊晚飯, 6月21日晚飯時該店送給客人$200元現金卷, 當時說1個月內有效, 當埋單時個女主任竟話須要在6月21日當晚於櫃面換正式的現金卷方可使用? (1)為何6月21日不直接給客人正式之現金卷呢? (2)當時那個待應說1個月內有效已誤導客人? (3)當時個經理完全不理會, 只是離遠望吓望吓!!!埋單離開時個經理可以當作唔知情, 直情擰轉頭當睇唔倒. ***錯咗唔緊要, 埋嚟傾吓反映吓, 應該去改進. 身為經理當唔知, 你哋話慶唔慶呀!*** 退休啦!!!

之前係度睇左好多評價，都好驚去到會受到唔禮貌既對待﹗但係約晒人，冇辦法啦﹗惟有懷住忐忑不安既心情去﹗但係去到，又唔差喎﹗可能係我早book位，竟然大一間類似房仔既物體供應比我地(共6人)，我地叫左特級肥牛、本地手切肥牛、特級羊肉、雞肉、內蒙古肥羊粉(寬)(類似呢d名).....等﹗初初都覺得d waitress有d黑口黑面，但係坐落左，又ok喎﹗都識笑﹗上菜亦都好快(可能星期二唔係咁多人)講返食物—最初點牛肉既時候，經理慫恿我地點極品肥牛($108)，話佢既肥肉會分佈得均勻一d，特級肥牛($88)就會比較肥、本地手切肥牛($68)就會瘦d，但係我地冇理佢(佢都冇黑面)，我指住比較瘦既朋友話—佢食特級肥牛，再指住自己(自己比較肥)話—我食本地手切肥牛﹗佢都識笑﹗(好彩)不過，完來最好食既係「本地手切肥牛」，佢比一般肥牛厚dd，但係好有口感，又唔「鞋」，好有質感，好好食﹗另外推介既係內蒙古肥羊粉(寬)，真係好好食其他既野都唔錯﹗註：羊肉拼盆已經沒有供應了﹗湯底：麻辣真係好辣，我地一黎到食左一陣，已經將入面d辣椒「筆」起，但係都係好辣(亦都好好食)建議唔食得辣既人真係唔好食﹗惟一既缺點就係—

前幾日去荃灣個間"小肥羊"真係好掂，今次諗住近近地去旺角呢間，但就麻麻地。同上次一樣叫左個羊腩煲湯底，雖然呢次啲羊腩都ok，但呢次啲配料好明顯差上次好多，上次係新鮮冬菇同又大粒又好食的蒜頭同好多粟米芯，今次係晒乾的冬菇同發晒芽的蒜頭(發芽蒜頭入面的'牙'係有毒的)啲粟米芯又好少，同上次真係差好遠。今次又係叫左一個普通併盤，仲有牛骨髓、新鮮手打墨魚丸同肥牛，全部都好食直得一讚。呢間啲侍應麻麻成日唔見左影又唔執野，我下次都係去返荃灣個間啦....

旺角間小肥羊而家真係超唔掂, 服務差, 食物差, 一行四人去午餐任食, 一入到去, 有好多張4人吉枱, 佢地話要留俾散叫的客, 唔俾我地坐, 要我地坐8人枱, 我地堅持坐四人枱先勉強俾張枱我地. 任食都唔知拎左咩俾人食, 賣相差, 有唔好食.員工又分唔清楚枱號, 上錯點心. 人地唔食唔要的點心, 就好副氣咁話人, 然後就好副氣咁問我地要唔要. d點心嚟到, 見到無位擺, 就是但係張枱到搵個叫做吉位34籠咁放係度(放係我隔離), 然後走左去. 唔知放係每張枱隔離架車仔有咩用呢?好彩唔係係度花百幾蚊食火煱咋, 完全唔值.

女侍應在我們八人點菜的時候，極力推介價值1,880的全包宴。我們沒有點，她往後的態度開始變差了。結帳的時候，連同另一位女侍應的態度也十分不禮貌：她把帳單遞給我的朋友時，表現得十分難為。除此，食物是可以的，只是，你要容忍可能的其差服務。

平日下午2:00...同朋友到小肥羊食"任點任食"下午茶.2人點了:灌湯餃~~~~~~皮厚又乾,味道似水餃多d蝦餃~~~~~~~~細細粒,d蝦唔爽燒賣~~~~~~~~好硬小肥羊春卷~~唔脆,有d韌添紅油炒手~~~~皮厚,肉實糯米卷~~~~~~味道一般,細細件紫米露~~~~~~味道一般鮮蝦腸粉~~~~好凍,不是全粒蝦肉,係蝦碎芋角~~~~~~~~凍冰冰,好油膩所有點心都唔熱,有很多更加係凍添,炸物就肯定係之前炸定晒,全部都唔脆.....難道"任點任食"就係差d.埋單$88,完全唔值呀.......後來仲好鬼口渴添,激氣.

昨天相約一位好友到旺角小肥洋吃任食下午茶的.取位的時候,知客已說可能要撘的,當坐電梯上三樓的時候,連我倆計算在內共2pair,即不是可能而是肯定要撘啦! 這個我也明白,香港地方就是這樣的.當到達三樓時,有一位不友善加上鄉音味十分濃的樓面,帶我們2 pair去座位, 我們還未坐好的時候, 這個樓面用很不友善又不清晰的語氣對我這pair說, 我朋友還問我,他在說什麼,我說先不理吧,實在不知他在說什麼. 後來他再次進來,語氣比之前還差,毫無禮貌的,要我倆坐到最盡頭(入面),他說有客人要坐. 我真的覺得好奇怪,為什麼他們就是客人?而我倆就不是嗎?另外, 其中2 pair是一男一女的,莫非他怕男士嗎????覺得打起來打不過他們嗎??所以才敢向我倆怒吼嗎???這樣就是應有的服務態度嗎??還有不明的,就是這間”旺角小肥洋”竟然連填寫意見的form也沒有,可能他們的管理階層覺得自己管理蠻不錯吧!也有可能是我眼睛比較小,所以看不出來啊….至於食物方面,本來標榜是”即叫即蒸”的,奈何有一些點心是”涼”的.不只是我說,連撘的一pair也是這樣說,還請部長來問,雖然是這樣,我覺得這個”黑衣服的部長”處理事情也